米線陣 (翡翠明珠廣場)

Open Now

Now Closed

我總是忘記評論這家餐廳，銅鑼灣地區的麵館，這是我渴望湯麵的地方..這次我點了（炸雞番茄湯櫻花蝦麵）非常豐富的味道和番茄🍅 底湯很好吃😋而且分量很足，炸雞真的很好吃很香脆..真的很好吃！ 我不後悔點了..這是菜單上的特色麵條..這是非常合理的價格 52 港幣不包括飲料..我加了 9 港幣的豆漿，我還嘗試了芝麻醬雞絲 也非常好..我喜歡我的湯麵..快速訂購，您只需掃描二維碼即可訂購，只需幾分鐘您的訂單就會準備好..強烈推薦👍🏻👍🏻👍🏻

近排出咗季節限定豆腐花酸辣湯米線，估唔到佢嘅甜居然同湯底10分配合到，撈埋一齊食會覺得口感十足。而啲配料都一如既往地多，但係如果佢肯出多啲非加工嘅食材會健康好多（例如雞肉、豬肉）咁配料方面我就叫咗午餐肉、生菜，食到好飽好開心。而佢上菜速度都好快員工服務都唔錯。

因為唔太鍾意食米線既關係..去米線陣係非常之適合我…可以加錢轉鳥冬😍😍😍叫左兩碗麵加左個萵筍絲同豆漿..麻辣蕃茄湯底轉鳥冬係我每一次必然既配搭..對於我尼D芫荽控..除左碗麵本身有既芫荽之外..當然要再追加芫荽啦..😍追加芫荽真係淡淡都芫荽😋😋😋唸起都覺得好想食…友人今次都唔食米線..轉左薯粉..都話佢個碗好好食👍🏻好足料另外..個萵筍絲都ok ge..不過略嫌麻油味有D太重…攞落湯過一過湯會好食D

✨米線陣嘅豆腐花重慶酸辣米線✨.最近嘅星期五晚去咗銅鑼灣嘅米線陣食晚餐，餐廳裝修簡潔，坐得幾舒適💕我地特意叫咗佢哋最新推出，亦見過唔少foodie介紹嘅豆腐花重慶酸辣米線🍜.▫️豆腐花重慶酸辣米線 $41佢有5種辣度選擇，我就揀咗小辣 🌶 以百福®豆腐花配搭酸辣米線，望落兩樣野好似扯唔上關係，但食落意想唔到兩種味道都幾夾，嫰滑微甜嘅豆腐花配上酸辣湯底，甜中帶辣，層次同口感同樣豐富！我個人覺得成個配搭都幾好食😋另外我仲加咗$9要埋個雞髀肉，份量適中亦幾嫩滑.▫️肥牛豬骨濃湯米線 $43湯底味道幾香濃，唔會好重味精，米線彈牙而且份量都算多，肥牛方面亦肥瘦均勻 🥩 .▫️蒜泥白肉 $28共有8塊白肉，厚薄均勻，鮮美嘅白肉配上紅油加蒜蓉，食落蒜香四溢，確實唔錯🤍.▫️胡麻雞絲 $19雞絲加上青瓜及芝麻醬，幾開胃☺️.▫️嫩綠唐生菜 $21幾新鮮嘅生菜，唔會烚得太老！浸落湯底到食仲正❤️.▫️美祿恐龍 $12面層係好多嘅美祿粉😳飲落唔會太甜而幾香朱古力味，我同男朋友都鍾意！.如果鍾意我嘅post (˶ˊᵕˋ˵)希望你可以follow我 @fibee3b

作為一個(偽)資深米線人, 又係時間去試下米線店啦。剛好有事情去左銅鑼灣附近, 本來想入去Donki行下, 但係天氣已晚又餓餓地, 加上落大雨, 即刻係附近搵食先。呢間米線陣係其他區見過好幾次, 一直未有機會試試佢, 有少少熱氣唔想食西餐, 一於食米線。呢間店可以用App落單, 都幾方便, 不過選擇相對少, 起比其他米線店明顯少D餸可以揀。不過! 佢竟然有2人餐, 計落都都幾抵食, 2碗米線, 每碗2個餸, 1個小食, 1個菜, 再加2杯飲品。小食揀左豬軟骨, 非常出色, 肉好軟身唔難咬, 骨都可以食哂。主角米線同D餸正常發揮, 對我黎講反而湯底係相對重要, 幾欣賞佢蕃茄湯可以加辣。平時食米線既地方多數衛生比較差, 呢度都幾乾淨。埋單時候先發現原來wechat有優惠券, 可以拎3隻雞翼, 姐姐幫我地加$1轉外賣, 又食又拎, 雞翼小小辣幾香口, 最緊要唔洗錢,

平日去米綫陣一般都係食晏時間，要排隊，今日下午茶時間不用排隊。雖然係下午茶，但都有好多選擇。本來想試下佢嘅麻辣豬膶牛肉湯米線，但是日售罄，於是，揀了鮮炸豬扒清湯米線，44元包熱飲一杯，我選配熱鴛鴦; 另加兩元轉四川麻辣湯底，埋單46元，不收加一。米線大碗足料，上桌時熱騰騰，配料有 腐皮一件，還有芽菜香菜等，米線夠淋好味，豬扒大件鬆化，味度偏鹹但都好味，杯熱鴛鴦是奶茶和即磨咖啡混合(冇錯係即磨咖啡），相當不錯。

