麪譜車仔麵

Open Now

Now Closed

餐廳門面及內裏裝修明顯有落過心思, 用左而家好興既懷舊feel同粵劇背景, 想打造一d打卡位去吸引食客😍今次我地叫左兩碗3餸米粉同兩個小食🍜牛柏葉 + 豬頸肉 + 溏心蛋 配是旦麻辣汁牛柏葉好爽口 同埋比較大串, 唔係細細碎碎果種. 溏心蛋可以再溏心啲🤭 同埋豬頸肉既量可以再多啲啲. 整體黎講 成碗車仔麵既味道好夾 湯底濃度適中 唔會太鹹或者太搶味🍜腩仔肉 + 魷魚 + 豬大腸 都係配是旦麻辣汁腩仔肉脂肪多, 似足扣肉. 魷魚有口感, 爽口彈牙. 豬大腸偏瘦, 如果肥美啲就更好. 雖然只係叫左小辣, 但我覺得都偏辣, 唔係太食得辣既朋友就要留意👍小食有火辣魚蛋同炸魚肉雲吞. 魚蛋細細粒, 而魚蛋本身唔係辣既, 係配上個辣汁黎食, 食落都彈牙. 炸魚肉雲吞又幾特別, 出面較少見用魚肉黎炸, 炸完好香口

太和中心呢間車仔麵，裝修新穎、新潮，年青人打理，好有創意👍🏻店內陳設有復古味道，木製的家具特別有品味，喺呢個環境食嘢好有feel，特別留意到佢有個食麵嘅面譜人物，好得意，對住佢食都好過癮😂叫咗碗三餸麵，揀咗大腸、豬皮、冬菇配油面，上枱賣相不錯，望落都好有水準，馬上試吓先！大腸夠入味，鹵得好靚，夠淋又有咬口👍🏻冬菇夠大隻，又夠入味，必試推介😋豬皮爽口彈牙，估唔到一樣咁有水準，正☺️再叫多咗幾款淨餸，雞翼、魚蛋、豬紅，唔係講笑，全部都好有水準喎！呢兩款小食，炸雲吞，虎皮尖椒，最令我回味嘅就係虎皮尖椒，特別係佢哋嘅自家製醬汁，唔係咁多度有得食，可以話係回味無窮，真係好好味😋而且招呼有禮，送餐效率高，坐得舒服，食物水準又好，下次一定要再嚟👍🏻👍🏻👍🏻

今次同家人去太和食晚餐～【麪譜車仔麵】呢間車仔麵平時見到好多學生買外賣🥡相信性價比都高嘅👍🏻 呢道有多款車仔麵配料同小食。麪譜採用粵劇戲棚作裝潢設計，同店名「面譜」相輔相成。✮ 沙嗲牛柏菜 / 醬燒豬頸肉 / 失戀酸齋 / 古早味牛腩叫咗牛腩汁湯底，好香濃🍜古早味牛腩加埋腩汁就岩味道，牛腩肉質嫩滑。失戀酸齋如其名，好似失戀咁酸～醬燒豬頸肉燒得邊位焦香，正！沙嗲牛柏菜口感爽脆，沙嗲汁好惹味！✮ 秘「魯」腩仔肉 / 萬年滷大腸 / 清純蘿蔔妹 / 酥炸蝦卷呢碗是「壯陽蕃茄湯底」🍅好多蕃茄蓉，蕃茄粒。味道好足，酸酸地，好開胃。萬年滷大腸好入味，口感軟腍。秘「魯」腩仔肉滷得入味，腩仔半肥瘦，肉質滑嫩。酥炸蝦卷口感彈牙。✮ 涼拌糖心皮蛋 ➖ 💲25糖心皮蛋好香！見到中間流心，散發獨特的香濃味道，口感軟滑。涼拌醬汁辣辣地好惹味！✮ 麵譜口水雞 ➖ 💲30口水雞嘅辣度較重，切咗係雞脾位。肉質好滑嫩，愈食愈辣🔥【 麪譜車仔麵 】大埔太和路15號太和中心地下4號舖

