富豪雪糕流動車

Open Now

Now Closed

香港人對“富豪雪糕車”似乎有特別的情意結；于我個人，這情意結留給了早就消失的『藍精靈冰激淋』。雖然眼前這份記憶不屬于我，但美味的雪糕確是饋贈給天下人的禮物，更不用說是我這樣一個“雪糕癡”啦。滑軟甜美的雪糕，配上脆皮筒，簡單卻不可替代。軟雪糕奶味不重溶得較快，要快點解決戰斗才可以呢。$7的價錢同麥記比不算平，不過去到音樂雪糕車買雪糕的那份愉快童真卻是不可用錢來計量的。

六月廿二日(日)過海前係尖沙咀碼頭見到OR聞名既雪糕車，見好多人排緊隊購買，於是都過去買杯黎試下～軟雪糕($7)可能天氣太熱關係，今次食軟雪糕明顯比平時唔夠凍，未食已經到左半溶狀態咁，影響本來味道，不過尼種雪糕味道始級都係獨一無二，加上有海景都算OK啦～其實一向覺得雪糕車軟雪糕味道唔算好好，勝在夠軟滑，最大賣點當然都係"回憶"，間中買杯黎回味下都唔錯～令發現當年最平既珍寶橙冰原來已經同雪糕杯等同價！

人總係犯賤炎炎夏日踩單車總係其中一項活動曬住曬住咁 響藍天白雲下4女一男就咁由大圍出發汁流狹背到不能忍受之時 而patpat也因耐無踩而出現痛楚正想找地方停一停 就見到有架雪糕車無唔食既理由吧。大家都吃蓮花杯吃了雲妮拿 朱古力 和我未試過的又有人好憎既蜜瓜味好甜好正!!!壟斷之下呢個地區6蚊就有杯咁既雪糕真係超值而賣雪糕的uncle幾好口好多口水但幾細心的美中不足 間車無播音樂

又軟、又滑、又香、筒又脆~~我相信，香港富豪獨特味道~由小到大，始終如一！！睇人寫食評，謙雪糕食到口渴又話油...雪糕根本係越食越口混既食品........................油感覺，係雪糕軟夾滑影響...唔識食，咪亂評啦！！

dun dun dun dun dun...美妙既音樂襯托一枝美味既軟雪糕一見到雪糕車,好想食,七蚊一枝,滿足一吓自己既味蕾,雲呢嗱味既軟雪糕質地好滑,好好食呀,見一個個媽媽都用七蚊既代價tum到個小朋友開開心心,覺得呢架雪糕車都好偉大,希望佢地一直都為小朋友帶來更多歡樂啦!

跟其他便利店,快餐店販賣的雪糕相比起來雪糕車的軟雪糕就是有著一種特別的味道一種你跟我也無發忘懷的味道與友人出遊晚飯後來到天星碼頭看到久違的雪糕車,乾脆來個飯後甜品吧雪糕還是依舊的香綿,筒還是依舊的脆貴是貴了但只要味道不變我還是樂意付給它的

毋須筆者多講，相信香港沒有幾人未曾品嚐過富豪雪糕車的軟雪糕。記憶中筆者由它每支二元五角，至現在七元一直都是捧場客。富豪軟雪糕最特別之處是您往往沒有刻意去找它，也不一定會忽然想起要去吃它，可是每當偶然路過發現它的蹤跡，您都會吃上一杯過過癮。筆者昨日就如此這般在廟街附近碰到它，想不到富豪雪糕車竟然已經進步至提供八達通收費服務了。點了一支，口感依然軟滑重奶味，將便利店和大型連鎖快餐店的軟雪糕比了下去。筆者品嚐富豪軟雪糕有兩個經驗訣竅。第一，千萬別大白天站在馬路旁去吃，否則您會發現雪糕會不斷增加小黑點（空氣中的微粒塵垢），這會令人很倒胃的。第二，筆者親眼目睹有人買了一支之後還沒吃上一口就被大風吹倒地上，可見這軟雪糕絕非浪得虛名之軟，風大的時候得小心把握，否則就會成為垃圾蟲了。　

個日行街見到,又記得大家都好懷念佢咁,於是咪買左,食時真係發覺佢個d 味同平時d ice-cream 好唔同...真係滑滑的...比較容易溶..但一句講晒,正!

屋企住得比市區遠..好少係屋企樓下見到雪糕車..今日放學補課後..竟然..係巴士站到聽到雪糕車既音樂..即刻"捨棄"同學..急急腳去左買番支黎食先..天氣又熱..食番支雪糕可是一大賞心樂事..如果真係唔再發雪糕車既車牌既話..就真係太可惜了..

我就唔理係唔係回憶呀,懷念呀之類,最緊要係好唔好食同埋值唔值得食食完牛丸,去到碼頭見到有開檔,食番枝軟雪糕p,食既時候開始做evaluation七蚊枝,價錢嚟講,唔貴$$地點:通常家長帶小朋友嚟碼頭玩,影相,如果買枝俾小朋友,大家會聽到好多笑聲,哈哈哈^^味道k咁啦,好快容,問題係,如果有朱古力味,芒果味之類會\"更\"好,但係雲哩拿都幾好味p乾淨:巴士經過有好多廢氣,雪糕喺度賣無咁好以上係小妹一點愚見

佢d雪糕唔可以話最好食..但就有好多大家既回憶..個日剛巧有見到..就同friend買左黎食..d雪糕雖然幾快溶...但d味真係好濃!!!!

今晚我一邊睇幻彩詠香江一邊食富豪雪榚: )新舊交錯感覺很好希望這雪榚可能成為香港一個標誌!

細細個果陣,成日都比媽咪嚇話雪糕車唔方衛生,咁耐以黎都係第一次試咋!!見朗豪坊對面有架雪糕車,忍唔住就買左啦! 種質地真係好唔同呀!真係好軟好軟.... 睇落去種質地唔似咁滑咁奶,因為拎上手種感覺好輕唔似m記呀ok呀果d咁"結"嘛~~好好既口感, 好軟好滑好好味!!雖然7蚊又真係貴左d..同埋一拎上手望住感覺好易溶咁!想影相都有d驚佢會好快溶左但係呢隻香港特式雪糕咁特別,希望可以延續落去啦!!

尋晚有需要出去旺角區個邊工作,突然見到朗豪坊對出有富豪雪榚車,就即刻上前買左一杯軟雪榚...依家加左價,7蚊杯,雖然係貴左D,但係本人絕對支持流動雪榚車,呢個係香港既一個集體回憶,我相信好多人小時候都有食過富豪既雪榚...食落口,仍然係與別不同,特別香滑,我經常認為富豪出既雪榚係特別落足料,因為拎上手永遠覺得特別重手...因為師傅每次都會整好多轉雪榚俾我地...尋日我行過,雖然都見不少途人購買,但係,相比起過去,人山人海去排隊買雪榚,依家已經冇呢種畫面了,或者雪榚係香港隨處可見,而且更平,或更高質素的大有人在...我吃的,不是單單一杯雪榚,而是令人懷念的味道...

其實就算唔係食回憶... 富豪的雪糕都係好食的!夠香, 奶味, 軟滑而帶點"煙un"的口感, 正~講真, 麥記雪糕無奶香, 7仔ok唔夠滑, dreyers的雪糕一食落就知好肥... 富豪雪糕一律無以上缺點, 所以抵俾笑臉la!我都係一個學生仔, 富豪對我黎講無童年回憶(我都係食7仔大), 不過佢真係好食~ 而且$7真係抵~