明明車仔麵專門店 (軒尼詩道) (Moved) New Location

這裡的麵很道地，可以自己選擇湯底跟配料服務生態度也很好是間很有人情味的餐廳我可以每天來吃都不會膩價格也很親民在這處處昂貴的香港，真的是很少見下次再來香港旅遊，ㄧ定再來消費

看這店的食評都是說服務不好，抱著一絲擔憂坐下，來一個晚食。地方潔淨，食物質素很好，還有就是店員都很和善！朋友也很滿意，是很滿足的一餐。主要可以改進的，就是麵可以再爽一些，煮短些時間就可以了。

一直都係食明明既外賣 而今日終於有時間去試門市🤤外觀睇落係新潮又融合左一D港式既味道🍜而入面都係乾淨舒服既 而咁啱入去既個段時間人流都唔算多呢到D餸既選擇算係幾多而且價錢係灣仔區中尚算合理 醬汁又可以揀2種 有人情味👍🏾品質keep到我點左肥牛 豆卜同咪瑞士雞翼 腩汁米線🤩一直食開呢間既外賣都覺得品質同啱啱整起既有得揮 而堂食都冇令我失望 瑞士雞翼既汁唔會比湯低搶左味 又唔會煮得太老 豆卜亦都唔會太淋吸埋D湯 而米線都唔會斷開一段段😼不過分量唔算大份 fd就叫左油麵 覺得D油麵個外形同平時食開既有唔同 亦都唔會太油淋淋😌特別想講餐廳D員工會留意每位食客既情況 例如會主動拎決定好既人落單先 幾有效率🤔

感觉湾仔区最近一年开了不少车仔面新店，环境相比以前的车仔面店来说，环境，装修普遍要好不少，这家店就是其中之一。点了大什面套餐，配的菜还是挺多的。食材总体而言比较新鲜吧，花菇，猪润等挺好吃的，汤底实在是有点偏淡了，个人不是很喜欢。服务态度不错的，上菜速度也有保证。

其實我平時比較少食車仔麵，因為覺得o係屋企食都好易食到。不過咁岩有少少肚餓，又唔想食太飽，車仔麵就係一個好既選擇。之前都有經過依間店，裝修似懷舊店，但環境又ok...地方都夠大，坐得都舒服。當我同朋友入去食時發現2:30pm-6:00pm係下午茶時段，全單85折。但可惜入到去果時岩岩好6:00pm.所以冇依個優惠喇。不過都算啦照食。每人一張劃食物紙，3餸麵$40。比起平時既車仔麵，依間有好多款式。因為如果平時叫豬手/豬軟骨果d就要另外加錢既，但依間唔洗。感覺好好⋯最後我叫左墨丸、墨魚卷、水餃。我朋友就叫豬手，所以比左我試。味道都幾好⋯如果要飲品就要加$8。

今日食晏時間黎到呢間車仔麵，大約12:30 到，唔需要等位，正呀！舖頭睇落好細間，但入面原來都幾多位，不過唔算好坐，比較逼！三餸車仔麵－ 豬腸/ 咖喱魷魚/ 瑞士雞翼 ＄38係餐牌上面任揀三餸，劃一價錢！我就揀左豬腸，咖喱魷魚同埋瑞士雞翼！豬腸好大舊，份量多，有大約5舊，無污糟味道，唔錯！咖喱魷魚好夠味，魷魚鬚大大條，好正！瑞士雞翼有兩隻，唔係好肥美，中規中矩！男朋友個碗面有叫豬紅，好好味，可以一試! 湯底係腩汁加辣，佢個辣都幾夠辣，唔食得辣但又想刺激下既朋友可以叫蒜辣！通菜 ＄16健康之選，份量幾多，無咩特別！

It's a big bowl of noodles... its a good value eat if you want to get absolutely stuffed.. However, I found the soup to rather lacking in heat and also there wasnt anything that really stood out. The radish was humongous but aside from that it was okay. The soup base had some flavour and so I'd give it 3.5* but nothing extraordinary. The seating is also super cramped. It makes for uncomfortable eating if you're dining in. If the seating was less cramped I think everything would have been much mo

放工諗住剪髮前快快食個簡單嘅車仔麵，經過銅鑼灣就入咗這間舖，唔係太肚餓就叫 剩餸，不過最底消費要$38, 而剩餸要$10一款，我叫咗4個餸咁就＆40好似真係有啲貴蘿蔔-無渣，都算係咁👍糖心滷水蛋-唔知係咪因為我好鐘意食糖心蛋基本上好難話唔好食嘅，同埋真係有糖心漏出嚟㗎豬大腸-有啲鹹，不過都幾好食豬軟骨-有啲鹹，不過都幾好食送菜-送咗4條唐生菜，都幾大棟幾好味😋裝修方面用咗射燈，覺得射到對眼唔係咁舒服

行過附近正苦惱吃什麼時，抬頭見到這店！咦，新開喎！之前的老店也是賣麵的，這明明車仔麵未試過，正好今天來嚐嚐！🌈$40有三餸一麵，算抵食！選了流心蛋，雞翼和通菜！麵上枱時，賣相比想像中好，暗喜！選了腩汁，味道濃郁，但吃完不會太口乾。🥬通菜份量多，在外面吃飯好難吃到菜多的lunch，見到這碗麵菜的份量，一讚！希望質素不會隨著店的年紀增長而下跌。🐥瑞士雞翼有驚喜！雞翼嫩口雞皮偏薄，味道濃郁帶絲絲甜味！值得一試！🥚糖心滷蛋深得我歡心！一咬開中開的蛋黃汁涂涂流下，味道正適中，滷蛋但不會太咸。不錯不錯，推介！今日這碗麵，三樣餸和湯底都不錯，可以encore。

