麵麵店 (Closed)

我2個小朋友都好鐘意食麵，車仔麵夠多選擇，近排佢仲有8折，我地一家差不多每星期都幫襯一次，QR code手機落單係小朋友唯一可以用媽媽電話的時候，哈！大仔最愛雞亦同午餐肉，滷水雞翼好入味，午餐肉厚厚嘅，小朋友至愛，而我就最鍾意食佢嘅魚蛋同埋蟹子丸，清湯我加咗腩汁，味道更加惹味，但亦唔會太油，小朋友食到津津有味。而我老公每次都會食呢度嘅麻辣蓮藕，因為出邊比較少機會食到，而且係另外用碟上，啲辣味唔會過到落湯底，小朋友亦都可以食到爸爸碗麵。爸爸話食車仔麵梗係要食返啲傳統野，所以佢每次都會食牛柏葉，豬皮，蘿蔔，而今次我第一次食南乳雞翼，原來係炸雞翼，用南乳汁腌到d味入晒雞翼入邊，好味又juicy。我細仔唔好睇佢細細粒兩歲人仔次次去親食車仔麵，都比佢平時喺屋企食得多，油面係佢嘅最愛，另外豆腐夠軟滑亦都非常啱佢口味，所以呢度我哋全家人都好鍾意食，已經差不多成為我哋屋企半個飯堂了。

今日同朋友兩個嚟新都城行街，行到見肚仔餓餓地，於是同朋友一齊覓食，見到呢間店係明星小儀做宣傳，裝修又好靚好整齊，梗係要來試吓啦！我最鍾意係呢度嘅面可以自己選湯底、面底、配料，唔會好似其他食店咁逼你食指定一款嘢食。咁我就揀左米線，腩汁來做湯底，腩汁真係勁入味，好香牛腩味，入味得來有清甜😍而配料都係個面嘅精髓所在，我揀咗滷水蛋、沙角餃、雞中翼、魚肉春卷、酸齋，店主好細心咁幫我將酸齋分開上，令到配料唔會比湯底溝淡晒，抵讚🥰我最推介係沙角餃，咬落去脆卜卜，好清爽，唔係出面咁容易食到🤟🏻而我朋友選咗粗麵，粗麵好有彈性，煮到啱啱好😛配料方便佢揀咗豬耳、韭菜餃、魚皮餃、墨魚丸，佢同我講豬耳鹵得好入味，好爽脆好有口感，真心推介要點,而韭菜餃餡料都好豐富， 墨魚卷魚同肉春卷必食😙總體來講，依間餐廳食物質素好高，面底同配菜都好好食，店員仲要全程好Nice好友善，以後晚餐都會再嚟食呀！

收工後來到新都城，見到有車仔麵，由於將軍澳內車仔麵的選擇比較少，所以我便決定試吓呢間麵麵店。我和朋友各自叫了自己喜歡食的餸，我叫了幼麵、豬紅、韭菜餃、沙葛餃、墨魚卷、金菇、魚皮餃等等，叫了咖喱汁。朋友叫了魚蛋、辣味腩片、撈面底、牛丸、魚肉春卷。車仔麵的餸和麵底的選擇都很多，而且好好味。值得一提嘅係我係愛吃辣的人，呢間車仔麵嘅辣汁，同埋辣味嘅餸的辣度都非常夠，食到我舔舔脷，如果係外好食辣嘅人士，一定要嗌佢辣味嘅餸。店舖環境好清潔，侍應嘅服務都好好，會教你點樣落單，會同你講有啲咩好食，整體來講性價比高，抵食！

