大爺燒鵝 (聯安街)

Open Now

Now Closed

原本已經on the way去緊某茶餐廳食早餐，途中經過呢間咁早開門嘅燒味舖見到24蚊一碗粉麵仲包埋野飲好抵，而且又冇沙嗲牛/五香肉丁嗰啲咁悶就臨時轉軚😆我叫咗叉燒瀨飲熱華田，三分鐘已經黎到🚀瀨粉勁大碗！幾爽口彈牙👍 仲有六片唔算好厚既叉燒同兩條菜，叉燒雖然燒得唔算焦香，但肥瘦適中肉質唔錯，呢個價錢嚟講性價比好高👍👍店員服務唔錯，期間聽到坐喺收銀疑似老闆娘嘅女士同員工都有講有笑，而且都會幫手做樓面👍雖然只係廿零蚊早餐，但埋單果陣都好有禮貌好誠懇咁講“多謝”，感覺宜家都幾難搵到呢種服務😅下次會再嚟試下個燒鴨如何😁

見佢新開無耐，附近有無咩其他燒味舖，咁就買嚟試吓啦。返到屋企，一打開個外賣，夾啲雞出嚟，眼都突埋，前所未有咁垃圾，咁大個人第一次食咁差既燒味，完全唔捨得比人食，叫肥义油雞，啲义燒仲瘦過豬肉干，仲要濃哂，啲雞全部冇肉得層皮，似比狗食唔係比人食，大家唔好中伏！冇食到，成盒掉咗，好嬲⋯⋯

點解敢垃圾的燒鵝可以開鋪....隻鵝肥到唔係人食架，買個外賣，返到屋企一開個箱肥到嚇親我，小弟食鵝都食左20幾年，未食過敢肥的鵝，攞去拜山都覺得對唔住先人呀，我為左呢單野而申請做會員，以免有更多受傷者出現。間鋪新開，裝修各樣都新淨，事應都無咩問題，但係呢D肥膏鵝都可以攞比客食，個師傅都好有問題啦，你送比我都唔會食，我一定要打夠200字發洩下，最緊要比個差評呢間鋪，貼錢買難受呢一刻我深深體會到，晚安。

燒肉瀨粉$30性價比幾高，有碗粉加埋嘢飲下午茶都係$30 ，早餐就$24都有交易，如果住觀塘嘅非常值得去幫襯下😍食物啲燒肉唔算非常好食，但呢個價錢來講都真心抵食，質素應該同大家樂嗰啲差唔多，不過佢平啲同份量多啲，特別係早餐，大家樂都做唔到呢個價。份量幾好，夠飽。環境普通燒味舖嘅環境，都有卡位，唔係特別寬敞，但都算好坐。服務正常，服務員都幾有禮貌，都有叫佢幫我加過水🤣🤣🤣價錢真心抵食😌😌😌

$30外賣單拼或雙拼燒味飯，抵到爛。仲要好足料，我已經叫左少飯，都好大盒💓。新開嘅燒味店為呢區嘅人帶黎好多方便。晚上六點幾左右，買外賣，見到有7-8個人係度等緊，我仲怕有排企都未到我。點知只係等左5分鐘左右到拎到手，最鐘意呢種速度。我冇係堂食過，但望落整個環境都光猛，衛生，再強調$30一個飯，邊度搵先😂。我叫左個叉燒，切雞飯。叉燒半肥瘦，口感好好，正宗港式燒味。切雞又幾滑啵，唔係”鞋口”嘅老雞。晚餐諗唔到食乜嘅不妨try try喎😉。