Milk Top (Moved) New Location

常聽人說這裡的北海道牛奶雪糕及布甸很好吃，但二十五大洋一小杯牛奶雪糕，確實又貴得有些離譜。不過小弟一向都很喜歡所有有關牛奶的產品，無論是牛奶製的雪糕、布甸、蛋糕等等都一律"有殺錯，無放過"。故此這一人氣產物，我又怎會錯過呢 ? ....可能是剛從雪櫃拿出來的關係，吃第一口時，感覺真的很像在吃sorbet，是帶有少許碎冰的。再吃深一層，感到texture並不是想像中般的香滑，而且也吃不到很重的奶味可以吃到的，只是有些甜甜的味覺.....難道是小弟的味蕾出現了問題 ? 可能是雪得太凍的關係，影響了品嘗牛奶的真味啩....看來不需要先將之判處極刑，等下次再有機會嘗嘗她的牛奶布甸後，才公開判詞吧....

一直想試呢度既牛奶布丁好耐，今日出黎sogo行街，就買左一樽黎試下。牛奶布丁：最初對佢好有期望，但係食左啖之後，又話好濃牛奶味既？冇錯，佢的確好滑，而且牛奶味都食得出有，但係就真係唔太出，名大過實。唯一好既係個樽仔肥嘟嘟咁好可愛，我收起左唔捨得dum ok面係比個樽仔。牛奶布丁冇下次，下次既目標係芝士布丁同埋雪糕。

呢個佢話係季節限定既芝士布丁..一開蓋d芝士味就係咁擁出黎對於鍾意食cheese既我當然完全冇問題甚至非常enjoy果陣味啦但係我媽就完全唔得囉佢話陣味勁到佢想嘔啵有冇咁誇張呀...食落口我覺得都唔夠森永既牛奶布丁咁滑而且食落口d芝士味都冇聞既咁厲害係有芝士味既不過本身既牛奶味都好勁食過一次就算了

又到Sogo買牛扒，雪糕當然不可放過。今次試多一個味，要了綠茶同芝蔴。綠茶係每次都會食，綠茶味剛好，不會過苦。而且質地幼滑，絕不會食到冰粒。芝蔴第一次食，味道極濃郁。比芝蔴糊還來得濃一點。質感當然無綠茶咁滑啦。但整體算不錯！

Sogo感謝周，真的是好多人來感謝它，迫得水洩不通，我和女友也來湊熱鬧，在Basement的超市入了一些貨，臨走前也到Milk Top買杯北海道牛奶布甸試試。原來折了也要十八元一樽，布甸滑身，但奶味不夠，比我單純喝一口北海道3.6牛奶差得遠，可能我個人的Benchmark set 得太高了吧，不太滿足，但下次也會再來試試其雪糕的。

今日食開有條癮,食完冇乜特別的甜姨姨,"蘭"左去CWB Sogo,想食番d好味ge野安慰下自己落左去Milk Top,我食綠茶同牛奶,我個fd食牛奶同士多啤利,單球18,雙球25,當然雙球抵d!綠茶,濃濃的綠茶味令我開心番哂,又幼滑又冰凍,正點!牛奶,用北海道牛奶新鮮製成,唔太甜,好香同有真正牛奶味的雪糕,皆因有好多所謂牛奶味雪糕只不過係云lay拿味,食唔到牛奶味,Milk Top的牛奶味係絕對值得一試!士多啤利,食得出士多啤利ge新鮮,但唔係非食不可記得以前食過紫蕃薯味,好似直頭食緊蕃薯咁,落足料,抵鍚!

