米作飯壽司刺身專門店 (Closed)

今日用外賣app落單，叫左自選魚生飯：自選魚生：油甘魚、醋鯖魚、吞拿魚蓉、角切魚生粒碗飯嚟琴我以為自己眼花☺️每款刺身得一塊，幾粒角切魚生加一小啖吞拿魚蓉。如果呢個飯5、60蚊我都接受，但係比左成90蚊咁細碗點收貨啊？比多一塊都得啊嘛？一係你係選項寫埋每樣得一片/一小啖啦☺️☺️比定個心理準備我地你都好意思整呢個飯出嚟😂😂😂😂個飯勁多空白位要攞啲前菜堆上去扮到好滿咁，食完個飯我都唔知有冇一半飽

係foodpanda偶然見到呢間魚生飯，見到d圖都靚靚仔仔，唸著新年流流試下新野，點知幾精彩，唔係驚喜，係驚嚇🙀。係app到見到有得自選，貴啲啲都可以食下，因爲咩都想食下，飯底開始計錢（+23），咁我就揀左馬刀背（+9.6）、明太子沙津（+11.2）、/三文魚腩（+19.2）。點知黎到個份量係咁，有圖有真相🤣，大家覺得抵唔抵👀？！ 唔係一句話我有寫，以一件或一份計，就okay😨。咁麻煩你係每個選項旁邊列名究竟係一件訂一份lol，因爲見到我一定唔會叫😅。同埋，咁點解張圖有每樣兩塊？唔通係雙份既order，咁一份米貴過d大公司😨，憑咩呢？明白係外賣平台係有commission，加價唔係問題，問題係份量唔合理，咁樣做生意，我相信你好難有回頭客🤔。

今日去西九龍中心購物，走時經過1樓見到有間日式料理，發現有松露帶子小丸子，於是買了一份試吓，味道唔錯，松露味好香，帶子味道OK，份量剛好，作為小食是不錯的首選。

今日同朋友出深水埗有啲事做，行經西九龍廣場見好耐冇行所以入去睇下，行到少少餓又未夠鐘食野，見到呢間好多選擇既日式刺身手卷店所以就打算食個手卷填下肚😋😋見到個menu 勁多選擇，諗完一輪決定要返最普通既三文魚手卷😂 即叫即整，但三文魚手卷可能相對簡單，所以2-3分鐘就有得食🙏🏼👍🏼啲三文魚望落都好靚，一條條紋都好均勻🥰，食落口肥瘦適中又唔會有筋，成個手卷有兩塊都ok 大塊既三文魚，我覺得廿零蚊算係咁，下次可以食其他😌😌舖頭仲有幾張枱櫈比客人坐下食野，唔洗企，仲有啲豉油比客人隨便加👍🏼👍🏼

深水埗既然係平價天堂，美食當然一定大把選擇。但日式丼飯深水埗反而就唔當多選擇。經過幾次西九龍中心，都唔覺有哩間鋪，其實原來開左係一樓一個唔顯眼的位置。鋪頭只做立食區，鋪頭前有幾個企位。價錢絕對係非常平同吸引，更平過葵廣。款色類別都多選擇，味道方面，豪華海鮮丼飯絕對性價比最高，哩個價錢你唔會住何要求同高質素。味道正常，食物質素好味過爭鮮。刺身丼飯同手卷絕對係推介之選，性價比最高的食材。壽司類別反而相對一般。

果日係深水埗工作後想食日本嘢，想到西九有好多食店就即刻入去搵食。見呢間【米作飯】食物係新鮮即製，就點了以下美食：豪華刺生丼 $63甜蝦和帶子幾鮮甜，北寄貝、三文魚和玉子都okay明太子芝士章魚小丸子 $38/6粒加咗明太子和芝士，章魚小丸子更惹味七味燒三文魚秘位壽司 $25/3件呢款新鮮熱辣即場製，被火灸過的三文魚油脂豐富，好香好好食軟殼蟹手卷 $20軟殼蟹新鮮炸起，口感香口又酥脆，配埋蟹籽青瓜沙律醬，直頭係正又抵食米作飯壽司刺身專門店深水埗欽州街37號西九龍中心1樓111B & 138D號舖

