Mimosa Patisserie

Open Now

Now Closed

疫情期間想了解店鋪是否開門但職員態度極之惡劣！職員話：「冇開門就唔會有人聽電話啦！」原來睇番之前有其他客人都遭遇到同樣既態度對待！ 即使你既野整得再好食但態度咁差都冇人想幫襯你囉！

舖頭不起眼，要走入一座大廈嘅地下先會見到。因為媽咪鐘意食所以每次經過天后都會買，但最好四點前去買否則會空手而回。今次芒果及士多啤梨拿破侖各一件，建議即日食因為酥皮放過夜就會淋。拿破侖有三層，酥皮出色，又香又鬆，鬆得嚟又唔會有一陣牛油羶味，另外中間吉士甜味適中，芒果香甜但士多啤梨則有少少酸。

近呢十幾二十年從來未見過有咁惡劣嘅餐廳服務😭😭，早幾日打電話去，諗住去問佢哋今日有冇開門，早些講定要大約要三打餅，廢事吃閉門羹，唔知個老闆娘定係服務員，就回覆話，我聽得電話呢，就梗係有開門㗎喇，你係咪有問題㗎（態度好差）， 跟住我同佢講我諗住嚟同你訂定餅，你都唔使咁嘅態度嘅，現在疫情，咁我打電話來，點知你有冇開門😥！咁嗰個女服務員態度更差，唔鍾意咪唔好嚟囉🤬🤬。就收咗我線。

14年前結婚蛋糕係幫襯佢，因為唔就腳，好耐冇幫襯，今日突然需要買個生日蛋糕，唔想幫襯大集團，就唸起佢，但因為太耐冇去，怕唔知有冇開門，所以打電話去問下：男店員：「喂」我：「你好，想睇吓有冇開門」男店員：「有人聽電話即係有開門啦」我：「咁我都要打電話嚟先知有人聽（我仲笑笑口講）」我：「想問吓有冇拿破崙蛋糕」男店員：「有，切件嗰隻」我：「唔知有冇成件生日蛋糕個種？」男店員：「咁你就應該尋日打嚟訂啦，係咪？」跟住佢cut咗我線⋯⋯ 呆L咗幾秒⋯⋯因為太耐冇幫襯，我唔知蛋糕係咪仍然係要提前一日訂。但我都係一心想幫襯，個蛋糕又唔係食咗曉飛，要受咁嘅氣我真係唔會再去。

🥭芒果拿破崙($39)Bookmark了很久的小店😆今次終於試到🙈💕見到網上好多人話老闆娘態度唔好，但我覺得ok喎🤣拿破崙係分三層，酥皮好脆芒果又夠哂甜💛啖啖都有芒果添🥭最正係個吉士醬！夠晒軟潤又唔會太甜！鍾意食拿破崙嘅你一定要試‼️.🔸評分: 9/10💰人均消費: $39

經常去天后都冇留意到呢間餅店，因為都真係比較隱蔽，直至朋友話呢間D拿破崙好出名一定要試，行左幾次都一早賣哂，終於今日假期早少少去仲買到! 逢星期五、六、日有朱古力味，今次就試左過芒果味先，買完仲要等一等先拎得，應該係即刻砌比你，餅碎芒果又唔酸，餅底夠鬆化係食到一層層既感覺。不過好彩係外賣拎返屋企食，係街食應該都會幾易散難搞少少。同其他食評一樣，老闆娘態度都係一般般，果然好生意既都係唔憂做，不過我都係志在試佢既拿破崙😂

起碼有15年沒有來過，小舖不在旺區仍站得住腳，有它原因，適逢到店時亦看見有大order 出貨，亦在這刻體驗開始：這眼大權骨高身材瘦削的女士，不論是店主或售課員的態度⋯⋯1）你15分鐘後再來吧，我唔得嫻招呼你，我趕緊課⋯⋯你都係企喺度⋯⋯2）我問她其中一件餅叫「Almond Orange」是拿破倫嗎? 都有名你叫！拿破崙（佢指住個牌上面）$38同$39一件的就是拿破崙。件Almond Orange 當然不是拿破崙！所以體驗什麼？體驗1）你自己的內涵2）你真的好恨食呢度D餅3）比小小錢去買件食物，買埋這些態度語氣如果以上是正面回答，那好！可繼續支持這小店我會俾個like佢因為我想比更多覺得我like佢之餘，我更加要寫下佢其實污染緊佢這店的食物，因為她的態度語氣是比緊負面能量落去這店的食物！我對食物要求不高，就算食物質素普普通通而乾淨企理，店內人員服務態度好，我都會選擇再幫襯以示支持。不是因為今時今日這樣的服務態度，只是這名女子自己又不開心，請不要污染你的食物，比特意嚟幫襯你人客一些不好的感覺！當然這一次我來目的不是她的餅，而是我重遇我的老師，我老師幫襯她20年他亦同意他們的態度20年如一日

唔知係售貨員還是老闆娘， 待客如殺父仇人， 買餅通常都係話要👈呢件呢件， 咁都要畀佢鬧， 一定要我每件讀個名出嚟， 晨早流流撞到啲咁痴線嘅人， 搞到我全日都冇心情， 連啲餅都食唔落， 都唔知佢好味定唔好味

