小巴黎越南餐廳 (Closed)

晚上六時和老婆到這位小巴黎食飯，然後早D回家。叫左三個菜只有一個菜勁唔得「什錦炒金邊粉」，真係經典，竟然食到有勁多鑊'no'味，不知所謂，唔開心我食左一口"雲"左，老婆聞左一野然後唔食，好難食。

今 次 來 小 巴 黎 都 是 友 人 提 議 , Shopping 完 , 就 腳 , 就 入 去 食 . 叫 左 烤 牛 肉 檬 , 賣 相 同 埋 口 感 都 ok, 都 幾 醒 胃 . 春 卷 小 食 都 唔 錯 , 菠 蘿 炒 飯 炒 得 不 太 油 ,味 道 不 錯 , 多 些 菠 蘿 會 更 好 .服 務 態 度一般.差不多十一時才吃晚飯，在屯門實在沒有很多的選擇，小巴黎是其中一間．環境 ok，價錢不錯，但食物就一般．比較好吃的就只有春卷．其他食物中規中矩．三個人，全部有叫飲品，食飽飽都只是每人 $60 元！抵食！

與友人於下午5時多到達「小巴黎」點了以下東西香茅雞翼河($26)春卷+凍飲($22)(以下內容忍唔住要用口語打= =)最先黎到既系杯可樂杯可樂不知所謂好似快餐店咁 擺到d冰溶晒都比d客有冇搞錯 其實一飲落去就知睇都睇得出杯野冇晒氣下午茶時段 都唔系好忙姐野飲都要整定 幾十萬上落咩之後黎既系碗粉其實碗粉既湯底同河粉唔錯嫁不過雞翼就好有問題$26碗粉 又冇野飲 得果2隻雞翼仲要「丁屎咁die隻」有相為證左邊果隻冇沉到落去 真系細到核爆右邊果隻相比左邊果隻叫大囉-.-細隻都唔緊要 比多幾隻都無數又唔系咩極世美食咩香茅雞翼 又冇分碟上漫都浸到冇晒味啦麥記脆香雞翼仲抵食+好食-.-最後黎既系春卷嘩嘩嘩 睇下幅相 幾「大」條細路食都唔夠飽啦手指尾都長過佢同一舊麥樂雞差唔多大離晒譜 比幾塊生菜你包又點唔系個個客都食生菜$22 3粒春卷(或者可以叫1條)再加杯不知所謂既可樂超級唔值囉 雖然唔洗加一 但系都唔好咁過份將貨就價都冇咁誇張掛

今日去左哩間越南店食野幫朋友慶生日~入到去都幾多人,,等位時間吾太清楚~因為朋友一早到了霸位!去到個到,,坐左冇幾耐,,就比人催落單,超冇禮貌的我今次就叫左個'雞絲扎肉湯檬'~朋友們就叫了雞絲扎肉撈檬,香茅豬扒飯,香茅雞翼湯河,烤牛肉撈檬,扎肉蝦撈檬,春卷檬~首先我覺得我個湯檬既好足料~好鬼多扎肉同雞絲~味道吾錯..!但湯底我認為油了點~至於其他食物既味道我就吾太清楚~但見朋友食得甘開心,,相信應該幾好味既住屯門既人士可以去食下架~未常係一個lunch既好選擇^______________^

好友BB滿月，同幾個FD探完佢，夜晚去左小巴黎食野，讀書時食過一次都覺得好好味，估唔到今日重臨舊地，會咁差!香芧豬扒完全無香芧味沙嗲海鮮濕炒，味道一般。連好難唔好味的蝦餅，竟然覺得唔好食，超失望!

有多久都無來過屯門了.....行一陣屯門市廣場,好多店都變左好多~晚餐就來到小巴黎啦~好肚餓,兩個人點了鮮蝦湯檬粉, 串燒, 肥牛濕炒檬粉, 椰汁黑糯米:鮮蝦湯檬粉: 加少少辣椒, 再加少少青檸,已經好好味啦~牉亦都好新鮮, 不是雪藏的那種(75分)豬肉串燒: 真係好正, 豬肉不韌, 串燒的汁很配合,值得一試(70分)肥牛濕炒檬粉: 味道好似比較鹹....炒粉不比湯檬粉咁好食(65分)椰汁黑糯米: 如果熱的, 我會更加喜愛(65分)

今日同2個fd入屯門探好朋友 因為佢個B滿月呀~!! 真係超超超得意 滿月既BB女好似媽咪跟住我地坐左陣就走啦 3個人一齊去左小巴黎食野好懷念以前灣仔都有個時 真係好抵食 又好食依家.....質素好差 又勁勁勁油 唯有可取之處真係平囉......原來依家摺淨3間 但......d態度都可以咁差....真係唔明......叫左個生牛肉河粉 一個香茅豬扒飯 一個牛肉卷生牛肉河粉 搞到d牛肉半生熟...真係有d驚 睇到都....香茅豬扒飯 叫左多蔥......點知多埋油 搞到個飯.......勁勁勁油.....牛肉卷 + 檬汁 酸酸地 幾好食既 入面都有d檬粉架只有屯門同荃灣有咋依家.....唉

