明苑粉麵茶餐廳 (Closed)

經過了昨晚的試食活動（稍後時間見食評），返到家裡已經差不多午夜時份，今早還要上班，實在勞累，今天打算吃個午飯便立即打道回俯，想話大肆休息，但是女友卻又 whatsapp 給在下要求陪她修理電話，終於要累上加累呢！打算到某西餐廳和她吃午餐，可是延誤，看看時間只有三十五分鐘給在下開餐，唯有改變開餐陣地，轉移茶記吃快餐，看到明苑粉麵茶餐廳，三七二十一不理走了進去，拿拿臨餐牌都不看就要了一個快餐。黑椒雞扒腸仔飯是極度平常不過的茶記碟頭飯，黑椒汁不稠結反而有點稀梳，但是辛辣味絕不欺場，但是亦不是太辛辣；雞扒原本都不會期望甚麼，可是卻又有點嫰滑，皮下脂肪都算均衡，而且肉質不嚡，算係唔話得吧！米飯份量適中，但是相比多年前來說，已經減少了呢！凍奶茶奶味較重手，有點蓋過了茶味，雖然如此，但是仍感到有點茶的回甘味和甘醇度，當然沒有那麼強烈呢！一個人要在三十五分鐘內吃一餐飯，兼且要到達目的地，在下相信只有茶記和快餐店才可做到呢！

同朋友去信和買Game所以係附近揾食。坐低叫咗一個土魷肉餅，一個鹹蛋肉餅煲仔飯。土魷肉餅飯先嚟，飯太濕，但夥計好快手收咗個煲蓋，我想落D豉油再焗一焗都唔得。肉餅肉質幾好，加埋土魷幾香及彈牙。豉油調味淡淡地唔錯。食到後半煲時D飯先乾返D，冇乜飯焦，但冇所謂反正我唔太鍾意食飯焦。鹹蛋肉餅煲仔飯...攞走煲蓋後只見到肉餅同兩條菜而見唔到我哋Expect嘅金黃色鹹蛋黃。揾咗一陣終於係塊肉餅正正下便揾到隻鹹蛋...竟然係原隻連殼嘅何必呢? 咁個肉餅同D飯咪冇鹹蛋味攞?! 不如鹹蛋另上吖笨~有時叫肉餅飯嘅其中一個好處係唔使問煩吖嘛，冇骨又方便。依家張檯已經窄重要咁大工程去開隻鹹蛋，個煲又熱又冇位借力，完全冇理熟客感受。一打開隻鹹蛋重要未熟哂嘅...同樣飯太濕，味道正常，但開完隻鹹蛋已經有D心力交瘁，最後食咗一半就冇食喇。

入到食店人唔算多, 求其搵個位坐底, 就即刻睇下有咩想食, 揀左一碗牛肚米,等左一陣一碗熱辣辣嘅牛肚米就放左面前, 賣相一般, 先試下個湯底, 第一啖入口淡而無味, 連少少牛腩汁都唔覺有, 清到有少少過份, 米粉就普普通通, 而牛肚水準參切, 一件腍時一件韌.環境一般, 服務一般, 價錢ok la

還未坐下，女侍應急不及待用半咸淡的普通話告訴我們這裏不能進食外來食品，話氣還帶点諷刺。我用廣東話反問她，我要進食外來食品嗎?(我們都望一望手上的水果)另一個侍應告訴我們這裏不能進食外來食品。我說:你們這就是待客之道餓着肚皮走進茶餐廳，都沒有想還有什麼款待，但也沒料到他們認為戴帽子的就是秃頭。都懶得道歉一聲...我們受到餐廳的「厚待」仍然想知道他們到底有何特別点了3碗牛腩麵，原本感覺還不錯，可是吃到一些較大的牛腩卻堅韌無比!!!奉勸大家一句:不用点牛腩喔

呢間粉麵檔食左好多年, 今日突然心血來潮想寫下...咁多年入親去食野都坐滿人, 我最鍾意就係食佢既粉麵, 多數我都會叫魚蛋河...湯底似用魚煲既, 奶白色好清甜, 河粉質感幼滑...但魚蛋以前彈牙又唔會腥, 可惜而家差左, 有d梘水味....怪怪地值得一讚係佢既辣椒油, 又香又夠辣, 現賣$50一樽, 好辣者不妨一試...除此之外, 佢既煲仔飯都一流, 精髓所在既豉油做得相當出色, 甜味咸味都恰到好處, 唔鍾意食飯既我都即時食指大動...仲有佢個奶茶都好掂架, 茶餐廳水準, 確係交足功課... 黎親10次10次我都叫佢架

