三河屋•尾張屋

Open Now

Now Closed

尾張屋係三河屋分店，但一向三河屋都較受食客追捧，而我就比較鍾意尾張多d 位坐得舒服。平日工作上一有唔開心都會走黎食個滑蛋豬扒飯，日文鞋音係勝利，攞個意頭為自己打打氣！食飽重新出發！是晚又重回此地，路經幾間日本餐廳都揀唔岩，突然朋友諗起我以前lunch最愛黎呢度食，但反而未試過晚餐黎，終於可以一試！呢度全日都係同一meun, 無特價午餐。可能因為咁夜晚好似比下午多人客。拿起餐牌，價格無多大的變化，依舊親民(又可能因為周圍都呢d價錢了)。因平時食黎食去都滑蛋豬，一早已決定要食第樣野，天氣少涼下食左定番之一的牛肉鍋，味道很不錯但上枱時好多泡有點醜，這店就是有種家庭味，屋企d蒸蛋咁，好多坑但食慣呢個味。牛肉好多，起碼6,7塊，有等於一pack肥牛份量。加埋個湯，食碗飯一陣就唔見哂。朋友就叫左帶子飯，只係$88, 雖然無而家外面食到既海鮮丼樣子吸引，但材料也不失鮮味。同樣份量都足。攪混後成碗都係蟹子，啖啖都大滿足，帶子唔算好厚肉，不過都鮮甜，呢個價實在不錯。最後再點左牆上meun寫著的免治雞肉棒，呢味真係好驚(喜), 第一次食到係炸的雞肉棒，通常都係燒完再沾上醬汁，最後隨喜好配生蛋食。呢度既竟然

前排日子同一班同學係做完project之後就一齊去咗紅磡搵嘢食啦，咁有同學突然間話想食啲平嘅日本野，咁我哋就即刻諗起尾張屋。尾張屋一向都係我哋我哋會食嘅餐廳嘅頭幾個選擇，貪佢抵食得來，份量就大大份，而且味道好有特色，食落好滋味。今次，我就叫咗一個咖喱豬扒飯，咖喱味道偏辣，但係辣味唔會蓋過咖喱嘅香味。所以，食起嚟會好吊起我哋嘅胃口，每一次我哋都會將所有白飯連咖喱汁食得一乾二淨。而且，咖喱汁嘅配料亦都好豐富，有軟林林嘅薯仔。薯仔吸收晒咖喱嘅甜味，絕對係必食嘅配菜。另外，吉列豬扒炸得非常之香脆，豬扒上面嘅炸粉沾得薄薄的。所以食起上嚟都覺得好係啖啖肉，唔會食到成口粉。另外吉列豬扒亦都係新鮮炸好的，所以上到枱食落口都係熱辣辣的，記得唔好等到最後先食啊！如果唔係凍左就真係冇咁好食啦。最後，日本人服務員服務態度亦都非常值得稱讚，絕對比到人家嘅感覺。所以，如果嚟到紅磡想食又平又好食嘅餐廳，尾張屋絕對係值得推介推薦。

一直想試三河屋的鰻魚飯，但見大排長龍，就到其分店尾張屋試試。鰻魚飯連湯$88湯有點偏咸珍珠飯軟綿綿的，份量很足，鰻魚不會太甜，燒得脆皮，非常香口。中華冷麵$58酸酸的夠開胃，青瓜新鮮爽脆，豬肉夠淋。

一直知道紅hom 屋酒屋性價比高，今晚真心了解非浪得虛名其實平時食開三河屋，但今晚對面隊好長，亦想試下新野，就轉戰尾張屋一黎到，好開心！真心好食ah 個鰻魚飯😳 魚肉好肥美個汁又唔會死甜薯仔沙律都好正呀❤️我覺得好食過三河屋，但對面條隊長勁多，點解呢？🤔anyway, good try, 要再繼續試多d 新野食

