禮三井日本料理

Open Now

Now Closed

和飢腸轆轆的男朋友去油麻地吃日本菜，今次試了禮三井日本料理。由於我倆都餓了半個晚上，所以每人點了一個拉麵套餐、一磅三文魚刺身、一客山葵八爪魚壽司和最特別的醋浸三文魚頭軟骨。最不能接受的一杯飲品- 橙汁。真是驚嚇的，這杯橙汁是沖出來的，大家記得小時候飲過沖粉橙汁嗎?這杯就是了!!!!我的咖哩魚餅拉麵，有驚喜，皆因小妹不太愛吃拉麵，而這個拉麵竟然沒有被我的胃討厭，勁!!而且我還吃得一條不剩，哈哈!!男朋友的日式炸雞拉麵，雖然一看就知是用萬年油炸出來，但味道不錯的。一磅三文魚刺身，基本上我只是吃了四份之一。醋浸三文魚頭軟骨，我和男朋友也頗喜愛這個菜，下次應該會再點。最後還有山葵八爪魚壽司，不過這裡的山葵八爪魚壽司太嗆鼻了，結果我咬了一口便把它送給男朋友了。p.s. 今晚盛惠$260

好勞氣, 油地麻一帶無咩日本餐廳, 逼於無奈又去左禮三井食晚飯.一向以來, 食品已經叫不好食, 今次仲更加勞氣:1. 所謂半價的烏冬, 原來只在 7:30pm 供應, 在特價牌上又沒有注明2. 第二加單的食品, 又漏落單, 到我地追單又說什菜天婦羅賣晒, 只有南瓜一種沒有其他菜的天婦羅3. 又唔係多人幫親, 我足足追了三次, 成半個鍾才有以后寧願行遠 d 去旺角, 都費事再去這間麻煩又唔好食的禮三井

義工每個月都開一次會,而每次開完會,我地都會一齊食餐晚飯,今次係我舊同學大紅提出去呢間(禮)食日本餐,咁...個個都舉手贊成啦.去到,我地要等一等,因為張枱仲未執好,咁...我地等咗一陣,就可以入座,間舖頭細細,好似我咁大隻,差D入唔到去 大家坐定定之後,就由SHIRLEY, JULIA,佢地發板食乜東東,佢地就叫咗圖上既食物,另外仲有燒生蠔 $70 有四隻,三文魚泡飯 $28,熳魚粒炒飯 $55,D味道OK呀,尤其D刺身,感覺好新鮮另外我地本來叫燒羊架,,點知舊同學就話,點解D羊係咁既味道既,已經食咗,後尾覺得唔對路又吐番出黎,問個度D侍應,原來佢地話冇晒羊,所以送黎牛,後尾佢地見到我D義工朋友,有D吐番出黎,望咗一望,佢就話同我地取消啦,不過我地係叫咗2客,依家叫佢取消一客,費時佢地難做,後尾發現,嘩....原來牛係咁貴 $68,佢地話羊係冇咁貴喎,不過算啦,人地都肯取消,算係咁啦.

今次第2次黎三井, 昨天9點去到, 都有幾台人. 老闆說9:30有好多野都半價, 不過因為太肚餓啦, 我同個朋友都叫左野食先, 我地叫了1. 豚肉火鍋烏冬 ($50), 一大碟豚肉 + 冬姑 + 豆腐 + 白菜 + 黃牙白 + 金姑菜2. 燒三文魚頭 ($35 特價) - 好正, 好大碟, 燒得剛剛好, 我上次都係食三文魚頭, 2次水準都好好, 不過上次無特價3. 到了9點半老闆提我地可以叫平野啦, 甘我地叫左 玉子壽司($6), 饅魚壽司($8)及北寄背壽司($6). 叫了一round, 因真係太好食啦, 所以再叫了一round. 食到2個人好飽都係$130- 真係好抵又好食. 下次一定會再去

星期日下午，原先想去橫綱吃，但見到多人在門口等着，於是正想同家人去美都懷舊一番時，見到這店子，從未留意過，又見一班人正入內光顧，於是我們也試一試吧。叫了一個牛肉拉麵、一個天婦羅拉麵和J仔我至愛 – 三文魚飯定食。連飲要加10元，於是HONEY就要了杯薑蜜。拉麵頗細碗，麵質夠實身而不硬。天婦羅拉麵的清湯來得比牛肉拉麵好味很多，牛肉拉麵的湯底像是開出來似的。牛肉也非常之少，大概有五六小片，味道一般。天婦羅則有三隻蝦和兩件青椒，但粉太多﹐而且沒蝦味。三文魚飯也只有四片三文魚，是我所見過的最少一次，而且是薄薄的，反而跟餐的兩件三文魚壽司就合格。這裡的價錢有點取巧，幾乎全部都特價(六折左右)，但加收所謂完價的加一，其實幾乎接近加二了。三十五元的食物結果收四十元。

