明苑粉麵茶餐廳 (Closed)

天氣突然轉凍，最好就係食一煲熱辣辣的煲仔飯。明苑一年365日都咁旺場。打算同老公每人一個煲仔飯，但見到對面食緊碗牛腩麵好吸引。所以叫了一碗牛腩麵，再加一個煲仔飯。牛腩真係唔錯，好味外還夠鬆化，一點也韌。再叫豉汁排骨煲仔飯，排骨細細粒冇咬口，而飯味不夠香，飯唔夠爽身，幸好有不少飯焦。

馬蹄腐竹羊腩煲(馬蹄+羊腩煮得很淋)煲仔飯焦香又脆(有d d \"火農\"得o滯)豉油鹹味剛剛好(本人比較喜歡淡口味)檸檬菜蜜不太甜(非常怕甜到漏的感覺)------------------------~$40 晚餐\E: 羊腩煲+ 大湯碗白飯＋熱檸蜜~$45 散叫: 北菰蒸雞煲仔飯＋臘腸------------------------

尋晚天氣都唔係咁凍，又好多人去食煲仔飯，鋪出面貼住”每日賣五佰煲．”係真唔係啊！等我試過先知．我同男友要咗個＜海鮮煲仔飯HK$34＞有蝦，魷魚，帶子，蟹柳，加埋ｄ豉油食，好正啊！不過個底燶到食唔到，雖然話ｄ飯焦好味姐，但都係放唔到入口．聽到ｄ人都話：〔咁燶既！〕兩個人叫一個，唔係幾夠喉，係唔係好cheap呢？之後我地去食甜品嘛！！！鋪面唔係好大，不過太狹窄，卡位四個人坐，好親密噢．．．

去到通常會叫墨丸河...河粉無咩好講...只係合理地一碗普通o既河粉o的墨丸就真係直得講下...彈牙到呢...又夠味喎...好好食...其實去食o既另外一個原因係佢o的辣椒油...好香好辣...可以話係碗河粉o既靈魂!!

食咗牛什河加茶走，男友就叫咗咖哩牛腩飯個牛什河好好食!d牛什好入味，夠腍，最好味係牛肚!d河粉好滑，而且好大碗，一個女仔食唔哂，而杯茶走就好香好滑!男友叫咗普通奶茶，都ok，但茶走係比普通奶茶好飲架至於男友個快餐1呢....個咖哩汁好味....但d牛腩就"un"到爆....緊記去明苑食野唔好叫牛腩!另外之前o黎食過煲仔飯同埋干炒牛河，2樣都好好味!環境同服務就唔好抱任何期望喇...始終係茶餐廳一間

今日去左呢度叫外賣拎返公司食，叫左個沙爹牛肉米線配墨魚扒、轉左炒蛋跟牛油多士同熱奶茶。個沙爹牛肉米線- D 沙爹牛肉ok，幾軟身，但個米線就好淋，個湯底唔錯。墨魚扒- 就係因為佢先係度叫，想試下係點既味，食落就好似魚片狀既墨魚丸，幾特別，幾彈牙。炒蛋- 其實我係一向鍾意食煎蛋既人，但發覺叫外賣既都係炒蛋穩陣得多，而呢度既炒蛋，又幾香滑，但唔及澳洲牛奶公司。牛油多士- 好普通既茶餐廳貨色。熱奶茶- 低於一般茶餐廳質素，d 茶好苦澀，飲到口都酸埋。(因為我唔落糖的- 但這是個人習慣，平時飲其他餐廳都唔落糖，但唔會苦澀。我唔落糖係因為唔想俾甜品蓋過茶香。)成個set $19- 凍飲+ $2- 外賣自取+ $1-，但佢話佢地唔送餐。

上星期同學去了坤記食煲仔飯,未夠喉今次佢就揀這裡(根據雜誌的介紹)真係好旺,要等左一陣至有位(本來叫我地四個人坐住半邊圓桌等卡位埋單,但當卡位埋單,即刻俾左剛入來的客!!)除一位同學on diet,齋食菜心外其餘三人均叫煲仔飯本來想叫窩蛋牛飯但同學叫左,改叫北菇雞飯雞肉幾滑,但略嫌骨多肉少飯都幾乾身, 鼓汁唔錯但飯焦燶得好厲害(3煲都係)另外,試了其餘2煲的牛肉及豬肉片,都幾滑同入味不過,應該唔會幫襯第二次或介紹給別人(因為食唔到飯焦!)

