妙善

Open Now

Now Closed

素菜都可以好好味，可惜只有二人叫的食物不多，其中宮廷素蟹粉印象深(味道像真度高）,叫埋鍋巴食剛剛好，可以下次再Encore 。另外杯陳皮咖啡都好啱我口味（已加糖，但味道剛好咖啡香及陳皮味都可以嚐到，不過一向唔要糖的我也想嚐一下走糖的味道）。潑墨如詩見天地(朱古力飲品）打卡之選。下次要叫多幾位朋友一齊可以試多些不同的菜式，值得再試的素菜館。

蔡瀾美食坊新開素食餐廳，主打fusion健康素食，上星期同屋企人探店。餐廳環境寬敞，裝修雅致，中庭後面設有佛壇供奉，環境清靜。我們點了四人餐$880，共11道菜，屋企人喜歡燉湯，並加了$100升級「姬松茸茶樹菇燉湯湯」，味道非常濃郁。其他菜式也很精緻，我們最喜歡「宮廷素蟹粉」配鍋巴，甚有驚喜。其他菜式例如前菜：「四起烤麩」、「脆香紫豆卷」，穩打穩扎；「羅漢齋兩面黃」也是功夫之作，面身香脆、但不油膩，食完碟面也不會有油漬，讚！另外點了「熱朱古力」及「玫瑰 Latte」，味道香濃，師傅好嘢！👍🏻

今日真漢子嚟到紅磡黃埔天地美食坊嘅「妙善」，即係以前嘅巧饍坊。其實無論店嘅招牌，甚至商場嘅水牌都仲係用緊舊名。🤔其實我係未食過巧饍坊嘅，所以對我嚟講都冇分別。今次我精挑細選咗以下嘅菜式，係我覺得非常特別嘅：☕ 陳皮香醇咖啡 $38佢哋雖然係中式餐廳，但咖啡似乎幾主打，連 flat white, cold brew, dirty 等都有，所以唔係咖啡精嘅我都叫個陳皮咖啡試吓。杯啡係幾有水準，加咗少少陳皮有點甘香嘅感覺。😋🎂黑松露燒賣 $43燒賣嘅餡係粉絲，紅蘿蔔等，我食到係冇素肉。味道係 okay 嘅，不過燒賣質感比較淋，我就覺得麻麻地。我問過負責人，所有點心，除咗流心奶皇包之外，都係純素。至於其他菜式，負責人話要先問佢哋，因為餐牌未更新去寫得清楚。事實上係，因為我睇咗 QR code 餐牌一段時間，先發現自己原來睇緊英文版，但其實九成都係未翻譯好，顯示嘅都係中文。而且 QR code 餐牌上某啲菜式，實體餐牌係冇嘅。😅🦀 宮廷素蟹粉 （小）$116 （有蛋）用一個蟹嘅容器裝住素蟹粉，將齋口唔齋心嘅精神發揮到極致 😂，就算蟹粉本身望落去都難分真與假。🥹樣就一百分，味道呢？都係一試難忘，真