名苑酒家

Open Now

Now Closed

父親節又到，精心挑選一家精緻中菜孝敬父母。名苑環境較大氣，餐具具暗花並以陶瓷為主，食物款式較多，屬中高檔價錢。即燒脆皮黃金豬半隻紅燒乳豬半隻連頭，乳豬皮燒至極香脆，肉味濃郁，乳豬肥嫩，肉質鮮美多汁。鮑魚汁珍菌花膠豆腐鮑魚汁質感微稠，味道濃度剛好，花膠偏硬身彈牙，配上軟嫩豆腐及鮮翠西蘭花，走肉選擇。黑松露醬帶子炒滑蛋感覺是蛋角而非滑蛋，黑松露尚算均勻分布，帶子絲絲分明，坦白說，並沒什麼特色養生藜麥海皇炒飯師傅以藜麥、米飯配搭各類海鮮包括帶子、蝦仁等爆香炒。藜麥蛋白質含量超高，蛋白質豐富，高纖維素及Omega-3，營養價值十分高。米飯粒粒分明，口感軟硬適中，用油偏少，碟面乾身，養生健康之選。宮廷雞煲翅雞熬濃湯至金黃色，其翅膜不厚，翅針較粗，質感順滑，入口連湯汁，口感豐富。雖然菜式特別，但是比較昂貴，份量也不算很多。

昨天一行12人在樂富，因沒有太多酒樓選擇關係，唯有再次嘗試這間在之前有過不愉快經歷的酒樓，結果都是一樣，可能是酒樓潛行規矩吧，但也不能做得太明顯啦，下午14:00開始有下午茶，但我們已13:30到達，人數不多有5個人排隊，所以我們眼見人數不多，照等下午茶，我們人數12個，輪候號碼(D1)是大枱第一張,到14:00開始叫號入座,先叫細枱入座，眼見在我們之前排隊5個人已入座，心想很快到我們入座，怎知有兩個人走向正在叫號入座的知客小姐面前，心想不會又是在銅鑼灣名苑的事再發生在我身上嗎？結果真的再發生在我身上，眼見他們直接行去叫號知客小姐到，便可直接取到抬號入座，因此便跟着他們尾看看是否坐大枱，不用多説，真的12人大枱一張，所以便走回問知客幾時會叫大枱的輪候號碼，答案是未有大枱，我再問為可之前入坐的是大枱，他們都沒有取過輪候號碼，因在我們之前的5個人已入坐，沒可能他們會在我們之前的，結果知客小姐答案是、他們已等咗好耐了！所以可入坐！😲😲😲😲😲😲😲😲😲😲😲😲😲😲😲😲😲😲😲😲😲😲😲😲😲😲😲聽咗之後、不用多說、這名苑酒家！永久剔除在我選擇內，就算得番一間選擇，我都寧願搭遠啲車程去食。

可能因為領展不停的改革，在樂富中心 竟然有三層樓的商舖有部份都關門大吉。所以餘下的酒樓只有在最高層的名苑。未到下午二時已有多人等候，為了方便在天馬苑的朋友，只好排隊。下午茶算是比較便宜，有16 和26 元的點心，炒粉麫飯只是68元。我們叫了淮山雞扎，真有一條仔淮山和蝦餃皇。水準可接受。但豉椒海班河粉則不太合格，河粉像粉餅一樣，比較油膩。因為下午茶，價錢算是便宜，連貼士是150元正，無法啦，獨市生意，無競爭對手，希望其他食市快D開返。

這間名苑係新開張的，下午茶2點開始，門口都幾多人等位，不過識人就不用等位，不用拎飛，直接入去就有位。餐具都好靚仕應推出點心，說係特價點心，有小籠包同黑松露餃。每樣三件。小籠包乾，皮唔薄，湯少，一般，黑松露上有d蟹子，皮厚，入面d料也oK，有黑松露味道。蘿蔔糕，三件，少少金黄色，有d淋身，好多油，味道OK酥炸魷魚酥，這個幾好味，鬆化，脆口，魷魚唔鞋的。好味呀！！叉燒包賣相已經唔好，唔係自己做的，皮好鬆，叉燒唔靚。唔好食的！！XO醬炒腸粉，好細碟，我感覺唔似炒，好淋，唔香，冇XO醬味，少少芽菜，蛋絲。埋單等好耐， 單上有擂沙湯圓x2的63.6唔知係乜，仕應又去改，又等左好耐，但最後還是自己去收銀度問，張單遊花園也未到……原來特價點心出擂沙湯圓。。真的有誰會知道呢？？！！這裏仕應服務差，冇禮貌冇笑容，價格又貴！！！

今日同家人去樂富廣場名苑飲茶，遇到一個態度非常差的女經理，完全沒有職業操守，大聲喝駡客😏令人感到非常憤怒😡，雖然以投訴但遲遲還沒有作出回應，所以我和家人以後都不會再光顧!!!!!

逢星期六來這飲早茶，明白多人要在門口取飛等位，但後來發現唔對路……為何這麽多客人埋單走，但都不叫枱入? 要等好耐位的原因是'熟客'是可以不輪籌!? '熟客'可以不用取飛，自己行入暗角位等位，侍應見有人客埋單走，便直接比枱熟客。這樣的情況，每次去飲茶等位的時候都會出現，真的很令人氣憤!這樣的服務，縱然食物幾好味都好，都令人大大減分，食到一肚氣!

