迷客夏 (創紀之城五期(apm))

Open Now

Now Closed

山政小山園焙茶鮮奶($36)原來小山園係全日本最高級嘅茶園 🍂 用到高質嘅原材料 貴得有道理 焙茶味香濃突出，唔會太澀，小小回甘，搭配順口的鮮奶，啖啖充滿茶香同奶香😍 焙茶控要試下呢杯！—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $30-40 𝗉𝗉 🌟 𝗈𝗏𝖾𝗋𝖺𝗅𝗅 8/10📍 迷客夏 Milksha觀塘觀塘道418號創紀之城五期(apm)1樓L1 - 11號舖

迷客夏喺觀塘APM有分店，食完lunch之後小編就同朋友路過就順便買返一杯～<巨峰葡萄芝芝> $48水果加芝士奶蓋，飲品以巨峰葡萄冰沙為基底，搭配Ｑ彈葡萄粒，口感豐富！濃郁葡萄香加上厚芝士，鹹甜交織一啖接一啖，不知不覺就喝曬。<米麻糬芋泥鮮奶> $45鮮奶x鬆軟芋泥x米麻糬作基底搭配。鮮奶香醇，入口絲滑順喉，每一啖都品嚐到軟糯米麻糬同芋頭顆粒，甜度剛剛好感受到芋頭的天然甜香

見到Milksha推出咗升級版嘅北海道🇯🇵白鳥糯米米麻糬，食完lunch即刻去試吓😍💜米麻糬芋泥鮮奶🐄🥛用上北海道白鳥糯米製作嘅米麻糬入口柔軟、香滑，配埋粒粒芋泥一齊食，口感豐富又飽肚 😋米麻糬煙煙韌韌，非常軟糯，甜度適中，但要用少少力吸先飲到，麻糬控記得去試吓🤤～米麻糬同芋泥本身都帶有一定甜度，但加入鮮奶後就令整體甜度平衡了，入口更順滑🐮🍼🌟米麻糬係每日限量供應，想試升級版嘅米麻糬嘅朋友就記得早啲去🌟

同妹喺觀塘行街街，見到Milksha有日本北海道米麻糬，鍾意煙韌口感嘅我地，就忍唔住買左一人一杯過口癮😍我叫左杯好特別嘅法式草莓綠茶拿鐵+北海道米麻糬，menu寫係用左荷蘭嘅草莓🍓最治癒係望住店員將一球又一球嘅米麻糬放入杯🤤製成品都幾粉紅，一直好好奇草莓加左綠茶會係咩味😂但原來唔太飲到綠茶味，反而有d似草莓鮮奶，幾清甜，米麻糬嘅米味都幾出，口感好滑好Q彈🧡呀妹叫左杯山政小山園焙茶燕麥奶+北海道米麻糬，呢杯茶味比較香濃，揀左1分甜剛剛好😋

呢日陪朋友買野飲，當朋友靜靜企喺度等緊落單既同時，我開咗句聲叫咗句「唔該」，朋友馬上叫住我示意等就OK啦，同時店員應該都聽到我句唔該所以都非常悔氣咁回應好忙要等等，我就醒覺原來朋友應該習慣咗呢間野既店員就係咁，飲咗麻糬牛奶確實好味同口感好得意，我應該會再去第2間分店飲的 

話說一去到見到佢個Menu有新上市嘅四季春拿鐵就諗住試一試佢其實我本身比較少就咁飲飲四季春，不過如果有芝士奶蓋嘅話，我通常都會揀芝士奶蓋四季春或者芝士奶蓋烏龍茶其實一拎出嚟果陣，係有少少嚇親，以為佢搞錯。因為發現佢真係好似一杯奶咁。其實有少少愕然，但係諗深一層又覺得都合理。因為四季春本身佢個顏色都係偏向淺色。飲落其實就係飲到茶味同奶味感覺茶味係出嘅，飲到四季春嘅味嘅。但係就覺得有啲單調。可能如果你加啲珍珠會好啲。如果有飲開芝士奶蓋四季春嘅朋友仔，我諗呢杯四季春拿鐵就似係你攪勻咗成杯芝士奶蓋四季春嘅感覺。不過佢$29就真係唔貴，我覺得

今次嚟到呢間店試佢哋嘅招牌草莓麻糬鮮奶，一飲入口，就知道我揀得無錯！首先，啲草莓鮮得嚟，就好似啲水果剛剛從田裡頭揀咗出嚟咁，酸酸甜甜好開胃。而且麻糬質地好討好，又煙又韌，有咬勁得滯，同嗰滑溜溜嘅鮮奶混埋一齊，嘩，真係口感層次分明到我心都要溶咗！😍每一啖飲落去，草莓嘅甜香、米麻糬嘅軟Q同鮮奶嘅濃滑交替襲嚟，真係飲完一啖仲想再飲。而且仲一邊飲一邊有得嗌「好味哋！」😎有時飲嘢佢唔止要解渴，更要有種幸福感覺啫，而呢杯草莓麻糬鮮奶就完全做到呢點！👌過癮得嚟唔膩口，簡直係呢個炎夏最正嘅清涼劑！街坊鄰居如果想飲得開心，又想飲得健康，真係一定要試吓！🍓🥛