食日本野 ~ 唔一定貴既呢間禮三井就係一個例子啦雖說不是一流的日本魚生及食品但絕對是唔錯的由其係9:30PM後的 ~ 因為魚生壽司拉面都係半偵的HEHEEH ~更加是唔錯啊 !!百一二就吃到多款魚生併盤又有他他牛肉片吃烏冬又不錯的海膽更是平平平平的 !!一盤多粒 ~ 幾新鮮啊 !!可能對某些人來說不是太好味但中價吃到一定質量日本料理已不俗呢 !!試一試無仿的 !!

10.08.20083pm左右係附近上堂,,個fd黎接我,,一齊行街食野,,想食日本野,,見呢間最近,,又平,,就揀左佢na半價,,叫了天婦羅飯,,冷麵,,(兩個都係跟三文魚壽司兩件)再另外嗌左個軟殼蟹卷($24)三文魚壽司Ok,,啲脂肪分佈得幾好,,都有dd鮮味既,,但件三文魚既溫度似係係迥轉帶迥轉左成日咁冷麵..擺得醜怪,,味道比味千還要難食一倍以上,,有一粒蕃茄..食到有膠味咁..吐左.. 麵身唔爽..呢個冷麵只有dd痳油味既普通冷麵,,絕對不推介這個!d天婦羅..唔掂..好粉..又唔夠熱..點解可以唔夠熱既呢..個身唔多乾,,唔係脆口,,係淋.飯都唔好食..也不要點這個吧..D野食到一半,,佢地要落場,,叫我地埋單先,,咁我就同返佢講仲有個軟殼蟹卷未黎,,點知佢一拎轉就係個bar面拎黎俾我地,,係即刻wor..!跟住放左$上去就冇禮貌咁收左佢,,冇多謝個軟殼蟹卷呢,,味道?咪唔好食囉..都凍晒na..咪又唔熱又唔脆咁,,仲冇咩味tim~都唔知整好左幾耐..明明好似除左我地,,入面都得返一兩枱客,,點解可以咁黎service我們..找錢,,就咁放低友人決定一蚊tips都唔俾.我也

上上星期日，與男友展開酒吧之夜前，先醫醫肚，沿路由旺角彌敦道行至尖沙咀，到了油麻地與佐敦交滙，見到此日本店的門外放了大大個半價易拉架，只要於 7 時30 分前結賬便可，星期日都有供應，看見時間許可，便入內一試。要了帶子拉麵和關西拉麵，另加吞拿魚刺身，拉麵端來時，份量預咗係細，湯底好濃，但唔係豬骨熬成嗰種，拉麵好腍，配料的粟米竟然只有 5 大粒！！！不過帶子卻有 4 小隻，整體味道是可以的；吞拿魚刺身就認真唔得，有筋、不鮮甜、肉質帶少少霉身；雖說半價是為招徠客人，但如此質素，我寧願付正價。

只因在附近上堂，搵處新地方食嘢，估唔到咁精彩！推介向日葵卷，火灸三文魚鋪面，好肥美，裡面有炸蝦同芝士。最驚喜係薄切鱆紅魚沙律，見佢半價才點。原來是五至六片魚生，上面有啲醬，旁邊再再極薄切青瓜絲同蘿蔔絲，自己卷埋一齊食。very good！

個羊扒好好食....果度d 人都好nice....值得試~~~

5個人去食晚飯...原來7點半之前埋單有半價...叫左1個關西烏冬, 2個咖哩豚肉拉面(食完一個再encore)仲有一個鮭魚大肚婆炒飯同金龍卷...關西鳥冬幾普通...d烏冬唔夠彈牙...其實我幾鐘意食烏冬ga...所以有d失望...咖哩豚肉拉面好香咖哩味...仲有d紅蘿蔔同薯仔...拉面幾爽口同彈牙...very good~鮭魚大肚婆炒飯炒得幾有wok氣...但唔明點解叫大肚婆炒飯...金龍卷條金龍係炸蝦...有8大舊sushi...面頭d蟹子好多好彈牙...外面有d紫菜碎...包住蝦仲有d芝士...但芝士味唔重...同埋中間d紫菜有d"un"...$30一個人ge日本菜...仲要係晚餐...真係好抵ar!!

