明珍美食

Open Now

Now Closed

今日難得黎土瓜灣記憶中有不少人都讚呢度d盅頭飯正又即管買個外賣拎走因為唔想食排骨要左土魷肉餅飯番屋企要半個鐘於是請姐姐分開豉油俾我姐姐好好人一d都無黑面仲笑笑口添番屋企後即刻食雖然只係微暖而且肉餅既肥肉較多魷魚較少但一開盒真係好香魷魚味但唔知係咪放得太耐先食所以飯底有d變硬幸好豉油唔太甜撈入飯中食簡直係正咁先救番盒飯咋一盅份量唔係好多但以早餐計一定足夠門口佢仲有其他點心不停出爐好多都只係七蚊有位哥哥仔買既燒賣好大粒好正咁無奈個胃太小唯有等下次

晚飯時段路過,見到門口大蒸籠的盅頭飯.香氣四溢,引左入去,夜間有盅頭飯吃,都真係幾幸福.英國全日都有早餐食,晚飯吃盅頭飯又如何?吃得排骨飯多,阿姐話肉餅飯岩岩蒸好,好靚架.)今次轉一轉,要個土魷肉餅飯.面頭肉餅住家風味.啄得粗糙.肉味夠濃,有肉汁.唯獨個飯底,今次有點失手.太濕了.埋單時同阿姐講左句今次個飯底濕過頭.)之後揚長而去.希望只係一時失手,笑面照比.

看過飲食男女的介紹, 試試這裡的盅頭飯。第一次吃的排骨蒸雞飯, 不但夠味, 再加上有點甜味的豉油, 吃一個飯, 身心都得到滿足。然而, 第二次吃的肉餅飯就差少少, 可能大家都識食, 此飯是「賣剩蔗」, 飯已經熱得太久, 欠彈性, 肉餅亦平平無奇。由此可見, 一間店最好賣的, 通常是最好吃的, 其他未必是最高水平, 吃了去彈該店差勁, 太片面了。

睇左咁多關於明珍排骨飯既介紹,覺得非常之吸引,身為一個土瓜灣人點可以唔試下終於昨日早上同男朋友就走去試下,可能朝早關係,有好多伯伯係度嘆茶,估唔到呢度連點心都有,有點驚訝,大部份都只係$7一籠,價錢都ok,不過,今次目標係排骨飯,點心下一次再,試,一坐低,阿姐就問飲咩野茶,原來有茶壺俾自己倒茶,好過隱,完全係有去茶樓既感覺,阿姐好好招呼,等一左一陣,排骨飯到,唔係好大盅,份量剛剛好夠飽,排骨都幾多,飯蒸得很好,不乾身,排骨既肉汁流哂去d飯度,好夠味,加埋甜豉油去食,哇~正啊~(豉油唔太甜,唔錯),排骨一d都唔韌,而且鳳爪又唔會"林"到甩皮甩骨,好味,食完飯又嘆番兩杯水仙,最後,埋單每人16個大洋,好抵又好食,好過去麥當當食早餐,下一次一定要再去

昨晚一子公,記起有人讚過佢o既蒸飯出色,不禁要由工聯會果頭行過黎試試.蒸飯種類齊全,最基本o既都有齊,款款都係$16.點了土魷肉餅飯,唔算好大盅,肉餅略嫌腍左o的,土魷粒又比較少,唯獨飯確是蒸得不錯,蒸到剛剛收水,豉油很好不太甜,最怕死甜的蒸飯豉油.加埋一杯熱飲共$26埋單.事頭婆招呼不錯,有禮貌地介紹是日有乜套餐,又介紹我叫套餐有o野飲抵o的,相當老實.這裡還有很多即叫即製的小菜套餐,由$25至$40不等,下次再黎試過!建議增加蒸飯套餐,單叫一杯熱飲$10太貴了~

睇到樓下位人兄講到咁正, 作為一個排骨飯既瘋狂fans一定唔會錯過, 咁岩去開土瓜灣, 咪順道去呢度醫下個肚囉, 坐底叫左盅排骨飯, 飯香四溢, 鼓油放係枱面自己任落, 仲要係甜鼓油, 撈飯正呀~~~d飯係濕左d, 但係加埋d鼓油又得喎, 好好味, 我最鍾意食d排骨係容易"骨肉分離"既, 咁岩呢度就做到啦, 搵番兒時去個d舊式酒樓食排骨飯既風味, 好耐都無食過d咁正既盅頭飯啦, 有機會一定會再去食!!我見到好多人叫蒸魚飯, 相信都幾出名下, 同埋老闆既招呼都ok, 不過因為得我自己一個女仔去, 成間舖9成以上都係男人, 有d唔慣,

如果想睇一間食店水準如何,睇下有幾多的士佬幫襯,可作為其中一個指標,土瓜灣落山道明珍,就係其中一間,眾多的士泊在門口的食店.主力,亦係最出色,就係排骨飯.蒸飯,更能將飯香突出.粒粒分明直豎.排骨有肉味,其肉汁加埋個蒸飯底,真係連豉油都慳番.食左幾年,依然百吃不厭,搞到而家對其他地方的排骨飯,完全提唔起勁.住在土瓜灣,某程度上,比住在高尚住宅區黎講,更加幸福.

晚上七時許, 趕著上課前來一個趕著時間的晚餐, 簡單的點了一個原盅蒸排骨飯和熱咖啡, 蒸排肉質爽口討好, 肉味不錯, 但飯質似乎濕潤了一點; 熱咖啡比想像中香滑可口; 晚市客人不小, 難得的是女店主對客人十分有禮貌.

環境: 地方細，地一間，如果要坐得舒服唔好去呀味道: 最欣賞係佢蒸出黎的飯，絕對係另一種風味。非常好咬口。電飯褒煮的飯絕對無得比。我多數黎食梅菜蒸魚，真的很有住家飯的感覺。佢魚好新鮮，十八蚊我覺得好抵食。有時我會食蒸鱔(不過我覺得幾肥膩)。好多人叫牌骨飯服務: 一般啦。乾淨：食左咁耐都無肚屙過。

好鍾意食佢D盅頭飯...又平好好味....通常我會食土魷肉餅/ 梅菜肉餅....例湯都只係$5....D飯&湯都好住家feel....見好多人都食蒸魚....仲有好多人買外賣添....

早晨出門時有點餓, 買了一個大排骨飯外賣作為早餐, 排骨爽口, 其中辣椒絲比例不錯, 有點刺激但不太辛辣, 飯仍是爽身有飯味, 但外賣飯盒始終感覺上差了. 部份飯粒局過之後好似明顯軟身了一點.

剛搬回了老父家, 有點像回到少年十五二十時的感覺, 好幾年前已想光顧一下街角的小飯店, 但大部份時間只因趕回家中晚飯, 過門而不入. 星期天的上午要回公司做一點雜務, 反正不用準時上班, 先來一個早飯再說.店門尚貼著數年前雜誌留下的介紹, 那便簡簡單單的點一個招牌菜-"盅頭排骨飯". 盅頭飯和煲仔飯可說是各有風味, 這店的盅頭飯比一盤酒樓的還要大, 盅飯比想像中干爽有飯味, 吃起來一點不油膩, 排骨亦不太多油, 肉質彈牙爽口, 豉油味道偏甜但討好. 結帳時付了十六元正, 一個盅飯滿足了整個下午~