上年買的雪糕券快將過期,拿拿聲攞埋最後的5杯,雜誌見到出了些新口味,儘管試下.3款雪糕如下榴槤:榴槤味好香,一打開雪糕蓋開味己僕鼻.當中有少許榴槤果肉,真是十分少.質感好軟滑,奶味唔算多,幾好味道櫻花:打開蓋望見粉紅色己嘗心悅目.唔,櫻花是甚麼味道,從來未食過,也唔知道,只知這個櫻花味係無乜甚麼特別味道,只有香好的奶味.唔算甜,幾滑.日本柚子:柚子味道清新,有點兒酸.柚肉就有點兒苦.無味苦更好,肉也是丁點兒的.雪糕的奶味夠同樣地滑,.夏天吃這個倒也不錯.

sogo大減價, 買咗雪糕劵 為番...19.2一支,我今天試咗新口味,粟子味,原來粟子味,都好好味....試過咁多味,都係鍾情blueberry , green tea今次試咗粟子味,都好好味架...下次要再食過丫....

去SOGO 買牛扒，無理由唔買番杯雪糕享受吓。要了單球only, 因為我對其他太creamy 的味道無興趣。於是只要了綠茶味。我好似次次都會要呢個味道。綠茶味好rich, 但又唔會苦過頭，味道剛好。還有淡淡的奶味，口感好幼滑。又不會太甜，味道同日本出名嘅綠茶雪糕差不多！

牛奶布甸, 細細樽竟然賣到$20！你咪話吾貴！不過佢真係幾香滑, 牛奶味都幾濃食食下會有種食緊煉奶既感覺@@個texture麻麻哋我本來expect佢係好彈...原來係好似豆腐花咁.....=..=我都係對milk top既雪糕有興趣多啲！=P

今日終於可以試下milk top既牛奶布甸呀之前想試但一直都無機會今日同妹妹出街見到就即刻買呀好重既牛奶香味,布甸好滑,甜度適中呀佢既玻璃樽好靚,可以用嚟放d小飾物呀~下次試下芝士布甸先

一直想試Milk top，今日終於食左雖然應該要牛奶，但係我都係想要紅豆同綠茶好在可以試食，我就揀左牛奶黎試牛奶：真係奶味好重，好北海道牛乳feel！下次一定要食！紅豆：紅豆雖然唔夠濃，但係有粒粒紅豆蓉，清清地，不錯！綠茶：真係好重綠茶味，可能有人覺得苦，但係我呢Ｄ綠茶怪就超級對味！下次一定要食！見到佢其他flavor都好吸引，下次要再黎，$25雙球真係好抵！好味過Haagen Dazs，真係僅次於Mado咋而且佢夠就腳，一定多Ｄ黎～

吃得太咸，要飯後甜品，原本想去 COVA，但已 CLOSE，所以我提議來這裡試了幾種味，覺得綠茶及牛奶最好，其實想試其他的味，但阿姐開始不耐煩- 綠茶：綠茶味很重，拍得住 HD 的綠茶，好- 牛奶：牛奶味也很重，不過不夠滑cone 是普通威化，沒有什麼特別，不過$25 double scoop真的很超值綠茶牛奶這個COMBINATION不錯，不過最好綠茶球在下，先吃牛奶，否則味道會被綠茶蓋過

點左一個2球with cone. 雪糕要左常食既綠茶同埋好少見既番石榴. 第一球係番石榴, 味道好清甜. 可能平時少食呢隻味, 我覺得好特別. 好似凍食番石榴咁.... 食完清新既番石榴再食綠茶. 綠茶味夠, 不過奶味略重, 同坊間既compare唔係話好特別. 不過佢$25有兩球雪糕, 個cone仲要係大既cone, 唔係好似出面咁唔加錢就只有好似circle k 同7仔既軟雪榚cone我覺得好抵呀.

三月二十日剛吃完晚餐,途經此地,經常來這裏但是一次也沒有食過這裏的雪糕,看看二個球只售二十五元,都不貴,看看有什麼選擇,最後選擇了紅豆以及牛奶雪糕,牛奶滑流之外,帶有陣牛奶香味,但香味不算太重,自己喜歡濃味一味,接著是紅豆,紅豆在日本餐廳經常食的雪糕,這裏的紅豆味濃得來食下去滿口紅豆蓉而是混合在一起是妙也,這個比牛奶更好味.單球二十元,雙球二十五元,何不要二球呢,吃完心也甜了不少,不禁想起往事,時間也不早接著急急回學校了.