大爺燒鵝 (聯安街)

Open Now

Now Closed

今日經過付近見到燒鵝飯就試。D野食ok，對得起價錢。唯獨個收銀女仔。可能不夠精神，已經在下午時不停打哈吹，說話咩來咩去。我坐下0.5秒就問我食D也野，下午茶，無跟飯吾緊要，但係大家都係香港人，吾洗甘串，咩人，無就無，可以客氣D說話，但我真係弟一次來的，這樣態度也肯不會再來。是不是可能店生意太好，所以真係成個大爺甘，我吃飯有比錢，但不代表要看你面色做人。如果老闆不想營業下去，請维持這樣對客之度吧！我只說今個個收銀員，其他人ok

同老公第一次入去幫襯，老公叫咗一碟乳豬叉燒飯，我就燒鵝油雞河粉，份量超級少似迷你版，全部都斬得好細粒，燒鵝、乳豬、油雞全部切晒啲骨位俾我哋，油雞又唔俾薑蓉我哋，要我哋自己出去問佢攞，油雞咸到pk,碗湯河淡而無味，只係杯凍奶茶可以話飲得吓人，碟乳豬飯淋咗超級多豉油落去，總之所有嘢都算係劣質之作，連我老公都話呢間嘢唔會再食，垃圾出品，除咗收銀服務態度好少少之外，其他員工都好似黑口黑面咁，，呢間大爺燒鵝簡直係差

之前試過一次佢哋嘅燒鴨瀨粉，覺得好柴同冇乜味，所以今次諗住俾多次機會試吓燒鵝，話晒個名都係sell燒鵝，諗住唔會伏得去邊啦。下午茶時間，買咗2碗燒鵝瀨粉外賣，勁呃錢！幾乎每舊都係得皮同肥膏，仲要有兩舊得啲骨！好似人哋食完咁，燒鵝皮又勁多毛，垃圾。唔明點解會切啲骨俾客？？？味道亦都唔好，完全冇鵝香…另外仲買咗碗叉燒+燒肉雙拼飯叉燒唔香，冇燶邊，冇乜特別燒肉普通，個皮起碼係脆嘅呢兩舊我發誓我食都冇食過，佢真係咁樣俾2舊骨我！

從搬來官塘區見證大爺燒鵝開張到現在，想起食燒味就諗起大爺燒鵝，以住叉燒肥美瘦肉部份亦鬆軟，近排越來越柴水準不再。於區內街市買的下價叉燒亦覺比他還好，係咪轉左廚師定分店多咗控制唔到質量？

香港所有茶餐廳， 除了裝潢，餐具不同之外， 所有食物都是千篇一律， 不是沙爹牛肉通粉就是雪菜肉絲米粉， 什扒，西式早餐..而且有些價錢也不便宜。 今早9點多，沿住牛頭角道，發現一條横街，無意中見到一間唔顯眼茶餐廳， 竟然早上可以食到燒鵝／ 燒味....粉麵..早餐， 而且價錢比較經濟， 仲有免費熱飲。 環境乾淨。我今天叫了燒鵝米線早餐，加熱奶茶竟然32元 。湯底燒鹅味道夠而且燒鹅好厚身， 米線燒鹅份量也不少，米線仲有煙韌感， 只是奶茶味道淡少少 ，但我可以接受。這個通貨膨脹環境下，可以做到這個價錢， 真是意想不到 ，簡單講係平靚正，值得推介比大家。 當時我見到好多未熟的燒鵝吊住在冷氣房內吹乾， 又見師傅拿著一盤熱辣辣肥嘟嘟 豉油雞從廚房運出。 我估計好多燒味都是自己做的 。大家有機會可以去品嚐下 。間中， 轉下口味 ，食番個豐富早餐，人生賞心樂事。 今日我就非常滿足。 我一定會再去品嚐。 原來食其他餐仲可以平啲。 我見另一個客叫 燻蹄河粉，樣子都非常唔錯，仲有午餐和晚餐不是太貴， 大家真的值得去品嚐。 真心推介。

如題….Lunch經過呢間嘢，見到好多人等外賣，諗住都唔會伏㗎啦，就膽粗粗走入去嗌咗個全餐牌最貴嘅客飯「乳豬燒鵝飯」加埋杯凍檸茶盛惠$92 蚊一嚟到個賣相都幾好嘅，點知一夾起舊乳豬，嘩！又硬又乾，咬落去個皮好似食緊塊膠片咁，重點係得塊皮，隻豬係一丁點肉都冇唯一可以接受到嘅就係個燒鵝，雖則係咁只係唔難食囉，個招牌打正旗號買燒鵝，但係都係一般啫！臨走嗰陣時就同返嗰度嘅店員講話舊乳豬好乾好硬，佢話你「下次」嚟記得要同我哋講，等我哋換番俾你～服務係OK嘅，問題係日日都對住燒味嘅師傅覺得呢啲嘅乳豬質素可以拎出嚟賣比客人？唔洗個客食過話唔掂先換係咪呀？下次？機會仲有冇？好多時機會只係得一次㗎咋

牛頭角/ 觀塘吃飯飽肚首選！雖然貴一點，但份量搭救，每次在附近工作都必吃！😍------------------------------燒鵝油雞飯+湯+凍飲（$62）------燒鵝：肉厚，皮厚，但少皮下脂肪👍🏾👍🏾，另外大件，加分------油雞：十分滑！十分滑！十分滑！今次還給了整個雞腿😝，好像知道我會寫食評。------湯：蓮藕豬骨，栗子，偏甜，不覺得味精。------凍奶走甜多奶：不過不失，茶味偏淡------------------------------早餐$26，下午茶$30，燒鵝+$5，十分抵吃，絕對街坊價！🤩

