名灃小食

Open Now

Now Closed

土瓜灣驚喜小食店🥡🥤抱石之前求其食啲嘢 點知入面啲小食味道幾有驚喜 決定介紹吓😋燒賣啱啱炸好 非常香脆惹味 旁邊叔叔話佢其他炸物仲好食串燒燒得啱啱好 出面脆脆地 但入面依然好多肉汁 佢嘅醬汁都好好味 🍖希望下次再試多幾款小食 見到人哋食嘅煎釀三寶同炸多春魚都幾吸引🍢🍡

先點咗個炸大腸同煎釀三寶…後點咗個餃子雙拼…先嗰啲都會返咋明白亦都知道需要咁做…餃子佢本身都已經炸定咗跟住擺返入微波爐叮…我朋友話點解唔會炸埋…佢話價錢唔同要加多一蚊…我哋ok…跟住朋友話因為係行過所以食…佢話咁你唔係街坊唔使特別招呼你啦都係一次交易…我喺隔離就話我係街坊喎我啲朋友經過想食點知你個態度咁樣嘅佢話食唔食唔緊要啦做你呢單生意…雖然我知道價錢唔貴…但係我覺得個態度真係好有問題…當然食物係差啦…但係我覺得唔緊要但係個服務態度我知道唔係去一啲上流嘅地方但係都唔會咁差啩

新開/翻新？土瓜灣小食馬頭圍道218號「名灃小食」非常之ad-hoc嘅一餐話說掛住買衫唔夠時間煮👩🏻‍🍳🤣原本想外賣一間馬頭圍道嘅手撕雞飯店不過賣淨1個飯/冷麵同老公就試下食隔離嗰間小食店盡叫小食 當食放題咁😹食咗HK$200一餐😹好滿足💖 食盡多款小食，包括煎釀三寶牛肉粥韭菜餃子多春魚炸大腸雞腎串燒豬頸肉串燒司華力腸加埋2罐加多寶🍻好多炸物、燒物，屋企少煮，出到嚟食盡🫶🏻炸物惹味、香脆粥好清香，感覺上冇味道🕰 開到00:30，宵夜多個選擇👍🏻

忽然間想食煎釀三寶，早兩日行過見到呢間小食店新開，好似都幾多人買，即管試吓，點知仲有我最鍾意嘅豆卜，有驚喜，脆卜卜，仲釀咗少少魚肉，好味。煎釀三寶唔似得其他地方又油又有油益味，釀得好實好有質感，魚蛋又彈牙😋炸魷魚鬚兩個人食，叫咗小碟都好有份量，一個人實食唔晒😅蠔仔粥啲蠔仔好大粒，好新鮮，個粥底好有屋企煲嘅粥嘅感覺🤤仲有煎薄撐同煎韭菜餃同白菜餃，兩款餃可以mix埋一碟都得。食飽先見到仲有好邪惡嘅炸大腸，不過食唔落了，留返下次啦😆

泊車方便係大馬路旁邊石唐街又可以泊車近土瓜灣站D1出口行2分鐘食物美味特別係炸大腸外脆內軟食完一串又想食第二串另外蠔餅真係一流老闆先煎後炸話係潮州傳統做法外脆內軟帶咸香又不失蠔味份量大大件夾抵食餃子都係25蚊8隻4隻雞翼仲平過m記串燒大大串好似平時外邊2倍咁多個沙爹醬聽聞係老闆個仔既女朋友親自調制價錢優惠大大碗排骨粥都係25蚊三寶12蚊4件芝士腸咁大條都係16蚊8條老闆親切落單方便快捷又會問食唔食辣有野飲賣平過對面7-11等待時間唔耐5分鐘唔洗攪掂