周不時睇完戲都會去食尾張屋或對面三河屋，亦都食過隔離街的其他日本菜，食物水準是不錯的。本人甚少寫食評，但今次真係難忍心中之情.....話說當晚入到去都未發覺有咩問題，照常點菜啦，咁女朋友仲未揀到食咩，我話你落左我果個先，一陣再黎。過左一陣佢返黎問我地食咩，然後話得我一個人做野，又要乜又要收銀，我心諗咩意思先，你咁樣同客講野既...都算了。之後發覺唔對路，越坐越熱，問佢冷氣係咪有事，佢話唔好意思有少少壞壞地，然後問佢得唔得比D冰我，佢話唔可以，但你叫罐汽水就可以比D冰你。嘩!!!我真係火都黎埋，你冷氣有事，唔事先同個客講，係大熱天時，你明知冷氣有問題既情況下，連比杯冰個客都唔肯，仲要我消費先有杯冰?? 無野呀....ANYWAY, 食物質素是可以的，但無諗到食左咁多次會遇到咁既事囉!! 講完!!

本蛇從小愛食鰻魚飯，去親日本料理都會點，宜家價錢越來越貴，想食餐鰻魚都唔平，根據經驗，三河屋/尾張屋嘅鰻魚飯就最抵食，本蛇每個禮拜幾乎都要食餐。蒲燒鰻魚係一層層刷鰻魚汁上去咁燒，又燒的透，又唔可以燒焦，火候很重要，好費功夫，自己係屋企整唔到。 呢度嘅鰻魚很肥美，咬落好似溶於口中咁，鰻魚汁層層疊疊係魚肉裡瀰漫出來，邊上燒焦的部分，輕微脆口，伴上下面浸泡鰻魚汁嘅米飯，真係令人大快朵頤。 牛肉鍋也好吃，甜豉油湯底，裡面有半熟蛋，金菇蘑菇，魔芋絲，豆腐，大白菜。先把半熟蛋撈出來拌到米飯中，由於肥牛是生的放入去，靠鐵鍋嘅熱力慢慢燙熟，待一會兒吃，口感最好，最後吃大白菜，此時大白菜軟身了，也入味了。 三文魚刺身也新鮮，一半魚，一半魚腩，伴上海帶，豉油，芥末同食。 燒物需時，要抓緊時間下單，食過燒三文魚，三文魚頭，多春魚，銀鱈魚，鯖魚，都還不錯。最推薦燒三文魚頭，魚鮫係精華啦，燒過後魚頭裡嘅脂肪全融化了，魚頭嘅軟骨也好盡食下，好過癮啊。

原來想去三河屋，不過原來兩間都差唔多。見無咩人就入左去呢間。同場都有三枱日本人係到食呢。叫左出名的咖哩吉列豬扒飯，同埋咖哩漢堡扒。本來以為漢堡扒係普通出面買到個隻，點知真係啖啖肉，中間仲有洋蔥好多汁，好好食不過真係細舊左少少唔捨得大啖大啖咁食另外炸豬扒都唔差，好脆兩碟飯都係珍珠米，至於咖哩汁，真係多到可以飲湯添呀整體黎講，呢間店都算價錢ＯＫ，又好食。會再黎嫁。如果小食平少少就好，因為４８蚊得兩件好細的

提到食日本菜，大部分人都會想到裝潢亮麗，座落大型商場的餐廳。然而，其實一些隱沒於舊區的小店也同樣不容忽視! 於紅磡的舊區中，滿佈了不同的陳舊樓宇，但往往這些大廈的地舖位置卻暗藏著不少具特色的餐廳，而今天介紹的就是兩家地道的日本料理餐廳。為什麼會是兩間餐廳呢? 原因很簡單，因為兩間餐廳雖然名稱不同，但事實上卻是「姊妹店」，除去一些特式的菜式外，大部分都可以同時在兩間餐廳吃到。而之所以說他們都是地道的餐廳，則是因為兩間餐廳都是由日本人開設的，可以說是最地道的「日本」料理。料理方面，兩間店舖同時供應而且比較值得推介的是北海道忌廉飯，這裡的忌廉汁與其他食店相比之下顯得特別濃郁和creamy，入口後有微甜的感覺，完全是白米飯的絕配，當然對女士來說，吃得太多可能會有點「漏」的感覺，故此建議可二人分享。另外，這裡的拉麵和炒麵也別有特式，不過客人需要緊記拉麵只在三河屋供應，而炒麵則只在尾張屋供應。拉麵方面，餃子拉麵是比較值得推介的，香濃的豬骨湯配上酥脆的日式餃子，確實是一個很好的配搭。而炒麵方面，則可以選擇以牛肉、豬肉或雞肉為佐料，其中配上雞肉的效果感覺比較好，廚師先將調好味的雞肉香煎，之後才加上麵條