今晚要過藝術中心睇戲，由於去到灣仔嘅時候已經有啲晏，所以只係能夠匆匆食個麵。灣仔有好多間麵鋪，諗住車仔麵最快，所以就揀咗呢間....鋪頭都算乾淨，好光猛，但係夜晚七點幾成間鋪頭先得小貓三四隻。相信香港人都好熟悉車仔麵，一坐低我哋已經見到枱面有張紙自己點餸，我好心急畫完張紙之後已經叫侍應過嚟，叫咗幾’唔該‘都冇人理我最後我好大聲咁話‘寫野呀唔該’，先至有個男人走過來，仲好串咁同我講話，‘我哋呢度唔寫嘢！’。當其時我真係打個突，心諗你呢啲咩態度但由於趕住開場，所以諗住急急食完就算，就同侍應講話我其實已經寫好咗，要人過嚟落order。因為我唔係好肚餓，只係點左三個凈餸，蝦子餅就叫咗個三餸麵、我哋另外在點左個生菜share嚟食。冇幾耐嘢食就嚟，份量唔大，如我所料，呢個我都冇所謂因為香港租金貴。但味道真係超級普通，而且啲菜望落去好唔新鮮，黃黃啡啡咁，我點嘅牛筋上面仲有一條毛最後我哋出去走嘅時候俾錢，職員都係冇乜禮貌，你唔該或者多謝都冇句。灣仔咁多食肆、食麵嘅鋪頭、呡間野咁嘅態度真係祝佢好運。

午餐只是填包肚子就算，幾十元的東西當然不會對食物有要求，但幫親你這間車仔麵簡直是錯的選擇，服務員懶散緩慢嘅態度都算，連收錢的人員也對客人毫不客氣，一手拿著單及＄給他們，他們只直接搶人家手上的＄，好像欠了你們的樣子，不明白不想做生意的態度，為什麼要開店。

呢間車仔麵，剛開時已經想試，因為灣仔難得一間快食麵檔。今日零晨12點多，附近很多食店已經關閉，見這間還有開，所以特別去試一試。試完後我只可以講，佢最好的東西，只係佢的裝修。以下就是我今晚點的麵食：和一般車仔麵一樣，都係由麵底和餸菜都可以自由配搭，這個都係車仔麵受歡迎的地方。我今次選了一款很多車仔麵食店都未必有的款式-酸甜齋。這個都有點驚喜，味道夠、食得出佢在之前已經下了點功夫，唔係只是點的時候先放在醬上。我點了沙嗲汁，都幾夠味，但只有少量，對一碗麵來說就不太入味。我點了可樂，其實我是想點罐裝可樂，但佢最後比左樽裝可樂。但我見其他人都飲罐裝？唔知係咪可以自己選擇？這個大家要留意一下。這一餐一點都不算平民。但深夜來說都還可以接受。希望灣仔可開多些深夜平價食堂。最後要補充一點。那裡去洗手間條路，非常多貨放在四周，如果肥點都好難通過，希望店家會改善。因為都幾危險。

今日lunch Time黎左你明明車仔麵食晏，間餐廳擴充左，所以座位比以前大左、闊落左，坐落去都比較舒服。佢嘅車仔麵係自己用紙落單，三餸車仔麵就$38蚊，四餸車仔麵就$43蚊。仲可以自己揀醬汁。送嘅種類都算係多，呢個價錢係灣仔來講算係非常之抵食👍🏾👍🏾。我叫咗個四餸車仔麵食，送揀咗糖心滷蛋，柱候牛腩，瑞士雞翼，同埋通菜。送嘅份量都叫做多，牛腩好軟腍，雞翼好香瑞士汁味，而且湯都好香腩汁味，只係面嘅份量唔算多，食完碗麵都係大概得八成飽左右。

今日上完運動堂便與朋友們食晚餐，就選了呢間座落灣仔既明明車仔麵專門店。呢間車仔麵由以前一間店擴展成兩間店，座位比以前闊落。我們坐在一張長餐枱，呢間車仔麵是需要劃紙落order。我們三人分別叫了，三餸車仔麵2碗$38及大什麵一碗$47，另加了杯豆漿$8，豆漿是獨立包裝，感覺好衛生。柱候牛腩、咖哩魚蛋拼瑞士雞翼腩汁米線🍜，牛腩好味、咖哩魚蛋可以、瑞士雞翼正，米線軟硬適中。紅腸、蘿蔔及雲吞滷水汁米粉，紅腸正常，蘿蔔好林，好甜，正，雲吞可以。大什麵腩汁沙嗲汁油麵，大什麵材料有豬皮、豬紅、蘿蔔、魚蛋、花菇及豬腸。豬皮唔錯、豬紅可以，蘿白，好甜，正，魚蛋正常、花菇可以及豬腸唔錯。以同區價錢比較算性價高。

食明明平時會外賣自取，今次因不能外出要局住等外賣，等左一個鐘成碗野沒哂湯，啲油麵發漲到好似烏冬，仲要係微暖好心有咁既人流做好啲配套啦踩住單車送外賣都要等一個鐘😵😵😵😵😵😵以後外賣自取或堂食算