(9/12/05)雖然哩晚唔算凍,但好耐無食過煲仔飯,好想食。時間唔早喇,見哩間都滿座,是但啦。煲仔飯需時,同男友叫左個菜心,一碗潮州魚餃魚扎,食住先。魚餃出奇地好喎,因為唔似市面買的咁假。魚扎都ok,不過咸d。北菇雞煲仔飯,雞好咸,得一件冬菇。飯亦太"立"口,即水太多,食到底的飯焦,亦太燶,想加點茶浸浸,都唔得。

枝竹羊肉煲... 有小小SO味, 岩我, 好多羊肉, 好送反, 但D枝竹唔夠稔... 田雞煲仔反, 好多田雞, 好香反焦味, 正.. 唔貴,每人只係四十蚊左右, 好滿意..

今日Ｊ都去附近睇醫生，就約在旺角食lunch啦！叫左個午餐－沙爹肥牛抄烏冬同埋牛腩米，跟熱檸茶及凍奶茶多奶少甜（係我的個人喜好）。他的沙爹肥牛抄烏冬似撈烏冬，幾健康，因為唔油又唔會太辢，幾正，而我的牛腩就真的太硬及太老了，唔夠淋，但係個杯凍奶茶好正，好有奶味，又唔苦！推介呀！

星期六晚原本想試那間甚麼九代日本料理，但去到門口見到o的師奶級侍應在門口hrad sell自己間店o的有幾好食，嘈到我都冇晒心機，於是轉戰花園街食魚蛋粉。 入到去發現都幾多食，不過都係想食潮洲粉麵多。於是跟男友各要了一碗雙丸麵和墨魚丸麵。麵條極之爽，丸又夠彈牙，每仲有辣菜脯任加，真係好正，可惜太細碗，細食的我都唔夠飽，不過每人$22包埋飲品，又真係唔話得。

個地好多垃圾!!

我0黎呢間淨係會食佢個魚旦河~ 盛惠十蚊要留意0既係只有魚旦河係十蚊, 魚旦米都要收返原價架~~都幾好食0既, 不過d伙計唔係幾友善兼且成日都好多人~

呢間明苑我都幫襯左好耐了﹐曾經同一條街有兩間(一大一細)而家又縮返只得一間細鋪。但無論兩間定一間﹐都係客似雲來﹐犀利。明苑的煲仔飯我覺得都OK 啦﹐雖然唔算係咩遠近馳名之作﹐但係我間中都會去食返個油鴨脾煲仔飯。有時唔想食煲仔的話亦可以選擇中式套餐﹐我食過幾款小炒都算有酒樓水準﹐就算宵夜時段都有供應﹐算幾方便啦。另外試過椒鹽鮮魷﹐做得都唔錯﹐外脆內軟﹐香味十足﹐不過一定要趁熱食。服務就唔好要求了﹐都係粗聲粗氣的旺角STYLE﹐有時仲會好趕頭趕命﹐入到鋪頭就叫你坐低先﹐坐低後又立即問你食D咩﹐效率非常高。

今晚大約7:15pm左右, 去到呢間茶餐廳(近金聲個間), 諗住試下d好香既煲仔飯喇, d位又迫, d工作人員又心急, 態度又差, 好似想趕人走咁. 我叫左兩個煲仔飯, 等左大約15分鐘, 黎左一個, 再等左成10分鐘先再黎另外一個, 咁我等左好耐先有得食, 諗住"正", 點知一打開, 就見到隻曱曱係裏面, 咁當然要換喇, 等左好耐, 我個friend都食完喇, 我煲野仲未到, 咁咪問個d人喇, 即刻到, 點知d米未過心, 仲係生既. 同收錢個個講, 佢話唔會掛. 我以後都唔會再幫襯, 請各位小心!!!