建議：近西九彩豐行個邊，係泡芙店轉入去就見到到底係太耐無行過西九龍？定係無留意開個個位置？🤔😂 深水步Fd子報料比 #試伏專員 知，西九龍1樓開左間幾好食又唔係太貴既日本料理小店🍣👉🏻 米作飯。今日試左：切角魚生丼 (HK$46)/ 蒲燒鰻魚丼 (HK$48)份量都唔少，女仔黎講夠飽，男仔黎講可能要加番件壽司/小食🍣 見到舖頭前面有細細地既立食區，所以就叫左堂食😌雖然係小店，但兩個丼一啲都唔hea。估唔到唔係用外賣紙兜，係真係用碗上，而且仲幾靚。講番食物，魚生都算新鮮，無出水，無雪櫃味，配既飯係凍既 (你以為好廢up 咩🤣 #試伏專員 真係有食過魚生配熱飯 OMG🤯) 鰻魚飯都唔錯，係熱飯，但個汁偏咸，蓋過左鰻魚味。整體黎講，價錢唔係太貴，見到舖頭仲有啲優惠，例如：星期五+周末限定既 加配三味三文魚壽司優惠只需要HK$10 (原本係要HK$25)

喺西九龍中心入面嘅日式外賣店，有齊各式各樣嘅丼飯、炸物、壽司🍣同刺身，全部即叫即做，價錢都好親民！小店主攻外賣👍🏼店前也有一張小圓枱，俾時間緊迫嘅人可以「立食」～🎉豪華刺身丼 ＄63係店家嘅人氣No.1 丼飯，刺身件件肥美新鮮，而且好足料😍咁嘅價錢真係好抵！丼飯 選擇仲有三文魚親子丼、蒲燒鰻魚丼等等，都好吸引。🎉蟹膏蟹籽章魚小丸子＄34/6粒小丸子係即叫即製，真係熱辣辣😋上面啲蟹膏同埋蟹籽勁多，滿足鍾意食蟹膏嘅朋友！🎉七味燒三文魚🍣秘位壽司 $25燒過嘅三文魚好有油脂香，仲以七味粉作調味真係香噴噴～🎉軟殼蟹手卷 ＄20 裏面隻軟殼蟹夠香脆，好抵食！👀見到仲有鵝肝海膽手卷（＄53）同埋軟殼蟹蟹膏手卷 （$25）😍下次一定要試下～

窮遊香港-深水埗平價日式丼飯.平時去西九都係上8樓美食廣場搵食 原來1樓都開左幾間小店 望落價錢唔貴 如果用埋goodmalling app 買丼飯 手卷 小丸子仲有8折 最平$3x就食到日式丼飯啦 價錢好親民（餐牌睇圖）見到仲有抗疫餐$99 2個飯加野飲叫左⭐️豪華刺身丼 同⭐️蒲燒鰻魚丼刺身放滿晒 碗既表面 有比足仲點左 原只八爪魚小丸子呢個幾過癮 每粒小丸子上面都有一大隻八爪魚而且入面都有八爪魚粒.但現場就得企位 疫情下 又多限制 唔太方便但如果深水埗叫外賣 呢間係唔錯選擇.⭐️評分：味道：3.5/5環境：-/5 外賣服務：-/5 外賣抵食：4/5.#米作飯壽司刺身專門店 #米作飯地址：深水埗欽州街37號西九龍中心1樓111B&138D號舖

Japanese Lunch Set🐟肥美滋味燒三文魚🦀即炸鬆脆軟殼蟹卷小店由兩位師傅打理，即叫即整，款式都好多元化。質素高質，價格親民，深水埗又多一個掃街點啦！

😋親民西九日式丼🍙 Grilled Eel Set原來深水埗除咗樓上美食區之外，一樓仲有間隱世小店，入邊嘅日式丼都幾高質，仲有我最鍾意食嘅完隻八爪魚小丸子，真係好開心！🍘蒲燒鰻魚醬汁香濃🦑爽口完隻八爪魚丸

