明記甜品 (Closed)

昨晚8:30pm我想去天后吃甜品,因為很多甜品店^^我考慮擇明記甜品,因為有榴槤甜品,我鍾意^^1)榴槤甘露-見榴槤肉很大,吃得十分美味,很飽可惜環境很差,有點很舊爛下次我會再幫襯, 我未吃榴槤雪葩和榴槤布甸

昨晚到過這裡吃榴枝金露,就係因為榴金歲月沽清了,今晚同男友又再食了,我們今次叫了外賣,我們都覺得份量好像少了,下次都是堂食好一點呢! 今次榴槤的味道淡了啦!可能好像男友般說! 在製造榴槤肉冰粒時,過程加多了水呢!

今晚打算叫榴金歲月,點知可能太晏的關係(1130),全部沽清了,所以我們點了榴枝金露,但味道都不錯呀!只是入面的榴槤是比較硬和味道淡了一點,總括而言, 也是值得推介的美食!!

最近兩次試過這裡的榴金歲月後,簡直愛上了它呢! 我們都很欣賞這款甜品呀!內裡有黑糯米,少少椰汁,芒果和我致愛的榴槤肉呵!份量和價錢都算合理呀! 而且另外一款叫做榴槤雪芭也不錯,但當員工呈上這款甜品時,嘗試用力去刮一羮是很因難的事, 因為還未解凍呀! 但稍遜的是環境比狹窄呢!

環境:比較狹窄.冇辦法,香港地寸金尺土,唯有坐得辛苦D.味道:我叫咗馳名木糠布甸,真係幾好食.凍食,好似食雪糕.芝士味剛剛好.抵讚.服務:沒有什麼特別可以提及.抵食:木糠布甸$19,幾經濟抵食.衛生:冇辦法,阿K叫了椰果涼粉,之後勁肚痛,一定要俾零分.

食完宵夜嚟呢度食糖水，未嚟過呢度，不過之前好似聽過呢間野。叫咗過朱古力木糠布甸，個樣幾似tiramisu，仲以為拎錯咗！味道同質地完全唔似布甸，面果層係朱古力粉，底果d食落嘅口感似mousse多d，同埋細兜咗d，貴咗少少，唔係咁抵！

成班friend一齊去,叫左芒果西米露,木糠布甸,凍芝麻糊,芒果糯米磁和XO醬蘿白糕(雖然唔係甜品)一齊share.芒果西米露:麻麻地..木糠布甸: 勁正!仲好吃過澳門九如坊果D!>_<凍芝麻糊:不錯,不過就普通D.....芒果糯米磁:勁掂!皮夠軟熟,又多芒果!XO醬蘿白糕: 好吃,不過對我太spicy la~ ***地方都很乾凈企理啊***

其實我就住o係o個一頭,於是成日幫襯~我叫o左三次西米露.真係唔係好掂...-_-"""但係佢d特色甜品就真係好正~!1) 南瓜西米露(必食,唯一一間食唔到有南瓜渣)2) 木槺布丁(老闆會問你要軟定硬,唔同口感,一樣好食)3) 芒果糯米(芒果無分季節都咁甜)仲有好多...

正當我o地仲估緊'瀟瀟洒洒的給我瀟洒的上機' 歌名我o地不知不覺間已經到o左明記!好搞笑地, 估野王問o左o的自稱朝偉fan屎都估無到個歌名我叫o左個木糠布甸, 一路食一路估'chorus chorus要易記易唱...' 收音機響度播'流行曲'我o地洗晒腦'記住要　重複　重複又重複　重複...''仲要　repeat又repeat　這旋律先算最強''chorus chorus要易記易唱'有人打黎開估!!.......一生一心!!唉.. 真係估你唔到呀!!

