米作飯壽司刺身專門店 (Closed)

炸物皮薄脆口🥰，壽司，🍣手卷，刺身都好新鮮，🍲烏冬好彈牙湯底可選豬骨味，下次開party可來買🍱外賣😋七味燒三文魚壽司好似雪花牛一樣，入口即溶，必食首選😊😊脆味拼盤，椒鹽魷魚🦑，吉列炸蠔，唐揚雞翼，吉列炸蝦🍤下次好想試埋佢既刺身飯同手卷先得

店舖職員衛生意識極低 徒手冇帶手套切豬扒 疫情底下仲要唔戴口罩 另外收銀員收完錢唔洗手又唔戴手套直接掂食物 望到都唔敢食 離晒大普 一定冇下次食爭鮮好過。。。。。！！！！！

本身想食個手卷就算啦~之前食過一次三文魚手卷都OK~紫菜都好脆見到有個豪華刺生丼就貪心叫左一個黎試下都係$58呢個價 日本野黎講算幾抵食仲要有咁多魚生~佢個前菜塞埋落個飯到 (仲有紙薑)中華沙律: 同平時食到既都無乜分別大家貨源應該一樣我覺得個玉子同埋蟹柳有啲乾可能放耐左 有少少失望帶子就幾鮮甜 而且好大方 份量唔算少北寄貝都係三文魚 同甜蝦 都係新鮮既但食個蝦好似有少少腥 唔知係咪我個人既問題下次繼續試下啲手卷

西九龍中心新開小店我發覺深水埗真係好多呢類型小店十幾蚊一個壽司手卷食嘅時候真係令我回想中學時期嘅自己🤣。實不相瞞我細個食最多😁就係百佳超市嘅壽司手卷仲要係同媽咪等到特價時段先買細個食到壽司已經好開心🤭那怕只係出自超市的特價貨。今日響米作飯呢度再食番其實佢比較超市特價手卷真係好食好多倍因為即叫既做👍🏻紫菜仲係好脆而環境方面就比較深水埗其他壽司外賣小店舒服因為佢響西九入面而且佢個位比較靜唔會人來人往又唔洗食塵。服務亦都好貼心❤️食物到左會叫你快啲食左先😋又會同客人傾下計😘幾有人情味大家經過都可以支持一下經營小店真係要好努力的💪🏻

用左Openrice咁耐，都係第一次寫食評。太耐冇食日本菜，又想返屋企慢慢食，行開西九龍，順便搵下食啦。本身好支持小店既我，搵到哩間即叫即做既壽司店。老闆娘態度非常好，見到半開放式既廚房，可以見到師傅制作食品既過程。價錢合理，味道可接受，當然明白到一分錢一分貨，大人細路都讚。帶子夠新鮮，夠厚軟殼蟹手卷好足料，整體黎講，食物新鮮。另外，知道我帶走，好細心咁，手卷既紫菜會原裝包住啲飯，返到屋企都唔會淋左👍🏻會再幫襯，亦請大家多多支持小店既用心😉