米線陣 (翡翠明珠廣場)

Open Now

Now Closed

米線陣係集團識經營,係銅鑼灣區一個2人餐都算抵食選擇唔多食物一種食物2種食法,只係原味同辣蒜泥白肉-腩肉夠簿唔會覺得肥膩,蒜泥夠多又新鮮,紅油剛剛好啦太搶喉口水雞-花生碎夠多夠香,麻辣醬夠麻食到麻痺好過隱,雞夠滑但分量真細小豬軟骨酸辣米線-豬軟骨又小又鞋又硬未炆夠,米線小得很湯底好寡口雲吞麻辣紅薯粉-雲吞得3粒細到似粒蒜頭,好彩湯底好味連紅薯粉食搶分上湯浸菜菇-上湯冇味,菇都算多總結:銅鑼灣食2人餐百七蚊原本都算ol,可惜食物分量好小,但都俾人可以食多幾種,青瓜豆漿好新穎但唔係個個接受到

勁快比我食哂一碗雞脾肉番茄湯烏東，果然係皇牌，食左10次有多都仲味道保持咁好，當然唔少得青瓜豆將啦！ 反而老婆個麻辣番茄湯我食唔慣 佢鐘意，我唔鐘意。今日大滿足晚餐

比米線賣相吸引左入去 佢鋪位嘅間隔幾好咁 我坐嗰個位係一條巷仔咁樣 同對面食客夾咗條路仔但係果幾個位自成一角 夠私人 今次叫咗豬扒米線同埋番茄牛肉米線豬扒米線可以叫職員將個辣醬分開上 湯底有少少花生味 米色咁樣好特別 如果撈埋辣醬又係另一種未至於個番茄牛肉米線酸酸辣辣 好正好過癮 嗰舊魚肉有好友鮮味 牛肉都幾多 四十幾蚊好抵食飲品就叫咗個青瓜豆漿 只有凍 不過有幾好味同埋好多青瓜粒票票下夠晒足料 浸青瓜味好清新好Flash 食完辣野之後飲一流呀奶茶就普普通通但係有茶味有拉美絕對唔係茶包奶茶

今日去銅鑼灣睇戲，睇戲前梗係要醫下肚，見到戲院隔離開咗個food court，咁方便就黎呢度搵食啦，最後揀咗米線陣。套餐包一碗麵，一個小食及飲品，由於小食唔太吸引，所以我地只係叫咗一個餐，另一碗麵就分開叫。小食揀咗涼拌三絲粉皮，三絲分別係雞絲，火腿絲及青瓜絲，將麻醬撈埋粉皮一齊食，味道唔錯，但略嫌麻醬份量唔夠多，令部份粉皮得好少醬，而火腿絲亦有點格格不入，可能轉返普通雞絲粉皮會好啲。另外我地都叫咗一份麻辣雲吞，雲吞一碟有五隻，餡料嘅蝦都幾爽口，淋上麻辣醬後相當惹味。套餐揀咗濃茄雞脾肉蟹棒轉薯粉，份量都幾大碗，薯粉吸咗濃濃嘅蕃茄湯後好開胃，配料雞脾肉都算多，但可惜蟹棒得一條，建議可以加多少少，而其他配料有油炸鬼及冬菇，油炸鬼吸晒湯後好好味。另一碗我地揀左蘿蔔手打豬肉丸米線，再加4蚊轉擔擔湯底，擔擔湯味道相當鮮甜，手打豬肉丸唔會太韌，而蘿蔔亦清甜無渣。總括黎講，呢度嘅米線都幾多選擇，可以揀好多款唔同湯底，都算係普通雲南米線之外嘅一個選擇。

是日一條冷晚餐，去了銅鑼灣翡翠明珠廣場Food court Festiva 入面的米線陣，點了個皇牌套餐$78好豐富呀！濃茄雞脾肉蟹棒米線：無數蕃茄、四件雞肉、一條蟹棒、一粒冬菇，最驚喜入面有兩件油炸鬼，吸光了濃茄湯底味！而湯底本身除了有蕃茄外，還有莞茜和腐竹，誠意之作般的湯底，完全被米線吸光香味👍🏻👍🏻👍🏻涼拌三絲粉皮：粉皮比平時其他店吃到的厚身彈口，而且有好多青瓜絲、雞肉絲和火腿，加上不能或缺的白芝麻及麻醬，正呀喂😋😋😋豆漿：不會死甜，早知試試個青瓜豆漿啦！