米線陣作為米線餐廳真係超級好食👍🏻好似同大家分享過呢間隨處可見嘅米線餐廳！佢嘅擔擔面湯底真係超級無敵正！軟稔勁入味嘅黑醋豬軟骨同埋超fresh青瓜豆漿都非常值得一試😋-▪️大汗豬排擔擔米線$47佢嘅擔擔面湯底有少少辣味🌶️伴隨超級多嘅肉碎、花生🥜超級濃郁嘅湯底完美掛米線！另外仲會配備少少芫荽同埋榨菜👍🏻大汗豬排炸到好香口酥脆、外面會沾滿海量嘅辣椒粉，辣度誘人！每次食呢個擔擔湯底嘅米線嘅時候都忍唔住飲晒成碗湯🥣

銅鑼灣行到攰 本身想去大家樂打個邊爐暖一暖身點知原來邊爐勁快就賣哂.... 想食啲暖笠笠既野 咁就唯有轉向隔離既米線陣啦左揀右揀 最後叫左個二人餐因為二人餐最抵食可以叫兩碗兩餸 再加一份小食 一碟菜 兩杯熱飲一碗叫左肥牛 牛肚米線另一碗係豬潤 豬大腸米線每碗都有啲芫茜 腐皮 芽菜襯托米線份量都幾多 口水雞既汁好好味 嫌個湯唔夠味既可以撈哂啲口水雞醬 甜甜地辣辣地口水雞既花生分開左放 唔會比啲醬浸到淋左 仲係脆卜卜👍🏻生菜油份岩岩好 保持到蔬菜既鮮綠色 又唔會油到反哂光咁兩個女仔食呢個餐可以食到勁飽

去米缐陣食早餐記得早餐時間係七點半開始，千祈唔好早咗去平時都係食番茄牛肉米或者鮑魚絲通粉D大路嘢今日試吓＞>炸魚柳煎太陽蛋配多士（多士要加1蚊丶會搽埋牛油比你丶如果歺包就自己搽牛油丶其實都唔明點解🤣🤣🤣)會比叫其他早餐等耐少少，可能十分鈡⋯⋯因為今日係星期六，同埋我仲要係第一個客所以過程好顺利重點係佢煎魚柳超大塊，又靚，仲熱辣辣添*** 見圖

今日想食米線就同朋友去咗米線陣，貪佢嗰度有多款選擇，有二人餐、 下午茶等等……，我哋就選咗二人餐覺得佢都幾食豐富。 [  ] 二人套餐＄148[  ] 不過不失嘅沙嗲湯底 ，好有咬感嘅豬肉丸😋， 鹵水雞翼 入味😋。[  ] 麻辣湯底小辣都好夠辣， 牛展都唔會太硬。1

鍾意食辣一定要試下😍擔擔湯微辣鹹香，加入自家豬骨湯，肉燥、榨菜同花生碎，湯底超香濃！🌶可轉晶瑩紅薯粉香辣咬口，風琴豆腐串鬆軟索味好中意🤩大汗豬扒厚切酥脆，麻辣椒香更野味🥰鹽酥雞蒜香十足，加配鮮蝦雲吞超足料❤黑醋豬軟骨糖醋酸甜，青瓜豆漿加入新鮮青瓜碎，口感清新驚喜唔太伏🤪擔擔湯底比想像驚喜好味，濃濃花生&芝麻醬味🥜而且微辣超開胃！first try the new and surprising menu

陪人儍、去追星，等咗兩個鐘追完已是TEA TIME時間，行去附近睇睇，見米線啱食，所以去呢度醫肚....等緊期間諗定食乜....好多選擇，好似食下午茶抵D，原本諗住食豬扒，不過都係清清地食魚蛋魚腐清湯米線+奶茶(C餐)，姪女食韭菜肥牛重慶酸辣薯粉(佢堅..食咁辣)....我試左佢D芫茜、花生，都辣....不過味道惹味....我果碗魚蛋魚腐都吾錯，味道正常...米線吾會太腍...不過杯奶茶送到嚟，覺得係咪倒瀉左D，個杯有點污糟---奶茶漬....呢度都係用QR CODE落單，但姪女話冇得揀"走芫茜"、"走花生"，呢點有D吾夠完善....

已經好耐冇去米線陣啦！有少少掛住佢！咁啱下午茶時間，又去食吓先！2:30左右去到，已經見到好多人響門口等緊位啦⋯⋯所以我都等咗15分鐘左右先有位，我叫咗個肥牛酸辣薯粉，仲有一杯免費熱飲，另外一個就係大汗豬扒擔擔麵！加配飲品就加$9⋯⋯酸辣粉我都第一次叫，我覺得有啲辣！不過今日天氣啱啱轉涼，食完即刻暖笠笠！另外個豬扒我自己就覺得幾好食，豬扒有口感得嚟又唔會乾憎憎，硬柴柴，而且加埋辣椒粉好好味，好香口！而且銅鑼灣區嚟講，真係算幾抵食👍🏻

平時無論午餐定係夜晚好多人嚟食，價錢又抵又大份，佢嘅蕃茄湯底真係好好味，配料種類又多😍✨，蕃茄湯底真係感覺好健康吖，想食返啲清清地嘅嘢就可以選擇呢一間✨✨，lunch要早小小搵位食飯✨。

國慶長假期銅鑼灣特別多人，天氣又熱🥵見又到食tea時間🕒，就求其去搵間米線陣食，貪佢有下午茶餐。去到等咗10分鐘就有位⏲，兩個人叫咗一個沙嗲牛肉米線同埋一個西多🍞加雞翼🐓。價錢雖然平，但味道就真係好一般。首先，沙嗲牛肉米線份量好少。入面個豆腐充滿雪味，牛肉亦唔入味，湯底亦偏淡，同menu入面張相有較大出入😞。至於西多加雞翼，西多就大家樂西多但有少少放耐咗。大汗雞翼就辣味太重，蓋過所有香味😔。其實我仲記得好耐之前食過呢間，個味道係拍得住譚仔。但係依加味道差咗，價錢加咗，真係下次食譚仔算。😩😩