之前公司喺呢度附近，成日行過去食Lunch，呢度啲燒鵝係脆皮而且肉嫩，有煙燻柴香，枱面仲有支好酸梅汁比你自己任加，好鬼死正，重點雙併飯都係60蚊度，送埋湯，加3蚊有埋野飲，簡直係完美。雞 ～ 味道正常，但非常嫩滑。燒肉 ～ 皮脆肉爽，咸度剛好，我鐘意燻蹄 ～ 又厚又大片

單併及雙併燒味飯盒一律32元。燒味可選叉燒、燒肉、油雞、切雞、燒鴨、燒腩仔或紅腸。叉燒八件，有肥有瘦，有少少邊皮被燒燶了，香氣大增。肥叉燒入口即溶，甘甜香口，很滋味。瘦叉燒不硬。油雞色澤均勻，雞皮脆，雞肉軟，帶咸味。葱油另外包裝，很香很咸。白飯軟硬適中，白飯當中已加入了少少醬汁，味道沒有過咸。總結：美味抵吃。

同朋友係觀塘行完街，想食小小嘢，就嚟呢間食瀨粉，皆因我上次食過一次下午茶，覺得好抵食，於是又係下午茶時間，就帶埋朋友試多次，順便寫返個食評。我上次嗌咗燒鵝瀨粉俾咗個鵝髀我，所以感覺良好今次又嗌返佢，朋友就試吓燒肉瀨粉。點知今次又係俾咗燒鵝髀我，好開心，所以我個人覺得係勁抵食，32蚊有鵝髀，燒鵝好靚，皮都夠香夠肥有肉汁，唔係好乾嗰啲，朋友嗰個燒肉都皮夠脆，不過就唔算特別出色。女仔當lunch都夠食，男仔可能食返飯先夠飽啲。

85蚊。乳豬拼燒鵝飯，錯過左下午茶，唯有試個正價。點完餐先睇吓openrice食評，見到負評如潮，心諗又中伏，都幾失落。不過點左餐就要食架啦，正所謂路係自己揀，仆乖唔好喊。結果出乎意料之中，一心打定輸數，竟然有轉機，有驚喜。乳豬皮脆卜卜，肥瘦適中，正喎，燒鵝反而冇乳豬咁出色，不過都好食，唔會係又柴又肥 ，老友食個碗燒鵝瀨粉同樣出色，如果價錢稍為平民化多少少就更高cp值

有次經過發現呢間就入去坐底叫左碟燒鵝脾+燒鴨脾飯+凍檸茶當時未加價系$98蚊, 香港哋100蚊都唔洗就可以食到燒鵝脾加燒鴨脾連凍飲去邊度搵？皮脆食落有鵝味食鵝有少少膏就預左,最重要系兩隻脾都系原隻無比人偷走脾鵝身之間既陰肉，之前去一樂食d陰肉全部比距扣起曬。如果經過附近又未食野都會嚟嘆返碟鵝脾鴨脾飯。題外話：之前朋友叫一齊去試試過幾間所謂米芝蓮 1-3星都有試過, 我試過後就就覺得好一般囉！所謂米芝蓮係洋人商業炒作吹噓出嚟既商業廣告評價🤮🤢首先所謂既米芝蓮係洋人口味評價, 而距哋日常煮食多數係：油炸/火烤/焗爐焗等等無乜技巧既煮食方式...(中菜中式食品先講材料要配合“刀功” “火喉”唔同做法有唔同切法中國有名稱叫法既刀功已經過百種！就一味“爆炒腰花”既刀功切法就超過十種了,各地菜式既做法都唔同煮法唔同“火喉”拋鑊既用既高招火喉“花打四門”， “調味”調味料，油:傳統既花生油/豬油/麻油，後嚟既/菜籽油/ 粟米油，鹽都有分粗幼，糖有白糖/黃糖/冰糖，醋都分白/紅/黑三色配合菜式材料有唔同用途，料酒都分白酒/黃酒等等， 中菜既烹飪方法等等都唔同千變萬化！仲有中菜講求色/香/味三大元素)洋

招牌大大隻字「燒鵝」，點知買到返去，乾爭爭，淡而無味，肉質十分老，咬都咬唔開，以為食緊橡筋。 但可以話，係咁耐以嚟食過最難食嘅燒鵝，不知所謂！完全係垃圾！最後食左一半就掉咗，愈食愈嬲！唔會再幫襯！

平時啲燒味鋪可能主打都係叉燒，呢間主打燒鵝，啲燒鵝個皮薄又有油脂，食落鵝香味十足。雖然膮味一般都比較肥，但呢間燒鵝做出黎唔算太肥，肉質都好厚實。杯凍檸茶既味道都拍得住茶餐廳。 可以一戰！

原本已經on the way去緊某茶餐廳食早餐，途中經過呢間咁早開門嘅燒味舖見到24蚊一碗粉麵仲包埋野飲好抵，而且又冇沙嗲牛/五香肉丁嗰啲咁悶就臨時轉軚😆我叫咗叉燒瀨飲熱華田，三分鐘已經黎到🚀瀨粉勁大碗！幾爽口彈牙👍 仲有六片唔算好厚既叉燒同兩條菜，叉燒雖然燒得唔算焦香，但肥瘦適中肉質唔錯，呢個價錢嚟講性價比好高👍👍店員服務唔錯，期間聽到坐喺收銀疑似老闆娘嘅女士同員工都有講有笑，而且都會幫手做樓面👍雖然只係廿零蚊早餐，但埋單果陣都好有禮貌好誠懇咁講“多謝”，感覺宜家都幾難搵到呢種服務😅下次會再嚟試下個燒鴨如何😁