一去到就咁Q有位, 咪帶埋阿B入去醫肚囉雖然都知佢人多係忙, 咁但係, 帶住BB既人, 邊有得咁快手, 一坐低就嗌野食終於SETTLE好之後, 咪諗住大聲少少, 嗌句"唔該寫野", 始終人地忙可能難為意我嗌丫嘛當時坐隔離既人都呆一呆望住我, 我估係諗做乜咁大聲呱點知都係無人應, 老公咪再嗌大聲D囉, 全場都靜一靜, 但都仲係無人理我地咁Q有個阿姐送餐去隔離台, 老公咪諗住嗌佢寫, 點知又係大聲嗌佢都唔理走左去門口就不停有人行入黎, 應該係D阿姐都做到唔想做喇(真心覺得佢地忙到無氣透)老公直情想起身搵人鬧, 我咪話算啦, 去第二間啦咁我地就起身囉依個時候門口個阿姐就衝埋黎問想要乜, 話即刻幫我地落單唉, 講真, 去到咁地步要起身先行埋黎, 點解一開始送開餐個阿姐唔順手寫埋呢我又唔係要你專登走過黎

妹子今日要去吉之島掃貨，掃完貨剛好可以在小巴黎吃午餐，午餐時段飲品是要加錢的，所以婆仔格妹子就行街行到3點先去食，又可以節省3大元，省得一文得一文呀~不知不覺，原來小巴黎都有4間店了，不錯呢~下午茶時段雖則客人有很多，但不算滿座，阿姐見妹子只得一人，除即安排搭枱，是有少少不滿意喇！有誰會喜歡望著一個陌生人吃飯？好在，對面座的人很快吃完離開，有回少少空間感~在門口已看定叫甚麼，本身好想試試春卷，若果點粉的話就要成$40元，不化算！加$10就有2件，妹子又不想吃得太飽，都是留待下次好了！阿姐奉上一杯熱茶及一隻小碗，或者是點汁又或放骨頭又或share食，不過share機會就沒有了，因為得妹子一人，斷估不會麻煩到由大碗夾落小碗，再由小碗放入口咁煩掛？妹子的鮮牛肉河來了~粉嫩色的牛肉對版了，不會被熱湯因長時間浸得太耐而變熟，一圈圈的洋蔥~大量蔥粒~香葉，雖然面層泛起點點油光，但喝起又覺鮮甜，妹子加了一湯匙魚露，令湯底帶點酸咪咪，更開胃~生牛肉咬落不黏牙，不un，而湯河帶幼身，令口感更加幼滑，不消一會便碗底朝天！飲品妹子試了三色冰，三色是指三種不同顏色的幼粉條，咬下又不覺有甚麼味道，而椰汁妹子叫了

突如其來的興致,便出發往屯門去了,當然,到達首要做的是填滿空空如也的肚子,於是來到熟悉的"小巴黎"學生時代,我可是他的忠實粉絲呀~這次來到,內裡已坐得滿滿人,一位服務員示意先等等,然後給了我們一張......號碼飛!不過也用不著等太久....真好!一進內便看見,滿滿的人頭,送餐的人都走得很困難真是辛苦了~點了兩個午餐,因公眾假期沒有下午茶,而且凍飲比平日貴$3的,要留意啊!!｛凍檸茶﹜ ~ 不喝奶茶的我,那便喝回我另一至愛吧!繼上次M小姐曾嫌棄另一家店的檸茶過甜,這次都沒有任何微言!對於我來說,味道的確是比較好!!｛三絲河﹜ ~ 這是湯河,一送上M小姐馬上說點對了,真有趣!!其實三絲河是雞蛋絲.扎肉絲以及雞絲,因這個較適合清淡口味的人。讚的是他們的河粉比比較幼薄,而且不像其他店的過粗及會黏在一起,M小姐還特別一推｛春卷撈檬﹜ ~ 若我吃檬粉,大多都選撈檬,因有那酸酸甜甜的汁比較開胃,M小姐還充滿問何不點湯檬?!春卷我是第一次點的,因一向點香茅豬掛飯嘛﹏春卷新鮮炸起熱騰騰,非常脆口!!餡料滿滿的,另外檬粉及配菜多得我都快吃不下了!!雖然店的人龍到我倆結帳還有,但我知道都不用等太久,因大多

