名峻會 (莊士倫敦廣場)

Open Now

Now Closed

名峻薈除了用膳外，又可打麻雀兼打桌球，並且擁有私人包廂空間，不用與其他人用膠間板擠在一起，疫情期間實在是不錯的選擇。名峻薈房間裝修整潔乾淨，有大玻璃窗可以望到街景，不會感覺侷促，又有獨立冷氣、電視機，且不限時，自成一角。名峻小炒王小炒王韭菜花香口清甜，配菜十分豐富，有魷魚、炸白飯魚、蝦乾、腰果等，非常惹味，送飯或淨食均不俗。冰鎮咕嚕肉名副其實的冰鎮咕嚕肉，很大的一盆，冰鎮過的咕嚕肉外皮十分鬆脆，與糖漿很夾，連平日不愛吃咕嚕肉的我都食上半碟。咕嚕肉件頭大入口有肉地，炸漿亦不太厚，咕嚕汁不厚不薄，剛好可以掛汁，伴四角的酸蕎頭，酸酸甜甜與咕嚕肉很匹配。瑤柱蛋白炒飯瑤柱絲炸脆，蛋白塊炒得軟綿綿，配上翠玉瓜粒一起炒飯口感既爽又綿，炒飯調味亦不錯，清淡得來帶點味道，而且完全不油，炒得極為出色。

朋友介紹，有個集食飯，雀局同埋桌球直落既好地方。以為依d地方既餐廳好一般，但唔試過唔知原來咁有質素，絕對可以媲美街外餐廳酒家。依個雀局套餐好抵，出去食4餸一湯既價錢都差唔多。但依度可以免5小時起跳打麻雀，食飯都係自己房食，私隱度極高。梅菜蒸肉餅好大碟，厚薄適中，非常多梅菜，肉餅口感彈牙，加埋蒸魚豉油寧舍香!西蘭花炒蝦仁 蝦仁爽彈大隻，西蘭花翠綠爽口，調味香而不咸。魚香茄子煲黎到仲係熱辣辣滋滋聲，未食已經聞到香氣撲鼻，份量多，茄子唔會煮到爛哂，腍得黎保留到茄子口感，肉粒掛哂醬，撈飯一流。食完即刻同d fd講下次再黎，中意佢夠哂private又有好味小菜又有野玩，gathering一流。

私人聚會來講，呢個都係幾唔錯嘅聚腳點，呢度有桌球同埋電動麻雀枱，啱晒一班朋友全日喺度耍樂，打麻雀同小菜又有套餐，最鍾意係餐廳嘅職員全部都好有禮貌，態度熱情貼心，會定期入嚟睇吓你使唔使加水，又或者嘢食好唔好食，欣賞👍男朋友同我叫咗幾個小菜，首先係水煮牛肉，見到佢紅噹噹嘅賣相心諗今次辣到黐線啦，無唸過食落又冇咁誇張，而且十分惹味，湯底味道十分濃郁，廚師採用鮮牛肉，肉質絕不嚡口，大大鍋，我好中意豆卜，吸曬啲湯辣得黎又好好食，好刺激既口感😂沙嗲肥牛粉絲煲味道10分濃郁，一開蓋已經聞到撲鼻嘅沙嗲味，撈飯一齊食就更加舔舔脷，粉絲同肥牛都好足料🫶男朋友推介下第一次食賽螃蟹，蛋白炒新鮮帶子同海蝦，呢個對於我來講係幾新鮮嘅組合，餐廳選用嘅海鮮都好新鮮，食落爽口，最後主菜都係要叫返個瑤柱蛋白炒飯，始終都係鍾意食啲飽肚嘢配小菜😂😂炒飯廚師加咗炒得脆脆地嘅乾瑤柱，鑊氣果然足夠，不愧係名廚出手，粒粒米飯都炒到乾身，除口罩即刻聞到淡淡的清香味，下次叫成班朋友上嚟敘舊都好，讚👍👍

