麵麵店 (Closed)

見到小儀打骰即管試下呢間星級車仔麵近50款車仔餸，用電子落單......睇落好快，其實好麻煩-0-揀咗幾頁唔想再揀…最後直接買佢嗰啲推介算…呢個會唔會係佢賺錢方法嚟？湯底有3款揀inc.薑酒湯、香菇素湯、清湯我揀咗香菇素湯，幾清香小儀招牌雜燴麵（8餸）8款車仔餸有豬皮、豬紅、蘿蔔、咖哩魚蛋、牛腩、豉油皇雞中翼、豬耳、麻辣蓮藕小儀特別推介麻辣蓮藕&酸齋&豬皮，索晒啲湯汁勁正喎我覺得麻辣蓮藕個麻香味的確好重，好爽口，但真係勁辣.....可一不可再！食麵附送少少秘製菜脯，質感唔似坊間咁乾身，添加咗蒜&辣椒，好辣....仲有細細粒蘿蔔可黐落麵條度飲品特別推介開胃生津紫貝天葵～食完車仔麵再飲紫貝天葵，清熱氣又幫助消化，個口無咁鹹

小儀係香港人心目中都好出名，最近不知不覺間知道小儀開左間車仔麵，原來已經唔係最近，係好耐好耐之前已經有，只係最近開左間分店係將軍澳，當我知道個一刻，即刻同男朋友去試試小儀口味既車仔麵係點既先。將軍澳新都城一期呢間分店都算細間，係一個轉彎位入面，不過職員服務就非常好，我地企係門口，佢已經即刻出黎招呼，問我地堂食定外賣？跟住就會帶位，坐底後，枱上有個QR Code，只要你掃一掃佢就可以係電話下單，入面有小儀推介既套餐，都有散叫，款式都算多，飲品仲有一兩款特別既。我男朋友叫左出前一丁，牛腩，芝士雞尾腸，咖哩魷魚，酸齊，湯底方面就叫左好特別既薑湯底，在配咖哩汁，加多杯凍檸樂，估唔到我叫左咁多野先70蚊，真係算好扺食，用手機選擇完之前就拎出去俾錢，跟住返位等職員送餐就可以啦，薑湯底真係幾特別，唔會太勁既薑味，但有小小味，牛腩半肥瘦都好淋，夠曬入味，芝士雞尾腸同出面食既比較多好多芝士，最最最要推介既係酸齊，外皮小小脆，餡得岩岩好，非常好味。我就叫左米線，蘿蔔，鹵水雞翼尖，豬腸，鳳爪，貢丸，清湯底加咖哩汁，飲佢最特別既咸檸碧，我仲多送過男朋友，但我只要67蚊，真係我既送特別平，樣樣野都好入味，最特別

車仔麵落單電子化 由將軍澳麵麵店開始全自動化落單 用QR code 掃一掃 就可以link up到麵麵店既webpage, webpage design 簡單而且有精選餐 推薦菜色 價錢 菜色 一個webpage 有齊晒比大家慢慢落單！細細聲話你知： 間鋪小儀開架佢做埋代言人添佢推薦既菜色 我都有試而且每碗麵都付上自家辣菜脯辣菜脯真食越食越滋味首先麵底：米粉$14 餸菜：滷水雞翼尖$8咖喱魚蛋$8豬腸$10麻辣蓮藕$9麻辣雞腎$10咖哩魷魚$12清湯底 跟腩汁雞翼係推薦呀！ 入味入味佢地家辣野 唔錯蓮藕爽口 雞腎彈牙另外 為左試試佢既辣湯友人叫左碗 優惠至低三送套餐$39 包野飲餸叫左豬皮，金菇，再加$3 叫牛柏葉跟咖哩汁辣到慶恰恰 3樣餸都吸收晒咖哩汁中意食辣既朋友必試！

