Mimosa Patisserie

Open Now

Now Closed

一直想食，終於等到有朋友生日黎買。芒果拿破輪$40 好好味但好貴。平日14:00 去沒什麼人。一入去只見老闆娘，我只說兩個芒果拿破輪，語氣冷淡$80 我預了如此，所以也沒什麼。最緊要，真係好味，又不太甜。自己買了生日牌

曾經係我最愛食的蛋糕!但點解而家會變成咁! 話說，我生日，朋友問想食咩蛋糕，我即諗起曾經係天后食過呢間拿破崙，係脆口，仲有好香的吉士味。但以上都只能成為回憶。。。有咩驅使我去食呢篇食評? 係一團火呀!!! 好難食!極度難食!死甜!淋架!真係極度難食!死甜!淋架!拿破崙唔係應該好香吉士味? 鬆化?香脆架咩?(N年前呢間做到!但而家認真嚇親你!)如果唔相信，你地自己買黎食! 真係好想叫佢回水!!!!希望整餅果個會改善！

呢間嘢服務態度好差...佢嘅營業時間明明寫住話係11:30開門, 但係我果日喺11:50想入去,竟然俾個女人好惡咁趕返出去!!依家咁嘅經濟環境, 唔通佢嫌生意太多?

食完lunch諗住去買甜品，同事畀呢間嘢嘅評價唔錯。呢間舖頭比較難搵，都比較靜。見到門口冇拿破崙，就入去問下好似老闆娘嘅人。佢好死板同冇禮貌咁答我哋，到收款都冇講一聲多謝，亦都全程黑面。唔知我係唔係撞鬼，定係樣衰，定係踩親佢條尾？講番啲餅：芒果拿破崙嘅酥皮脆，香同埋有牛油味！但係啲忌廉就得個甜字，啲芒果得幾粒，而且又係淨係得個甜字，完全冇芒果味可言...40蚊一嚿其實同九龍酒店差唔多...但係服務係冇價嘅...如果你咁啱去完鵝頸橋底打自己小人，就最啱嚟呢度，畀佢黑下你面。

成日聽朋友同同事講 mimosa好食，自己原本無特別鍾意食拿破崙，而且出面食成日都好膩同太甜。今日出街經過天后，朋友又極推薦，決定外賣一試，價錢對比呢個食物質素唔算特別貴，因為真係好味!!酥皮看上去都算厚，刀口超齊整!!!!唔會令人感覺鬆散晒咁，不過個人驚成個食會跌到周圍都係，所以一層一層咁食。果然無失望，芒果超甜，配搭一層層又鬆又脆既酥皮加吉士，每一層都鬆脆，每一層都夾住吉士CREAM!!!吉士好滑，唔會太甜，又唔會膩，超正! 芒果好新鮮，一D都唔會酸!!!!!十分足料~

爸爸70大壽 除了訂壽桃包外？！還有什麼更好嘅選擇？！又特別少少要好食的～有位好同事就介紹天后有間專吃芒果拿破崙 不錯推介給我由於爸爸偏喜歡吃芒果蛋糕的所以我二話不說打電話問問原來可WhatsApp訂單～完全避免了網上所說的老闆娘服務態度差劣的體驗😅這個是4件size 個人對拿破崙非常一般但今次嘗了這芒果拿破崙完全對拿破崙改觀很不錯餅底很鬆脆！有口感實在不空氣～芒果味道不是浸了糖水的那種 偏酸帶甜非常開胃 鮮芒果的味道～爸爸對這拿破崙也大贊！

聽人講呢度件拿破侖超好食，所以黎幫襯。諗住睇下仲有咩蛋糕，我一推門，想睇下有咩蛋糕先，個男店員勁唔耐煩，勁惡，對眼瞪到勁大咁對住我 “要咩？“我就問佢有無芒果拿破侖，佢又再次好唔耐煩咁講“有呀，要幾多？“我話“2件呀，唔該“佢好不肖話“出去門口啦!! “咁我咪出去門口等囉，佢好搞笑嫁喎，我係門口係聽唔到聲嫁嗎，佢ready 喇，就喺店內“手指指“ 指住我個方向， 都唔知係咪叫我，企我隔離個男仔話“e? 佢係咪叫你入去呀？“ 嘩，好彩有客幫手叫我。唔通我識千里傳音？ 拎到返屋企品嚐，個芒果超酸，個皮係脆，但食左2啖已經頂唔順。可能唔係當造生果，真係唔掂。anyway, 我覺得嚐試一次就夠喇

