葡匯咪走雞葡國餐廳 (Closed)

哩間服務超吾得-之前一日打電話預約，第一次無人聽，第二次一個男人聽，無禮貌。-12點10分左右到達，門口無waitress,亦無人理你有無掃安心出行。-入去本來見到有幾個卡位，但個女侍應話有人訂左,但到我地食完都無人坐。仲有佢好大聲講野同無禮貌。-男侍應落完單又無覆單，本來記憶力好系好，但無禮貌。-隔離檯食吾曬想拿個盒，另一個女侍應話要5蚊，旁邊三檯大家都同時哇然，發神經，大酒店都吾使啦！-埋單多謝都無一聲。食物味道會同澳門和葡萄牙旅行的味道比較，可以話差到無得比葡式薯仔菜湯（$58）1分-薯仔味吾夠濃，湯比較稀，菜只有兩三條馬介休球（$65）2分-大部分系薯仔，馬介休味接近無臘腸（$58）3分- 比較正常的味道，算吾錯沙甸魚（$188 4條）4分- 味道同燒得吾錯，無苦味，但可價錢比較貴，性價比低。葡國乳豬（$320 1/4只）1分-應該系主打，以為即燒，要等得最長時間都無所謂，可惜皮不脆，肉又”蘇”得非常非常難食，仲落左吾知道乜野啦辣味香料，話1/4只其實得4塊，離譜啊！如果要試下點差就食午餐，價錢比較抵，

午餐lunch set, $128叫咗豬仔骨，有三件，伴三件半塊嘅薯仔，三條細紅蘿蔔，冇影相。Set lunch 唔包飲品，要特別留意。重點係走嗰時食唔晒要打包，服務員話個盒要收$5，我唔明有咩底氣可以咁收。

同朋友約食飯，成日都諗唔到食咩，又想試新野，又怕中伏，今次朋友推介呢間葡國菜，難得唔洗諗，直接去試！乳豬肥仔炒飯，應該係呢到既招牌菜，見到枱枱都叫，所以都叫左四分一份乳豬，佢既乳豬好大舊，而且有肥有瘦，雖然有啲油，但係幾香，可以一試，不過炒飯就係普通炒飯，只係加左堤子乾😗雖多叫左個拼盤，有魷魚，馬介休球，炸雞，四季豆，炸四季豆比想像中好食😋😋無左陣草青味，同埋有少少水份，其他幾樣就正常想像到既味道葡式意粉，本身以為係好似葡國雞飯咁係黃色既，點知黎到原來就係茄汁意粉，食落去都無特別，唔建議試呢個意粉，因為同其他地方既茄汁意粉真係一樣🌚

疫情之下連澳門都去唔到，今日便去「咪走雞」葡國餐廳，想食非洲雞。之前未去過，都係見尖沙咀地點方便。下午三點幾去到，餐廳只有一枱四人客。我哋坐咗一張合併的四人枱。個侍應都好nice,，話随便坐，晚餐時段前還枱便可以。那時未夠四點，我哋一定唔會坐到六點，一定冇問題。坐低叫左兩杯house wine、炸馬介休球、鹽燒沙甸魚、同埋非洲雞。House wine 紅酒兩杯好快上檯，果位侍應好醒目咁話：「我特登開咗支全新嘅酒比你哋，如果啱飲，可以成支上，因為兩杯都$100, 成支也$200而已。」我哋其實飲唔到一支，但見佢咁熱誠又開咗支新酒，就叫佢成支攞上嚟，大家開心咪好囉！個侍應又呈上一張折扣coupon, 「咪走雞」對面間酒舖都係佢哋嘅，話買葡萄牙酒有九折云云。食物來了，不過不失，但非洲雞是「乾」的，唔係澳門「木偶」或「亨利美心」有醬汁的「濕」非洲雞，有啲失望。但唔緊要，心情好食物便好吃。就在快要食完之際，突然冒出另一個女侍應（可能高级啲）同我哋講，話要移走我哋右邊半張枱（因二合一），當時果「半」張枱仲放住支紅酒、水、碟。當時還未到五點，仲差五分鐘左右！老實講，從來未試過食食吓，會冇咗半張枱囉！

尖咀葡菜👍🏻味道唔錯，由老闆兼主廚michael franco主理，跟住代代相傳嘅食譜煮出正宗口味，葡國菜梗係食乳豬啦，招牌乳豬雖然食澤燒得比較淡，食落皮脆肉嫩配合炒飯真係絕配，另外蒜香雞都好出色，一上枱就已經覺得正，聞到超香嘅蒜味雞肉又嫩又多汁🤤，最後仲order 左件特濃朱古力蛋糕做結尾，竟然都有驚喜，朱古力味超濃而且口感仲好滑，出奇地好食，大家暫時仲未有得出國旅行，唯有周圍試吓唔同國家嘅菜式，想食葡國菜記得咪走雞喇🐔（如果你同我一樣鍾意周圍搵食嘅，ig search hesheat.hk 了解更多，可以嘅話follow埋我地支持下😆😆我哋會好多謝你架）

