Mint Supper Club (Closed)

個短頭髮Manager態度惡劣會趕人走, 大家千祈唔好幫襯🤬 話說我同個friend去咗兩次, 我地兩個女仔,又唔係冇消費,又唔係淨係叫一杯野飲。第一次,佢吹我哋埋單, 跟住再乘機同我哋講話唔夠枱用,趕我哋走。今次,佢俾咗張枱我哋之後,又話陣間會有private party,叫我哋坐第二張枱, 坐咗半個鐘之後, 佢又話有人要我哋張枱, 又叫我哋搬去第二度。個人真係覺得好過分, 去咗咁多唔同bar, 都未試過俾人咁對待,前題又唔係冇消費, 又冇得罪人, 唔明白點解會受到咁嘅待遇??個manager對熟客態度就好好, 如果你唔係熟客, 個人就唔太建議, 因為佢唔會尊重, 見你野都未飲完就叫你埋單。嘢飲又唔係好飲, 服務又唔係好, 價錢又貴又收+1, 除咗音樂幾好真係冇乜好嘅地方。如果大家想去消遣, 真係再可以再衡量下。中環咁多good bar,真係唔使嘥錢加受氣

真係要怪自己一年前嘅Post，都攞嚟做reference. 間餐廳實景同影相真係好大分別，雖然用嘅沙發都依然見到，但係整體環境好肉酸，好似cheap 場。又嘈，啲嘢超級難食。唉⋯失望

朋友見OpenRice 同Instagram嘅相同不同嘅blogger推介，所以就book咗呢間食(如果有興趣探險嘅，都唔洗book，場內都有唔少嘅位置入到去見到個menu有嘅嘢，同OpenRice上嘅都幾唔一樣，而且可以選擇嘅款式都不太多。最後我哋只係叫咗3樣菜式同4杯酒。順帶一提，佢哋happy hour時，每杯酒唔洗$60(未連加一) 但可能都因為太平，所以唔太好飲... 朋友杯mojito感覺係加咗水而我叫嘅old fashioned.... 仲要係漏咗單嘢食上到嚟，我哋本身係叫shoestring fries，然後當佢落咗order，送到上嚟，另一位同事同我哋講冇shoestring 得呢個普通嘅薯條🙄 我哋反咗下白眼後都係算，都係薯條，但介意嘅係其實可以事先同客人講聲冇哂你呢一款，轉普通得唔得？另外仲有叫risotto，但真係好咸.... 所以4個人食一個飯，最後係冇食哂㗎⋯⋯好啦，仲有個雞... 都正常嘅.....係幾失望同見OpenRice咁多好評, 以為唔會伏，就算轉menu都唔會差好多姐，點知-_- P.S. 我同班朋友係食緊時已搵下一間餐廳，已經好耐好耐未食過間咁

呢間餐廳好多打卡位！粉紅襯藍有D似Katy Perry Carlifornia girl MTV feel，好多打卡位🙂野食仲要好唔錯！龍蝦湯 ⭐️⭐️⭐️⭐️⭐️好濃湯味，龍蝦食落新鮮🦞帶子沙律⭐️⭐️⭐️⭐️⭐️沙律最重要係新鮮，呢度做到！咖哩牛⭐️⭐️⭐️⭐️⭐️呢個係我最鐘意既主菜，個包係一路食一路keep住咁脆，個汁好好好好好好食，平時d包一定食唔哂，我地2個女仔啪哂成碟咖喱連包！🍞呢個係必食！！！！！燒雞⭐️⭐️⭐️⭐️⭐️好難go wrong既燒雞，嫩滑！甜酸魚柳⭐️⭐️⭐️呢樣係咁多道最平平無奇既，首先上菜既時候已經唔熱，加上食到脆粉多過魚🐟建議唔需要試黃芽白⭐️⭐️⭐️⭐️⭐️5粒星係比個雕工，整到成朵花咁靚，好好睇！食落就同平時食既黃芽白一樣😂cocktails 唔錯食完飯坐出去enjoy下Cocktails同埋shisha, 爽.！

每逢就嚟到weekend 成個禮拜嘅工作辛勞先有得放低吓俾自己唞一唞 當然要嚟個happy hour一番 獎勵下工作咗一個星期嘅人 今次為大家介紹位於中環地帶又好chill嘅泰國餐廳+酒吧 環境相當舒服 我哋就揀坐係近半開揚嘅座位 又可以望吓街景同聽吓music 輕鬆自在--Pomelo Sa With Soft Shell Crab $128呢個小食味道酸酸甜甜咁勁開胃 又唔會炸得好油膩 仲有少少火龍果俾你食吓--Lettuce Chicken Wrap $98呢個小食有三樣嘢包括生菜、米通同雞肉醬料個醬料就好濃味同好香 每次食之前都可以配上生菜同米通食 咁樣就唔會過濃啦--BBQ Chicken Platter $158至於呢個雞肉串都好好味 由於係泰國菜嘅關係所以啲醬汁都會比較濃味 連呢個小食都唔例外味道都唔錯--Ching Mai Spicy Beef Fried Rice $98最後呢個牛肉炒飯都炒得好香 仲有隻雞蛋係度 可以提升個飯香由於加咗香葉 所以食起上嚟有陣陣嘅香葉味 --Money Business $180話明係happy friday 當然要有酒飲下啦 呢杯就有

