明將迴轉壽司餐廳 (Closed)

星期六去左食,真係好鬼多人,等左成個鐘先有得食,餓死人,間店雖然分開2間,但面積都唔大,有D迫!!呢間的確好過西9個間!!D飯唔係暖的,但飯就硬左D,最尾真係噎唔落..款式就唔係好多..但$49,係咁上下,真係可以食到好飽,但淨食sushi就悶D,個日2個人都食左二十幾碟!!係元X個D一碟十幾蚊,食咁多點只$98/2人!!想食sushi又唔想咁貴去呢度試下都無訪,反正又唔貴..但質素就...............

先講服務真係好寸下,,黑口面就梗,,,仲要講野大聲夾尖酸,,,尤其門口 紮邊帶眼鏡位8婆,,野食方面,,,係多款過西九龍,,,1830左右,,未見有豆腐花,,試左八爪魚,算標準,,係汁小左,,3文魚,,無乜味,,5分滿只得2分,,所以食左兩碟算,,螺肉,,同八爪一樣合格,,但對比7仔d次貨,,仲要差d,,之後有 炸帶子,幾好暖身,有味,但得半件就要迫自己夾硬食舊飯,,鴨胸,,,麻麻地,,吞拿魚,,差的,,同3文魚一樣分數,,甜品親自比 可能分時段,,係者理,,唔好食,,無乜味,,呀,,仲有饅魚,,最好一碟,,但好難整得難食,,因為超市都有得成條買,,係咪!?整體西9係地獄,,呢度就變返凡間,,但質素對比迴轉真係差地共地無得比,,當然任食仲想點?但食既份量,,咁計la~~7仔3蚊有件,,呢度埋單48$,,即係7仔可以食16件=8碟,,但每碟都好過呢度,,總括而言,,試夠,,唔再試明將既任食,,亦對任食壽司充滿分望,,

今日成班同學搞farewell,諗住平平地,試下明將啦點知就出事!頭個幾碟都未出事...我同另一個同學share碟蟹子壽司就黎料啦!我咬左半舊就嘔番出黎,因為食到d飯有酸縮味一定唔係醋味,因為之前食件件壽司都係冇醋味我問另外個friend,佢都話係有陣怪味,不過佢夾硬食左落去但係我真係食唔落!!我就同個staff講d飯好酸,佢就俾左碟野個大粒d ge冬菇頭阿姐睇跟住個冬菇頭就走過黎話:呢舊我就同你收左佢啦,不過如果呢舊酸,就全部飯都酸就全部都要換ga la,咁你就唔好再攞la!我聽完之後真係火都黎埋我問佢點解酸左,佢唔話我知點解仲好似反問番我,做咩淨係得我舊飯有事咁~之後我d同學繼續食,有d都冇咩問題d同學仲話豆花幾好食tim~不過有d都係出事,好似d吞拿魚,魷魚同三文魚有d冇味,有d就好似比水浸過咁...其實收我地$44.9(未計加一)都預左冇服務,野食都唔會好得去邊但係都不至於舊飯酸酸''縮縮''掛總之一句講曬,免費我都一定唔會去食!!!!!!

呢間明將1定好食過深水埗果間多多聲!!味道吾錯;琴晚去食;服務比較差;落左ORDER好耐都未有{事源坐ORDER枱}吞拿魚+3文魚+蛋白+炸物都係我至愛!因為佢D炸物{帶子,多春魚}都係岩岩炸;好新鮮!不得不提就係;D紫菜2仲係脆架!!飯就1定比深水埗果間細;醋味亦冇咁多;飯吾係咁硬;真係好岩我心水 =)吾記得左講,佢有JELLY食;係深水埗果間冇O既;雖然味道只係一般不過心思搭夠 =)除左服務;基本上都係可以的

係旺kok lee間食左兩次 第1次印象唔多好 d位又迫 我覺得迫過深水bo個間 而且無咩小食 第2次唔係坐迴旋位 感覺好好多 今次小食有三文魚骨 o者o里 豆腐花 豆腐花好o鞋 三文魚骨好香口~ 壽司不過不失啦~50蚊都唔使仲想點