麪譜•••••••••••••••••••••地址：太和中心地下4號舖•••••••••••••••••••••今日同男朋友嚟到大埔踩單車,之後行咗去太和見到呢間車仔麵,見佢唔係好貴所以入咗去食,叫咗兩碗麵,兩個小食,兩杯嘢飲🧃!一碗叫咗蟹柳魚片頭紫菜+米線🍜另一碗叫咗雞翼豬紅蘿蔔+米粉!!小食叫咗皮蛋同韭菜☺️我覺得蘿蔔雞翼都好好食,雞翼好入味滷水味好重☺️另外枱面有醃蘿蔔 都好味😚不得不提,個麻辣湯底都幾辣,男朋友揀嘅蕃茄湯底佢都話好好食😋

之前經開附近都有留意呢間舖頭，因為我係車仔麵愛好者鐘意食車仔麵，因為可以加好多餸餐廳裝修都幾有特色 有香港懷舊味道 呢到都好抵食，兩餸$31 三個餸都係$41難得過黎當然要叫多幾個餸試下我叫咗豬紅，豬腸，酸齋，鳳城水餃，鴨腎湯底要左是旦麻辣汁，仲可以揀唔同辣度食車仔麵豬大腸豬紅當然唔少得豬腸用上滷水汁煮，勁入味而且好淋鴨腎都係，如果可以多少少就好朋友話蓮藕幾好食，好少車仔麵會有蓮藕炸韭菜餃，店員話係佢地自己包 ，大大粒香口，又好食是日油菜飲品都唔錯呀，大大飲夠哂解喝

場所：店舖裝修幾有傳統特色，文字同menu充滿本港風味，車仔麪都係本土特色食品食評：碗麪分量足，夠晒飽肚。瑞士留學雞翼好入味炸蝦卷同魚肉味新鮮，幾彈牙整體性價比高

大埔區好多平民食店，呢間新開車仔麵，裝修富有懷舊風味。車仔麵點菜紙別出心裁，入邊啲字都幾搞笑。車仔麵兩餸一麵$32、三餸一麵$41、加配每款送$9。揀咗沙嗲牛柏葉、瑞士留學雞翼、陳皮魚蛋、酥炸蝦卷、時菜配「是旦麻辣汁」「無FEEL（小辣）」（餐牌字咁寫好搞笑😆）。牛柏葉爽口，雞翼幾入味。酥炸蝦卷大大條。湯底微辣，配咗米線幾好！另一碗揀咗麻甩辣魷魚🦑、秘「魯」腩仔肉、萬年滷大腸、手打魚肉、紫菜、生菜🥬粗麵配hea底牛腩汁。滷大腸入味好食，辣魷魚幾香。小食揀咗涼拌糖心皮蛋$25 及韭菜豬紅$30，糖心皮蛋有少少麻辣味道、香辣。韭菜豬紅韭菜好香，豬紅好食！當然要叫返杯凍奶茶及凍檸茶！

車仔麵嘅餸都好多選擇 麵款方面有多個六種選擇 選擇餸方面 都有十幾款以上選擇 我就叫咗麻辣魷魚 沙嗲牛柏葉 秘魯腩仔肉 再加一個油麵 餸菜方面唔係就咁簡簡單單淥過就算 都會有經過調味 係有心之作 👍🏼👍🏼 另外湯底都可以揀牛腩汁 蕃茄湯 啲名好好笑 有冇個叫做求奇辣汁 下次試吓佢先 另外我亦都叫咗兩款小食 炸爆汁韭菜餃 香煎虎皮尖椒 兩樣都好好食 個韭菜餃真係爆汁 同埋好濃嘅韭菜味 另外尖椒條都幾好食 😋 呢度嘅車仔麵真係食得屎同埋餐廳風格都具有特色可以嚟試吓

同朋友一齊嚟，呢度食車仔麵呢度裝修都唔錯幾好特色同埋呢度嘅車仔麵都幾抵食兩餸都係$30最平 但係我就叫咗3餸 三餸嘅話我就叫咗雞翼韭菜豬紅 雞翼都好好食係瑞士汁雞翼 瑞士汁入晒雞翼啲肉裏面😋非常好食 韭菜豬紅亦10分出色 另外呢度亦都有各種小食提供 我就叫咗口水雞 嫲嫲辣辣都幾過癮 雞肉都夠嫩滑 呢度都坐得幾舒服下次可以再嚟過 順帶一提呢一度嘅車仔麵都幾多款式小食可以選擇 唔會太過單調來來去去都係得幾款 值得推介俾大家🤪