❣️即叫即做日式食店，食物新鮮，價錢親民❣️提供丼飯、炸物、壽司及刺身 ，還有派對拼盤豪華💗刺身丼（$63）已包括帆立貝、甜蝦、北寄貝，三文魚等，刺身新鮮甜美，份量十足。 軟殼蟹🦀手卷（$20）即叫即做，酥脆的外層軟殼和蟹肉在口裡交融，配上青瓜絲及蟹籽，好好味😋七味燒三文魚🍣秘位壽司（$25）三文魚只燒外層，發出陣陣油香，裡面肉質保持嫩滑。伴上七味燒，味道更有層次！八爪魚🐙原隻小丸子（$38）每粒小丸子上都有原隻八爪魚🐙，好得意😍，食落味道好特別。小丸子亦燒得香脆。

📍米作飯壽司刺身專門店 (深水埗)西九龍中心除左8樓既food court之外，原來都仲有其他隱世小店。😏 今次要介紹既呢間日式食店位於西九龍中心一樓，佢哋以親民既價錢提供多款丼飯、炸物、壽司同埋刺身選擇。店舖唔算太大但係出面會有幾張枱仔，仲會有埋醬油同埋wasabi供應，夠哂貼心呀。𝐼𝓉𝑒𝓂𝓈 𝑜𝓇𝒹𝑒𝓇𝑒𝒹:💛 豪華刺身丼 ($63)豪華刺身丼入面有齊三文魚、帶子、甜蝦、北極貝、玉子同蟹柳等等，超級足料呀！🍣 三文魚刺身係厚切既，仲充滿住魚油的香味，好肥美，唔會有隔夜雪藏既怪味。而其他既刺身都好新鮮，🦐 蝦仲好鮮甜添。💛 軟殼蟹手卷 ($20)剛剛炸好既軟殼蟹非常香脆，仲要勁大隻！😍 而且會加上大量既蟹籽同埋青瓜絲，同軟殼蟹配合得好好，食落唔會覺得太過油膩，好jenggg！💛 七味燒三文魚秘位壽司三件 🍣 ($25)火炙燒三文魚食既時候仲會有少少微溫，好香口。三文魚既油脂比例剛剛好，口感十分嫩滑，做到入口即溶既效果🤤💛 芝士明太子小丸子 ($38)6粒小丸子入面都有大大粒既章魚，好有咬口。🥰 而且上面仲會加上芝士同明太子，係我最愛既配搭！不過就略嫌明太子味道唔算太出。𝒜𝒹𝒹𝓇𝑒𝓈𝓈

今日出開深水埗面九龍，見到呢間壽司又幾抵食咁！忍唔住試左幾款！呢間即叫即做日式食店，價錢又幾親民💗厚軟殼蟹手卷 軟殼蟹好脆口，好大份💗七味燒三文魚🍣呢個燒得好香好好食 好有三文魚油香💗豪華刺身丼超大碗！三文魚、帶子、大蝦、北極貝、甜蛋！好足料嘅一個刺身丼😆夠哂飽💗八爪魚原隻章魚燒🐙特別惹味，係平時壽司前菜食開嘅八爪魚

西九龍中心除咗food court之外😏都仲有唔少隱藏小店☺️就好似呢間位於一樓嘅米作飯日式小店😛價錢親民，而且即叫即做😏選擇款式多，提供丼飯、炸物、壽司及刺身🤓豪華刺身丼🍱 $63刺身鋪滿整個丼飯😌有三文魚、帶子、北極貝、蝦同蟹柳😋三文魚同帶子夠厚身😊北極貝同蝦，亦非常鮮甜😍用料新鮮，口感豐富😉八爪魚原隻小丸子🐙 $38小丸子賣相非常吸引😘原隻八爪魚放響上面🤤八爪魚嘅醬汁配合章魚燒😇又估唔到咁夾，好好食😋軟殼蟹手卷🦀 $20手卷配上蟹籽、青瓜同沙律醬😌加上即炸大大隻軟殼蟹，熱辣辣好美味😘咬落酥脆可口，真係好正🤤七味燒三文魚秘位壽司三件🍣 $25七味三文魚，夠惹味😋火炙處理，質感新鮮😚入口油潤，仲帶點微暖😊米作飯壽司刺身專門店 (深水埗)深水埗欽州街37號西九龍中心1樓111B&138D號舖