一心諗住上樓上既韓燒 , 點知比佢既 44.9 任食吸引住 , 走過去問有無限時 ? 佢竟然話 44.9 任你食迴轉上的壽司無限時 ! 咁筍 於是我同老公就決定一試 , 好迫好似同隔離既朋友打交 ! 我食左 7 碟 已經好飽 老公就食左 12 碟 2個人共食左 19 碟 2條友埋單 $98食物款式不算多 大路野 舊飯好大 又用機來啤唔係手搓 其間我仲見到制作壽司過程好似好衛生帶哂手套咁.....但我睇左一陣 惦完塊魚生同舊飯之後又用帶住手套既手套去搬野 你無肚痾 就可以 encore 其間有段小插曲 , 有一家三口入來想要求坐卡位點知個帶位答一句你地唔坐得架喎 ! 於是就被安排坐bar位 , 無幾耐越來越多人來 好衰唔衰比果家人睇到後來黎的三位客人又係 44.9 任食就可安排卡位 ? 跟住梗係發爛啦 ! 嘈起上黎促返果個帶位出來鬧 點解你話我地唔坐得 結果經理出馬即刻掉比佢地住卡位至收聲 。員工態度真係有問題 !真係要檢討 !

50蚊, 係平,唔可以要求d咩食物方面 真係冇咩可以彈樣樣都okay, 唔會太bad我仲好中2食 蛋沙律sushi tim但係值得注意係---- 服務!!!由於排隊果時佢冇講明, 左面果大鋪係多d野食揀..我地去左 右面果細鋪..眼見佢 一碟一碟 三文魚頭 ,豆腐花, 啫哩拎過果面我地叫d waiter拎俾我地啦...佢竟然話唔係我地呢邊 喂,大佬 我地都係俾50蚊架wor!!! 點解牙 !!!最後有個好好人既 嬸嬸拎住 豆腐花預備拎過去我地問佢俾唔俾得3杯我地3個最後俾左 .. 點知我地發現..佢被一個 疑似 經理既女人 的埋一邊鬧 !!! |how come!!!埋左單我地去大鋪搵個經理同佢講清楚..點解會咁我竟然答我地: [ 係咩?]我地: [ ...... 係牙, 好唔公平wor]佢: anyway,如果你真係為左為目的明將岩你 .. 不然的話... 發誓都唔再去 ,真係一肚火

本來去明將係想食50蚊壽司任食,老公見成排人係度等位,佢唔想等咁耐就話不如去食韓燒囉～我想起响開飯睇到尼度日式放題都唔錯，又有海膽手卷食同樓上韓燒價錢一樣不如試下啦～即刻有位坐唔使等我地到時２人位仲有好多，入座後發現張檯唔平晃來晃去，有位男侍應話不如換張檯坐但老公唔想換，佢就笑笑口話好！我幫你地調整下跟住羅Ｄ厚紙過來攝檯腳，我覺得都幾好服務！我地食左冇幾耐Ｄ２人位全部坐滿晒！好彩我地來得早唔係又要等，食物方面：刺身：三文．吞拿．八爪魚．赤貝．甘蝦．墨魚．鱆紅魚．希靈魚．仿飽魚片．立魚．醋鯖魚，都幾多選擇多數都好新鮮，甘蝦好鮮甜老公笑說係唔係落左糖第一盤刺身師傅好有心思，將Ｄ吞拿魚整成玫瑰花既樣好靚！壽司有成３０幾種選擇有一個車籽壽司唔知係咩野但冇試到有五種沙律只試左雜果沙律我冇食到老公話好食各種拉麵同烏冬，火鍋有牛肉．豬肉．海鮮．雜菜．地獄三文魚頭．魚鰭，驚太過飽冇試燒物種類太少：雞肉棒．冬菇．雞翼．秋刀魚．生鯖魚炸多春魚好味冇粉唔會過亁，炸魷魚鬚份量比較多咬落幾香口，牛肉薯餅食唔到牛肉，雞軟骨粉漿略嫌厚身，蝦天婦羅攤開炸幾脆但我都係比較鍾意原隻落去炸雞絲魚翅煲冇咩野料，淨係聞到Ｄ麻油

自從9月尾的西九一役之後，已經Blacklist左全線明將，可是一位久未見面的朋友多番央求，話西洋菜南街。我只好冒死再去一次。今次我地就是去西洋菜南街呢一間明將食$44.9的。話說當日我同時需要陪另一位朋友在西洋菜南街的一間百老匯試手機。誰不知叫我去冒死的一位朋友欺騙我，話就快有位，叫我上去，最後我上到去仲有6個位(當時叫到90號，我地是排96號)，搞到我未試完手機就上左來，結果我心情已經打左折扣，算。等左好耐，尚欠一個號碼就到，都算。最激氣的是，店員竟然不是叫96號，而是叫97, 98, 99, 100, 1, 2, ......的人入去，仲要呢幾張係2至3位的。我覺得唔對路，開始用激烈的語氣罵我個fd，叫個店員比位我地坐。最後安排到店中間的Order抬，只可惜果個位是最大冷氣，我幾乎凍死。入到去我都已經打家輸數，但結果令我意外。由於我地吃得太多款式和太多碟，結果我只能夠提供部分的食評：所有吃過的壽司的飯質比較我以住去的鳴門和板長為實，但仍有少量會散，但可以接受。1. 三文魚壽司明顯看得出係新鮮過西九，色澤鮮艷，不是覺得暗啞；吃上去尚有少量鮮味和肉質有質感。2. 熟蝦壽司味道普通，