晚餐沒有頭緒呀,來小巴黎吃都是老友之提議.我無所謂,因為都很掛住個招牌春卷,六點幾就走去吃了.小巴黎整的魚露好好味,和我媽咪整的一樣.因為自行加了辣椒粒,蒜蓉,再炒過的.所以點了碗烤豬肉凍檬來和一和它.凍檬本身都配有很多配菜,青瓜,生菜絲,蔥,炸蒜,花生粒.我再加了三分一碗的魚露.再出力撈~~~變成半湯檬檬粉爽滑,蔬菜亦爽脆,但今次的烤豬肉好怪,肉塊邊邊的肥膏,是結實的白色(!?)....好似未熟透,還是煮熟但放了很久的樣子似的,所有吃到一半都不敢再吃豬肉入口,驚~好在招牌炸春卷沒有變差,不過以免這味沒有,落單前最好問一問阿姐:'炸春卷係咪粗那款?自己整的?',她答是說可以安心ORDER.因為屯門分店以前是賣現成一條條,好幼好短,這個好難吃架~(太耐無去分店食,唔知仲係唔係咁)春卷即點即炸,雖然見到碟上有很多油,勁多油,但我都不理啦,先將半條春卷夾在一大片生菜葉中,再索些少魚露來提昇味道,大啖一咬~~~"卡啦卡啦",鬆化非常的春卷皮隨即爆開,同時間入面的餡連汁滿瀉出來,汁流到手指上......十個好味~~~吃了兩件的不覺濟,因為餡料全部都是菜類切成的條,爽爽甜甜.加埋魚露,甜甜酸酸.諗

蝸居於屯門的小鹿子...怎麼連一篇屯門區餐廳的食評都沒有寫過哩?以下就來一篇喇....話說上月一個星期六...小鹿子跟鹿媽都放假...就去新墟那邊看"歲月神偷"~看戲之前...先到屯門市廣場吃個"late lunch"...結果去了小巴黎...正值下午茶時段...下午茶有粉麵餐跟小食餐點了個烤豬肉金邊粉餐跟一個小食春卷餐...烤豬肉金邊粉--烤豬肉比較碎...影響了口感...而且比較乾...沒有應有的Juicy惹味...有點失望...春卷--比想像中的size小...而且只有3小塊..(以為會有4塊哩)...餡料不甚多...但味道尚算不錯...生菜就挺甜挺脆的....印象中...之前吃過的小巴黎比這次的較好...是因為是下午茶時段"將貨就價"?還是水準下降了?不過反正原來就沒有什麼太大的期望...所以...也可以說是普普通通...不過不過不失吧~倒覺得店內的環境有待改善...而且店員比較太散漫~

昨天3個人去小巴黎食午飯，以前成日都去，覺得都幾好食，但今次食3個人都話唔得，叫了:烤牛肉檬(凍) - D汁好唔得....食檬真係好靠個汁豬扒檬(凍) - D汁好唔得....雞翼豬扒飯 - 雞翼唔入味，豬扒唔香.....最後..所有野都剩了大半無食.....真係難食.....

十幾年前小巴黎已經入侵屯門 , 我亦由讀書時候跟媽媽去食 , 到宜家帶自己囡囡去食 , 佢哋既香茅豬扒都依然保持水準 , 非常好味.以往一向只會晚上至幫襯小巴黎 , 因為呢度以前係無午餐的 , 所有都係散叫 , 叫埋飲品要四十蚊就覺得有d唔抵. 但擒日突然掛住佢d烤豬肉 , 所以就同相公貢左入去了.驚喜地發現餐牌上增設左有幾十款午餐 , 好多選擇 , 我哋叫左烤豬肉凍檬 , 香芧豬扒飯同春卷.宜家有餐叫 , 每人一個餐 , 有嘢飲 , 加埋春卷 , 都唔洗八十個大洋 , 的確有午餐叫的話抵好多.香芧豬扒飯 ~~~ 豬扒依舊好淋好入味 , d葱好香 , 送飯一流.烤豬肉凍檬 ~~~ 今次d烤豬肉唔夠入味 , 而且用黎調味既魚露唔知點解好淡 , 唔夠酸 , 今次有失水準春卷 ~~~ 相公最愛 , 仲要一炸完熱辣辣上枱 - 正!service方面 , 各位千祈唔好有期望 , 而且多人等位時 , 好多時會令你失望添!

雖然佢個位置宿左係一角...正好方便D人等位喎...我地得2個...哈哈...坐低左...等1 秒...就可以入去了...成個MENU 都幾平喎...冇D咩餐架...散叫吧~香茅豬扒飯好大大粒的蔥呀~咁先夠越式呀~飯是細細粒尖尖地...THAI 米?豬扒超薄的...不過又唔會係乾爭爭喎...不是厚切的口感...也許是肉干的感覺...幾入味...仲肥瘦分明...越式金邊粉咩料都有D...幾好...SEAFOOD都係一樣一件咋...個金邊粉又幾軟得黎彈牙喎...個湯都幾清架~越式横濱好味...好得意呀...個皮...好似係D好細好幼既粉...成個粉餅皮咁...軟軟的口感...暖暖地...有淡淡粉本身的味道...*頭個幾啖唔記得落魚露...之後加左就是酸酸甜的~蔥+花生碎+香蒜真係好MATCH 呀...啖啖的軟同脆~店員都算OK 喇...我地問要刀叉...佢雖然做完野就FORGET 左...經我地REMIND...送上2 Set tim~但係...我諗佢味精真係好重呀...我地未離開SHOPPING MALL..就開始口渴了...個口仲WHERE曬...飲左涼茶都未解到呀...直到早上...