迷客夏 (創紀之城五期(apm))

Open Now

Now Closed

【觀塘區】【迷客夏】自己比較忙，都有一段時間冇幫襯迷客夏，但係都好掛住佢哋啲高質素嘅飲品。之前我都寫過好多次，甚至連佢哋東涌嘅分店都試過，所以我自問都係半個迷客夏嘅 fans 嚟。行經過觀塘嘅 apm 商場，發現佢哋原來呢度都有分店，就忍唔住點都要幫襯吓佢。點知見到佢哋新出咗甜品，標榜「天然純手作，甄選好食材」嘅全天然自家製手作甜品，八款自家製手工配料每日喺門市新鮮製作，仲有佢哋甄選全球各地優質食材。而種類就有四款仙草杯可以揀。包括米麻糬芋泥、北海道麻糬、大甲芋泥，同就咁手工仙草杯。我去到嗰陣，米麻糬已經賣晒，所以唯有試 $32 嘅「大甲芋泥仙草杯」，可以任選三款配料，我就揀咗手工芋圓、手工綠茶凍同現熬嫩仙草。佢會配啲奶，仲會另上，等客人自由添加，不過我就落晒。食落好正，個手工綠茶凍勁高質，而且價錢平，算好抵食。。。（地址：觀塘道418號創紀之城五期(apm)1樓L1 - 11號舖）@milkshahk呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：荃灣區：1am0524離島區：1am0472沙田區：1am0879油尖旺區：1a

下午5:15有點口渴，打算買杯嘢飲，平時有飲開尖沙咀和銅鑼灣的分店，剛剛行過APM諗住應該都差唔多味道，話杯伯爵紅茶latte難飲到一飲完個口澀嘅，成杯好似奶精溝出嚟咁樣一啲都唔好飲，真心不如落去樓下飲天仁茗茶好過，今次超級失望沖茶嗰幾個女仔喺度大聲講大聲笑嘈到耳都聾埋，雖然做茶嘅時間好快，但係可唔可以控制下品質先對得起一杯奶茶？行吓行吓都係覺得好失望，忍唔住要上嚟打個負評，希望該分店嘅老闆可以睇到。

同朋友行APM行到又攰又口渴，嚟到1樓嘅台式飲品店，迷客夏，試吓人氣Top 3 嘅巨峰葡萄優格 同Top 8 嘅珍珠手炒黑糖鮮奶。Top 3 嘅巨峰葡萄優格 $48職員用新鮮提子打碎，唔係用果汁，所以好重提子味，仲有粒粒提子果肉，加埋Yogurt酸酸美美嘅味道，消暑解渴一流，啱晒夏天嘅時候飲！Top 8 嘅珍珠手炒黑糖鮮奶 $35正常水準嘅珍珠鮮奶，由於迷客夏嘅鮮奶系列係全鮮奶，唔用奶精奶粉，所以奶味超濃，黑糖珍珠亦都非常Q彈，夠晒咬口！

Milksha 迷客夏 🌞觀塘觀塘道418號創紀之城五期（apm）1樓L1-11號舖𓍯柳丁綠茶 $30🍊茶味好夠好濃 會苦苦哋不過香橙味唔夠個人比較喜歡天仁嘅香橙綠茶😅本人覺得可以加多少少橙味同橙粒 令到佢口感更加豐富🙂‍↕️𓍯🥣 手工仙草杯$28我哋加咗綠茶凍、糯香小丸子、同天然蘆薈🤤綠茶凍 茶味幾出 又唔太甜 🍵啲小丸子超級煙靭 好好咬 🍡好抵食 好個嘢飲 因為佢真係超多料 😻性價比高 仲平過杯嘢飲 又可以自選配搭

呢款係Milksha既原創飲品😳其實即係沙冰🍧嚟既~用🍍鳳梨➕椰汁🥥打成Pina Colada風味嘅沙冰而且可以任意揀自己鐘意嘅Topping(芝芝/優格/忌廉)而我就揀咗芝芝Topping🧀好鐘意呢種咸咸➕酸酸➕甜甜既口感😍😍好特別好好飲👍👍

個個都叫我試「手炒黑糖鮮奶」聽講D黑糖珍珠真係店員喺後台炒架😯所以比出面既珍珠更加香濃，仲好好咬😬而且配埋佢地自家鮮奶，口感香醇唔會過份甜👍👍推薦👍👍

晚上想吃甜品，就來這家店試試。聽說這裡的手作麻薯很出名，可惜太晚了，已經賣完了。於是我們點了手工仙草杯，只需28元，相當實惠，還可以選擇四種配料。我們選了手工綠茶凍、天然蘆薈、仙草凍和蜜餞紅豆。除此之外，我們還點了芝士奶蓋四季春。至於味道方面，手工仙草杯在人手倒入椰奶後，與其他配料出奇地搭配，口感層次豐富，十分美味。另一款芝士奶蓋四季春，茶香清新，口感順滑。上層的芝士奶蓋濃郁香滑，帶有微鹹的口感，與清新的茶香形成了絕妙的搭配。整體來說，性價比高，味道很好。可惜的是只有外賣，沒有堂食，需要自己找地方享用。

喺IG 睇到片，見佢有仙草食，價錢唔貴，一直想試。但佢本身只係飲品店，只得外賣，所以一直都未有機會試。直至有次上朋友家，唔想兩手fingfing，買左三盒唔同配料上去。仙草同綠茶凍都Q彈；麻薯煙韌 （有啲黏住個紙盒）；蘆薈清爽。重點係唔會太甜！！！本人同另外兩個frd都覺得好好食。然後，一個星期食左三次。。。

