牛奶冰室 (大埔超級城C區)

Open Now

Now Closed

焗黑松露汁一口雞球飯焗出來芝士鋪滿整個雞球和飯上面，芝士香濃、雞球都算好味，午餐來說合格。新鮮冷壓檸檬茶，喜歡這樣沖出來會飲一啖都有檸檬碎很有口感。可能午市時間繁，服務有待改善，環境乾淨搭夠。

我外賣速遞咗個焗黑松露汁一口雞球飯打開個飯只係暖暖地 都算喇 啲飯係硬嘅 未食過咁難食嘅焗飯..成個飯食左兩啖就冇食雞球仲有雪味..唔明白點解成日咁多人等位食………..

平時行過見多人排隊，今早（周六）十點行過，未算人多，所以試試。等左十多分鐘就入座。門外冇menu，發覺食評唔多，所以寫篇食評，加埋早餐menu，希望方便大家。早餐叫左扒餐，有粟米，都幾特別。扒有落碎香草，都幾香。牛扒正常，但雞扒有點乾，其他野有少少偏鹹。奶茶大杯，茶味較重。另外，半焗流心蛋可轉熟蛋。

個五色健康蔬菜七成都係紫色嘅，仲要炸咗嘅矮瓜，好唔健康，其餘顏色蔬菜寥寥可數，都幾失望。另外個三色藜麥飯啲藜麥數埋都唔知有冇20粒，下面全部都係白飯，好心就咪鬼比人轉。不過值得讚吓佢個蛋蝦仁炒蛋都幾滑幾好食，但係個蔬菜真係有待改善，希望下次唔係再為咗慳時間快快脆將啲矮瓜攞去半煎炸，真係好油…上一次黎食咗個雜扒餐，佢個蒜蓉多士係凍既，個鐵板餐上面啲嘢只係微微暖，早啲執落去完全冇一聲，好失望😞希望呢間公司正視呢個問題，如果食物連基本最簡單要求亦都做唔到真係好失敗☹️

過年前都超級忙碌，搞到要開夜車，大家都鬼咁肚餓，同事叫我求其買個意粉比佢，去到牛奶冰室，排隊的人很多，但好彩冰室有個單人雅座，不需要排隊。坐低之後，店員示意可以用qr code 落單，我點錯６點前既餐單，但照出到單，有位哥仔非常友善，同我解釋一輪，其實我最後都唔係好明白。大概意思係改唔到單但又無得賣，話唔好意思，麻煩我重新睇下想食咩，幫我手寫改單。揚州炒飯用左珍珠米，米飯粒粒分明，配菜的搭配同賣相非常好，味道也不錯，份量唔太大份，但足夠。肉醬意粉煮得軟硬適中，彈牙有嚼勁，面有層芝士，焗既火侯剛好，好香，醬汁濃郁而味道豐富。除了食物美味外，價格也非常合理。服務也到位，尢其是那位既哥仔。

今日朝早同老公媽咪去牛奶食早餐，老公叫番茄肉碎公仔麵，我同媽咪叫榨菜肉絲公仔麵，老公無肚屙，我同媽咪兩個都屙左四五次，肚絞痛。榨菜同肉絲都唔新鮮，以後唔會再幫襯。打電話比餐廳反應亦都無咩講。大埔街坊小心。

難得去牛奶冰室，叫左銀牙肉紙炒麵，本來好有期望食到正野，份量都多， 但是啲肉汁咸到唔想食晒碟餸。希望啲師傅唔好再咁重手， 用心調較同試味。否則，真是唔會再有第2次幫襯。

食飯味道係ok既 - 除此以外都只可以話「差」叫鐵板餐，湯同餐包食哂個鐵板先到；蒸魚餐問左幾次先俾飯… 飲品出左又出…唔望唔問就放低。最大問題有個短紮頭髮無帶眼鏡50歲既職員，估計係大家姐既position，全程blame blame blame 同廚房裡面大聲對話，對食客簡直係聲音虐待！

之前一直都未有機會試到牛奶冰室，最近大埔中心開咗分店，咁啱今次經過無咁多人等位，就一於去試下先餐廳係自助用qr code 落單，結果入到去先知原來好多已經售罄，就連意粉都賣晒，難怪今次唔點使等位就有得食｡★ﾟ沙嗲金菇肥牛粉絲煲份量唔算少，沙嗲味香濃，配埋白飯食味道剛剛好｡☆ﾟ巨人雞扒勁香蔥油飯大大塊雞扒真係做到外脆內juicy，蔥油份量相當足夠，作為蔥油fans 表示相當滿足｡★ﾟ新鮮冷壓檸檬茶傳說中無檸檬片的檸檬茶，檸檬味夠，茶底唔沌亦唔澀，都算好飲｡☆ﾟ原盅燉湯 ($18加配)每盅都有湯料不過就偏淡未燉出味，個人唔會推薦服務態度一般，整體食物質素唔錯

提前二十分钟打电话订餐，前台阿姐告诉错把“餐费137”当作单号“817”告诉我，半小时后去取餐，没有我的137号，找阿姐确认有没有下单，她就一直催我给钱，我说可不可以确认一下是否有下单，他还是不停催我给钱，我说如果没有下单就取消吧，我就不给钱了比较着急，结果她一直说我不给钱…之后给了钱，除了餐之后发现，正是她搞错了数字…这个阿姐已经不是前第一次弄错数字了；性情又很急，我也不知道作为客户，我确认一下单我错在哪里了。这间餐厅新开的，大部分的菜品都不好吃，之前由于他有电话外卖服务，所以还吃一下，现在这个听电话的阿姐记忆力和数字敏感度如此之差，外卖我也不打算再吃了。

一早七點幾就已經滿座，好彩等咗一陣，就已經食到。喺大埔區嘅早餐食到悶，今次新開係有驚喜，面底係福面底唔錯，豬扒好好味，奶茶可以要求濃啲，又大杯好飲！多士有兩片，雞扒唔錯！整體滿意