早幾日聽到家姐講旺角開左間明將...好食過西九龍個一間....所以今日就同朋友去試啦....果然d sushi比西九個邊好...d三文魚新鮮過西九....仲有軍艦sushi上面的料俾到好足..所以50蚊任食黎講真係好抵食....再加上我自己出去拎又得...落單又得..真係好方便..但唯一唔好地方就細過西九個一間...有少少迫不過整體上黎講...真係ok....值得再去....

我眼中,天天都是母親節!原本想吃"板長",但母親和弟弟說隨隨便便好了,對我實在好!原本對這店冇好感,但價錢差距果然好味d!刺身任叫,火鍋任食,完全同$50個款冇得比!3人只吃了3百幾,如果去另一間可能$600都未飽~

行到MK搵野食, 抬頭一望, 見到一個好吸引的招牌 "每位$44.9任食壽司", 就跟果個方向行過去.............上到去見到周圍坐滿人, 估計應該係等位, 行到去門口, 個待應問食$118任食2小時定係散叫壽司, 完全冇提過$44.9任食, 咁我地以為係lunch先有呢個價啦!! , 我地考慮左一陣, 就選擇咗$118任食.............我地2個人坐埋牆卡位, 多1個人都坐唔落果d~ 有個女待應放底咗個茶壺, 我地以為係茶, 但奇怪斟出黎果d係水..........但見bar枱果d個個都有茶包, 點解我地要飲水?? 而且我地係食貴果種, 應該好招呼d掛?? 不過費事問佢拎茶包, 因為我地可以叫飲品, 即刻叫2罐雪碧順下氣...........食物種類好似好多, 但全部都係cheap野, 連軟殼蟹手卷都冇........ 炸雞軟骨 -> 炸漿超厚, 顏色太深, 完全食唔到雞軟骨, 只食到粉漿 炸豆腐 -> 一般啦, 個豆腐唔算太老 炸南瓜 -> ok, 但南瓜唔甜 炸天婦羅 -> 幾脆, 又熱 三文魚刺身 -> 三文魚得1cm

跟朋友去血拼前, 打算先吃頓飯, 想來想去都沒有頭緒要吃什麼, 突然看到"明將"的大招牌, 就上去試試, 進去, 位子還很多, 可惜壽司吧附近的抬都滿了, 個店員問我們坐其他位子可不可以, 但要自己去壽司帶度拿回座位, 太奇怪了吧?! 當然我們不接受, 就只能等一會, 不好10分鐘, 我們就安排進去了, 還好, 不用等太久環境還可以, 但壽司款式很少, 等了好久才看到三文魚,飯好硬+實,魚不算新鮮, 魚身好實, 其他的都是些很普通的選擇, 看到吞拿魚, 但好像是...玩具膠帶放上去的樣子, 不太吸引, 但50元一位任食, 都不能要求太多, 算是可以接受了...

真係平野冇好野.......d 飯特硬.......個蓋唔知翻用左幾多次.......d 人拎完sushi 竟然將個蓋放係個迴轉帶度,仲有d 迥轉帶真係太多sushi, d 膠蓋飛出黎.,,,,,,,,,,,,,,,,,,,,,, 係個度食10碟 = 出面板前個d 13-14碟...............d 飯太硬啦d 三文魚又冇味白色個d魚/其他魚直頭係怪味...............同板前個d前好多,,,,,,,筷子,杯都好dirty.............. 冇咩款難怪d 人食30-40mins就走有d人話呢間係咁多間最好..........可能係真既如果呢度已經係最好真係唔敢想像其他幾間

以前經歷過西九之役,就再冇去過! 壽司絕對冇理由未點豉油就散!今次旺角分店試菜,百思不得其解的是---本是同根生,食物質素距離可以咁大!不可以說是上品,但最少機器「啤」壽司飯係實的, $50任食已經不過不失了!加了$10,試了「炸蝦壽司」, 係最滿意的一碟;相反鰻魚壽司係冇味的......為何質素好、有心經營的壽司店結業的結業,相反這種質素參差的店竟長做長有!與其您們係門口大喊「二三些」,各位店主爺爺,不如我同您講聲「奸爸爹」!無論手握或機器「啤」飯,實少少咪「散修修」,唔該!