今日放工返到將軍澳就去左食DJ小儀嘅車仔麵店「麵麵店」，我諗車仔麵真係個個都食過，今次呢碗車仔麵真係相當高質。我見到餐牌都算有好多款式車仔餸選擇，有：麻辣腩肉片、麻辣蓮藕、沙葛餃、酸齋等，比較特別。當然啲normal野都一定有喇：魚蛋、豬皮、豬紅等。湯底亦很有特式，有薑酒湯和香菇素湯。我同男朋友叫左一人一碗！招牌雜燴麵　 (八餸，$62)有豉油皇雞中翼、牛腩、豬皮、豬紅、豬耳、咖哩魚蛋、麻辣蓮藕、蘿蔔，豐富飽肚！小儀至愛推介 （4餸，$44)有麻辣蓮藕、酸齋、豬腸、豉油皇雞翼總合結論係：麻辣蓮藕真心好好食，同埋酸齋好特別！而所有滷水全部都做得好出色，如牛腩、雞翼、雞尖、豬腸等都不錯，我的推介是牛腩，好軟腍腍，又入味！加左小食：韭菜豬紅加左野飲：紫貝天癸另外，值得一提嘅係客人要用手機電子先落單，再選擇用手機付款，或者是到收銀處付款。雖然預先在手機落單是好方便，但對於小小電子白痴的好，真的增加了的食車仔麵的難度。

美女廚神小儀近日係新都城開咗間麵店，咁有保證當然要試下。點餐只需掃QR code方便快捷。先嚟個清湯魚蛋10粒$18，魚蛋大大粒超彈牙，清湯都好夠味。油麵$14、牛腩x2$28、唐生菜$8、司華力腸$10、龍蝦丸、清湯底-朋友鍾意食牛腩叫咗兩份，真係超正，腍得嚟唔會韌，又入味，司華力腸大大條個皮夠脆，龍蝦丸亦好彈牙油麵$14、牛腩$14、魚皮餃3隻$8、魚肉春卷2件$9、清湯底跟腩汁-魚皮餃啖啖肉皮亦夠薄，魚肉春卷魚香味重食到好滋味純豆漿$6-暖暖地好有豆味，又滑夠甜呢度絕對係唔知食乜好時嘅好選擇，簡單方便

估唔到係新都城，小儀都會黎開車仔麵，明星效應試下都好，單餐都幾方面，首先用qr code落單，之後可以出去俾現金，或者叫店員黎用電子貨幣，另外，要提就是，上菜超快，不用5分鐘就送到，岩哂我依d心急人。酸齋+牛腩+沙葛餃+餐肉+咖哩魷魚+油麵其實我幾鍾意食酸齋，車仔麵都可以有得食都幾令人開心，而咖哩魷魚同牛腩都好入味，仲有附送嘅菜脯，味道好好又夠辣，其實菜脯先係王牌鮮竹+豬腸+魚片頭+米粉簡單的選擇，米粉都比想像中多，鮮竹很新鮮，豬腸亦很入味，米粉配菜脯更是王道咖哩魚蛋豬皮蘿蔔車仔麵既三寶，獨立做小食咁叫，3樣都好入味，魚蛋要讚一讚，因為相當的彈牙，可以話一定叫試試

老公之前說想要試試這家由藝人小儀和美心食品合作開的車仔麵店，所以這天跟他來試試看。下單方面，這裏是採用QR code掃描下單。選好之後可以以八達通付款，全程無需離開座位，的確很方便。我們都點了四送套餐，我點了鹵水鳳爪、咖哩魚蛋、魚片頭、雞肉腸。湯底選了香菇素湯跟咖哩汁，麵就點了油麵。這幾個送裏，我覺得比較突出的是鹵水鳳爪，很腍，骨肉很容易分離。還有飲料，點了自家製的紫貝天葵，雖然是凍的，但個人覺得不夠凍，味道帶點酸甜，很開胃的。老公點了魚皮餃、鹵水蛋、 黑椒牛丸、韭菜。湯底選了清湯跟腩汁。麵就點了油麵。飲料點了凍的豆漿。整體來說一般般，試過就好😅

附近開了一間車仔麵檔，聽聞係小儀開嘅，緊係即刻入去試下啦。裝修係開放式，用黃色做主調，清新脫俗。職員禮貌很好，安排入座後，便可用QR code點餐，方便我在座位慢慢揀，揀好之後就可以到收銀付款。我點了清湯+咖喱汁米線，不得不讚咖喱汁，又香又辣，好開胃，米線略硬。至於配菜方面，我點了墨魚春卷及魚片頭，用了十足，口感彈牙，豉油王雞翼入味，肉質略乾。另一碗點了清湯米線，麻辣雞腎，辣度惹味，雞腎爽口，韭菜水餃大大隻，內餡調味很好，但皮有點厚，冬菇入味。飲品方面點了紫貝天葵及鹹檸七，大杯抵飲，消暑解渴。