開頭話訂既時間一個鐘頭前預備好，便早40分鐘攞，C9話未有，之後早10分鐘攞，C9再話未有得攞，我知唔緊要，C9態度差又無禮貌，好似早到係原罪，口噏噏話人。其實又唔係特別好食，芒果好酸！名過其實永不再幫襯。食返個酒店拿破倫好過。

一講開拿破崙（明明係一個人名。明明係史學大題。英雄造時勢定時勢造英雄？）我就一定會問人有冇食過MIMOSA, 因為我覺得MIMOSA做到一個「指標」—— 好味嘅拿破崙至少應該有mimosa嘅水準。話說最開初我係食奇X同港式茶餐廳嗰種有合桃同奶油嘅「拿破崙」，曾經覺得好好食。後來無意中聽到mimosa, 又無意中發現自己經過，再無意中去到買到珍貴嘅每日限量拿破崙，我嘅人生——至少响pastry方面—— 從此不一樣。當然咁多年嚟，Mimosa拿破崙係有所變化，而酥皮呢啲手工嘢，同天時氣候原材料手工心情等等永遠有千絲萬縷嘅關係。但响我過往十年間近三十次光顧次數，佢做嘅拿破崙都保持到「初心」：酥皮厚薄適中，均稱，吉士挺身唔易溶，微酸少甜，生果唔出水但又唔會乾，試過雪兩日兩夜都保持餅身鬆脆，士多啤梨嘅香甜竟然幾乎比芒果出色（本身非草莓迷）。每次出mimosa拿破崙呢招冧親朋都無往不利。當然，我似乎更喜歡（或者懷念）當年吉士以較少份量但完全平均分佈並且完美粘合三塊酥皮（而且絕不移位，包括運送同叉落去），用叉食到最後一口佢都唔「冧」保持到形態嘅MAGIC。今日食嘅拿破崙美味依然，只係感覺多咗份「人間

幾年前係天后工作第一次食到呢間餅店既拿破崙覺得驚為天人閒時都會買返去同家人一齊分享每次同傳說中既店員交談都係點到即止所以對她的態度沒有太大感覺早幾日腦海中浮現呢個拿破崙因為屋企人就生日所以星期一打去訂左8件餅滿心歡喜明天請半日假去提早拎蛋糕但當你最有準備既時候現實總是令人失望今晚食食下飯既時候就比一個十分驚嚇既消息嚇到無曬心情，訊息如下：X小姐唔好意思今晚7:00店鋪燒fuse搶修失敗焗爐壞了這幾天都不能售拿破崙這訂單要取消抱歉一字不漏無加多亦無減少......由呢個咁無溫度既訊息通知我明天既蛋糕不會有了意外發生無人想問題是意外發生的處理態度咁大件事都唔係打電話通知係send一個what’s app就算數平時態度唔好講野無尾音都唔緊要因為想食餅都會忍耐但今次我係唔會再忍受如此差劣的服務態度言談間提起咁大件事點解係send個message就算過左陣就收到餅店電話但我唔會想再聽因為我一世都唔會再幫襯好食既餅都要配返正常既服務態度唔係一副我整得好味就大曬既感覺正所謂「今時今日，咁既服務態度點得嫁？」下下當顧客係出氣袋好食到飛上天又點？我就不了

