妙法齋

Open Now

Now Closed

吃齋並不一定是在二月十四,平日也可以.好像這一個晚上,即慶地同幾位朋友,一同在荃灣妙法齋晚飯.年前在土瓜灣分店吃過點心,曾經給過負面評語,是次吃晚飯,看看水準又如何?這夜我們坐上閣樓的一角,一同"佛口蛇心".人少少,每人點一味菜式,頭盤是齋鹵味,最欣賞是螺肉,其爽甜味道,同真正的螺肉很像.琵琶豆腐味道也不俗,豆腐下面的菜心,突出其"齋"感.來個素菜羹,同羅漢齋煲,這兩道算是真正的齋菜了.心靈上突然淨化了不少.沙爹串燒像真度又是極高,牛雞已分不清,相信如果平日不吃牛的朋友,來到齋店,又會不會吃"齋牛"?最後加多一碟干燒伊麵作結尾.雖然是掛吃齋為名,通常到最後也是齋口不齋心,只怪自己仍在眷戀塵世美,未能真正清心寡慾.菩提本無樹,明鏡亦非臺,本來無一物,何處惹塵埃.自問去不到此境界.

留港吃喝玩樂了幾天...行山, 跑步, 酒店自助餐, 飲茶....是時候節制下, 於是今晚選了荃灣區至出名既齋鋪, 從來也不明白香港齋菜是齋口唔齋心, 其實類似台灣都有好多素菜, 煮得精緻, 也不必要再將豬牛羊魚之名也加進去, 香港既齋鋪可否學學呢?今晚簡單地叫了素黃螺+酸齋, $20, 前者是咖哩味...少少辣, 熱熱的, 爽脆, 很似很似螺肉質感, 但味道就不太像了, 酸齋是冷的, 味道合格, 但最好食還是寶蓮寺齋堂!清炒西蘭花, $35, 不油膩, 清清淡淡, 啱哂我!粟米粥, $16, 粟米, 磨菇...粥底很綿!西檸鴨, $45, 最差...上桌時以為送錯了, "汁"跟"鴨件"是分開的, 檸汁很稀, 鴨件其實是炸腐皮, 好油, 不想浪費, 但也真的吃不完!下次都係叫一碟大什齋 + 炒菜 + 粥/粉/麵/飯 都夠了!茶 + 花生, $15

食左呢間齋舖都6,7次,係因為同事食齋既關係而認識!一食就愛上佢既水餃,粒粒飽滿,唔講真係唔知佢係齋,仲要配埋冬陰功湯底,正!!!佢地既齋螺都唔係一見難忘 ,像真度極高,味道都唔錯,每次去到必叫呢一味,同事食完仲叫左外賣返屋企食~咖喱炒飯都好惹味又大碟,粒粒分明油又少~紅燒素翅,可以一試~ 最驚喜係一個紅燒雞翼,一上枱個個睇到眼定定,有冇咁似呀?搞鬼既係第一次食雞翼連骨都可以食落肚!原來條骨係由蓮藕造! 食飯完仲有糖水送 ,值得一讚係佢既生磨合桃露!合桃味濃郁~唔係人地開粉既合桃糊!!但唔係成日有!

母親節前 2 星期一早訂左位, 因為見到食評唔差嘛, 就試吓啦.可能係大時大節關係, 大量製作, 食物質數亦較為失望.我哋 9 個人, 叫咗個 $888 套餐, 連甜品一共有 10 個菜式.食物質數就同中學生飯盒 d 餸菜無異, 早知去 "素食一家" 啦 >_<最驚喜的算是鴨掌, 個樣同口感都算似.甜品係合桃露, 真係生磨, 所以有合桃香, 但嫌磨得唔夠滑.而全晚主打就係我為媽咪親手炮製0既雜莓蛋糕, 係媽咪食得最開心0既一道菜色

今日工人放假就帶埋2條化骨龍去試0下,超失望呀.....D野食好多味精呀,D service 勁差,等左十分鐘問叫佢幫我追追D野,佢又話你order D野係慢D架喇, 個個都係度等緊啦, 問佢乜都話答你唔倒,又漏單, 我都費事追,又開大個冷氣....D野食到一半叫埋單,有個男waiter仲講粗口細細聲問候人添....完全唔掂呀!!!