今日約咗朋友喺將軍澳新都城有d野拎畀佢，熱辣辣唔想行返出商場，所以就決定係附近一齊開餐行行下見到有間〈麵麵店〉係小儀開嘅，就一於試下啦。難得就算無food court都可以幾十蚊就喺商場入面涼住冷氣食個飯嘛！！最抵嘅四餸套餐$44就可以四餸加一麵，仲有嘢飲，好抵！大胃王仲可以揀貴少少但多好多餸嘅〈招牌雜燴麵〉另外仲有地道小食，魚蛋豬皮同蘿蔔相信絕對系好多人嘅最愛。當然一般嘅車仔麵料都全部有齊。值得一讚嘅係採用更環保既電子落單，先掃左每張枱上面嘅QR Code,之後揀好食物就拎出去櫃面畀錢後等食就得，唔似得傳統車仔麵店咁每碗麵都用一張紙落單，唔環保喔！！同朋友各自嗌咗杯濃郁嘅豆漿，仲有杯酸酸甜甜嘅紫背天葵，夏天熱辣辣飲就最正。揀咗新鮮爽脆嘅菜底之後仲叫咗味濃又Q彈中帶爽脆既豬耳。最貼心嘅係店家將麻辣蓮藕同酸齋用另一隻碟上，絕對唔會浸到淋曬，抵讚抵讚朋友亦都唔執輸，叫咗佢哋嘅招牌麻辣蓮藕同麻辣腩肉片，辣得勁過癮。最後絕對要推介小儀自家製的秘制勁辣菜脯，夠辣又勁爽脆，無論撈麵定湯麵一齊食都勁正。

有一段時間沒有食車仔麵，知道隔鄰地鐵站上蓋商場開了新車仔麵店，趁週末過去試試。「麵麵店」由小儀做代言人，本來以為她自己開舖；無意中聽見鄰座兩個師奶閒談，提及「麵麵店」係《美心集團》開設，之後再問服務員阿姐，果然得到證實。原來這間「麵麵店」分店由《美心集團》及小儀合作，小儀自己打骰開設的車仔麵店「麵麵店」則位於太古城中心內。裝修用鮮黃、黑、白三色為主調，簡潔明亮，有別於其他傳統車仔麵店；同時又採用開放式設計，整體風格充滿現代氣息。大大張宣傳海報推介招牌雜燴麵，沒有寫明幾多錢（奇怪？）；由於並非所有車仔餸都鍾意食，所以決定還是用傳統方法，逐款車仔餸單點。本來想排隊落單，但餐牌上竟然沒有任何價錢；反而展示了大大個 QR code，原來採用了中國內地餐飲業已經流行多時的 QR code 自助落單及找數，唔怪得餐牌沒有展示任何價錢。大陸用微信支付，香港就用 ApplePay / GooglePay、八達通，當然，配合香港實際情況，堅持現金付款也可以，只不過就要排隊了。車仔餸款式非常多，麵底或菜底同樣有很多口味可以選擇。總共叫了三碗麵，其中一碗五款餸（豬腸、豬紅、冬菇、咖喱魷魚及咖喱魚蛋）；第二碗

今日去咗新都城搵朋友食晚飯，佢原本想睇皇阿瑪展，但係搵唔到😂我哋搵緊嘅途中見到呢間小儀車仔麵決定支持下😀佢有個三餸一麵套餐$39仲包嘢飲都幾抵👍不過我眼闊肚窄想試多啲餸，所以就揀咗個自選set🙈 呢度係好先進咁scan個qr code自己落單再去收銀處俾錢😁我叫咗一個唐生菜，豬紅，豬皮，南乳雞中翼， 鹵水蛋，炸魚皮米粉🙊朋友叫咗一個豬耳，木耳仔，韮菜餃， 春卷撈粗麵配豆漿～餸嘅份量都唔少😁 鹵水蛋係原粒上，幾入味豬紅夠滑～南乳雞中翼真係食得出南乳香😋 但味道剛好唔會太咸，因為出面好多餐廳既南乳雞翼都食唔出南乳味🙈強烈推介炸魚皮！！因為好薄同勁脆， 放落個湯浸嗰陣係完全聽到好清晰嘅咋咋聲😱😱我試咗朋友一啖撈粗，個質地有少少黏，啲麵幾彈牙幾好食👍 我平時好少食撈麵但係都覺得唔錯😋仲試咗朋友粒韭菜餃，皮薄餡靚😍食車仔麵瘋狂嗌餸真係一件樂事🤣🤣