自從肺炎之後真係少咗好多去飲野😿難得去中環，要揾間chill d既bar先～ 叫咗Cosmopolitan同Gin tonic，酒味都幾重🤪叫咗Prawn salad, 除咗兩隻生蝦之外，好多唔同嘅生果，有芒果，菠蘿，火龍果，夠哂refreshingTom yum kung soup都唔錯, 有蝦，青口，同魷魚，個湯飲落去都幾正宗，酸酸辣辣幾開胃🥰椰香菜苗，椰汁底煮菜食落又真係幾滑幾香，食埋個炒飯就已經好飽，炒飯都好夠火候，仲加個蛋黃落去更加滑🤓

白色情人節，同老公夜蒲蘭桂坊飲酒食飯，盡情輕鬆Chill一下! Mint Supper 位於雲咸街，裝修高貴型格有品味，配合柔和燈光，浪漫有情調，令人感覺舒服放鬆心情！酒吧餐廳主打泰國菜、多款酒類和特色cocktail！除咗裝修靚，食物擺盤都精緻吸引，滿足晒我嘅打卡癮！Margarita 用 tequila、君度橙酒、檸檬汁，杯邊灑上鹽粒，老公鍾意佢酒味重烈度夠！星加坡司令 有清甜果汁味，酒味較淡酸甜易入口！柚子大蝦沙律 大蝦好新鮮爽滑彈牙，沙律有火箭菜、柚子、火龍果、蜜桃混上秘製泰式酸辣醬汁，清新爽口，醒胃有辣勁！芝麻蝦多士 即叫即炸熱辣辣，外層佈滿芝麻脆炸香口，散發陣陣芝麻香味, 鬆脆彈牙有蝦味!馬拉盞炒通菜 香口惹味炒得夠鑊氣有大排檔最準馬拉盞，蝦膏鹹香味道很突出! 主菜揀個 Phad Thai 泰式蝦肉雞肉炒貴刁， 醬汁甜酸辣稠口炒伴貴刁，煙韌有嚼口，開胃惹味，愈食愈想食!

夜蒲中環多年，對蘭桂芳多間酒吧都有認識，可是，永遠離不開一個“酒”字……突然間被我發現這間五光十色的酒吧，原來是主打泰國菜式的，加上它半開放式的餐廳裝修，很適合我們這些愛在開揚地方進餐的人！其實餐廳本身有shisha的，要不是這次主打進食都會試試看！先來一客咖哩軟殼蟹，以為是小食，怎料它會跟一客飯；又以為會放棄飯，怎料白飯中央有個溫泉蛋，跟白米飯撈起來出奇地美味，的確意想不到！接下來要吃真●小食，春卷看起來已覺得它炸得香口，吃下去更覺它鬆脆！Pad Thai是吃泰國菜時不可或缺的菜色，這個炒得很香，可惜我不能吃辣的，唯有交給朋友。最後就要吃近幾年泰國做得很出色的水門雞飯，其實跟海南雞飯沒兩樣，都好吃！說著吃著，竟然忘記了在酒吧叫酒，哈！

今日難得係中環收工,，就直接男朋友係附近搵野食，呢條街有好多餐廳同酒吧，行經過呢間餐廳畀佢既設計吸引左，有個戶外area，配埋粉色系既梳化，就決定試一試。睇到menu發現係泰國菜crossover酒吧，中環區黎講，價錢都比我想像中平。Phad Thai with Prawns and Chicken👍🏻份量都幾大，個汁好惹味，個金邊粉索哂d汁超好食，又唔會煮到好乾。Ching Mai Spicy Beef Fried Rice呢度個泰式炒飯比起出面普通既泰式餐廳更有鑊氣，泰式香料味再加上唔鞋口既牛肉粒，我同男朋友都覺得好surprise🤩Deep Fried Prawn Cake個炸蝦餅好新鮮，即叫即炸，炸粉唔會好厚，熱辣辣配埋個甜酸醬，好開胃。Veggie in Coconut Soup椰子味好香好濃，菜食落好爽口，連埋個椰子湯一齊食好搭。Signature Cocktail - GreyfluentGin個味岩岩好，唔會太濃，再配埋earl grey同lemon juice，個味幾好，唔會太甜。Matcha Latte

平時去酒吧，多數都係食煎炸嘢及西餐，一般對食物要求都唔係好高。最近畀我發覺發現到酒吧林立嘅中環雲咸街，有一間泰國菜酒吧，飲品同食物都有水準，環境夠chill，啱曬同三五知己來碰酒杯。餐廳以粉色為主題，啱曬女士，所以現場見到都有唔少女士幫襯。餐廳播放著英文流行曲，氣氛好好。餐牌都幾豐富，有唔同嘅泰國菜式。我哋叫咗鮮蝦雜果沙律， 生菜包，泰式炒青口，香葉炒飯同埋米紙卷。每人都叫咗一杯酒精飲品，配著美食，真係人生一大享受。