媽媽節我地一家人去左食"禮"~每次食"禮", 我地一家人都食得好放, 好盡情, 平得黎又好食, 又夠新鮮!媽媽每次必食: 赤貝刺生 (因為真係新鮮即開, 勁好食, 不過供應有限, 要早d order定), + 一整磅三文魚刺生 (好香甜)爸爸每次必食: 牡丹蝦刺生 (真係新鮮到~~~好味到~~~& 平到~~~第二度一定食唔到!)全家必食: 火炙三文魚壽司 (好味在上面的炙燒鵝肝, 上台時仲係熱lala, 香噴噴, 入左口都唔想吞, ....唔係想咁誇, 但我地真係覺得好好味~~如果係板前, 一定食唔到咁香,咁熱lala的壽司~)相就只係影得少少...因為碟碟一上到台, 就即刻俾屋企人消滅晒 次次食完都唔記得影~下次先share多d相俾大家啦~haha仲有左口魚壽司, 次次去到, 我都一定會叫呢個, 唔係好多人識食呢隻魚, 但我個人好鍾意, 食落果種魚香味, 我真係o係第二間食唔番!!!!講service 呢...我都少少agree 其他食家ge...可能d 侍應都係年輕人為主, 服務真係爭d, 唔知係咪因為我多數都係星期5先去, 老闆一定o係度, d服務同食物就一定好好多。我同過老闆傾

由於公司去年底搬到佐敦,本人與公司同事均被禮三井日本料理便宜又抵死的午餐吸引,已光顧該店好一段時間. 雖然是「熟客仔」,但本人也不會偏幫！很多時候店鋪繁忙時段都擠滿顧客,期間也會受到「冷落」,但試問那一間食市不是這樣的呢？我到過該店不下十次,每次都沒有問題發生,每當食物來遲,一問店鋪高級那位男士,都會很快將食物送上(相信他是老闆吧).....其實應有的服務熊度是必要的,但我們當顧客的也應該體諒別人吧！因為我們每次都沒有受到不禮貌對待,所以今天瀏覽open rice時,也不禁要作出小小平反.另外,晚餐我都曾光顧,但我覺得晚餐會比較貴,所以我會趁九點半後幫襯,因為壽司刺身半價啊！狂食牡丹蝦刺身,呵呵.....

早幾日去食個軟殼蟹卷, 握d飯全部握到爛晒咁, 再加上, 上面有條頭髮, 再之前已經食過個軟殼蟹卷, d飯又係握到爛晒, 但只係一舊握到爛晒..咁就算.點知今次又係咁, 咁咪同個侍應講, 佢話我取消張單.咁都算喇..到今日又去食..因為本人鍾意食日本野, 附近冇乜選擇, 呢間又平..落單後, 坐左成20分鐘, d野食都未黎..咁咪叫佢去check下張單囉點知個女侍應態度十分差(著住粉紅色衫)佢話:"我地廚房有好多單呀.. 你都眼見呢到咁多人咖啦.. 你等下啦"跟住我就出聲話已經等左成15分鐘以上佢就好悔氣咁話:"咁我幫你取消張單喇"哇.. 而家咩服務態度啊!!!!!!間餐廳開到咁大, 就即係人手充足..開得間餐廳就預左隨時會爆晒咖啦..今時今日咁0既服務態度邊得咖!!!後尾仲要特登行埋黎, 話我俾說話佢聽..又話我之前投訴d壽司唔好!你間野整d壽司係好0既, 咪唔會俾人投訴囉..打開門做生意, 就預左會俾人投訴咖啦!!最後叫左幾次埋單都扮聽唔到唔會再去食囉!! 即使我鍾意食日本野!!!!!

本人於2008年2月11日中午於油麻地彌敦道458號地下一日本餐廳"禮三井"用膳,總共消費了230元, 我付300元以供找續, 但只找回13元, 由於當時沒有點算清楚便返回公司, 發現後立即折返該餐廳, 本人並沒有責怪誰, 亦相當有禮貌當時我們站在收銀櫃旁, 男職員態度一般地"叫"我們站開一點, 不要阻塞, 過了一會, 負責收銀的女職員"叫"我們過去協助計算, 男職員見狀又"叫"我們站遠一點,然後我跟友人呻兩呻這裡的服務態度很差, 男職員見狀即過來說男職員:小姐, 而家係想解決個問題姐! (幾惡下)我:我覺得你同埋果位職員D態度好差(情緒不滿)我朋友:又係果位職員叫我地過去既, 你又叫我地走, 咁即係企係邊呀(不滿)男職員: 我地而家態度有乜咁差呀?!(好惡) 我: 又係你位職員去我地過去既, 你地做服務性行業,點解D態度可以咁差?!(我都開始惡)男職員: 你話我地態度唔好, 咁唔該你又睇下你自己D態度(好惡大聲咁指住我) 我: 你地點做生意架? 咁樣同客人講野? 我真係要叫D人唔好黎幫襯你, 你地態度咁差! (好嬲) 男職員: 你叫啦! 你咪叫囉!我同友人講: 唔同呢D人嘈啦,