明明車仔麵專門店 (軒尼詩道) (Moved) New Location

熟客反饋：食佐好多次下午茶餐 一直都觉得麻麻地 每日又唔知食也⋯⋯但係今日食 真係覺得沒進步 反而越來越難食今日滷水汁好淡 好似開水咁 啲頌都唔入味我一直都會同店員講奶茶淡d 次次黎都會講 因為實在係好濃的茶味 根本冇奶味 次次我都會落多d糖 但係根本就唔係奶茶了 係糖水咁⋯作為一個熟客 之前係覺得吃得落去 午餐就搞定 今日實在失望 看不到有進步 反而越來越嚴重⋯⋯ 希望有心做嘢食 太求其 熟客都唔會再幫衬不會推薦其他同事⋯2021.2.24

終於等到lunch，經OpenRice 外賣自取好方便，唔使係門口等，一去到就有快、靚、正！4餸$45其實抵食，但奈何碗麵兩舊餸都有毛髮贈送，舊蘿白食左一大半先見到，我真係食唔落！眼不見為乾淨，但比我見到好想嘔

又到糧尾，朋友帶我lunchtime食呢間車仔麵。我平時真係冇幾可揀車仔麵嚟食，因為雖然平但係食親都係好低質，但係呢間真係顛覆咗我對車仔麵嘅睇法！！首先見到佢個蒜辣湯底我已經心心眼，我呢啲無蒜無辣不歡嘅人竟然咁難得見到有咁嘅湯底。然後仲要見到咁多配料選擇都唔係好大路好普通嗰啲，所以我嘅期望值又高咗。最後我揀咗超少見嘅蠔皇花菇、車仔麵必溢嘅蘿蔔、難得喺配料唔使加錢嘅瑞士雞翼、仲有平生未食過但係好多人推薦嘅甜酸齋。估唔到嘅係四餸一麵竟然只係$45。抵到爛！咁都要睇埋質素先，滿滿一碗米粉終於上了，啲配料唔係平時見到啲車仔麵擺幾粒細細份嘅喺一邊就算，係每樣配料都大大份蓋滿成個碗，每樣都比足三買份超級多。蠔皇花菇超好味，口感恰到好處，好彈牙，食得出係高質；蘿蔔都好大份，清甜吸湯；甜酸齋好香濃，好下飯好開胃；瑞士雞翼煮得好林好好味！淨係食啲料都已經飽咗，但係個湯底一啲都欺場，蒜辣汁真係靈魂黎，配埋米粉，唔會覺得味精重/熱氣，令我第一次會食車仔麵食到一滴湯不剩😂樽仔奶茶都好高cp值，出面茶飲店買杯起碼都25蚊，呢度12蚊冇冰添！濃郁到！拍得住塔門喎！香港好少地方有得買仲想點先！而且味道滿分！順帶一提

係灣仔忙完，諗住食個晏抖抖。5食由試可，食完就好失望。價錢5係特別貴，但質素一定好一般。我叫既魚肉，竟然有魚腥味，魚肉5滑兼有腥味，已經破壞個成個面既口感。等二，魚肉係帶有微細碎骨，5會嗆親，但口感差。5對路。而燒汁豬軟骨，肉質無問題，但5夠入味。完全5覺有燒汁味。唯一最正常係咖喱魚蛋，無伏。本身我叫清湯底，但魚腥味加清湯無味，結果要追加蒜辣醬將辟味。5係我都5想再食落去如果有得再揀，絕對頭也不回，5食！

抗疫時期成日都要諗買咩食 呢間外賣自取又抵食又好味諗唔到食咩個陣就岩晒！我揀左瑞士雞翼 蘿蔔 同埋豬大腸除咗蘿蔔略嫌唔夠清甜 其他都好好食試埋佢個蒜辣雞翼尖都唔錯 夠惹味

疫情期間，叫下呢間車仔麵外賣都唔錯麵同配料的選擇都多仲有6隻醬汁選今日我叫左咖哩魷魚，牛筋，蘿蔔配米線（沙嗲汁）個汁同啲配料都好濃味，食落唔錯不過分量唔算好大，肚餓的話可能要叫多個餸但佢價錢相宜，對打工一族係一個唔錯的選擇