慢慢吞吞做事要人等勁耐，乜都話冇貨整一杯等成20分鐘，慢過自己既人落單都有得拎先真心唔得，邊有人翻工會咁。唔會再買，建議大家都唔好選擇，有排先拎得曬時間。。。。

啱啱同男朋友同埋朋友一齊去買嘢飲，之後喺門口企咗大概5分鐘左右，店員明明知道出邊有客，都仲系度玩緊嗌左聲唔該都冇反應🌚 跟住後面都有其他客人喺度排隊，其他客人都開始出聲話佢知唔知出邊有客㗎仲喺度玩緊？講真，我自己都係做呢一行咁樣嘅服務真係自己打自己生招牌雖則佢哋成班妹妹三條女 但係我平時都有買開呢間，第一次見到佢哋咁樣服務態度唔想做可以唔做 咁你不如直接辭職啦跟住我嗌咗一杯黑糖珍珠鮮奶(cold)+多芒芝芝嗰杯芒果整完之後就擺喺度，我嗰杯明明係沙冰 倒完杯沙冰出嚟正常下一步就係倒芝士奶蓋 但係佢就咁擺咗喺度 我真係黑人問號咗？以為佢行入去拎芝士奶蓋出嚟啦，點知完全冇理過杯嘢。之後我真係燥底，就直接鬧埋佢 「我杯嘢你係咪諗住攤凍先至到芝士奶蓋？」佢哋先至講咗句「啊，叫你倒芝士奶蓋，一個就卸膊比另一個」。如果大家想受氣嘅話，我就建議你哋買囉同埋我覺得你哋應該要再培訓吓啲員工囉就算你哋幾好飲，我都唔會再幫襯

係行行吓APM見到依一間好多人排隊，心思思想試吓🤤同行朋友話我知呢間芋泥超好味一定要試😋咁我就叫咗杯米麻糬芋泥鮮奶，果然芋泥好綿好好味，份量又夠多，奶味香濃，見到店員將暖笠笠嘅麻糬搽滿哂個杯，食落超級煙靭，混埋芋泥同芋粒口感真係超驚喜，好正🤩不過啜上嚟就需要啲力度😂朋友就叫咗杯珍珠鮮奶烏龍茶,茶味夠晒濃，珍珠有咬口，正常發揮✅下次會想試埋佢個手感芋圓芋泥鮮奶🤤米麻糬芋泥鮮奶珍珠鮮奶烏龍茶

台灣過江龍「Milksha」已進駐香港五年✨因堅持採用天然食材製作茶飲，將最原始風味帶俾顧客，所以一直深受大眾歡迎💕🔹手感芋圓芋泥鮮奶（$43）軟糯芋頭粒配煙韌芋圓，口感當有層次💋厚滑鮮奶中亦帶有濃郁芋香，飲落甜而不膩👏🏻難怪喺眾多選擇入面成為最熱門飲品👑🔹脆脆宇治抹茶芝芝（$47）沙冰般的質感❄️幼滑芝士奶蓋鹹甜得宜，上面嘅粒粒開心果果仁脆身可口🥜再配搭甘香不澀嘅宇治抹茶，抹茶控必試😍

📍迷客夏 (觀塘)觀塘觀塘道418號創紀之城五期L1層11號舖台灣過江龍Milksha在香港有多間分店，有多種配料如芋頭、黑糖、仙草等，超多選擇，人氣手搖飲品，今次同朋友一人一杯😃🥛🥤☁️芋圓4.2（配仙草和芋泥)$43可以一次過滿足食仙草同芋泥，芋泥大小不一，口感豐富，濃郁芋頭味，芋圓煙韌，有咬口，加上鮮奶，好夾，好好飲😚☁️宇治抹茶鮮奶(丸久小山園使用）$38抹茶控要試下呢杯，宇治抹茶濃郁香滑，唔會太澀，小小回甘，甜度可根據自己喜好選擇的#觀塘#觀塘美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#芋頭#黑糖#米麻糬#冬瓜#茶凍#草莓#仙草#奶蓋#宇治抹茶#台式飲品#打卡#drinks#eating_and_working_in_h_觀塘

😋MilkshaDrinks ordered😋1. Earl grey milk tea 2. Bubble Earl grey milk tea👧🏻🗣️ The drinks store is originated from Taiwan, which is called Mi Ke Sha. The milk tea is mixed with fresh milk🥛and earl grey tea🍵. Most of the milk tea in Hong Kong used milk powder with water and non-dairy creamer. While Milksha insist to use fresh milk🥛. 💰💲2️⃣9️⃣pp

芋頭控必飲🌸大甲芋頭鮮奶 $38🌟🌟🌟🌟🌟滿滿芋頭粒同芋泥，配搭鮮奶，口感細滑而且有咬口，仲點沒有額外加糖，原汁原味。🌸手感芋圓芋泥鮮奶$43🌟🌟🌟🌟🌟超多軟糯芋圓，幼滑芋泥配搭鮮奶，口感不錯。由於有芋圓關系，呢杯會甜一點。======詳情======迷客夏 (觀塘)觀塘觀塘道418號創紀之城五期L1層11號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #觀塘美食 #觀塘好去處 #香港美食探店 #香港探店 #我是吃貨 #打卡熱點 #打卡美食 #著數報料 #夏日打卡日常 #大甲芋頭 #芋頭控 #手感芋圓 #水蜜桃冰茶 #提子冰茶 #apm #創紀之城 #迷客夏 #milkshahk

食完飯想飲杯嘢飲見到好耐冇飲過嘅迷客夏，要買返杯最鍾意飲嘅草莓麻糬鮮奶。一般人鍾意飲嘅芋泥飲品，我反而最欣賞佢嘅草莓鮮奶🍓。草莓味好夠，米麻糬都好多料，差唔多有半杯。草莓酸酸甜甜，配上鮮奶，成杯韓國草莓奶咁，其他舖頭多數都係草莓沙冰，茶底，但呢度可以配鮮奶。🥛🥛成杯粉紅色，打卡好靚，見到麻糬掛杯。不過飲晒成杯都會好飽嘅，麻糬幾頂肚。題外話，見到前邊嗰個女仔都係買呢一杯，應該都幾多人鍾意飲😎。