老公屋企做節, 有成員要食齋, SEACH過後, 呢間食評唔錯, 試!$40蚊, 樣樣要, 除左咖哩齋. 螺好味啊而且好似! 其他都唔錯! 好係唔係太多味精!芝麻條麻麻地! 可以唔試!地面濕滑, 衛生麻麻, 要改善, 我見到好多老人家出入, 真係要小心D

芝麻卷必食，茄子肉餡包都不錯，糯米球就硬了些，咸水角內裡有木耳絲，都好味。食完都幾飽下。

讀過食評後，對此店的齋鹵味甚感興趣，（尤其是素黃螺。）所以主人與奴隸獸收工後，專程前往購買。HK$20 已有多款口味，（可以任君揀選。）除了一般的味道外，還包括特別的素黃螺。不過齋的味道非常清淡（包括素黃螺。），只有甜酸齋的味道還算適中。

等候嘉樂巨蛋治期間,到附近走著走著就到了細佬兒時就讀幼稚園附近,也看到這間齋店的招牌就走來看看,最後買了一盒齋鹵味($20)。回家打開盒子,除了一般有的之外,還有很多齋螺肉!!真的喜出望外!!以前都有吃過齋螺肉,但在齋鹵味中就是第一次。像真度高的螺肉炆煮得入味,加上爽脆口感,味道不俗;其餘的咖喱齋、蠔油齋、齋鴨腎也同樣的入味軟滑,細佬最喜歡甜酸齋的味道,而大人則說齋叉燒真的有叉燒味,似乎大家也很接受這間老店的齋哦。位處較偏的橫街卻能屹立數十年,的確有其道理,推介推介!這裡還有咖啡奶茶、三文治供應,有機會試試其水準。

試了阿姐推介的乳豬. 味道是不及真乳豬的, 不過還不錯就是. 對面的羊腩煲非常像樣!

焗飯好味,沒有一般太流,及太多肉的感覺,芝士味剛剛好,連門口小食都一叫加熱,但煲仔飯就一般,其他菜都OK,物有所值,食完下次都會再食

未病完...口淡淡想食粥...本想去標記...老公話試試呢間齋鋪!二人只叫了一碟酸齋+齋鴨腎, $25, 後者頗硬! 灼菜心, 大大碟, $32, 夠腍! 粟米粥, $16, 同一般粥鋪唔同, 裡面仲有菇菌, 紅蘿蔔等等...唔錯, 粥底幾綿!連花生, 茶錢加一, 二人要$96...非一般價錢!PS 呢間齋鋪齋口唔齋心...全部都係似肉既....最搞野係連公司三文治, 腿蛋治都有....!

話明食齋，今日決定唔飲酒，改為品茗，幾鬼死有悟性，十年都無一次咁乖仔﹗0的送五花八門，本來唔食魚想玩野叫番條假魚食下，不過又好似唔多好咁街﹗根本都唔知叫咩好，咁岩見到佢做緊個推廣，小盆菜108蚊，見佢咩春都有，一於試下﹗好鬼多送呀，兩個人真係食唔哂，假蝦假魚假飽魚假乳豬假雞假鰻魚假魚翅假鵝幾十樣送，得0的菜係真﹗其實0的味道幾得意，仲有好多係真係似0個隻味，唔知佢點整出黎架呢？一個盆菜勁食都係食剩四分一，罪過罪過﹗一人六十蚊食咁鬼多樣野，抵啦﹗

我同同事今日去食飯, 叫左: - 螺肉配酸齋(本人推介)- 西檸雞(好食) - 肉醬意粉( 好好食) - 水餃(湯淡左D, 但係水餃夠足料)- 粟米粥(一般)都幾大碟,

上個禮拜六，我同友人第二次黎呢度食晚飯，感覺同第一次差唔多，不過不失。兩個人點左三樣野加兩碗白飯。羅漢上素：三樣野中以呢樣算係較好，但係有d唔平衡既感覺，竹笙味道明顯比其他料濃一大截。五柳芋塊：好一般，可能唔係時侯兼凍凍地，都係圓玄學院芋頭魚正好多（雖然唔應該咁比）XD。仲有一個唔得左乜野翅，都係果句，一般。反而份量真係夠多，兩個人食有剩。