明記甜品 (Closed)

間野唔多幫襯，但每次都好滿足咁離開榴槤凍餅 - 榴槤愛好煮切勿錯過，望落冇乜特別，食落就勁正 !心太軟 - 食過師妹甜品後又一推介地點，而且仲方便好多添 ~芒果班戟 - 好多 cream my FAVOR !硬版木糠布甸 - 好似食緊雪糕咁，好味架都 !桂花糕 - 係我第一次食，味道冇我想像中清香，但都不錯 ~公仔麵 - d 丁仔煮得剛剛好，唔太腍唔會唔熟西瓜汁 - 真材實料呀 !

今日同朋友隔離街食lunch,食完之後心血來潮, 想去一下食甜品,所以去左呢到食囉. 其實之前都幫襯過架喇, 我次次黎都係食呢個原味木糠布甸, 不過上次係食軟既, 今次就食硬既....唉, 之前食軟o個前我就覺得太軟啦... 一pat pat甘, 好似係到食緊溶緊既cream囉... 所以我今次以為醒d, 就叫左個硬既. 哈哈哈~~~但係今次好似仲大鑊窩..... 我同朋友都篤爛左個兜囉...... 一路食, 一路篤穿.. 鬼叫佢甘硬o羊, 要用好鬼大力先but到.... 唉..... 食完成個, 隻手都冇晒力呀~如果佢d木糠布甸既適中少少就好喇......

食完好食既潮州打冷,心情靚靚,想搵d甜野食吓,行到隔離街,有好多選擇,檔檔都打到出門口,都唔知食邊間先啱,咁就揀間舒服少少既啦!兩個人叫左個楊枝甘露同一客木槺布丁,木槺布丁呢家野喺澳門氹仔食過一次,味道唔錯,嚟呢度番撻!楊枝甘露味道只係一般而已,因為好似奶味比較重而芒果味唔係好夠,唔算差但係只係ok!至於木槺布丁,味道唔錯,質地比較硬似雪糕多一點,味道比澳門嗰間甜一點,可以話各有特色!

來天后吃甜品, 選擇雖多但幾次都取明記而非其他,因為質素有保証。今次吃了楊枝甘露、木瓜奶和木槺布甸,木槺布甸好實淨,我最愛布甸上的麥餅。楊枝甘露也好味, 芒果甜而用料豐,木瓜奶則淡奶味太濃,木瓜味不夠。

第一次去當然要試下原味木槺布丁啦~~層次分明~食落去好滑~好香奶味~有d 似雪糕~不錯!!最驚喜就是芒果pancake~!!真係皮薄涵靚!!果肉又大又多而且好甜~忌廉亦岩岩好~唔會過多~(因為見到d 果肉太興奮所以無相..失禮晒~)

服務態度好!!!原味木糠布甸:幾好味,好似雪糕芒果糯米糍:好味D甜品唔會太甜,食完唔會口渴^^值得一去......

晚上口癢就落明記買糖水食,但次次買,一次比一次難食...同狗食無分別!!!唔會再去食。

尋晚同朋友一行四人食完pizza之後走入呢間甜品店, 我o地分別叫o左楊枝金露, 芒果西米露, 蘆薈涼粉(我女朋友話要內服外膚)同埋綠豆豆腐花.我o既綠豆豆腐花唔錯, 豆腐好滑.值得一提o既就係老闆好好人, 因為我朋友碗芒果西米露本來係冇芒果"醬", 佢有少少失望, 不過老闆好好人, 送o左少少俾佢!!我覺得咁樣先識做生意, 少少o既芒果"醬", 會令我下次再去呢間甜品店.

前兩天和友人試了冰凍的芝麻豆腐花, 和芒果凍餅,芝麻豆腐花好滑, 又不太甜, 消暑呢~而芒果凍餅則像木糠布甸內含芒果,但芒果肉較少, 單調了一點,味道還ok~今天發現大部分甜品店的椅子都很小,空間很少, 很迫, 店員們常和我擦背而過,好牙煙呢.....

系個頭工作～第一次出量．．班同事叫我請食糖水，見附近有間明記．．叫左外賣等左一陣有人送過黎拉．．一打開我叫個個芒果西米露個陣．．．唔想食囉！Ｄ西米加埋Ｄ奶撈埋甘．．睇已經唔好，食仲衰．．淡如水甘．．好想叫佢回水囉！！只有一次　永無下次！

3月13....同我愛人出街....佢突然間同左我去呢間甜品屋到食野我地由NORTH POINT一路行....本來諗過叫佢唔好去...但因為佢既執著...同我走過一個又一個既街口....最後食左芒果PANCAKE....雖然我無食...但睇住佢咁可愛既樣....咩都抵哂

食過幾次次次d糖水都係咁大碗今次2個人去食男朋友叫左楊枝金露佢食到勁飽囉我個碗什果西米露加涼粉又係好大碗夠哂多什果^0^好味我地仲叫左xo醬煎蘿蔔糕係切開正方形1粒1粒咁初時唔夠熱,食落去中間係凍既咪叫個男人(老細!?)整熱d不過佢既態度就麻麻啦..可能燥底掛....同埋仲叫左每次尼都必食既咖哩魚旦蘿蔔大大粒魚旦,蘿蔔又甜*不過個人覺得真係幾辣...之後一定要飲番凍野!超飽...希望個個帶眼鏡肥肥地既男火計/老細下令d態度好d,唔好咁燥就好了＝)

我好耐之前去過西灣河既總店食榴槤pancake, 覺得好正,但之後都無去囉,改食新鮮榴槤。我剛剛轉左工去天后,發現原來天后都有明記既分店。之前去西灣河既明記得係裝修麻麻,以為呢間同名,點知一食佢既榴槤雪葩,正到痺~ d榴槤勁重, 我去過食左兩次, d味都無變, 嗜榴槤人士推介!!!!! 我差唔多食晒佢d榴槤野, 爭榴槤金露, 佢既榴槤pancake似乎總店好食d。吃過榴槤雪葩, 短期內唔會試其他野, 榴槤雪葩, 賣飛佛!

今次叫左個什果涼粉, 榴槤西米露同外賣翡翠糯米糍.什果涼粉: 一向都係好大碗, 可以食飽榴槤西米露: 好多榴槤肉, 抵食翡翠糯米糍: 味道都唔錯通常黎依度都係食生果甜品, 好大碗好抵食. 中式甜品味道就普通, 所以都好少食.總共食左$68

食完ｌｕｎｃｈ突然好想食甜品．．．求其入左呢間．．叫左什果冰＄２６其實即係一堆生果粒＋西瓜汁＋大舊ｇｅ冰裝落個杯度．．呢個價錢大把糖水舖好味＋抵過佢！會唔會因為呢個體唔係招牌菜？！