呢間名苑，浪費我飲食的quota，應該唔會再幫襯佢。淨係識叫人食套餐🥴，唔so佢啲職員後，態度即時差過快餐店😖😣。散叫嘅碟頭又細，啲餸食左下火一流❌🔥。晚上八點幾已經無乜可食，大把枱剩可以即時入座添。呢間酒家，晚上九點未夠，職員人數就嚟可以多過啲食客。真係唔明白，點解今時今日呢間酒家點解仲可以生存。廚鑊唔得，燒味部連街市燒爉舖都可以好過佢，服務態度仲差到無人有。# 好舖頭不需要比其他人知道， 差舖頭是需要讓更多人知道！

是日在樂富名苑酒家，係一個非常唔愉快既經歷。一個出點心既姐姐唔小心將點心的其中一件整左落枱面。姐姐表現得好驚慌，咁我就話唔緊要，你換返其中一件比我就OK。咁姐姐就行左出去，想拎返件比我。果區既侍應就出現，叫姐姐收返果件入去先可以拎返件比佢。咁我當然唔肯啦，我堅持一換一。你拎一件黎，先可以換返件跌左既入去。你拎一件黎換一件好合理丫，我唔理你拎左入去點處理。我唔會比佢有1%情況可能換返同一件出黎。可憐既點心姐姐做左磨心，比果個侍應點來點去。呢位極品侍應竟然行埋黎講。「你地咁驚唔好食啦」之後就收走左碟野。原來呢間野既食品安全意識係咁高。跌左既野，係可以食返。原來呢間野既員工係咁好服務態度。簡直一流，無得頂。

樂富廣場名苑酒家經常排大隊，皆因無得搭枱，地方不大，但座位尚算寬鬆，服務員不夠，點心款式不太多，優惠點心也比較貴，兩個人慳慳地都要200有多，今次叫左碗黑豚义燒飯頂吓肚，义燒半肥瘦美味的，黑金流心包好正，小嬌白玉棉花雞料足，鮮沙薑香茜豬手冰食爽整體是滿意的，價錢較貴

好難得有機會嘆早茶，約左人在樂富廣場間名苑酒家，係門口已經要排隊等，等左15分鐘，原來係無得搭抬，入面地方已細細，服務員態度又不佳，點心價錢都不平宜，最後選左幾樣，食物就可接受

一行四人去飲茶 平時飲開果間裝修先會黎試下等位已經安排得勁差 係咁叫兩人飛仲要兩個人坐四人枱三至四人飛冇叫過咁滯去問佢點解唔叫三至四人態度勁差咁話兩人飛唔同三至四人飛同佢講我夠知啦 但你入兩個都坐四人枱 我又唔明分別係邊 見我嘈先識得叫下三四人飛入到去叫野食 岩岩下午茶都可以乜都話賣哂野食又黎得勁慢全部份量少都算 叉燒包都可以整得咁難食真係冇乜邊間酒樓舉手想叫人斟下水 望住我舉手都直行直過最後要自己出去fill水 嬲到爆等左成個鐘都未黎既野食追兩次都未有轉頭同我講話廚房唔見左張單仲話廚房已經收左檔幫我取消返真係呆左唔知可以講乜咁唔休做不如執左佢啦其實埋單我地見到兩個一模一既點心但唔同價錢我地話明明係下午茶點解會唔同價錢佢話冇得改 都已經唔想再留係到多一秒當豪比呢間垃圾酒樓呢間垃圾酒樓 食物差安排差服務態度差第一次飲茶係食唔飽第一次嬲到上黎寫食評鬧爆一間鋪一句講哂 垃圾到不得了 唔會再幫襯

等上菜等左一個鐘，個王東源男部長落漏單仲話後補要等架！係，我都再等左三十分鐘。佢又話條魚要蒸架。唔明白點解落漏單仲理直氣壯咁話人，再等十分鐘，前後四十分鐘都未蒸到條魚。反而隔離台就係咁上魚，喔，因為人地唔係散叫所以就一堆堆咁整左。

出街食飯點菜漏單都很平常，問題是漏了單還鬧客人沒寫清楚，這樣的服務態度真的很難接受！其實幫我加番單便可以，死口不認過失便有點不好，我是有把寫好的單拍照的，所以大家點菜後要做記錄，有爭執時也可表明不是自己的問題！

真的如別的食評所說一樣，上菜十分慢！非常慢，很慢很慢。我們吃過一次晚飯，沒有這狀出現，見全包宴價錢不錯，於是約了屋企人一起去吃一餐。照理我一早已經訂了這席菜，應早已有所準備，但沒想到上菜的速度非常慢。臨尾等食糯米牛，甜品，壽包，足足等了快一個鐘。所謂甜品是一早煲起的糖水，來到時是微溫，浪費晒！都不知何解上糖水都要一粒鐘！？雖然期間一家人有傾有講，但真係等到我臨尾好眼瞓。Zzzzz幸好食物水準算中規中矩！即燒乳豬真是大圍人必點的好選擇！又抵又好食！我們是全包宴再另加乳豬。至於全包宴的碟頭都算很夠吃，當中食物以「手工草本糯米牛肉」最特別和好味。都會再來吃的，不過就會加緊催上菜，雖然知道冇咩效用！

叉燒同乳豬水準好高！ 但我地食哂大部份餸時，有些餸菜等了很久都沒有到！追問後，話如果冇整就取消，條友又死都話已在做，點知等咗成廿分鐘有多先黎！ 根本就係追嗰時先落單！如果唔係冇咩選擇，都唔會再黎！