三上大阪燒

Open Now

Now Closed

仲記得第一次食好驚喜，始終大阪燒專門店喺香港非常稀有，要食到都唔係咁容易！今次再去食發覺大阪燒個麵粉底好似唔同咗🥹🥹就係食緊一餅麵團咁，覺得唔係好夠熟。見到店員都好有心機做，同埋好有善，希望下次去質素會好咗😚

附近比較少同類型店。叫咗個大阪燒同軟殼蟹另外加咗12蚊有埋小食同飲品。喺商場行咗陣再去攞，前後大約十幾分鐘。章魚大阪燒個餅底幾鬆，中間d菜都幾多，成個餅份量夠飽，幾好食。另外食咗軟殼蟹，正常size, 炸粉唔太厚，有蟹膏，幾好。最後食香芋地瓜丸，煙韌唔太甜，跟主食加12蚊有4粒。好抵食。整體黎講性價比合理，會再幫襯。

到石門附近見到呢間就諗住試下，點知大伏，叫咗個蟹肉蟹膏大板燒，見都成58蚊應該幾高質下，點知落完單後一等就係等45分鐘，咁都算，拎到後打開原黎係一塊餅黎，用飯加菜做嘅餅，入門有啲蟹柳，冇錯就係超市嗰啲蟹樓，用呢啲當蟹肉。。當消費者食唔出。。咁都算，塊餅嘅面就鋪咗層灰色蟹膏，（都唔知係咪蝦膏黎，陣味好難食）一睇就知唔係想像中新鮮金黃嗰只。。然之後個底仲要係農咗，食落去勁苦，等完45分鐘後充滿失落感，呢間野係勁伏，以後都唔會幫襯

等左40分鐘嘅所謂大阪燒，以為有咩咁巴閉要整咁耐，點知係勁求其，仲要唔好食。我等左40分鐘，問佢有未，入面廚房嗌出黎話佢都想快！然後我上openrice原來一直都等咁耐，成間野完全唔會檢討下嘅！完全係垃圾！！

見大阪燒大舖仔 就幫襯下. 叫咗兩個主食同兩個小食.蟹肉蟹膏大阪燒：唔好食，凍凍地 唔係好熱 啲蟹膏好多 而啲蟹肉所幾似蟹柳. 但因為個膏多所以搞到個口感好差 好似肉餅 完全唔似食大阪燒 似食蟹膏醬咁。最主要都係真係太濕。 因為正常大阪燒落碟唔應該濕 係乾身先啱章魚炒飯：難食，啲飯一舊舊 應該炒兩下就上碟 仲要啲飯勁濕痴埋曬一搞 碟野仲要唔熱。蟹籽青瓜沙律： 正常， 份量比想像多. 但都係比較濕吉列蠔：正常size, 正常味道忌廉：正常無過期

Food Court見到間好似幾正嘅大阪燒 同男朋友叫咗一份蟹肉蟹膏飯同一份蟹肉蟹膏大阪燒 見$58都幾抵 +12蚊仲要有小食同野飲等咗差唔多20分鐘先有得拎食落頭幾淡都ok 蟹膏比好多 但蟹肉就唔知係咪真 似蟹柳多啲 不過都算啦先$58個大阪燒食越食越苦 一望個底黑曬…完全唔明點解窿到咁都可以照比客人食…份量係大概 一份已經可以食到好飽 點知食完行咗一陣之後兩個人同時肚疼屙到傻 今日全日淨係食過呢一餐 知咩料啦😢第一次係openrice打食評 唔想見到更多人中伏

只叫左一個大板燒，本身以為好快食得味道不錯，足料但個batter本身好實，口感好奇怪叫左少醬冇少到加上等左半個鐘，之前號碼都拎得都未到我😂😂以後食隔離burger或者撈麵算