💰芒果拿破崙$35💰士多啤梨拿破崙$36認真講佢應該係我係香港食過第二好味嘅拿破崙👻 不過呢啲真係純粹個人口味 因為有唔少人係好鍾意rosewood嗰種厚酥皮 但係我係鍾意好多層薄酥皮加custard 間住間住咁 仲有啲木槺 食落好creamy又有酥香嗰種感覺😍第一位仲係兩年前食嘅洲際👻但今次呢間都好高質 酥皮真係好酥脆芒果微甜 同custard好夾 食落好creamy 酥香同好fresh 大推芒果多過strawberry😂因為strawberry偏酸左啲 感覺上係呢個咁完美嘅甜品上面唔應該有酸嘅嘢存在😌 總括黎講真係好味！ 經過係絕對值得一試🥳

我家住天后，好多年前，Mimosa新開張我已經開始捧場,一直都是同老板購買，買了好多次。漸漸發覺服務態度變得奇差，所以停止。剛剛今天路過，心血來潮，本想買六件回家跟家人分享，誰知老闆娘一臉不屑的樣子，令人有不受歡迎的感覺，問多一句都唔想睬你，於是我便打算杯葛他。剛剛看到其他留言咁就知道老闆娘的一貫作風，香港咁多美食，為何要苦了自己去受氣呢！

睇到好多評價都係話老闆娘態度差，我買咗三次先寫食評，發現老闆娘嘅態度都係一時時，好似比較唔討好啲即場企喺店舖入邊諗好耐嘅客人。不過呢個其實都明白嘅，因為舖頭其實真係好細，大概只係可以企到三至四個人，所以難免老闆娘有時會黑面迎人。之前兩次買過一個拿破崙蛋糕同埋啲mousee 蛋糕都冇影相😂😅因為純粹試驗，但係真係幾好味。今次買左🍽：朱古力拿破崙同芒果拿破崙蛋糕😋😋香港少有食到脆嘅，唔漏，唔太甜嘅拿破崙。真係高質。不過個人覺得都少貴。值得一試嘅😋😋

只係想ORDER 個生日蛋糕，ORDER 完冇連一句"OK" 嘅confirmation未冇就收左線，再打去問清楚.....佢問我係咪當佢弱智又CUT我線，第三次打返去再問，得到回覆係"唔鍾意咪唔好食囉"。用咁様嘅心態去做甜品，好食有限

『圪立天后多年・傳說中串嘴拿破崙』𝑀𝑖𝑚𝑜𝑠𝑎 𝑃𝑎𝑡𝑖𝑠𝑠𝑒𝑟𝑖𝑒, 𝑇𝑖𝑛 𝐻𝑎𝑢⠀⠀你們吃過這家在天后開業多年的馳名芒果拿破崙嗎？在openrice上一搜尋，全都是說店家態度差的評論。幸好，這次我去買並沒有被罵，只是態度冷淡而已。⠀⠀꧁芒 果 拿 破 崙꧂⠀招 牌 的 芒 果 拿 破 崙⠀酥 皮 不 算 很 薄 但 很 酥 脆⠀芒 果 份 量 適 中⠀對 我 來 說 有 點 偏 甜⠀三 十 九 原 來 說⠀質 素 對 得 起 價 錢⠀⠀꧁草 莓 拿 破 崙꧂⠀甜 度 比 芒 果 更 高⠀也 不 知 為 何 沒 芒 果 的 酥 脆 ⠀有 點 失 望⠀四 十 元 比 芒 果 的 還 貴⠀⠀꧁開 心 果 慕 斯꧂⠀這 個 有 驚 喜⠀開 心 果 味 雖 說 不 是 很 濃⠀但 甜 度 很 低 ⠀質 地 輕 盈⠀感 覺沒 什 麼 負 擔⠀不 過 最 貴 是 這 一 件 要 四 十 二 元⠀⠀總括而言，這個價錢還是值得一試的！但不要抱太大期望就是了。𝑨𝒅𝒅𝒓𝒆𝒔𝒔:⠀Mimosa Patisserie⠀天后電氣道22至52號金殿大廈商場內36N號舖⠀⠀分類搵食 Ğ̈ŭ̈ĭ̈d̆̈ĕ̈T̆̈ŏ̈Ĕ̈ă̈t̆̈⠀#16