同三五知己搵個地方打下麻雀，又可以聚餐嘅地方，我地揀左名峻會。一入到包廂，乾淨整潔冇煙味。打左一陣，直接係呢到食埋午餐。本身無乜期望，反而令人喜出望外，質素絕對不輸大排檔/私房菜。令我們讚不絕口。鮮茄大蝦飛天麵的造型十分有型，配上鮮茄嘅紅，十分奪目。麵條炸得香炸，但食落不油膩。醬汁食到新鮮蕃茄嘅鮮味，將麵沾滿茄汁食，口感香脆又濃郁。值得一讚嘅係大蝦爽口彈牙，鮮味十足。令成個菜式錦上添花，不枉係招牌菜。👍👍👍至於冰鎮咕嚕肉，又係一道一上枱就已經比外型吸引左嘅招牌菜。份量頗多，4個人食啱啱好，每舊肉都啖啖肉。令我十分驚喜嘅係咬落去咕嚕肉嘅外皮仲係香脆，外面裹上嘅醬汁冰冰涼涼，裏面仲係熱嘅。成個口感都好新奇又好食，十分令人滿意嘅一個菜式。😝😝豆腐海皇羹的豆腐鮮嫩，湯料有蝦仁同海鮮粒粒。成個口感都好豐富，豆腐嘅滑加上海鮮嘅甜味作為開胃菜真係合適。調味適中，實在令人食指大動😋😋酸菜魚份量令人驚訝😨😨😨魚肉同酸菜都有好多。魚肉唔會腍啤啤，食得出新鮮彈牙。每舊都大大舊，每啖食到魚嘅鮮味。調味出色，酸菜嘅酸令魚肉唔會單調。湯底嘅酸同辣都恰到好處，配白飯絕對一流。金薯蜜椒牛柳粒：薯仔嘅香脆，令我口水直流

我地一家人都好鍾意打麻將，今次搵左間有得玩有得食的麻將館。一步入這裡，就可以見到桌球台，都幾多野玩。呢度地點方便、乾淨、野食都幾有驚喜。菜品多而質素佳，家人都大讚抵食美味。下次會再來啊！◽️◽️◽️◽️◽️◽️◽️◽️◽️◽️◽️◽️◽️🌸茶首先一讚，為了方便大家打麻將，茶是每人一杯，可自行選擇茶品，夠方便以及有彈性，我選擇了普洱以及鐵觀音。雖是茶包茶，但質素不俗。🌸酸菜魚一上台真係多到嚇親我！大盤到好似我兩個頭加埋咁大！酸菜魚片超級多，而且片片大片，真係份量級，未見過咁大片既酸菜魚片！肉質鮮嫩，不容易散，而且酸菜、芽菜夠多。雖然辣椒好似好多，但是辣度、酸度都啱啱好，不會太重口但係味道夠突出，不錯喔。🌸豆腐海王羹點了好多小菜，不如要個海王羹！相當出色。份量夠多不在話下，料好足，幾乎每一啖都可以食到豆腐粒粒。豆腐粒粒味道好濃郁！應該是選用了優質豆腐，才會每一口都充斥豆腐的香濃。幾驚喜！🌸鮮茄大蝦飛天麵侍應大推呢一道菜品，話係招牌菜。心諗，係咪好食到飛天所以叫飛天麵？一於要個鮮茄大蝦仁口味。食物一到，我地全部哇一聲。果然個麵係識飛天！做出懸浮的感覺。而麵條口感經過油炸相當酥脆，乾身但不油，配埋鮮茄大蝦汁能增加濕潤感

