名館 (黃埔天地) (Closed)

和屋企人系黃埔搵野食，有見到呢間舖有點心和小炒，覺得長輩們都應該喜歡，就book左位。個人覺得d員工態度都okay，聽電話果個。去到現場，裝修比較精緻，沒想過d餸菜都精緻，好細碟，感覺性價比差一大崛......特別系炒四季豆、蝦球果類，有d少 （所以沒有影相）。但個人推介個火鍋，湯底好有誠意，補湯都用原湯料落鍋，而且餃子好食其他餃子與墨魚滑好食，特別個黑松露餃子，正啊。不過肥牛就未解凍好就攞出黎，最後我哋放棄左唔食。最後覺得好正的，系酸菜魚，算幾好味（可惜掛住食，就無影相）；而水煮牛，如果喜歡滑牛口感，都可以一試！但最後我都有其他食評家的感覺，店舖樓面好似長期唔夠人，d人唔會好理d食客，明明見到都好似時運高咁睇唔到

因為之前訂唔到枱，所以晚上6:00諗住早D去試下walkin有冇位，到達後見餐廳得四五張枱有人，有大約三分二空枱，我就試下問有冇位，個白頭佬就話得卡位，但我同佢講因為我有一個歲半的BB想要求坐BB櫈，佢話卡位放唔，我要求話想唔坐卡位，點知佢有其他空枱都唔得，如果要唔坐卡位就等90分鍾，開頭有D生氣想走，因為白頭佬態度極差，仲話如果唔坐可以唔好幫襯，叫我去對面餐廳食，但因為家人之前話想食，所以無奈都坐卡位食，點知唔夠五分鐘，就有兩大人一個小朋友walkin問有冇位同BB櫈，個白頭佬立即話有，我見到立即火都黎,立即問佢為何我要求就話無，佢話因為我有4個人，我立即問一張枱是剛可坐4人，佢又立即話因疫情要有安全距離有一面不能坐，我就反問佢你們枱同枱之間都不到1.5米安全距離啦，最多我哋坐迫D，佢先同我地轉位，其實店內食物是ok的，但服務態度真係真係極差

俾位的白頭中年男士 服務態度極度惡劣！！2點半人流唔太多，見有空既卡位，就同佢講想坐卡位。點知該男子勁串甘講:「你慢慢等啦 我唔叫架啦」等左陣見已經清理完畢，想入去坐，佢又勁大聲甘喝「未執好枱啊」但明明已經清好，差放餐具。之前有食過，對食物好期待，所以都忍了，坐低叫野食。除左收據上既兩樣野，叫左幾個點心。點知等左成個幾鐘，一個點心都無到。忍不住催下，問第二個女侍應，然後！佢一去不返！咩都無交代。主動問多次佢，究竟幾耐先到，先講原來漏左成張點心單（未知係個男人唔gur 特登唔落定點啦)，佢啱啱幫翻我地落單。哇嬲到！佢明知無落都一聲交代都冇！即刻起身走人。坐左甘耐成個幾鐘都係得個兩樣野食，三個人，食到成肚火。野食又唔係特別平，甘樣既服務同待遇，真係俾錢買難受！ 好失望如果 貴公司有幸見到尼篇食評，希望可以就服務作出改善！

為左蟹粉小籠包專程到訪食物真係幾好既 但係！服務勁差！成餐飯食左成肚火！帶位男士態度非常差 好冇禮貌🤬🤬🤬野食又到唔齊😠催左兩次都未到！真係幾好食都冇用！唔會再去！嬲到癲😡😡