食完潮州鹵水鵝肝，就一干人等去食甜品。天后的甜品選擇也多，少說都有五、六間，但娜姐已一早言明要吃榴槤，所以大家不假思索，立即來了明記，因為還記著西灣河店那個不能在舖內吃的榴槤布甸。已十點幾，仍然係幾多人，幾旺場。人未坐低，教練T、娜姐同我都不約而同的叫了榴槤雪葩，但店主的答覆是「唔夠硬」，所以無得食。想吃的沒有得吃，擾攘一輪也想不出吃什麼，見Olivian那碗多渣的綠豆沙也差不多吃完，娜姐同我先至有頭緒，分別叫了什果綠豆沙及椰汁涼粉冰。好快有得食，我碗什果綠豆沙，坦白講，睇落好似一碗泥漿﹝圖下方果碗野﹞，賣相真係幾差。不知是不是之前Olivian要「多渣」，就連我這碗綠豆沙也相當多渣，好像是一碗泥似的杰撻撻，幾難至找得到有生果在內的。一吃之下，味道卻又不錯，不太甜，臭草味香，亦有點點陳皮味，想不到這個其貌不揚的綠豆沙，味道也真不錯，有水準，就連Olivian也說她的熱綠豆沙，味道也是不錯的。生果不少，有西瓜、蜜瓜、火龍果粒、芒果等，幾款都甜美，凍吃也美味。吃了一口娜姐的椰汁涼粉冰，真的很涼，因為有粒粒冰粒。碗什果綠豆沙21蚊，味道不錯，食完涼浸浸，食得過。吃完鹵水鵝肝，加碗綠豆沙，談談

原本想食南瓜粟米露ai....好不幸,佢地冇囉剛剛食完飯又唔想食西米露果d所以揀左木瓜雪耳呢到比MK0既老友記好食好大碗,而且好多木瓜木瓜好甜,雪耳0既size剛好成個糖水唔太甜服務態度都ok佢見我食唔到南瓜粟米露都有sell下其他奈何唔arm我口味~but我覺得木瓜雪耳好似貴左d~

星期六下午五點幾入去，無乜人，又可以開懷大吹~ 朋友叫了芒果紫糯米、珍珠涼粉...等等(已經唔記得左)，佢地既comment 係: 咁大碗既......... (真係大碗)，我地果時又唔肚餓。味道就無乜特別啦~ 不過不失。因為唔食得凍品既關係，想叫合桃糊加麻蓉湯圓，個姐姐一聽到湯圓就話無湯圓喎~，再叫合桃糊啦，er... 我地無合桃糊喎=3= ... 咁點呀... 佢介紹左南瓜粟米露，都ok，不過... 係唔熱既，唯有叫佢叮囉~ 搞左成兩個字，唔通係用煲煲過??

第一次來這裡吃，當然不會吃太貴的，不知道好不好吃。所以朋友order左椰汁西米露，最基本的甜品，質數一般，無乜特別。本人要了蜜瓜涼粉，賣相即係蜜瓜加涼粉囉，都幾多蜜瓜，很甜、夠凍、新鮮!侍應問要不要椰汁，他提議我可吃了原汁原味再叫他落，幾細心。另外要了什果xx甘露(27元正的)，朋友說都不俗啦，有珍珠的。芒果糯米池，一碟三粒岩岩好，好吃!!環境方面比想像中好，因為遠望見到地下好多污水，以為間野好污糟，原來係隔離間酒樓的洗地水.... 舖頭外有兩三張台，我們坐入面，星期五晚十一時多，人不多，我相信店外是吸煙區吧？看到出面煙煙霧漫，登時覺得他們的設計對non-smoker 很好，但..再入dd又有學生哥係度煲煙? 由於人少關係，坐得耐少少，嘆得很，不用被人摧著收碟，侍應夠smart，整體印像幾好~~

星期五晚在中環飲完野，順道送同事歸家，稍坐片刻，行番出來已是十二時許。佢忽然想食甜品，見晶晶剛關門，雪之甘味又係，行入清風就找到這裡。可能係星期五晚，加上行年宵的人，所以呢度係坐滿人，連行人路都坐埋。糖水選擇不少，亦可吃都及米線等食物。叫了南瓜粟米露及芒果糯米，南瓜粟米露熱熱又濃濃的，南瓜味都算香濃，不太甜，可惜是晚不算冷，如果不是更佳。不過跟內裡的粟米有點格格不入，硬硬的，似乎係同南瓜露分頭煮的；芒果糯米煙煙韌韌，都幾好食。內裡的芒果不酸，冬天的芒果當然質夏天的不可同日而語。不過十蚊三粒，都算抵食。同事請，好似係24蚊，都算唔貴，一試無妨。

環境好舒服, 木糠布甸一流, 楊枝甘露亦很好味, 總之係平. 靚. 正!