難得放工路過，又凍凍地，忍唔住入黎食碗車仔麵。叫咗招牌麵，頗有驚喜。麵底：河粉河粉嫩滑有嚼勁，唔會一夾就散。同時唔會大量吸湯。湯底：蒜辣坊間少見嘅蒜辣。濃郁蒜香加上點到即止嘅辣，開胃誘人。配菜：牛腩：表面覆蓋一層濃郁油脂。入口顯示散發脂肪的香氣，再來是牛肉富有彈性的口感。店家用的不是碎腩，值得加分。必食之選。溏心蛋：一口咬下去，蛋液爭先恐後流出。生熟度剛好，調味的鹹不會蓋過原本的蛋香。溏心蛋愛好者不要錯過。齋：厚切入味，值得推薦雞翼：不過不失，沒有血水味。肉質不會太柴且入味。魚皮餃：皮太厚，而且會吃到粉味，不推薦。魷魚：招牌麵只有一兩細塊，不能試得太深入。不評價。總體係平均水準之上。58蚊換餐快飯，唔錯。

今時今日放lunch食飯其實都冇咩係$50樓下，呢間餐廳係角位，lunch time時候門口都多人等位或者等拎外賣。我嗌咗個三餸米線（$40），瑞士雞翼，蠔皇花菇，蟹子丸米線。瑞士雞翼同蠔皇花茹好林好入味，至於蟹子丸就一般般冇乜特別，米線份量唔算多，個湯底有啲腩汁mix 滷水汁味，我覺得幾好食。份量黎講，唔知係咪米線相對冇咁滯，所以作為女仔就夠食，唔會話好多好大份，如果男士嗌米線，我諗要考慮加底先夠飽。

今日叫左外賣，從末試過咁失敗，上午11點半打去叫，到下午1點25分還末送到，途中打左兩次去催，12點45分：第一次話出左餐，第二次1點15分要求店家催催，第三次直接說取消好了，店家說因落雨，但事實我等了兩小時，2點45分外賣打來＄48，我話取消左喇，我估計店家是一直沒跟進的，所以外賣的不知道，之前都有叫開，有遲但唔會好像今日咁，我今次真的末能接受，今次真的是最差的經驗，日後會考慮再幫不幫襯，差評！

車仔麵相信很多人小時候都吃過，可以選自己喜歡的不同配料，麵，湯底，可以因應自己的口味而創造出無限的配搭。而去到現在，部分車仔麵店也開始發展出更高質素的材料去弄車仔麵了，不是只以份量或低質素來做賣點，這家在灣仔的明明也算是其中一份子。這家店雖然採用了一懷舊的裝飾來佈置，但味道完全不懷舊，而且很多變！而且在港島區來說，也不算貴的選擇！個人口味來說，我覺得車仔麵中必叫的配料是油麵，牛腩跟豬大腸！這家都做得不錯！油麵彈牙而且很吸湯，而且不會因為浸在湯裡太久而發軟！牛腩就好考驗店家的手勢方面，不能太硬，也不可能太軟，材料也不可以是只有瘦肉，這樣會太乾和柴，但這家的質素都很不錯！每塊都帶一點肥，也很有肉汁！豬大腸更是重點，如果處理得不好，很容易會有臭味，而且不得煮得太軟，也不能咬不到！所以這家也是煮得剛剛好，很符合我心目中的口感，而且也鹵得很入味！蒜辣雞翼尖，這個也做得不錯，雞翼尖依然是很嫩滑，而且蒜辣汁很惹味，令人一口接一口，份量也足！最後選了牛根，這個也煮得充滿膠質，不會太硬咬不動，也很入味！整體來說，這家算是比較高質素而且不算貴的一家，口味也很多變，推薦來試一試！

夜媽媽11點先離開Chambers沿途仲開嘅除左酒吧都係酒吧😢行行下無意中發現哩間小店上網一search 原來係黃店🎗係茫茫酒吧之中哩間黃店就好似漆黑中嘅螢火蟲一樣咁耀眼奪目就決定係你啦 我地二話不說就行左入去哩間野鋪頭細細 冇好靚嘅裝修 不過絕對乾淨企理.我叫左冬菇 瑞士雞翼 墨魚卷 米粉冬菇大大粒 炆到軟冧 有好濃嘅蠔油味 真係好好食🤤雞翼煮到軟綿綿 肉質嫩滑一啲都唔會乾柴 食完一隻又一隻 yumyumyum💕不過墨魚卷就差啲啦食落有啲粉 而且入面都冇墨魚粒🦑似食緊麵粉卷多啲 可以留返quota試其他野haha.然後Jam左友人嘅魚皮餃 魷魚 同埋甜酸齋魚皮餃同魷魚都係普通車仔麵水準就唔浪費筆墨介紹啦但不得不提嘅係甜酸齋真係好出色酸度啱啱好 同甜味互相融合加上超級索湯一咬落去 啲湯就好似煙花咁係口腔入面爆炸🎆真係想食多幾舊😋我會為左甜酸齋而再返去食！.順帶一提 哩間店嘅叔叔姨姨好好人🏠係間好食而又有人情味嘅黃店🥰..三餸車仔麵$40四餸車仔麵$45所有餸菜價錢一樣 .