係疫情下只能夠食午飯，但一D都唔差！一座好就ニ話不說要咗支house wine, 味道OK.之後要咗個炸鱈魚球，味道不過不先。個人比較喜歡croquet con jamón,但始終食材唔同，所以唔覺太差。再黎係八爪魚salad, 呢個真係有驚喜！八爪魚超嫩超爽脆！正到不得了！！😁好味！跟住係suckling pig, 外皮脆內層肉又嫩！好好食😋超正！最後再飲杯port, 完美呀！！

晚餐常吃太飽不健康，四人相約在中午飯聚，朋友訂了12點，餐廳剛開門於事可以自選位置，選了大圓梳化位，坐的非常舒服！午市套餐很化算～沒有點餐廳的名菜～燒雞，點了1. 蒲國燒乳豬，皮脆，肉算嫩但不夠入味是真的之前在食評有看過了。配炒飯吃很飽！2. 烤沙甸魚，魚算新鮮，有點腥。3. 蒲汁雞，沒有很特別。4. 蒲國啤！以後不用到澳門半打半打地揹回來了！但價錢差很遠，澳門才$6/支，餐廳要$45/支。這次還是少酌怡情好了！整體環境舒適，食物一般，啤酒一流(顧住飲唔記得拍照！)，價錢可接受！飲蒲啤的好地方！

非洲蒜蓉鴛鴦雞本身諗住淨係食非洲雞職員推介鴛鴦因為一次過試曬兩個味於是乎就聽左職員講結果發現有時候係要堅持己見非洲雞好食過蒜蓉雞雖然蒜蓉雞賣相好靚雖然蒜蓉味好濃 但唔香 唔好食可能太厚 入面嗰啲好似食緊生蒜咁 仲有啲啲苦味非洲雞夠乾身中辣都唔算好辣呢個比較惹味至於馬介休薯球同炒飯都非常普通重點係未試過一餐飯入面飲咁多水職員都refill左三四次因為野食實在太鹹自己都唔發覺自己飲左咁多杯返到屋企都keep住飲水唔知係咪有落味精？

近排電視廣告經常睇到，就有重拾澳門美食嘅衝動。已經訂檯，在門口等好耐都無人理會。 等到安排入座，只問有無訂檯，無問乜水訂檯。所以唔好指望乜嘢預訂優惠。唔知係唔係廣告威力，餐廳竟然非常旺場。😱星期六竟然有lunch set，非常實惠。超值！餐湯牛尾湯出乎意料的好味，濃郁料足。牛尾肉都好多。👍🏻點了個牛尾lunch set都好好，只賣$98。另外點了澳門葡菜招牌乳豬仔配炒飯。😍 好好味，雖然色澤比較淡，但真係皮脆肉嫩。午餐set賣$168有三塊豬，比單點划算。另外點了兩條沙甸魚，都非常好味。出品真係無話說，不過服務真不敢恭維。服務員都比較避開客人目光，無樣嘢主動做兼錯漏百出。環境因為人多，又有車仔出食物，非常嘈雜。不過，以尖沙咀酒店商場黎講，有set lunch嘅話真係抵食嘅。當茶記食啦！🤣

星期日午餐，事関疫情，過唔到澳門，很久沒有品賞葡國菜餐廳，電視廣告見到呢間餐廳，即管走去試吓，聲稱由葡國人主理，食物味道的確係有葡國風味，馬介休球比起好多葡國餐廳做得好，乳豬略嫌過火，整體出品不錯，唯有葡撻頗為失望，等咗15分鐘做的葡撻完全做唔到水準。價格合理，尖沙咀有個食葡國餐嘅地方，都係一個好去處👍最後一提，如果大家鍾意食辣嘅話，一定要試吓佢哋果隻葡國辣油，的確有葡國味道😘餐廳對面附設一個小型超市，有好多地道葡國食材出售，有興趣可以睇吓

