Video
Opening Hours
Mon - Sun
11:00 - 15:00
18:00 - 23:00
Above information is for reference only. Please check details with the restaurant.
夜晚係愉景北揾野食, 見到係呢間餐廳比較特別, 就試下佢. 咁大間餐廳居然得一個廚師兼做侍應, 本來有d擔心服務同食特質素, 好彩都ok.出面有d大風, 先飲一杯masala chai香料奶茶$45. 好貴呀. 奶茶非常熱, 應該即刻煮既, 香料味好足, 仲有d薑, 好暖胃. 呢個時候聞到隔離好香既椰汁咖喱味, 好期待！什菜雞$82, 係北印度邊境特色, 係有個濃汁浸住, 但完全唔係咖喱, 係類似西餐雜菜汁, 蕃茄西芹紅蘿蔔嗰d, 冇香料味, 係好清淡家常既味, 雖然唔係我好期待既重口味, 都ok既. 雞就正常野, 冇乜雞味, 質地唔鞋既. 炭燒鮫魚$128, 4件去骨魚塊用鐵板上, 滋滋聲好吸引, 最正係有3個醬可以點. 燒烤醬最大路, 但女友最鍾意, 仲有薄荷乳酪醬同芒果甜酸醬, 兩款都新奇有趣. 講返d魚, 有搽香料再煎, 惹味香口. 鮫魚本身唔係滑, 都唔鞋既. 如果俾多一兩件就好喇. 咖喱羊$88, 以為係黃色好香肉味膻味既咖喱, 點知係紅色, 有紅椒同煙熏既辣椒香, 但又好小辣, 味道唔係特別濃郁, 比較温和. 羊肉就一般, 因為食慣d半肥瘦既羊腩, d肥膏入晒咖喱味, 呢度既羊腩係全瘦, 又唔係煮得特別淋. 都係Ok啦. 我都係鍾意個汁多d. 點左個Naan $25配個汁, 好快就清晒.有d奇怪3款食物都加左薑絲, 唔通廚師做唐人街煮過中菜, 慣左手勢? 見到菜單款式好豐富, 點既食物味道同出面既印度餐廳亦有d分別, 下次有機會想試多幾款. 廚師去到一半先諗起要比兩杯熱水我地, d水好好飲, 完全冇怪味, 仲用隻靚啤酒杯裝住, 要讚下. 環境就一般乾淨, 枱同地下有小小痴立立, 不過得廚師一個人做野都理解既, 我地食完都冇肚痛. 睇得出廚師做到踢晒腳, 佢英文又唔好, 溝通有d困難. 佢最後都有問我地野食好唔好味. 總括黎講, 食物質素ok, 價格實惠, 而味道方面, 如果你怕印度菜太重口味, 太辣, 呢度係少有口味清淡, 食到食物原味既印度菜, 值得一試.
continue reading
入到愉景灣周圍行吓，大约下午兩點鐘食晏，心又想食印度咖喱，於是入左呢間印度餐廳，入到去餐廳冇乜客人，都座得舒適，見到lunch set有羊肉食，就揀左set c咖喱羊肉套餐，咖喱要左中辣，個lunch set仲有印度米飯，一塊印度烤雞，兩件烤焗薄餅，一塊薄脆飯，仲有個餐湯同一杯汽水個湯酸甜幾開胃，米飯夠長但稍乾身，要撈埋咖喱汁至有番味道，烤雞唔太大塊，食落味道幾好又唔太乾身，咖喱羊肉份量唔少，有四，五塊左右，羊肉食落幾好味又唔騷，烤餅唔錯加埋咖喱汁仲好食成個lunch set共$99,加一後$109,加上職員服務態度唔錯，喺愉景灣食野算抵啦
continue reading
星期一夜晚黎食, 又早食6點食無乜人叫左 Chicken Vindaloo 都幾辣幾惹味, Garlic Nann papadum - 正常 但三款醬都唔岩食 Lamb Masala - 無乜辣, 比較多細小既薑絲, 本身唔LIKE 食薑所以唔係我杯茶。見人話服務態度差, 我唔覺既, 但D ORDER真係好鬼亂, 問我要唔要冰水, 我地話要, 但轉頭好似無左件事咁, 要我地問返, 跟住無LALA 黎左杯啤酒, 但我地根本無叫過, Lamb Masala 勁耐都未黎其他野都食晒LU, 追一追單先黎。 到埋單時對返張單仲發覺原來幫我地加左 Masala Nann, 我話我地無叫, 佢就話放左係同一個籃到, 哦..... 唔怪得有4 塊咁多咁LA ...... 。 Masala Nann平野黎姐 應該唔係存心屈既我估, 但真係好鬼亂囉, 係佢地英文能力麻麻定點, 人已經少D單都錯成咁.......
continue reading
Nice Boss, very active in introducing us the delicious food.Love the Lamb bread &Raita most🤩the pepper cripsy is very nice too😋😋😋 A memorable meal having in Discovery Bay.Hope to come again😁😁老闆很好人，對小朋友都好friendly,仲特登就小朋友可以整唔辣。胡椒脆餅是我的最愛，乳酪點Lamb Bread都好正～
continue reading
酒店附近餐廳，看看都舒服就試吓！叫了二人餐，一d都唔好食，全部肉都勁鞋，我叫了3次比杯水我，其實嗰刻係4點到，跟本唔多客！一直都無，最後行去bar枱問佢，佢直接响水龍頭斟俾我~下午茶食成5佰幾，又難食態度又差，真心伏！
continue reading