御藏 (Closed)

近排經常開會所以都冇乜時間出去食lunch , 日日都買飯盒返公司食食到真係有啲厭倦。感覺好似一至日都係焗豬扒飯，燒味飯。之前經過公司附近有一間叫做御臧嘅日本外賣專門店，已因為想有點新嘗試丶就去咗看看。呢間店主打日本便當，有各式各樣嘅魚生飯，亦都有熟嘅便當，如果唔夠食嘅話可以佩啲小食同串燒。價錢都幾合理，亦都唔會太過貴，啱晒我哋呢啲打工仔。今次叫咗個得特上魚生定食，便當裏有三文魚，蟹子、魚子、甜蝦、仲有我最鍾意食嘅海膽。😍😍 該店說明已挪威三文魚為食材，所以我都好放心進食，三文魚都算好厚切，二所有魚生都好新鮮，鮮甜好味。餃子方面唔會好似一般嘅餃子店煎得咁利害，但係都非常之可口，想吃完一粒左一粒

個個星期日都去炮台山， 午膳通常幫襯餐廳， 坐喺度慢慢食， 今日都唔例外，但打算買個飯盒做晚餐， 於是就嚟咗啲間西日式外賣店。一望到個餐牌嚇了一跳， 外賣都有咁多款式~ 選擇困難症又嚟喇😆價錢個range都幾闊， 食客可以按自己budget隨意選擇👍睇咗個餐牌一陣，最終決定要一個澳洲和牛漢堡飯！攞返屋企翻熱， 一打開微波爐粟米忌廉汁嘅香味一湧而出😜呢舊漢堡扒足足有2 cm厚， 即使用微波爐翻熱左一陣仍然好juicy👍 幾鍾意個肉質厚實又不油膩，調味不太濃，食到真正牛香。跟餐仲送埋嘢飲， 叫咗一罐zero可樂， 配埋個和牛漢堡飯好似食嘅美式快餐咁， 當然比M記高質得多啦。

今天很多工作做，放工好攰，又唔想煮又唔想出街食，就打算買外賣回家，舒舒服服咁食，炮台山附近最近開了間日式外賣店，店內有五六個人在等候，我諗應該會幾好食唔好睇少佢係外賣店啊！其實都有好多唔同嘅選擇嫁！而且食物都好吸引鰻魚炒飯一開始覺得佢啲飯好少，而且睇落又冇乜料咁，諗住大獲啦，當求奇食算喇點知食落先發現，個炒飯好和味，而且原來係因為炒飯嘅顏色同鰻魚差唔多先會搞到睇落冇乜料咁。最後亦發現，原來啲飯係多到我食唔哂嫁😱吉列炸豪估唔倒放係個盒度禁耐都仲脆卜卜！唔錯唔錯！整體黎講我下次都會再黎買！

炮台山最近食肆林立，因爸爸還在醫院，要買些外賣給媽媽吃，選擇了御藏，因媽媽喜歡吃魚生，小小的店舖有很多的選擇魚生選擇不算太多，只有三文魚海膽和劍魚腩，三文魚外貌看落很肥美，所以忍不住也叫了一客三文魚$70，吃落真的很肥美鮮甜，三文魚也有證明可安全食用，令顧客放心櫻花蝦炒飯$54，醬汁包圍每一粒飯米，飯裡充滿櫻花蝦的香味，略嫌油多了少許，每個飯也跟一罐飲品，份量也不少加州卷$32有六大件，好抵食。面頭鋪滿很多沙律醬，更好味

話說我位友人住係依頭，登門拜訪前，我問佢不如買嘢上去食，佢就介紹左我去依間御藏買外賣，話佢平時食開喎入到去發現食物款式好多有晒各種唔同既日式飯類再睇點餐紙，就見到有多種刺身、壽司、炸物同其他熱食，真係算多款式我就先叫刺身有劍魚腩、帆立貝同埋三文魚腩刺身，各六片，其中三文魚腩真係肥美，其他亦不錯想飽肚啲點可以唔叫番個丼物就叫左個海膽吞拿魚魚腩刺身飯，海膽有兩大片，都算新鮮，唔太覺得苦澀，整個丼份量亦幾大下，適合兩個人食之餘再叫下其他小食熟食方面，叫左蒜片澳洲和牛，合共約六粒，依味做得幾出色，用既牛既質素都唔錯既仲叫左吉列炸蠔大大粒新鮮炸好，幾好食最後叫多個炸南瓜薯餅，炸得脆，薯味中帶點南瓜既甜，不錯

住係北角區，有時侯真係唔想煮飯，但又想係屋企睇住電視食。 最近發現左間日式外賣店<<御藏>>，就係國都廣場地下。 因為係外賣店，所以有好多刺身，壽司等放係雪櫃。如果唔想食生冷野，都可以點日式料理仲有套餐揀。 我就揀左蒲燒鰻魚飯 飯類跟汽水/湯/水，我就揀左+C Lemon。十分鐘左右就拎得，帶回家。 個便當都好大盒。 打開真係好有驚喜，鰻魚勁大條。個飯仲微微出緊煙，先講條鰻魚，入口食落冇骨，微甜，口感煙韌，食完好大滿足。