-車仔麵篇之 《明明車仔麵專門店》🍲我好小可介紹車仔麵😆但最近真係瘋狂愛上呢間野😤仲要開到零晨1:00點！夜鬼都可以去食！🤫你心愛既車仔麵又係邊間呢？文記？新記？榮記？🤔歡迎DM隱世又冇乜人知既好食車仔麵比我去TRYTRY🤤🍲 4餸車仔麵 （$43）我必點既餸有豬軟骨、牛腩、冬菇、雞翼！係我覺得最完美嘅配搭🤫另外試過佢既咖喱魷魚/羅白都唔差！牛腩炆得好腍好入味！豬軟骨個味勁開胃、甜甜地🤤另外我想講佢d餸勁多勁足料🤭好似唔洗錢咁！下次想試埋佢個豬大腸同甜酸齋！係正灣仔英皇格離！快d去試下啦！

灣仔附近都幾多美食，行過明明 就決定今晚食車仔麵入面裝修都幾舒服大方，環境乾淨~3 餸1 麵 $40 4 餸1 麵 $45餸類選擇算多！大什麵有6 樣餸 $48內有豬紅、豬皮、豬大腸、 蘿蔔、冬菇同魚蛋汁都幾多選擇， 蒜辣汁喺車仔麵入面比較少所以要咗蒜辣汁一上菜，都幾大碗而且幾多蒜，餸嘅份量都幾多米線軟硬適中， 再配蒜辣汁，都幾特別！豬紅爽口入味， 蘿蔔清甜冇渣~做得唔錯大腸夠味但可以再濃啲但反而魚蛋麻麻，唔夠彈口蒜辣雞翼尖 $16我幾鐘意呢間嘅蒜辣汁，配喺雞翼尖上面更加辣同入味！食完令人回味~😆+$8有飲品豆漿甜度適中，都幾有豆香獨立包裝，夠衛生！

好耐都冇食過港式車仔麵今日大食妹就同同事去咗附近嘅明明食個lunch明明嘅坐位唔算闊落, 風格偏向新式嘅車仔麵落單方面唔再局限於用紙落單, 仲可以掃描佢嘅QR Code同用Alipay埋單, 慳番好多時間<4餸1麪>同其他嘅車仔麵好似, 明明都係有得自己揀麵底、湯底同餸菜, 大食妹係餸菜方面就揀咗個豬大腸、 柱侯牛腩、響鈴同墨魚卷, 配公仔麵麵底同沙嗲汁湯底 公仔麵煮得啱啱好, 食落都幾堅韌 豬大腸同柱侯牛腩 都鹵得好入味 相反, 響鈴同墨魚卷就麻麻地啦...<樽仔奶茶>因為見到佢嘅樽仔奶茶都唔係好貴, 就順便嗌埋 樽仔奶茶有啲偏甜, 奶茶味唔係咁出, 大食妹就唔係咁推薦呀

週末與阿娘到灣仔買嘢，順道食午飯，想起阿娘喜歡食車仔麵，剛巧附近有一間「明明」，就入去試試。麵底、餸及醬汁的選擇蠻多，因設最低消費，套餐（3餸麵/4餸麵）感覺相對便宜。點了2碗4餸麵，分別係豬軟骨·咖喱魷魚·墨魚卷·通菜·幼麵·滷水汁（左）；咖喱魚蛋·甜酸齋·瑞士雞翼·豬大腸·河粉·沙爹汁（右）麵的份量適中（女生來說剛剛好）；魷魚很淋，而且入味，相反魚蛋就一般；甜酸齋味道很出（有齋鋪的水準）；瑞士雞翼及豬軟骨亦汶得很入味；豬大腸乾淨但略多肥膏。