我喺舗諗咗一陣同老闆娘講想要4件拿破崙，我見老闆娘攞左一個盒，因為其中一件要分開，我即刻話要分開放，老闆娘好冇禮貌話”你講呀，你講就得啦，我點知你諗咩” （語氣好差），我怕浪費紙盒，再同老闆娘講，用紙袋裝起一件就可以，老闆娘又講”你講啦，點知你想點，講咪得，講野咁驚青”, 我俾錢出左門囗，我重聽到佢話緊我。呢間店開咗好多年，聽聞以前客人要排長龍買，今日見到只有一個客人落單，我朋友話見雪櫃重有好多件餅，所以我覺得風光不再 ，而且拿破崙要新鮮先夠脆好食，去貨慢，放得耐就吾好食。街出面更好食的拿破崙多的是，再加上老闆娘咁差態度，我食完件餅味道係不差，但不算好食，$38 一件又要受氣，不值得，對上一次幫襯巳是兩年幾前，今次經過想起就去買件食吓，換來俾人駡。我好少喺OpenRice 寫comment ，係老闆娘激發我寫呢篇文，經過今日我同自己講不會再去幫襯呢間舖。老闆娘態度咁差，重可以生存咁多年未執，呢様真係值得一讚。

公司有人請食Cake，買左好岀名既芒果拿破倫！！& 士多啤梨拿破倫！！一件分三層，三層餅好酥脆，仲夾有芒果肉同吉士醬，好香。比起士多啤梨，芒果個吉士醬會多啲，會Creamy啲，少少芒果既鮮味。食完有少少滋潤咁。雖然系芒果拿破倫，但個頂頂都有少少片士多啤梨片黎吊味，同配襯！！而士多啤梨拿破倫，就夾有士多啤梨果肉，同樣有吉士醬，又系好香滑，不過就比芒果多左陣酸酸地既士多啤梨味，比較醒神，同無咁膩既感覺！

Mimosa Patisserie 🍰平民價錢享受高質甜品 哩間出晒名職員態度差 但多人幫襯🤷🏻‍♀️打去落order又無咩嘢wo~店員只係無笑容姐千層拿破崙 mango🥭 & strawberry favor 🍓每層充滿吉士 都唔係太影響酥脆口感吉士軟滑 不太甜 夾住芒果 或 士多啤梨食酸甜度岩岩好不過我都係鍾意芒果味多d..🥭🥭👍🏻以件數計算 生日蛋糕🎂8件以上先可預訂記住要早2日打去📞☎️可以叫佢幫你切埋 咁就唔怕切得唔靚啦生日牌另加10HKD

從來都唔覺得拿破侖吸引嘅我，就係因為覺得一黎知佢製作過程好肥....食親都覺得好油咁～二黎成日食得好狼狽....咁無謂浪費quota啦嘛～但哩間真係令我放棄原則好耐之前試過一次士多啤梨，因為本身對芒果有少少敏感，但發現原來芒果味係好味好多一層層甘食落去....好滿足滿滿嘅果肉，唔會偏多偏甜嘅吉士，最重要係，個酥皮值滿分雖然評論話此店服務態度差，但其實我覺得有原則地做事唔算錯，亦因為佢嘅實力先可以屹立不倒～

又一次惠顧呢間小店, 出名的芒果拿破崙我唔再多講, 因為好多食評都介紹過, 餅鬆脆, 吉士同芒果都好甜好味.今次反而想用長少少的篇幅介紹下佢的朱古力拿破崙, 拿破崙的皮同芒果, 士多啤梨的係一樣, 都好好味, 唔同之處當然係用左朱古力做饀, 我今都係分開3層嚟食, 因為好難可以有儀態之餘又一啖過食得晒3 層, 每層朱古力饀都好厚, 而且比我想像中更甜同多, 食完第一層已經覺得好"流", 有少少渴喉的感覺. 相比係芒果拿破崙同士多啤梨拿破崙, 我覺得生果拿破崙為好味.

電話訂左蛋糕，小店位於天后，但去到天后揾極都搵到入口，所以打個電話問下，點知老闆態度極差，好無禮貌。其實都係唔知點行先打去問，佢嘅態度根本趕客，仲有蛋糕名牌又串錯字。咁樣嘅態度，一定無下次，香港咁多餅店，唔需要幫襯佢！我地今次食嘅係出名嘅拿破倫，雖然網上評語好似幾好，但我覺得麻麻。個餅皮雖然夠脆，但太甜，唔知係失準定點，真係好甜。整睇黎講呢間餅店係可一不可再，服務差，味道一般，價錢又唔合宜，可以生存咁耐都係奇迹！

我知道呢間芒果拿破侖蛋糕好好食好耐架啦!但一直都唔經呢頭，今日係港島等朋友，有時間就自己黎!而且D人成日都話呢間鋪頭D員工同老細態度都好差，但係今日我去買佢既態度好好喎!!仲講多謝同BYEBYE添!搞到我極度懷疑係咪轉左手XXXD不過，個蛋糕真係幾好食!唔會好甜，個皮又好脆，令我想再食多個!