今晚好chill，同朋友嚟到蘭桂坊附近夜蒲，飲下酒食下嘢，放鬆下。餐廳環境好型格，粉紅色嘅梳化，女仔見到一定鍾意😍。估唔到酒吧都食到正宗美味的泰國菜，先來什果鮮蝦沙律，炸蝦餅，炸雞塊同大蝦牛油果米紙卷等泰式小食，之後還有生菜包，炒青口同香葉炒飯。 我鍾意個生菜包，免治豬肉夠香，充滿泰國香料味道，又夠生菜新鮮👍Espresso Martini 令我印象難忘 咖啡酒 甜甜的容易入口 表面仲有一層滑溜嘅泡沫😋☕☕

位於中環這間既是泰式餐廳, 又是酒吧, 可以一次過滿足想食晚飯, 又想happy hour既你. 餐廳共有兩層, 空間大而且裝修精緻, 幾適合一大班朋相約聚會. 這晚點了 ($128)🤤 ~ 賣相精美, 而且有多種生果及沙律配搭完隻脆脆的軟殼蟹 ($68) 🤤 ~ 好惹味的佐酒小食, 又熱又脆好香口 ($98)🤤 ~ 夾住juicy啖啖雞肉粒的生菜包, 再配上米通脆卜卜 ($88)🤤 ~ 大碟又唔貴, 而且配料多好抵食. 當然不少得要order飲品啦. 點了兩杯cocktail, ($120) 🤤 ~ 前者會比較合適女仕飲多D, 有果香得來唔算重酒味, 而且顏色colourful, 影相打卡一流. ❤店舖 : 💙地址 : 中環雲咸街43-55號地下

環境大，沙發好舒服好好坐，我地各叫左一杯gin sour同expresso martini. Expresso有着好濃郁既咖啡味，一上枱已經好香，愛妳咖啡之人必定中意，酒味都幾濃但同咖啡match埋一齊都算易入口，我特別中意gin sour因為佢好fresh既感覺，配食濃味既泰菜就剛好，食物質素頗高，推薦chicken skewer platter 有雞肉 雞軟⻣同雞柳，配甜甜鹹鹹的沙嗲醬幾惹味，冬蔭公湯椰味同辣度平衡，好好飲，蝦同青口都幾新鮮，仲有菠蘿炒飯都好足料大份，賣相亦不俗👍

中環有不少酒吧，但這間位於雲咸街的新派酒吧 - Mint Supper Club 又點可以錯過。餐廳走型格路線，泰、西融合，色彩繽紛，入內感到輕鬆又寫意。先來2杯野，摸下酒杯底。Whiskey Sour - $120入口清新，檸檬味香氣濃郁，淡淡的酒味非常易入口。Margarita - $120傳統的雞尾酒，配以杯邊的一圈細鹽，入口有一點咸味時酒味更突出，夏日炎炎，最好不過了。Veggie Spring Roll - $68春卷以米網外層包著，新鮮即叫即炸，入口爽脆，內層包著不少配料，口感豐富。Pomelo Salad with Soft Shell Crab - $128柚子沙律上層放滿了一隻又一隻軟殼蟹，而且軟殼蟹內還有不少蟹肉，添上泰式辣醬更加滋味。下層更有不少生果作伴：火龍果、芒果、香橙、柚子，酸酸甜甜，加上爽嫩的沙律菜，食起來認真開胃。Pha Tai - $88來到泰國餐廳/酒吧當然要叫Pha Tai，入面有鮮蝦外，更有雞肉，入口甜中帶辣，非常惹味，越食越想食。Lettuce Chicken Wrap - $98雞肉粒加上泰式配料混合而成，配上生菜、鍋巴一同進食，2種感覺，

Weekend想chill下relax下，去左中環雲咸街覓食，有不少歐洲菜，再行下找到一家吃泰菜的，而且粉紅色和綠色色調很cheerful，就吸引了我們。Signature Cocktails很特別！Pomelo Salad with Prawns ($108)沙律料很豐富，有大蝦、沙律菜、火龍果、芒果、柚子，水果自然甜配酸辣的醬汁，很開胃。Deep Fried Prawn Cake ($88)蝦餅炸得酥脆，很彈牙，蝦味濃郁，醮泰式酸辣醬更好吃。Greyfluent ($138)用Earl grey tea 混Gin酒，茶味清香，加了Honey和lemon juice，容易入口，不錯。Pineapple fried rice ($88)賣相吸引，有蝦子、魷魚、蛋、雞肉、腰果、菠蘿粒，炒飯炒得剛好，不會太濕或太乾，口感很好，有質素！Veggie in coconut soup ($30)菜是用椰汁做湯，很有風味，第一次吃，蠻好吃的。Jerry Mull ($138)Spiced rum配淡淡的菠蘿果香，加了薑啤和檸汁，很甜美的cocktail。