香港人愛吃壽司刺身就梗架啦，有時間出街慢慢食固然係好啦，但要花多啲時間又要多啲錢，所以現時都開咗好多專做外賣既壽司店，但質素參差，而依間御藏算係質素唔錯既一間黎話說因為屋企懶得煮飯，又口癢癢想食壽司，咁岩去開依頭番屋企途中見到依間御藏，就叫左啲外賣店舖本身已經有啲壽司set，不過我地就散件咁叫：包括有（由左起數過去）：花之戀、蔥吞拿魚腩花之戀、吞拿魚沙律軍艦、大蝦壽司同埋三文魚腩壽司睇相都見到，三文魚腩好肥美，食落魚既油脂滿口不過即使係包住花之戀既普通三文魚塊都幾靚另外，仲叫左個牛油果軟殻蟹卷，內裡用料都充足，係唔錯架食壽司之餘點都想搵番少少熱食黎中和下既就叫左吉列炸蠔隻蠔都大隻架，配埋沙律醬一齊食永遠都係咁另外仲叫左餃子雞翼，入面釀左泡菜等材料，食落口感同味道都豐富啲其實以外帶壽司店黎講，價錢唔算好平，但佢質素係幾好，而佢餐牌食物款式好多，推介

今日去炮台山搵朋友，散左之後又唔想自己煮飯，諗住搵間餐廳食完晚飯就返屋企。平時唔行開依頭所以完全唔知依到有咩好食。行行下見到依間日本菜，雖然要外賣，但又覺得與其慢慢搵不如快啲買完返屋企開冷氣慢慢食（畢竟外面真係好熱）💦😣💦。今次買左個鰻魚飯80蚊，加18蚊仲跟埋前菜同汽水，點個陣其實覺得外賣食成差唔多100蚊都幾貴，但念在鰻魚飯原本就唔平而且個陣真係好想食，所以都係叫左，但拎到個刻覺得真係好值因為盒飯好大盒，見到條鰻魚都真係好大塊好足料。返到屋企先食前菜，前菜係魚生沙律，有兩片三文魚生。本身對前菜猜乜期望，但塊魚生真係好厚好足料！！食落好新鮮！可能本身冇期望所以非常喜出外。終於到正餐，打開盒飯即刻聞到好香燒汁味，而且啲汁對我黎講岩岩好唔會太多太少，個燒汁味唔算好濃，我自己好怕咸所以覺得唔錯，鍾意味濃重口味既朋友可能唔太岩。最後我都係食唔哂啲飯因為真係太多，加上食左個前菜，所以食哂啲鰻魚就完結餐飯。總結——性價比高既take away!

Blue monday工作了一整天 ，忽然興起在家附近買了外賣。 呢間壽司店之前都見到好多人喺度買外賣，中午尤其受歡迎， 位置好方便喺正大馬路門口貼滿了餐牌 可以喺入去之前，慢慢企係度睇清楚， 雖然我係烏冬怪但夜晚梗係食飯啦， 而且所有飯類均配有麵豉湯或者係汽水，好抵食。 今次我叫咗個三文魚海膽飯都係80蚊咋， 另外加咗四蚊全果汁先生嘅橙汁。如果想輕食，店內都有個櫃擺滿壽司，刺身，可以自己選擇。就咁睇落去每一件刺身都好肥美新鮮叫咗飯之後就企喺側邊等，好快就到我拎，番到屋企一打開， 即刻開心曬。一碗入面有六大塊 三文魚，而且每一件都係厚切 海膽非常新鮮， 融化喺口腔入面，撈埋落啲飯度食就一流。80蚊就可以令自己食得咁開心真係好抵俾

同保險經紀在咖啡室傾了一個鐘有多, 看看手錶, 原來已到午膳時間, 但她又要趕去見下一個客, 只好分道揚鑣, 留下我一人…..剛才只喝了一杯咖啡, 當然唔飽肚, 是時間候醫醫肚。獨個兒, 食乜好呢? 正正午膳時間, 人頭湧湧, 想搵個位都難, 還是買外賣回家, 更加自在。行行下, 發現有間西日式外賣專門店, 日本菜岩晒我, 同時亦被門口所擺放的大型易拉架吸引了, 印上 “各款飯類$42起”, 仲送飲品或湯, 咁抵食!? 一於入出看看。內裏擺放了亖個凍櫃, 有一個放滿飲品的凍櫃和兩個放了刺身、壽司、海膽、冷盤、沙律、玉子等等, 還有三文魚骨, 而旁邊是下單處。另一邊是廚房重地, 而向街亦設有少許立食的位置, 但已站了客人, 還是拿走回家會吃得舒服一點。看看牆上的大餐牌, 有九大類, 包括刺身類、飯類、日式滑蛋飯類、日式咖喱飯類、日式蛋包飯類、炒飯類、意大利鮮茄飯類、精選便當和日式烏冬, 選擇都唔少。但我一早已被刺身類吸引着, 是集中在這一欄當中, 什麼也看不到, 哈!****************************刺身類有十二款選擇, 要吃豪一點, 點了一客御藏特選刺身飯, 是當