當日係食晚市滿心期待想食留心奶黃包但係原來點心係中午同下午茶先會供應晚市只會有小菜建議一律要訂位如果唔係等位至少半個鐘以上見到每一台都會點咕嚕肉結果真係冇令人失望咕嚕肉肌肉唔會太過韌而且外皮酥脆，肉味亦都有佢亦都唔係用菠蘿作為配菜係用蜜桃金蒜蒸娃娃菜娃娃菜蒸完之後林啲豉油加埋蒜頭真係好好味其實呢啲似係好容易整嘅餸但係出邊食又好似特別好味另有一番風味你一碟餸嘅精華簡直完全係粉絲度蝦嘅鮮味落晒去粉絲粉絲炒得好乾身但係又唔會竉咗蝦都炒得非常之彈牙糯米釀雞翼入邊係糯米飯而且有少少辣味出邊嘅雞翼亦都非常之香口令人忍唔住一舊食完接一舊不過實在太邪惡太熱氣乳鴿嘅外皮炸得非常之香脆而且肉汁依然存在炸得唔錯另外有啲驚喜嘅就係呢一個桂花釀淮山但係凍嘅桂花好清香但係又唔會甜得滯我覺得作為一個前菜吾錯但係佢上台嘅時間實在太遲淮山係脆口的，不是林令我最有驚喜嘅係呢個酸菜魚米線呢個酸菜魚湯底的確係一流酸同辣兩者嘅比例啱啱好不過唯一敗筆就係夠魚嘅質感唔夠彈牙爽口我係飲晒成碗湯

中秋節翌日，當然要扮乖同屋企人食午餐欖菜肉崧四季豆： 不過不失， 正常水準。水蜜桃咕嚕肉： 上枱時嚇左跳，因為份量好少，但味道好好， 如果錢多我會再encore的。鑊仔生煎蓮藕餅： 平平無奇的賣相，但好好味。芝麻芋絲脆軟夾： 一上枱就覺得好膩。 食落都係好油膩， 不過脆口同埋擁有滿滿的芋頭味， 熱愛芋頭的人應該會很歡喜。飽汁豬手煲 ： 可以一試， 不過唔會有下次招牌乾炒牛河： 上枱時被賣相所驚嚇， 再來發現牛河很碎。 但食落好好味， 牛肉好淋， 炒得不錯。原來食物都唔應該凈係睇賣相既總結： 佢依然係蔡瀾美食坊中， 飲茶最好最美味的餐廳。

路過搵食，見到呢間有小菜就試一試魚皮係用麻辣汁撈過，味道好有驚喜乳鴿味道唔錯，夠熱夠香口呢個石鍋炒飯好味道呀好香仲有飯焦味道仲好好咕嚕肉我覺得味道都好其他餸菜就一般般，下次未必再叫環境唔算坐得好舒服，服務有時比較混亂，聽到隔離枱剛剛坐低想要點菜紙，侍應同該枱客人講埋單可以去出面，同埋未點菜就俾左上一枱客人張單俾剛入座既客人。

下午食放題，，每位$138，睇左個餐牌可叫既食物種類唔算多但都算合理 ，叫左半個鐘只係黎左堆涼食，熱既一樣都無，追單之後，先有職員黎話有兩個點心無既，最想食個兩樣無，仲要等左半個鐘先講，心情已經差，覺得搵笨，都無辦法，只好再叫其他野食，結果叫左3轉既野食都食完，第一轉叫個燒賣都未到，唯有再追，再等多十分鐘，都無影，都費事等就埋單，睇到最後叫個轉既菜肉包，佢係張單度用筆劃左，即係又無既，但又無講，以後都唔會再食！

勁道重味精，食完成晚口勁喝，不停起身飲水，攪到訓得唔好喉嚨又似有層野格住你，咁嘅feel, 每碟餸份量都算偏小牛肉粒咬唔開有幾粒都！一次起兩次止，唔洗錢都唔會再去！多謝夾盛惠

2/5The dim sum is alittle below average, but their dishes seems better. The chicken feet is dry not enough sauce, they put the appetiser sweet honey yam to the bottom, which makes it tastes very weird. Steam rice too wet. Pigeon dry rough. Steam chilli fish is nice tho.