因有事要到尖沙咀做，已經到午飯時間，用Open Rice 睇吓有乜選擇。見「萄滙咪走雞」幾多人讚，特別嚟試吓。店舖頗大，設計很有葡國特色。疫情下，連澳門都去唔到，嚟呢度當是補償。午餐有頗多選擇，價錢由$88起，包沙律或餐湯、主菜及飲品一杯。在尖沙咀，這個價錢算是實惠。我同老公一人揀一個，可分享。它的例湯是牛尾湯，睇落都唔錯，有香濃蕃茄及洋蔥味，濃度啱啱好，Yummy!😋😋😋田園沙律亦很新鮮，有多種蔬菜，如羅馬生菜丶火箭菜丶紫洋蔥丶車釐茄...，加上其自製沙律汁，酸酸地，健康又醒胃。👍🏻👍🏻👍🏻本來想叫傳統葡國雞，但賣晒，便點了吉列豬胺排，餐可選時菜丶飯或意粉。豬胺扒炸得香脆，炸粉薄，豬扒肉質鬆軟嫩滑，咬落有肉汁，好味！意粉彈牙，有蒜香。伴菜（車釐茄及邊豆）都十分新鮮，整個菜都是水凖之上。👍🏻👍🏻👍🏻在Open Rice 見很多人推薦葡式烤乳豬，所以我指定一定要叫。上枱見其表皮金黃脆卜卜，已流曬口水。咬落皮脆丶香口，豬肉嫩滑，滲出濃濃的肉香及肉汁。嘩，好好味！😋😋😋肥佬炒飯也好味，有雜菜粒及提子乾，用少少茄膏炒，香而不膩，加埋旁邊的沙律菜，完全中和了乳豬的膩，難怪咁多人推薦。餐飲我們叫了

見yahoo介紹，即管一試！酒店內餐廳，Pizza Hut 格局，食物一般，唔難食但又唔係好食，唔係果種令你想再返來幫襯果種！一試無妨，不試也無遺憾！試咗招牌菜乳豬飯，不過不失，乳豬皮好脆，但豬肉有陣蘇味，配一個炒飯，最後只吃炒飯及豬皮！沙甸魚，唔腥算係好食！鴛鴦雞，一邊係蒜蓉一邊係辣嘅，重口味，未必個個啱 ，唔難食，但唔算好食！飲品選擇不多，所以最後都冇叫到嘢飲！重點係限聚令只限四人一枱，但其中有兩張枱係坐五個人（兩枱人係唔識），疫情期間可以明目張膽犯法，知法犯法，我都唔敢想像佢個廚房入邊係點，可能啲廚師都冇戴口罩！淨係呢一點，冇下次，亦唔會推介！

最近見好多朋友仔介紹呢間葡國菜餐廳！連澳門都去唔到😭 食餐葡國菜回味一下！酒樓乳豬、德國豬手就食得多！葡國豬仔就第一次！🐷 葡式烤乳豬配肥仔炒飯、呢個份量係半隻、比想像中大件！烤豬皮脆肉嫩、脆皮與肉之間有一層脂肪、咬一啖油脂充滿口腔！肉質嫩滑、炒飯有提子乾同黑橄欖 食落幾特別！食葡國菜點少得馬介休！！呢度馬介休球味道唔太濃、薯蓉偏多 似食薯球多D🥔🥔#非洲雞配薯條 非洲雞味道唔算好濃、辣既位置都係雞皮上🤣 我唔食得太辣 就直接去皮😂 雞脾肉算嫩、但雞胸位置就比較乾！#酥炸鮮魷魚 🦑 呢個完全唔掂 魷魚好薄 又靭！整體真係麻麻地、加上我地星期日去、冇lunch set 收費偏貴！本來見到D甜品好似好正、最後都係放棄了、可惜可惜！（10分為滿分）回顧率🌸：1/10食物質數🤤 ：4/10環境⛲️：4/10服務👩🏻‍💼：4/10

想係香港食葡國菜選擇不多，今次就趁生日黎呢間試下，點菜前做足功課睇食評……點了必食的馬刀貝、 八爪魚沙律，都好味符合預期。但炸馬介休、葡國雞就有一點失望了，蒜蓉什菜就更更失望，只係將蒜蓉鋪在白烚的蔬菜上而已，早知點多個沙律好過 這裡甜品選擇很多，最後點了生果撻及apple crumble（餐牌上冇寫的），兩樣都不錯。菜式價錢絕對唔平，想食葡國菜的話，過大海食計埋交通費都冇咁貴！

係電視不停賣廣告既加持下令到屋企人都留意到，今日就決定黎食個lunch十二點幾去到，坐左差不多一半人同屋企人三個直入就坐低左有lunch set，但吸引既只得葡式乳豬另外要左葡國雞同炸魚set先黎個牛尾湯，好足料有肉係入面，少辣，值得一讚乳豬皮脆，肉都食到有調味皮下有少少肥，肉係嫰滑的，不錯跟餐的飯也不俗，有提子的甜味和其他材料炸魚都幾大塊，但外皮不夠脆還好魚肉有調味，配上紅色的醬汁也不錯意粉正路，跟餐蔬菜有驚喜，不是白烚要讚下葡國雞飯係最失望既食物....個汁完全唔係想像的味道，沒有香味用上雞扒，不是雞件，感覺又差一截難道正宗做法係咁？總括黎講唔差既，想試葡國菜都可以黎試下以上食評只反映本人立場，如有雷同，實屬不幸