車仔麵係我的童年回憶，但而家唔多地方有得食，來到寶琳竟然比我搵到大大個小儀嘜頭車仔麵，上星期無食lunch，我同老公3點去食好似餓鬼上身一樣，有大食大。手機點餐夠曬方便，我叫左油麵，蘿蔔鮮甜，墨魚條夠彈牙，蟹子丸爆料爆醬，正！另外酸齊同麻辣蓮藕會分開上，味道唔好比湯沖淡曬，食到最低見到湯底都無油淋淋，值得一讚。老公比我食得仲多，麻辣鴨腎有咬口，豆腐夠滑，雞亦夠入味，魚蛋一粒一口但好彈牙，豬皮豬紅更加係兒時必食的，而家大商場內都可以食到兒時回憶，實在太開心了。

新都城開咗小儀車仔麵🍜住得近嘅我緊係即刻去try try佢🤣- 我同友人分別叫咗:自由選米線同自由選撈粗🍜清湯加腩汁嘅湯底好好味啊🤩撈粗都好惹味我地叫咗好多餸😂魚肉春卷真係必嗌!!!!係回憶嘅味道呀🥺冬菇亦都超級入味🤣友人叫咗沙葛餃 係比較爽口嘅愛健康嘅我嗌咗啲金菇木耳紫菜全部都唔錯啊😝-依間車仔麵都有幾多餸揀而且份量毫不吝嗇😝重點係加$10就有超大份嘅菜!!🥬配埋大大杯凍檸茶 正☺️

今日去去了將軍澳新都城中心一期2樓241、250 、251號舖，去品嚐一下車仔麵，在商場裏面他是開放式的座位連續三間鋪連在一起，我們進了店後，找個位子坐下，然後掃描枱上的QR code，便可進入下單程序，過了一會就會有服務員送上食物。我們點了以下車仔麵配搭：麵底：油麵配香菇素湯小食：麻辣蓮藕青通菜（素食）豬紅鳳爪兩隻雞中翼兩隻飲品：凍紫貝天葵麵底：撈粗麵炸魚皮、豬皮、豬腸、碎腩、魚片頭三件飲品：凍紫貝天葵總括在講鹹味剛剛好，飲品很解渴類似酸梅湯。

今日去左將軍澳探個朋友，之後去咗樓下商場食個飯，見到有間新開嘅中式粉麵店，原來係小儀開嘅，餐廳有好多佢嘅相，我就入去試吓啦！餐廳做開放式設計， 座位都算寬闊，好舒服。餐廳好似做緊港式車仔麵，自選配料和飲品。我叫左麻辣豬腩片（1.5 oz）、蘿蔔、豬腸、韭菜餃、午餐肉，叫左香菇素湯，加左惹味咖喱汁。叫左野食好快上枱啦。大大碗好足料！超鐘意蘿蔔配埋咖喱汁，好濃好惹味，辣度唔算高。我好鐘意食豬腸架，無燥味，無腥臭味！

呢間喺新都城商場入面開嘅車仔麵店係美心旗下主要sell 乾淨同服務一去到就可以由店員帶位坐低然後scan QR code落單可以用好多payment 方法我就傳統啲叫店員過泥用入八達通機俾錢之後就可以坐定定等食物到而傳統嘅就可以先睇出面有咩餸之後門口一路排隊一路講要咩餸然後俾錢就自己拎嗰麵返位所以都幾適合老人家，OL，一家大細講返食物質素先撈麵，咖哩魷魚，魚蛋，豬紅，魚皮都好有水準蘿蔔就未夠入味而且有渣通菜都唔差但如果有得揀腐乳就更好另外撈麵冇送上另外一碗湯如果有湯就更好

今日行過新都城見到有間新麵店開左，原來係小儀開，小儀之前係某電視台成日介紹香港地道食物，都令我留下吾小印象。 店員主動推介車仔餸麻辣蓮藕及特別研發辣菜脯佐面，諗左好耐就試下四送湯麵餐。 另外店員細心提醒如果外賣可自行上網下單，十分方便。 回到家後，打開外賣盒就已經好香，我叫左唐生茶底，菜黎講，算係不過不失。另外點了豬紅，咖喱魷魚，麻辣蓮藕，蘿蔔配咖喱汁，豬紅不過不失，咖喱魷魚太咸得個香字，麻辣蓮藕花椒味重只係得辣，蘿蔔口感粗糙而且很多渣。另外套餐仲送熱豆漿，豆漿完全無豆味。 老實講，小儀車仔麵檔價錢定位正常，不貴不便宜，食物質素一般，但係一心抱著希望去，只帶失望走。