假日諗住食餐好， 點知遇著間餐廳, 已經執好位又唔叫我哋入去坐, 個阿伯理其他人又唔理我哋， 啲嘢食嚟到又細又難食 ，竹筒飯仲細過粒鼻屎， 啲咕嚕肉又硬又細， 做生意唔該有啲良心對得住自己 ，到畀錢仲衰，掛住覆其他客唔理我，攞住張銀紙唔知做乜，要我話佢你幾時先找錢俾我佢先肯畀錢我，正一垃圾餐廳， 唔好幫襯呢間餐廳 服務差又呃錢又昆人簡直係地獄餐廳

今天打算到黄埔逛街，然後在黄埔美食坊吃晚餐，見到名館外的點心相片很吸引，便進去吃晚餐。服務員安排我們坐下後，给我們一張點菜纸，內有點心和小菜。我們本就為了吃點心而來，自然點了幾款點心，也點了2碟小菜。誰知服務員落單後，才告訴我們原來晚上沒有點心吃，只有小菜，還指著點菜纸上蚊型大小的幾個小字說，這張纸已寫了，我們才留意到。小菜上桌，味道一般，3人只吃2碟，不再點菜便離開。雖然未飽，也不想再在此吃了，便埋單走人。

名館一直係我口袋名單中嘅寶貝，呢個標題唔係代表點心唔好食，而係餸菜太出色，只要有朋友問同屋企人慶祝節日食咩好，九成都係推薦佢 👍🏻 兩間分店加埋食過不下二十次，環境舒服又好食到不停翻兜真係幾難得！唯一想講嘅係菜式無乜變化，就嚟成張 menu 食勻晒啦 😆一定要試嘅係奧爾良糯米釀雞翼炸得恰到好處，微辣多汁夾住軟熟嘅糯米飯，超好食 😋 每次必點嘅仲有蜂蜜柚子脆蝦球，薄如蟬翼嘅粉漿香脆而一啲都唔油膩，盡顯出廚師功架，大蝦啖啖肉仲好彈牙 🦐 甜甜哋嘅柚子蜜伴上酸瞇瞇嘅青柑，好用心好好食嘅一道菜！鮑魚雞粒炒飯用石鍋熱辣辣咁上檯，鮑魚仔嘅份量都幾多，乾爽香口嘅飯粒仲有脆卜卜嘅飯焦 🤟🏾 乾煸四季豆夾埋欖菜，鹹香微辣好好送飯 🌶 小籠包皮薄但唔易穿，咬落爆汁豬肉無騷味，以前流沙包好好食，但今次無流心同埋蒸耐咗，所以就無影相啦 🥲 其實點心都幾好食，不過小菜真係好推薦，佢哋嘅水煮魚酸菜魚都唔錯㗎！名館喺黃埔美食坊同希慎都有分店，黃埔店下晝點心放題都幾多人，不過晚市相對靜少少 🤏🏽 希望大家多多支持等我可以無限 loop 落去 👻名館📍 銅鑼灣軒尼詩道 500 號希慎廣場 12 樓 1201 號舖📍 紅

閒日跟老婆大人撐枱腳，由荃灣山長水遠入到泥黃埔，試下呢間點心放題。兩點排隊等入座，發覺招待、知客、點心入單、收銀都竟然同一個人（經理？），咁嘅人手，當然混亂和效率低啦！希望管理層早日解決人手啦！論座位，算濶落嘅！不過執碟和抹枱就馬夫一點了，都係人手問題。食物方面，整體吾錯。較為出色又加單添食的包括藕餅、春卷、流心包、虾餃、魚皮、無骨鳳爪、餚肉、妃子笑（賣相和名字都讚）。小籠包一夾就穿底，羊肉餅冇羊味，薑汁千層糕冇薑味。最差係茶，應該係玄米茶，吾係問客開咩茶，冇味又吾夠熱，可能預左茶客叫自費汽水掛。點心放題98蚊+5蚊茶錢，免收加一，呢個價錢算超值啦！如果能夠供應多一些傳統點心，例如燒賣、牛肉、腸粉，咁就無得彈了。

之前都覺得幾好食，所以都食過幾次，今次一去不會再返，待應態度差左好多，有隻杯仲要勁污糟…..居然身高過左100cm 就要收茶錢，仲要小朋友水都無飲過你一啖……不如直接講茶錢照人頭計啦…