是日的早餐, 移師來到旺角的街頭. 本想幫襯一間地踎外賣店的, 但因為早上沒有人流, 亦覺得佢既衛生條件極差. 所以繼續行, 來到呢一間, 平日主打煲仔飯的明苑, 求一個早餐.打開這兒的早餐menu, 看到有一個叫墨魚餅早餐. 睇落咁特別, 為食的我當然要一試才能知其強弱. 一個早餐, 有煎蛋, 三角形的墨魚餅, 一片牛油方包, 仲有一碗叉燒湯意. 這一個, 真正係一個超標的早晨全餐. 墨魚餅早餐, 說真一句, 又的確幾得別既. 此薄了一點的墨魚餅, 我個人覺得, 浸係麵入面來吃好過就咁當扒鋸. 咸味墨魚味道夠, 煎得好香口, 雞蛋呢, 是考功夫的做法, 雖然是奠蛋, 但要煎到薄薄的, 仲要唔爛開, 自己一家冇呢一個本事. 叉燒湯意, 味道只是一般. 叉燒只有零星的幾塊, 湯底又冇乜味. 幸好意粉不是那些過份發脹的意粉. 叉燒也算做腍腍地. 也算是合格吧. 好食又一個早餐, 唔好食又一個早餐........太太成日罵我.....你講哂啦......

呢晚幾個同事提意去食煲仔飯, 但係又唔想落佐敦...結果就去左呢間食, 哇!! 好多人等位, 唔通真係咁好食 =.=!?等左大約半粒鐘, 終於有位啦~因為已經肚仔餓, 所以一坐低就先落單...我要左個 爉味煲仔飯...($46 << 都幾貴)等等等, 大約 20 分鐘...黎啦, 黎啦~一開蓋, 好香~面頭一堆菜, 下面收埋左切半既紅腸, 旁邊有條切半既潤腸, 另一邊有切半既爉肉呵呵, 開餐!!!D 飯好香, 因為吸左上面爉味既油 & 汁, 正!!有飯焦, 正!!結果....我幫佢清左個煲, 清得仲乾淨過佢洗 =.=!哈哈哈哈不過食飯鐘真係太多人啦, 如果肚仔餓, 呢間唔可以做首選...因為等得位黎, 都已經..............餓暈左 >"<

在附近戲院看完電影,突然想食牛雜,於是便到隔離街的明苑食牛雜,之前已經食了很多次,同樣地,這次叫了一碗牛雜面,cot$32面身夠爽,咬落好彈口,一d都唔chi牙,再來湯底味道夠,但應該都有落味精,次次食完都要好口乾,但湯味依然好味道牛肚全部都係金錢肚,夠爽,唔會太lum,食落岩岩好.牛腸,d粉都仲係度,唔會太散,同埋大牛味,加少少醋食,味道一流牛膀 牛肺 都煮到好lum,而且牛味唔會太重,味道都好好我見好多人食,都加幾多chilly, 本人覺得原味食是最好的

自泰國歸來後, 身體也不在狀態今晚再跑到旺角睇醫生熱到胃口已縮到零的情況下行了幾圈花園街也沒有頭緒, 於是鑽入了粉麵店原來是明苑, 想起食湯麵的熱辣辣情況已想死, 只有點了云吞撈麵誰不知云吞放在湯內, 我真想死碟上的撈麵也放得亂七八糟, 更無胃口先飲啖湯…… 超級濃烈味精水, 舌頭重創 接著….云吞是大大粒的, 蝦與豬肉比例正是 8比 2, 乜家下蝦仲平過豬肉咩 ? 點知蝦又幾新鮮又爽口, 而且皮又夠薄, 真係衰鬼 ~ 麵又係差, 好似死魚咁, 毫無彈性可言的首啖係鹼水味, 還於口腔內久久不散, 可悲啊

到港后第一晚到旺角附近逛街，恰巧路过看到一个个热腾腾的煲仔，肚子也觉得饿了！感觉伙计不是很热情，也可能是语言交流不太通畅吧，总之，先把食谱前后看遍，点了鲜虾云吞面、鱼蛋汤、咸鱼鸡粒炒饭，当然少不了奶茶。总之，味道都还好，填饱肚子的同时也满足了口腹之欲，不错！