呢個商場各式餐廳臨立，一到開餐時間就要排隊等升降機，食過其中幾間，估唔到今晚友人帶我去雀會開飯四人一房，私隱度相當高，仲有電視，隔音度令人滿意，同朋友可以暢所欲言.......最最最吸引係坐房都無最低消費額呢度正呀嘛!話晒呢度主要打雀局，有幾款雀局小菜套餐供應，一個價錢包晒打牌及開餐，確係吸引。多款小菜供應，價錢合理最先出場係薑蔥霸王鷄 ($118/半隻)，擺盤尤如蒸魚，大量薑蔥舖滿鷄件上。淋上蒸魚甜豉油，鷄件肉質係嫩嘅，唔食皮嘅都可輕易整走，當然要連薑蔥一齊食啦......哈哈。當侍應送上呢個薑蔥魚腩煲 ($98)時，打開蓋仲聽到"滋滋"聲，熱度十足。當然要趁熱食，魚腩先半煎炸，入口外帶少脆，魚肉嫩口，加上惹味醬汁一齊炒，D蔥入口帶甜味，當然要叫碗白飯一齊食，色香味俱全。想清清地又有湯，除咗上湯浸時蔬外，仲有呢個海味雜菜煲 ($98)可以選擇。西蘭花，菜芯，菇菌與粉絲作材料擔當，另外仲有蝦米，魷魚增加鮮甜味道。食飽飽離開時，侍應話下次可以黎打吓桌球，二點前收費$100/鐘，之後就$180。呢度環境唔錯唔係雜場，侍應阿姐招呼週到有禮，就算唔打牌就咁上黎食飯都得。

今日同好朋友睇完戲之後搵飯食，一放闊堂食時間後，油尖旺嘅食肆都多左好多人，諗住去莊士敦廣場試下話晒嗰度啲餐廳都多啲，點知去咗兩間打邊爐嘅店鋪都排隊排到lift 口，點知碰運氣碰到間好嘢！其實上到依間名峻薈係一間雀局加食店，竟然超級乾淨同光猛，一啲都唔嘈之餘,但無乜煙味。原來雀局加小菜套餐，玩足12個鐘，包4餸1湯都係$968咋，如果食粉麵飯 ～8個鐘都係$598！乾淨又舒服咁打麻雀，可以考慮。我地兩個睇完戲，開始肚餓，見到餐牌花多眼亂， 本來想試鮮茄大蝦飛天麵，但係店員話今晚多單，怕要等得耐，所以叫其他, 首先係酸菜魚！依個係我哋兩個無夾過，兩個異口同聲話要食，仲要好抵，只係$168咋！其實對於兩個人食，依碟真係太大😂除咗有大量魚片之外（sorry，我地好努力食都食唔曬啲魚。。。。。。），仲有大量酸菜，豆卜，芽菜， 雲耳等配菜，酸辣度適中，一啲都唔會過咸，好惹味，如果有埋惹味就更完美。第二我地叫左咕嚕內，個皮幾脆口，而裏面嘅肉超「冧」，我們兩個都一舊接一舊，勁快食曬依味餸！其實我好鍾意食羅漢齋，羅漢齋煲包括好多雲耳， 豆卜，粟米仔，冬菇，雲耳，西蘭花，仲有唔少得嘅粉絲，啲粉絲吸曬好味嘅

今日同幾個舊同事聚舊，其中一位朋友介紹左呢間桌球雀會，門口擺放著兩張桌球枱，而麻雀每張枱都有自己獨立的房間，好似k房咁，私隱度極高，係傾計甚或傾生意嘅好地方。最意想不到係佢d小菜極之高質，而且侍應們都態度好好，殷勤有禮。 冰鎮咕嚕肉 $168店員說是鎮店之寶，果然係十分出色！咕嚕肉肉質嫩滑，外層炸至脆卜卜，塗上酸甜汁作芡，以冰塊把剛炸起的咕嚕肉冷藏，將脆脆的外皮同半肥瘦的排骨肉鎖緊，外冷內熱，外脆內軟，加上三色椒及蕎頭，正呀！ 沙嗲金菇肥牛煲$98上桌時熱辣辣香噴噴，高質！牛肉嫰滑，粉絲金菇混合沙嗲醬一超炒，相當入味，好香！絕對做色香味俱全，用來送飯一流！ 椒鹽豆腐粒$58呢個絕對係喜出望外！在餐牌上這個是列在小食之內，本身想像的是細細碟，預先準備好然後翻熱….錯曬！完全唔係！呢個絕對係即叫即炸，炸皮炸得很薄，內𕚃豆腐夠熱又夠滑，入口即化，上面灑上了一層椒鹽同七味粉，更添惹味！餐牌