一直都知小儀開左鋪頭，但之前行過門口唔算吸引。但其他地方食到厭，就試一試啦見到麵底可以轉菜底，覺得唔錯，好岩減肥同進行生酮飲食既朋友，份量足夠，味道唔錯，感覺唔算有味精，起碼食完唔會口渴。

一直都幫襯開太古分店，見將軍澳開了新店所以慕名去試，但有點失望，太古店好食好多⋯因為將軍澳店係掃枱面QR code 點餐，所以欠缺彈性，尤其係湯底醬料，因個app已經set好只可選一款，但太古店可以因應個人口味混合幾種醬料，而且太古店可以見到所有餸，邊樣吸引點邊樣，我個人覺得車仔麵應該是見餸即點比較正宗傳統⋯在沒有比較下，味道是可以的，而且這店有店員送餐，坐底丶點餐丶就有得食，除非俾現金要出櫃面俾錢，否則俾Apple Pay 或八達通（店員有手提八達通機）都可以坐喺度等食😝個人還是較喜愛太古店的味道！

放工經過附近 無意見到呢間車仔麵估唔到比想像中好食咁多幾好味，下次會再食款款餸都多份量 足料咖哩魚蛋彈牙，魷魚大條同埋咖哩夠辣👍🏻湯底好夠味第一次寫食評，唔太識寫

小儀開既麵麵店聽就聽左好耐， 但食就真係冇食過。 近日佢開左係屋企樓下。 咁出名梗係要試下佢！首先要講講， 麵麵店係一搵到位坐， scan台面個個QR code就可以叫野食。 真係好方便呢！仲支援唔同payment添！叫左魚肉春卷， 麻辣豬肉，牛腩撈粗，小辣。先講魚肉春卷， 因為撈粗既關係春卷特別脆口， 魚肉餡亦不錯， 彈牙！麻辣豬肉真係夠麻夠辣！ 連我呢個辣霸都標左一滴汗。 牛腩炆得好入味好焾，但牛味絕無走樣， 食材不錯！

小儀出名手勢好, 我指煮野食個方面, 細細個就已經睇美女廚房, 知道佢煮野好叻, 今次見佢開左間車仔麵店, 而且又係將軍澳喎, 我做完茄喱啡就啱啱好順路可以食啦叫左兩碗麵, 一碗撈, 一碗湯湯個碗有雞翼, 豬紅, 牛腩, 冬菇雞翼入味豬紅唔會一夾就散, 成功牛腩夠淋, 又入味, 好功夫冬菇都好入味第二碗撈麵揀左粗麵, 撈住食, 好好食有鮮竹卷, 牛腩, 肥牛, 午餐肉撈麵好食過湯麵, 個醬好正, 粗麵又有咬口以全港車仔麵黎講, 呢間都算係中上

麵麵店開分店一個人想食車仔麵就嚟環境乾淨落單方便唔使等車仔麵叫咗麵麵身質地雖然比較幼但係唔會黐埋一舊舊亦都比較有咬口唔會太過淋另外叫咗豬耳同埋蓮藕必點的餸是這個蓮藕片, 口感爽脆又沒有"渣"但非常入味, 每口都點辣的刺激, 與車仔麵十分夾味佢麻辣真係做得唔錯豬耳好淋好爽口彈牙食完直情想加多份蓮藕就咁略嫌軟身少少食到差唔多就叫左杯凍檸茶, 茶味夠濃夠凍真係夏天消暑最佳良伴加上麻辣食到成身汗, 個人熱辣辣值得讚係佢環保飲品無飲筒每次食嘢仲送一兜菜譜