以前呢間茶餐廳係正我屋企樓下，所以周不時都會去食野。返學前黎食早餐，放學又食下午茶，不過搬左屋之後就好耐都無黎過。今日忽然諗起佢，就提議黎呢度食下懷緬一番。黎到既時候大概三點幾，餐廳無咩人，半滿都無，不過可能由於之後落大雨，所以突然間一大堆人湧入黎。雖然係下午茶時間，不過其實下午茶唔多選擇，都係一D麵包小食咁，但我好肚餓，所以最後都係叫左碗米粉食。我地分別叫左一碗牛什米，牛筋腩米，同埋一件我以前黎親都食既奶油多。呢度既奶油多依舊好食，多士夠薄同夠脆，煉奶牛油一D都唔吝嗇，食落去好濃牛油香，加埋甜甜既煉奶，真係非常好味。食既時候要小心，因為D奶油太多有時會滴到周圍都係。不過牛什同牛筋腩米就麻麻地，先講份量係夠大碗既，食完都飽哂。不過米粉唔係幾靚，食落有D粗糙既感覺，而且湯底亦唔夠香，味道比較淡。牛腩非常瘦下，好偶然先夾雜少少肥膏，幾靱下，好鬼(困)難食，好似食瘦肉咁食得好辛苦。牛肚夠淋，牛腸夠肥亦無異味，牛什係無咩大問題的。雖然佢未至於好難食，不過相比起旺角附近既餐廳其實佢唔算平，因為遠少少既樂園同一碗牛什米只係賣$12，而且亦都係唔差既。所以，下次未必會再黎啦。

昨晚同朋友嚟左呢間荼餐廳食煲仔飯.條龍勁長,原來前面有十九人一group係度等位,但都唔係等左好耐就有位,門口已坐滿,門口見到已係度整緊好多煲仔飯,真係好好生意,可能天氣凍的關係,好多人都嚟食煲仔飯.我跟朋友兩個人叫左兩煲煲仔飯,一煲係窩蛋牛肉飯加潤膠,一煲係咸魚肉餅飯,都唔係等左好耐就嚟到,個仕應都好厲害,四個煲仔飯叠高一齊拎,嘩,熱辣辣,都幾大煲及好多料呀,先食窩蛋牛肉飯,好味喎,d牛肉都好入味及淋身,飯剛熟,不會好淋,有些菜心,好味呀,熱辣辣好暖胃.同埋都真係幾大煲.都有四五碗.跟住食咸魚肉餅飯,d肉餅好好味呀,好疏軟,唔會好淋或梅左.好味.咸魚都有兩件架.都好香唔算太咸.好味.價錢都唔算貴,合理.呢度除左煲仔飯外,還有好多其它食物選擇,所以成日都好多人等位架.原來呢度叫雲吞大王,我諗d雲吞都好好味,因都好多人叫.下次可以試下.

想到冬天,就是煲仔飯季節.吃著熱辣辣煲仔飯,整個人都元氣起來.旺角茶餐廳真的很多,人都很多.好不容易找到間剛好有吉位,看客似雲來,應該不錯吃吧!三個人不太餓.是日晚餐:- 土魷肉餅煲仔飯>> 香噴噴架!肉餅軟熟,重點係燙手嘛~魷魚同肉餅配搭得宜,冇乜肥肉.整煲食晒,一粒都冇剩! 蠔油芥蘭>> 好林, 又食晒! 沙爹金菇肥牛煲>> 男朋友最愛~係落重手左d,不過配埋飯剛剛好.沙爹味重,食完要買野飲. 凍檸茶>> 好朋友見到隔離個人杯檸茶好吸引又話要試下.檸檬好大片,夠酸我鍾意!店內2/3都食緊煲仔飯,上菜好快,唔洗等太耐就有位了,因為大家都食得好急.

在星期5晚餐時間,極難搵位,見到這裡竟然有位,大熱天時不想等,就試試吧.其實見到很多小菜套餐,亦幾吸引,四十多元有飯有湯有飲品.但最後還是想試試聲稱是招牌的各種牛系粉麵.由於裝潢和員工的服務都麻麻,所以對食物不太有期望.不過,正因為這樣沒期望,反而覺得牛腩意外地好,半肥瘦的牛腩食落令人滿意,湯底是蔥菜香.另外試了牛筋,亦爽,不過沒有像牛腩般有驚喜.但單拼河粉$20還真吸引.有不少特價細碟小菜,例如$12通菜,細細碟,但幾健康.另外有$20椒鹽魷魚,$23的越式米線等.坐係坐得唔舒服,而且坐唔得耐,地面又濕滑,不過味道同價錢贏番.

昨天晚上陪朋友試完妝都好夜,十點半,朋友話帶我嚟呢度食麵,因為有得食肥腩,佢話食過好味.我們每人一碗,佢叫肥腩河,我叫牛腩河,每人一杯龍鳯檸樂.d粉都好快嚟呀!朋友話佢碗肥腩一d都唔肥,好似普通牛腩咁呀,但上次佢食就好肥好正,好似同我的牛腩差唔多咁呀,我的牛腩都算大碗,d牛腩都好味喎,好淋好易人口.加些辣菜甫都好味呀!杯龍鳯檸樂都好大杯,跟餐加4元,我第一次飲,都幾特別呀,酸酸甜甜咁.