在佐敦名峻會叫餸食飯，原來呢個場有得打卓球，打麻雀！還有特別優惠，同班 friend hea打玩下食埋野都係唔錯選擇！地方新淨，空間感十足！15間房，幾有私隱度。Menu價錢唔貴幾抵食！我就叫了涼瓜牛肉， 芡汁幾濃味， 豆豉芡汁充滿掛在涼瓜上，牛肉嫩幾入味，好好送飯。酸菜魚，大魚好多肉好夠份量又足料，但比較多細骨，要慢慢食！味道好夠好入味，微酸微辣幾開胃！還有大量芽菜。豆卜，酸菜，萵筍做底，好豐富！星洲炒米，粉得幾好，碟底無油夠乾身！味道惹味夠香，幾正！

喺佐敦莊士廣場13樓嘅名峻匯同其他中菜有少少唔同係係設有獨立包房可以俾人入去打麻雀唔打麻雀就咁食飯都可以私隱度幾高而且冇最低消費如果同朋友傾啲比較緊要嘅嘢都係個唔錯嘅選擇而且呢度設有麻雀餐價錢都幾抵不過今日就淨係同朋友傾d 緊要野無打牌講真本身都係想搵個比較private啲嘅地方食飯價錢又唔算貴對食物就唔會有好大嘅期望不過同朋友叫咗三樣嘢樣樣都真係令我哋覺得物有所值冰鎮咕嚕肉$168老實講咕嚕肉就食得多冰鎮真係第一次食之前仲諗住咕嚕肉都係熱食先好食不過好人嘅老闆話呢度係佢哋嘅招牌菜一定要試吓就試下～咕嚕肉都唔少有十幾舊冰鎮咗嘅咕嚕肉唔似平時咁咁多汁包住嚿肉食起嚟冇咁膩一食哇個皮真係好脆好特別難怪可以拎來做招牌菜另外仲叫咗個瑤柱蛋白炒飯如圖所見瑤柱絲份量都幾多飯嘅味都幾夠有瑤柱嘅鹹鮮味而且炒得唔算油飯都算粒粒分明$88有咁嘅水準真係算喜出望外最後要咗個蝦仁炒蛋$108一樣簡單嘅家常便飯必備嘅餸菜蛋炒得好滑一啲都唔老而蝦仁呢亦都一樣充滿水份彈性算做得唔錯晚飯唔收茶錢呢度除咗私隱度高之外食物絕對對得住佢嘅價錢推薦推薦

朋友介紹我嚟呢度，鍾意地點方便，佐敦地鐵站D出口，一出對面就係。獨立房間私隱度高，打麻雀定係食飯都唔錯👍🏻豆腐海皇羹 $108湯羹足料，材料有豆腐、蝦仁、菜粒、帶子粒，每一啖都食到海鮮粒，仲用咗蛋白打芡，更添順滑口感。西芹炒鮮魷🦑 $118西芹炒得爽脆，鮮魷厚肉又大大塊，鍾意無過多嘅調味，食落新鮮。欖角骨 $108每次去酒樓食飯，我地必點嘅餸，呢度用上金沙骨，啖啖肉，醃到入哂味，外皮脆卜卜，欖角碎鹹鹹地，又充滿蜜糖香，連朋友都高度評價👍🏻

麻雀房🀄️料理，我們會想起粥粉麵飯，隨便把肚子填飽就繼續作戰，但意料之外地，這個廚房的口準相當高，把它當成私房中菜館也絕不失禮私隱度高基本上每一台都是在房間內，私隱度相當高服務貼心侍應姐姐的服務態度良好，賣力勤快，在客人猶豫不決時，主動向客人提供意見，10分值得一讚冰鎮咕嚕肉$168相當出色的中式料理，以冰粒把剛炸起的咕嚕肉冷藏，外皮馬上收縮，緊緊包着肥瘦均勻的排骨肉，外冷內熱，外脆內軟，加上爽脆的三色椒跟蕎頭，非常出色薑蔥霸王雞半隻$118以熟油贊向有嫩滑的霸王雞，油香濃郁之餘，雞胸部位入口非常juicy，正魚香茄子煲$98肉碎鹹香炒得惹味，茄子🍆熟而稔軟，味道甜而入口即化！這道菜非常好下飯，一流！菜遠珍菌炒牛肉$98牛肉片夠稔軟，菜心 三色椒🫑一應俱全，杏鮑菇口感爽脆，非常難得食物水準超越一般中菜館，即使不會麻雀耍樂，想來試一試也非常推介