走進尾張屋，總會想起日本劇居酒屋場境，啡色木枱木凳，不能缺少的..牆上的掛勾。大概晚上7：00，還未滿坐，可以WALK﹣IN 話說回來，我很喜歡尾張屋的食物，足料，新鮮，美味！鮮味十足、地道味噌湯：鮮蘿蔔帶出味噌鮮甜味道，海帶同日本豆腐佐出味噌香味，濃道剛剛好，此店必食之選，＄5，超值！足料三文魚生飯：看附圖，已不用多說足料程度，我們三人分享一碗魚生飯都有滿足的感覺！魚生肥美、厚切，壽司飯混入酸薑中和魚生肥膩，一啖飯，一口三文魚，加上蟹籽的卜卜脆口感，一切盡在不言中！牛肉鍋定食：牛肉鍋湯底很地道，甜豉油湯底，以豆腐、娃娃葉及芋絲襯托湯底。牛肉：肉味濃，一啖牛肉，湯是甜甜的，我喜歡。鍋的熱度足，這牛肉鍋要即上即食，否則牛肉及芋絲會過熟... 就會“老了不好吃“一口芝士：雖然炸的火喉剛剛好，外脆內軟，略嫌芝士味不足。我期望芝士餡是煙韌的... 不過這裡的是軟滑的，與我所期待的有偏差，或許各人口味不同...牛肉薯餅：這是我必叫之選！第一，我個人喜愛吃牛肉薯餅；第二，這裡的薯餅是薯蓉十足，外脆內軟滑，偶爾夾雜著牛肉碎粒，口感味道均不錯！美中不足，牛肉不夠多以致牛味不足。總括而言，店內食物真材

週末睡到下午，被媽咪叫醒後竟然要我介紹附近食店。一初想帶父母去三河拉麵，但去到已經接近下午休息時間，所以到了對面街的尾張屋。餐牌上選擇繁多，有點令人眼花撩亂的感覺，最後點了客牛肉炒麵、一客網燒牛肉定食及一客黑豚肉飯。等著等著，當然跟父母分享三河和尾張在日本戰國時期出現的人和事。（如：織田信長和德川家康等人物及其歷史）牛肉炒麵即是炒公仔麵，份量有點少，媽咪對之有點失望。之後來的不知道是網燒牛肉定食還是黑豚肉飯，因為侍應奉上檯頭時說了一堆不知甚麼跟甚麼的說話，而且我們以為網燒牛肉定食一定的牛肉一定被放在網上所以我們以為那客黑豚肉飯，所以正當阿爸邊吃邊說著：「啲豬肉整得好似牛肉咁，幾香」的時候，真正的黑豚肉飯到了。網燒牛肉定食的牛肉切的厚度剛剛好，不會太薄或太厚。肉質跟平時吃的牛肉有少許分別，可能被梳打粉輕輕地招呼過。燒汁比接受到的甜，如果鹹味多少許會好吃些。相反地，阿爸叫的黑豚肉飯最好吃，能夠吃得出碳燒的味道之餘、薄切的效果對口感沒有減退。蓋著的飯有十分濃味的薑汁，非常惹味。忘記提一提一初上的麵豉湯，跟一般的日本餐廳的麵豉湯不一樣，味道較清甜，內裡有豆腐和白蘿蔔。服務及裝潢都頗一般，可能因