打風天前夕屋企人出去外遊自己在家冇飯食所以就去咗買外賣放工之後到咗北角附近呢間日式外賣聽聞質素不錯所以就去一試入去以後見到餐牌上選擇很多! 日式炸物刺身飯熟食蛋包飯烏冬亦都有更可以買刺身日式小食佢嘅sushi 亦都不錯 款式亦有幾多佢既三文魚刺身都好正不過最尾思前想後，選擇困難症嘅我最後都係選擇咗呢個鰻魚飯$80 再加$4 要了支蘋果汁 鰻魚係長長一條而且唔多碎骨肉身肥美果然有水準  外賣日食黎講 御藏會係我既首選~~

來北角參加興趣班，由於這晚老公和兒子都不回家吃飯，所以下課後，決定去附近買外賣。本來打算先去國都廣場地下間「山崎」買麵飽做翌日嘅早餐，不過來到時，發現原來旁邊有間西日式外賣專門店，細看門外嘅易拉架，咦、這間不就是上個月才啱啱喺灣仔幫襯過嘅「御藏」？原來北角也有分店，唔怪得裝潢咁熟口熟面，今晚就一於吃便當做晚餐。先細心研究一吓牆身上掛著的餐牌，刺身飯共有 12 款，而熱食嘅飯類，如鹽燒鯖魚飯、豚肉生薑燒飯、蒲燒鰻魚飯等，亦有 14 款，另外亦有日式滑蛋飯、意大利鮮茄飯、日式咖喱飯、蛋包飯、炒飯及精選便當等可供選擇，而且全部飯類都會配麵豉湯、汽水或礦泉水。揀咗個三文魚炒飯 ($70)，一於在店內立食。由於製作需時，所以趁空檔去凍櫃八吓，有壽司、卷物、三文魚刺身、甘蝦刺身、海膽刺身等，全部看起來都十分新鮮。炒飯用一個膠兜盛著，揭開盒蓋，分量非常之多，而且一陣飯香隨即撲鼻而來。舀起一看，飯內夾雜著不少切粒三文魚，另外亦有西蘭花、紅蘿蔔等。飯炒得鑊氣十足，入口乾身不油，而且非常足料，啖啖三文魚，令人吃得滿足。下次等人齊，一於嚟買啲刺身、壽司同屋企人分享。

今日全家都唔太餓, 見我難得去炮台山, 就嗌我做外賣仔仲竟然豪氣地話食刺身飯花多眼亂, 刺身飯都咁多種京葱吞拿魚腩三文魚刺身飯 $72三文魚嘅脂肪係平行線??? 白線//白線好厚嘅刺身目測5mm四個人分竟然都有得食多塊粉紅色嘅吞拿魚腩~唔會淡而無味成層免治吞拿魚腩目測冇1cm都有7mm厚望落唔大, 但飯壓實咗, 飯量唔少平時嘅話2個女仔分都ok(唔大食嘅女仔)配面豉湯/汽水/水雖然要7字頭一餐,但爭鮮啲"刺身杯飯"都$3x啦, 呢個點都高質一倍掛對我嚟講熟食其實仲吸引, $3x-4x有交易但屋企人偏愛刺身冇計啦~

🍴御藏特選刺身飯🍱🍣93蚊 (有麵豉湯送) 🍲一間外賣日本飯盒店 😀飯盒有平有貴 有熟食好似豬扒飯 🐷亦有魚生壽司等 而我點左93 蚊既刺身飯 價錢唔平 所以要睇味道😃好食就合理😃刺身飯外表落足料🤓有海膽 三文魚🐟 甘蝦🦐帶子 三文魚籽 而最緊要當然係飯夠軟刺身夠新鮮la 🤓 三文魚夠厚切多肉 上面鋪滿幾大粒既魚子 一咬咇d汁出黎 幾正 帶子肥美鮮甜 😍 蝦肉都幾彈牙 連埋軟熟既海膽 撈軟飯 好味 個人唔鍾意點太多豉油 🍣 點少少加d d wasabi就好好食 🤓整體黎講都算物有所值 若覺得貴都可以點下其它熟食 😄👍🏻Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址#御藏北角英皇道255 號國都廣場地下2 號鋪~~~~~~~~~~~~~

Having walked pass this Japanese restaurant many times, finally tried it today!This shop located at Kings Road, just next to Olympia Plaza. There was a big advertisement at its entrance. You could definitely find it easily!The shop wasnt very big and only did take-away food. But at the corner, there was a small bar table that you could also choose to stand and eat. Quite some different food was served there, such as curry, omelet rice, fried noodles, sashimi rice, etc. You could also order the s