Video
Read full review
2010-11-25
126 views
講開Sunday brunch真喺一不離二。今個禮拜日有朋自廣州來，咁橋星期六行完毅行者，食buffet唔算過份啩？去openRice楝餐廳近紅磡火車站又好多人話好嘅。。。bingo! 喺海景嘉福酒店嘅Mistral （海風餐廳）有31個笑面！而且每位＄488，比IFC嘅仲貴－一定喺好野！唔喺點敢收咁嘅價錢？好！一行三人，11點半到，坐第一枱。Waiter態度好親切。先嚟一杯汔酒，仲喺任飲！須然酒只喺普通貨色，但先聲奪人。果然收得有道理。睇menu，頭盤有salad bar，自選pizza，主菜有鱸魚、西泠牛肉、烤蝦可選。仲有蛋omlette（？）。甜品bar也應不錯。Salad bar有好新鮮嘅菜，攞分！我最怕salad菜唔夠crispy。新鮮好重要。Cold cut有多款選擇。牛肉caparcio、牛利、parma ham、肉腸等約十款。奇怪冇黑毛豬？Cold cut不過不失但冇特別。麵包唔掂，除麵包條外，所有其他款式可以不試！食完沙律菜嚟一份froie gras。煎得不錯，香口肥美。意式小吃有mayonnaise加冇味雪蝦、Mozzarella Cheese蕃茄、燒茄子等十多款。
好！一行三人，11點半到，坐第一枱。Waiter態度好親切。先嚟一杯汔酒，仲喺任飲！須然酒只喺普通貨色，但先聲奪人。果然收得有道理。睇menu，頭盤有salad bar，自選pizza，主菜有鱸魚、西泠牛肉、烤蝦可選。仲有蛋omlette（？）。甜品bar也應不錯。
Salad bar有好新鮮嘅菜，攞分！我最怕salad菜唔夠crispy。新鮮好重要。Cold cut有多款選擇。牛肉caparcio、牛利、parma ham、肉腸等約十款。奇怪冇黑毛豬？Cold cut不過不失但冇特別。麵包唔掂，除麵包條外，所有其他款式可以不試！食完沙律菜嚟一份froie gras。煎得不錯，香口肥美。意式小吃有mayonnaise加冇味雪蝦、Mozzarella Cheese蕃茄、燒茄子等十多款。但塊水牛芝士一d香味同奶味都欠奉。之前食塊靚鵝肝唔通真係要客人一啖沙糖一啖？？再點茄醬香菇肉末意粉和pizza。兩樣也都是失敗之作。意粉茄汁太稀，唔夠味。茄汁做意粉最重要喺要reduce嗰汁先有濃郁嘅味道。Al dente又唔夠，粉質唔似自家制。Pizza皮夠脆但topping未夠火候，食落皮餡分開。
主菜我食西冷、太太要鱸魚（佢已經唔記得西餐千期唔好食魚嘅戒條）、朋友要grill大蝦。伙記冇問我牛扒要幾成熟，只好在他離開的身影後叫“唔該medium－rare！”佢頭也不回，都唔知聽唔聽到？心中有啲擔心。正納悶是否應叫他返嚟再交帶一次？主菜已上桌！！咁快都得？睇下塊西冷，竟然喺medium－rare！唔通佢後腦有收音系統？牛肉冇西冷味，唔喺用靚肉，中等之中等。老婆就話塊魚冇味兼且“鞋”，食一半都唔夠就停手。朋友話蝦好好，但我冇試，唔敢講。
主角最後出場－甜品！！！我喺甜品怪，食多多都得！恃住行完毅行者，有“本錢”。每樣要啲。朱古力蛋糕最得我心，好食，濃濃嘅朱古力味衝激味蕾，正！！但係其他嘅真喺乏善足陳。嗰Opera就真離譜，竟然用strawberry mousse做夾心？唔係全朱古力嘅咩？芝士蛋糕又冇芝士味。Rapsberry加一“pat”稀奶水嘅乜東柬？水果又唔靚。最好仲係Hxxxxx Dxxx雪糕加朱古力碎粒！唉。。。
收得＄488（獅子銀行信用咭有八折）總有好大期望。可能影響咗感覺。只要唔係水準以上就覺得唔掂。可能大家將期望降低，會唔會好啲？留待讀者自行發掘了。
Post