🐷📌 #豬西食觀塘#豬西食九龍.平時去迷夏客買嘢飲就就飲得多 😂佢哋最近仲推出咗手工仙草杯😻而且啲配料全部都好正手工嫩仙草、北海道米麻糬同埋手工芋圓 蜜餞紅豆 🫘 白玉珍珠😻 全部都係手工製作🫶🏻最正嘅就係北海道米麻糬🤣米味又真係幾香 口感煙韌仙草同埋啲芋圓份量都幾多下 動L動L咁紅豆煮到起沙好正😻😻口感超好！食呢碗嘢食到勁飽😻上面再淋返啲椰奶落去 所以個味道好豐富😗除此之外 仲可以追加 手工綠茶凍 / 天然蘆薈但係小編當日去到已經冇晒呢兩款配料（太熱賣了吧！）所以小編下次試完再話俾大家聽表現如何🫶🏻😻.迷客夏📍觀塘觀塘道418號創紀之城五期(apm)1樓L1 - 11號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #觀塘 #觀塘美食

-手作麻薯仙草杯 $32北海道米麻薯+手作仙草+任選三款配料本身已經好鍾意迷客夏嘅米麻薯每次去飲廢水抵一定會加依家出埋甜品仲咁抵食 真係可以日日去食！雖然比出面嘅甜品份量人細但米麻薯夠香夠煙靭👍🏼仙草味道唔會好假就算加埋三款配料都唔會話得好少而且配料都係新鮮有咬口加埋椰奶真係細細碗都夠！推薦揀手工綠茶凍同糯香小丸子👍🏼

Milksha全新推出手工仙草杯‼️八款自家製手工配料每日門市新鮮製作🙌🏻超抵價錢就食到 CP值好高🤑.📌手工麻糬仙草杯 $32手工嫩仙草+北海道米麻糬+三款手工配料｛手工芋圓, 白玉珍珠, 蜜餞紅豆, 手工綠茶凍, 天然蘆薈, 現熬嫩仙草(額外追加), 糯香小丸子(每日18:30後供應)｝.今次揀左手工芋圓, 白玉珍珠同蜜餞紅豆 三款都同仙草好夾😍有米麻糬千祈唔好錯過 每日限量供應 真係超好食 質地柔軟 煙煙韌韌 淡淡糯米香🍚手工芋圓食到淡淡天然芋頭香🍠白玉珍珠有咬口 好似黑珍珠咁🍡紅豆甜甜地🫘仙草滑捋捋 好清爽🖤另配左椰奶 不過撈勻左 椰香味唔出 但起到中和作用🥥全部夾埋一齊食 每啖口感層次都好豐富 勁快KO💯

山政小山園焙茶鮮奶($36)原來小山園係全日本最高級嘅茶園 🍂 用到高質嘅原材料 貴得有道理 焙茶味香濃突出，唔會太澀，小小回甘，搭配順口的鮮奶，啖啖充滿茶香同奶香😍 焙茶控要試下呢杯！—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $30-40 𝗉𝗉 🌟 𝗈𝗏𝖾𝗋𝖺𝗅𝗅 8/10📍 迷客夏 Milksha觀塘觀塘道418號創紀之城五期(apm)1樓L1 - 11號舖

迷客夏喺觀塘APM有分店，食完lunch之後小編就同朋友路過就順便買返一杯～<巨峰葡萄芝芝> $48水果加芝士奶蓋，飲品以巨峰葡萄冰沙為基底，搭配Ｑ彈葡萄粒，口感豐富！濃郁葡萄香加上厚芝士，鹹甜交織一啖接一啖，不知不覺就喝曬。<米麻糬芋泥鮮奶> $45鮮奶x鬆軟芋泥x米麻糬作基底搭配。鮮奶香醇，入口絲滑順喉，每一啖都品嚐到軟糯米麻糬同芋頭顆粒，甜度剛剛好感受到芋頭的天然甜香

見到Milksha推出咗升級版嘅北海道🇯🇵白鳥糯米米麻糬，食完lunch即刻去試吓😍💜米麻糬芋泥鮮奶🐄🥛用上北海道白鳥糯米製作嘅米麻糬入口柔軟、香滑，配埋粒粒芋泥一齊食，口感豐富又飽肚 😋米麻糬煙煙韌韌，非常軟糯，甜度適中，但要用少少力吸先飲到，麻糬控記得去試吓🤤～米麻糬同芋泥本身都帶有一定甜度，但加入鮮奶後就令整體甜度平衡了，入口更順滑🐮🍼🌟米麻糬係每日限量供應，想試升級版嘅米麻糬嘅朋友就記得早啲去🌟

同妹喺觀塘行街街，見到Milksha有日本北海道米麻糬，鍾意煙韌口感嘅我地，就忍唔住買左一人一杯過口癮😍我叫左杯好特別嘅法式草莓綠茶拿鐵+北海道米麻糬，menu寫係用左荷蘭嘅草莓🍓最治癒係望住店員將一球又一球嘅米麻糬放入杯🤤製成品都幾粉紅，一直好好奇草莓加左綠茶會係咩味😂但原來唔太飲到綠茶味，反而有d似草莓鮮奶，幾清甜，米麻糬嘅米味都幾出，口感好滑好Q彈🧡呀妹叫左杯山政小山園焙茶燕麥奶+北海道米麻糬，呢杯茶味比較香濃，揀左1分甜剛剛好😋