晚餐時間等位唔洗等好耐,多數一入去就有位間唔中都有日本人係度食野,應該幾正宗今次叫左漢堡忌簾飯同友人叫左吉列豬扒忌簾飯漢堡好Juicy 牛肉夠鮮甜有咬口,但略嫌太細舊吉列豬扒夠鬆脆,冇雪藏味忌簾汁同飯味道幾夾

還沒搬到紅磡那會兒，就已經對這兒的美食蠢蠢欲動、摩拳擦掌了，這天就約了笨笨一起試試這家三河屋的好姐妹——尾張屋蟹籽沙律的沙律醬下得有點重手了，吃起來會有點膩，選用的蟹籽和青瓜絲倒是很新鮮爽脆炸芝士香噴噴熱烘烘的，外皮酥脆內裡綿軟熱力十足，好吃~明太子漬飯和預期有點差池，明太子咸得過分又帶點腥味，不是很新鮮的貨色，湯又十分清淡，口味健康卻不怎麼好吃燒南瓜口感鮮甜，但燒的火候略欠，質感偏硬，我還是更愛吃綿軟的南瓜燒三文魚倒很好吃，魚肉燒得恰到好處、肉質不會過老，又帶一點咸香，魚皮燒得微微焦脆，配上清爽的蘿蔔蓉更有滋味總體來說不及三河屋精彩，看來是時候去會會這位老朋友，重溫一下昔日驚艷的炸蝦飯和咖哩吉列豬扒飯了！只不過，昔日追尋的事物，今時卻也未必再珍視。

這天和朋友打算到3河屋吃晚飯奈何要等位肚仔又太餓於是過對面街試下尾張屋叫左個鰻魚炒烏冬個人覺得麻麻有ｄ太油膩鰻魚其實都多既但我諗都係好似鰻魚飯成條上會好味ｄ另外再叫左個吉列蝦炸粉唔算厚蝦夠爽但那個醬汁個人就覺得麻麻不過算是不錯啦

去紅館看演唱會之前，當然要到紅磡覓食啦！做好資料搜集才來這店，聽說比姐妹店好吃。我們三人叫了兩碗飯，和一碗蕎麥面兩碗飯分別為網燒牛肉飯和三文魚炒飯，兩者的份量也很多，奉送面鼓湯。先說網燒牛肉，肉質鮮甜，燒汁咸甜適中，口感不錯，但份量少了點。三文魚炒飯炒得不肥膩，蔬菜配料也多，是健康的選擇。面鼓湯也不是味精湯呢價錢略貴，勝在還有點地道風味！

好久沒有到"三河屋"吃飯。是晚來到食肆越開越多的明安街，落腳點反而就決定在三河屋的姊妹店 --- "尾張屋"是也....這兒地方比"三河屋"大了一點兒，坐得自然也舒服多一點。雖說是姊妹店，但眼厲的太太已留意到兩家的餐牌是有少許分別的(起碼在三河屋常叫的oden就好像沒有了)....很喜歡吃日式漢堡扒。記得從前在對面家吃過那個頗濃郁的北海道忌亷汁伴漢堡扒，因而留下一個蠻深的好印象。今趟在餐牌看到有一個號稱叫做"橫濱茄醬汁"的，覺得甚是有趣，就叫一客；恰好太座對這個汁醬也有興趣，不過她就選了以免治雞肉作料的....兩大碟飯一次過送來。一看，汁多飯多。只是約五十多大洋一碟，實在太抵食。那個茄汁當然不是用新鮮蕃茄熬製，味有點偏酸，稠度也有些偏稀，不過酸咪咪的汁卻偏偏是米飯之良伴，而且這裡選用的又是胖嘟嘟的日本米，還有又軟又夠"粉"的薯仔及甜甜的胡蘿蔔，所以吃起來也是挺好的；漢堡扒相反件頭就比從前袖珍得多，質感也比從前鬆散，比起那些米飯，確是遜色得多；反而太太的免治雞肉由於有些軟骨在內，咬口自然增添了不少，味道自然好得多...太太從餐牌選了一道吉列魷魚餅作小吃。油膩就不太算是，但稍覺不太彈牙，而