將軍澳區比較少車仔面既鋪頭係IG 見到話小儀係新都城開左鋪頭就去試下掛住研究個電子落單就唔記得影個電子落單不過我自己就覺得電子落單都係唔夠人手快因為我地要轉黎轉去睇有咩餸揀我覺得每張枱面最好都加多一張菜單 有哂咁多款餸既相係到跟住落單可以照用電子(咁當然其實係新客先會有揀餸既困難 熟客就當然揀一揀就揀完啦)由於我係同阿媽去 佢揀左好耐....我地每人都叫左四樣餸我叫左咖喱魷魚 小儀推介既麻辣蓮藕片 牛腩同豬大腸咖喱魷魚唔係好入味 麻辣蓮藕只係得個辣字 牛腩不過不失 豬大腸太冧亦無味->四十四蚊有四餸 有野飲 係商場入面食既就算啦媽咪叫左 牛腩 雞腎 春卷 豬耳雞腎都係得個辣字 但好似同出面D 雞腎有少少唔同 好似食到有一線線既感覺春卷就同南記既春卷差唔多 都可以豬耳好冧 無左豬耳應該有既口感同一句->四十四蚊有四餸 有野飲 係商場入面食既就算啦招牌菜脯得個辣字 出面有D 鋪頭自己做既比哩到出色同埋菜脯就有咬口先好食 但哩到既係菜脯蓉..如果性價比黎講係將軍澳區係可以既但如果問我幾時會再黎第二次就可能無咁快

小妹好鐘意食車仔麵，知道小儀係新都城開左間麵麵店，一直都想去，但成日都見好多人排隊，所以都冇食到，難得今次人少少，就同媽咪去食麵麵店車仔麵做緊$44套餐優惠，任揀4餸包細豆漿或細紫貝天葵~排隊買既時候，都可以scan QR code 預先揀餸，落定單，一到收銀直接比錢就得，省時又方便~如果剛巧電話冇電或有長者唔識用手機落單，都可以直接叫店員幫忙落單~去完收銀比錢後，就可直接番埋位，轉頭服務員會拎埋比你~顧客亦都可以坐低左先，再係位到用手機scan QR code落單, 只係我覺得一路排隊一路落單會比較省時，大前題係要確保有枱坐先,不然買左冇位坐就大獲 XD本來諗住食套餐，但睇完menu發覺有好多餸都想食，4餸應該唔夠🙈，最後還是散點吧~同埋散點飲品大杯d~大約等左10分鐘到，車仔麵就送到枱上1. 自由選車仔麵 河粉蘿蔔、豬紅、咖哩魷魚、炸魚皮、雞中翼清湯 咖哩汁 加$6紫貝天葵2. 自由選車仔麵 米粉炸魚皮、雞中翼、紅腸、咖哩魷魚、韮菜餃清湯底、咖哩汁 加$6紫貝天葵wow...🤤又幾大碗，2碗都係好豐富既5餸麵，仲跟埋辣菜脯炸魚皮香脆， 鹵水雞翼好入味紅腸爽口，蘿蔔清甜韮菜餃都好香韮

見過小儀介紹自己間舖嘅片，望落d配料都幾吸引，而且有d唔係好多地方有嘅，於是就幫襯一下。先要一讚呢到可以用scan QR code嘅方法落車，客人可以搵咗位坐定定再慢慢揀。仲有另一樣我欣賞嘅係佢有顧及素食嘅客人，其他地方可能都有幾種菜類或者菇類，但呢到連湯底都有素嘅，就更加有心啦！我呢碗係油麵配金菇、腐竹、麻辣腩肉片、魚肉春卷、麻辣雞腎，加咖哩汁（加埋可樂共$63）。食得辣嘅我推薦麻辣雞腎一黎比較少地方有雞腎做車仔麵配料，二黎佢個麻辣真係好香好麻，食到出晒汁流晒鼻水但真係好惹味另外佢送咗一小碟自家製菜脯，都好香口架！

今日係將軍澳行街，中午時間但又無咩胃口，經過見到呢間麵店，聽講係小儀開，就入去試下，希望辣野開胃啦可能早啦，都唔係好多人等，即刻入去試試先！揀左個撈麵，朋友就揀左湯麵，不過最想都係試下佢個辣菜圃！菜圃果然無失望，辣得好過癮，夏天食下辣野排走濕熱都好！個麵都唔錯，唔會太大＂簡＂水味！有機會再黎～