名果店

Open Now

Now Closed

“草莓香蕉奶昔”($30)之前行過popcorn見到呢間名果店裝修咁靚而自己又從來未飲過呢道嘅果汁飲品所以就停低買咗杯嘢嚟試吓🤣呢道除咗各款果汁,仲有奶昔,水果茶等等最後叫咗杯草莓香蕉奶昔🍓🍌🥛水果即場榨汁包保新鮮😛不過呢杯奶昔明顯係香蕉多過士多啤梨好多啦😂飲落都唔多覺士多啤梨味😂當佢香蕉奶昔嚟飲都仲可以嘅😂

店舖有好幾種木瓜牛奶，問售貨員那一種好飲啲，售貨員給人的感覺是介紹D貴的口味。點了杯芒果木瓜奶昔，芒果味一點也沒有，木瓜味不夠濃，也不夠香，整杯飲品口感一點也不像奶昔，杯嘢飲遞給我是杯蓋還凹了進去，整體感覺麻麻。

之前見到POPCORN開名果店好開心，因為係坑口食過佢d生果杯好新鮮，10幾蚊一杯又唔算貴，但呢間分店開張之後發現得果汁賣，仲覺得失望。點知今日晏晝食完Buffet夜晚都唔係好肚餓，經過見到竟然有生果杯，仲要有好多杯，不過冇分大細杯，一律$20，見好新鮮就買左黎食。揀左杯有蜜瓜、哈蜜瓜、菠蘿、西瓜同埋少少士多啤梨。每種生果切成嘅大小都係一口size，蜜瓜同哈蜜瓜係爽口果種，清清地唔會死甜，士多啤梨少少酸，西瓜正正常常不過好解渴，最甜竟然係菠蘿。$20清清地當個Light dinner都幾好。