今晚約咗住喺佐敦附近嘅朋友食飯，佢帶我嚟呢度，佢話呢度全部都係獨立房間私隱度高，除咗桌球、仲有鵲局，但係淨食飯都可以，都幾好。🐥薑蔥霸王雞半隻$118啖啖肉又有香濃嘅薑蔥味，好正嘅薑蔥霸王雞😋。🦑西芹鮮魷魚$118西芹爽脆，魷魚炒得唔錯，嫩滑有口感，魷魚好難炒，要快手，炒得耐會靭的。再飲啖「竹蔗茅根海底椰$20」潤下喉先。🥦海味雜菜煲$98香噴噴熱辣辣，大大的一煲，有蝦乾🦐、粉絲、多種蔬菜🥦🥬、雜菇🍄、清甜不油膩，味道不錯。其實我知道有得打麻雀果陣好開心，真係好耐冇打啦，下次真係要約埋幾個姊妹一齊嚟🤭。

疫情放緩之後，除左報復性飯局之外，當然唔少得雀局啦！約左朋友黎哩度開枱，貪佢地點方便而且係新開又唔貴。名峻會地方好大，佢佔左莊士倫敦廣場全層，一出電梯首先會見倒兩張桌球枱。之後店員就帶我地入房，可以睇倒裝修都好新淨。麻雀房唔會太細，就算再多兩個朋友觀戰都唔會太迫。冷氣都好夠，出面天氣慶合合，開行冷氣一陣都已經夠凍要較返細。電動同手動麻雀枱都有。打到肚餓可以撳鐘仔叫侍應幫手喺麻雀枱上面加塊板開飯，如果有吉房，都可以移師去第二間房食。椒鹽豆腐($58) - 豆腐好夠熱，炸皮好薄，脆脆地唔會太硬，中昌豆腐好滑，上面曬左好多椒鹽好惹味。欖角骨($108) - 有八大件骨，醬汁甜甜地好好食，欖角骨肥瘦適中完全唔痴牙，煎得夠腍骨同肉好易分開，一至意為係成餐最好食嘅餸。金薯蜜椒牛柳粒($108) - 牛柳粒都幾多，唔會薯仔多過肉，牛柳好腍又入味。星洲炒米($78) - 好大碟，四個人食每人貿倒一碗，星洲炒米唔會太油炒得名鬆，咖哩香味都夠，上面仲有幾隻蝦。食完聽侍應講佢地個VIP房冇人順便去參觀下，入面有得打麻雀同唱K，最平叫一個12位用嘅$5,588套餐已經可以由朝早10點玩到夜晚12點，套餐已經包

疫情開始，好耐無同朋友一齊打snooker喇，今日真係放寛後難得嘅聚會，打完波仲可以喺獨立房食埋飯添！傾密計都方便啲🙌🏻🔆名峻小炒王～名符其實，夠哂鑊氣🙌🏻，材料有韭菜 、銀魚仔、黃紅椒絲、魷魚🦑、腰果，炸過嘅銀魚仔充滿鹹香，令到整個菜式好有口感，難得又唔會太油，濃淡適宜，高質！🔆金薯蜜椒牛柳粒～金薯即係炸過嘅馬鈴薯塊，表面香脆，好吸醬汁嘅味道，牛柳粒入口嫩滑，冇咩筋，醬汁充滿蜜糖和黑椒香味，驚喜！🔆魚香茄子煲魚香茄子🍆係一道常見嘅川菜，呢度雖然油份有點多，勝煮得有魚香味，肉碎混合葱、薑、蒜、醬油等醬汁，開胃又下飯❤️