黎到大埔準備去踩單車 😀但唔知食咩好就快快手 入左呢間食車仔麵 呢到係新開張既 一於試下好唔好食先 見到呢到既裝修都好有特色 木製風格 環境唔錯。🙌🏻食物方面 叫左個車仔麵都幾正 😋湯有牛腩汁味 叫左油麵 食車仔麵一定要食油麵先有味道 麵就叫左魚皮餃 蘿蔔 同埋豬腸。呢到既豬腸的確唔錯 有滷水。好好食 另外我仲叫左蓮藕同埋鳳爪 蓮藕感覺清新 鳳爪正常發揮 夠味 😋 呢到都好抵食 叫左三個餸都係$38。兩餸仲抵食$30。而家好少可 見到咁抵食既野

很好奇在openrice顯示麵譜車仔麵已結業，前兩天去試過車仔麵，認為值得推介所以特別為麵譜寫一個食評。當晚大約9點，剪完頭髮路過見到仲未關門，便入內吃個麵才回家。很久沒有食過咁好食嘅豬紅，滑溜，又入味，加上辣汁湯底，非常出色，這個必叫。另外牛腩鬆軟，酸齋都夠味，唔會嗆喉，魷魚爽口。下次我會再和家人來試試其他餸菜，不過豬紅我一定會encore. 希望openrice會顯示返麵譜沒有結業，讓更多人知道這裏有好吃車仔麵。

自己一個唔知食咩嘢咁就揀咗間車仔麵食呀 點左 豬紅滷水豬腸豬皮 另外我仲叫咗油面 小食方面再加多個皮蛋 豬紅方面都幾彈啊唔會一夾就碎 豬皮有味正正常常唔會一坺嘢咁 豬腸 真係嚟到呢度一定要叫豬腸 因為呢度嘅豬腸有滷水汁相當好食又入味 食到停唔到口 值得一讚👍🏼👍🏼👍🏼 另外叫咗尖椒皮蛋有少少辣 因為有少少辣先覺得好食皮蛋方面都做到正常發揮 😋😋 食完碗麵都覺得飽 因為都會上堂足了 😋 呢度環境好港式風味 下次一定會再嚟過

同埋朋友一齊去食個車仔麵先 😋叫咗個碗仔翅公仔麵 都係幾新穎嘅食法 感覺唔錯 個面唔會太乾淨淨 都幾好味 嚟到呢度當然要試吓佢嘅車仔麵 叫咗鳳爪豆腐卜雞翼尖 鳳爪同埋雞翼尖都好入味令到成個面嘅味道都昇華 👍🏼👍🏼而且鳳爪同佢有三隻份量都多 湯底有滷水汁味所以都覺得幾好飲 同埋叫咗三個餸都係好抵食 😆平時都好少去食車仔麵今次試咗呢間新開嘅車仔麵都唔錯值得推介 地方環境都坐得舒服 下次可以試埋佢嘅蘿蔔聽人講話好入味好食😋

好耐都未食過車仔麵 係香港獨有既美食 呢到見到間新開既車仔麵就一於入去試下先 ～ 😌 叫左幾款餸 有牛腩 豬紅 魚皮餃 同牛丸 四個餸 湯底有牛腩汁 再加上小小辣 食得好過癮 牛腩肉質嫩 唔會硬崩崩咁 豬紅就發揮得正正常常 用快子夾既時候唔會一夾就碎 所以口感都唔錯架 魚皮餃 皮薄餡靚 正常發揮 當咁多野正常發揮就覺得整體黎講都好好 食得夠飽既 同埋都幾抵食下 呢到地方環境夠港式 正正常常 下次可以黎試下 唔記得左講 我係叫埋碗仔翅 呢到碗仔翅有粉絲 仲有唔同調味料 的確唔錯

雞翼同豆卜都好味，餐單設計新穎。但枱之間距離實在太過逼，餐廳入面亦無放置袋嘅空間。午市期間，幾乎所有人都要攬住袋同外套食嘢，好辛苦。希望可改善環境，或會再幫襯。