睇戲前去食飯先，因為只有45分鐘，在戲院商場搵食，呢個商場剛裝修完，啲餐廳剛剛開張，其中兩間仲試業中未開門，呢間已開門，門口放咗餐牌，粉麵類食物，仲有個店員在門口介紹，入內幾爆場，我們坐2人枱，店內光鮮，米色主色！桌椅幾密！基本上我成餐飯都聽住旁邊食客傾談！食物選擇多，套餐配小食，飲品選擇都多！落單後好快到齊，所以仲睇得切戲有餘下午茶餐：清湯迷你菜肉餃銀針粉（$29）細細碗，菜肉餃子精緻，皮滑餡料菜多清爽，銀針粉飽滿彈牙！湯底清清地！好味大汗吉列蘿蔔榚：炸蘿蔔榚，炸皮唔厚，幾酥脆，蘿蔔榚足料，真係食到成條蘿蔔絲！有幾粒臘味粒！好味！香酥豬頸肉：豬頸肉條，醃料味道好似零食美味米嘅味道，乾身有咬口！灑上避風港辣椒乾微辣！好好味！熱檸水：肥髀飲鮮茄雞髀肉蟹棒稻庭烏冬（$78）賣相靚，鮮茄湯唔算濃，係蕃茄清湯！雞髀肉唔嚡！有肉汁彈牙！鮮冬菇索湯嫩滑！烏冬扁身彈牙！好味！涼拌三絲粉皮：賣相唔錯！不過粉皮太厚又嚡，雖然花生醬醬汁、加上青瓜絲火腿絲唔錯！不過粉皮唔得就失敗！青瓜豆漿：外賣杯上！豆漿加入大量青瓜蓉！味道同豆漿好夾！唔太甜清爽好味！食物幾好！店員有禮斯文，雖然有個女仔唔熟餐廳套餐，有啲位

本身中意食粉麵類多過飯 所以經常幫襯米線陣🙈每次食米線陣 一定會order呢個set😎忠實粉絲是也🙋🏻 連同事們都跟住我嗌大汗豬扒🙈大汗豬扒擔擔米線 $43個名好fun 辣到你流大汗甘解🤔豬扒厚切 炸粉夠薄 調味夠香不過唔算好辣加左風沙底襯托 口感昇華左👍🏻不過食得多都怕熱氣 可以加配杯青瓜豆漿 排下毒🙈平時通常都係擔擔麵多擔擔米線掛湯能力都唔弱架 花生醬發好濃味🥜有少少辣 好開胃呀🤤份量唔少野 男孩們都夠飽呀👍🏻

喺Facebook都見過米線陣嘅廣告，都有啲興趣，咁啱見到呢間新開，就嚟會一會佢啦一入到去，地方都唔細，好多人喺度食，不過唔使等位⋯員工安排我哋入座，餐牌就放喺枱底，嘢食款式都唔少，不過最主要都係面食再加餸，車仔面既玩法，不過都有少量套餐，但係計過又唔係太抵食，所以決定散叫⋯叫咗一個雞肉蟹柳番茄湯到庭烏冬，不過落單時員工告知到庭烏冬賣晒本來想食到庭烏冬的說，唯有轉米線，蟹柳非常罕有，只有一小條，雞肉普通，番茄湯都算濃郁⋯另外叫咗個大汗豬扒米線， 豬扒係加左啲口水雞既醬汁，可以話特別又可以話古怪，米線口感同譚仔好似呢度嘅嘢飲都好新鮮，創意值得一讚，叫咗一杯芒果鐵觀音，清新得來大有陣陣芒果香，呢個組合唔錯

去到週未,放工的節目就係睇戲,入場前想依飽個肚,幸好戲院旁也有幾間餐廳,想了一想,決定食米線最為方便和飽肚。來一碗熱辣辣的麻辣蕃茄肥牛魚腐米線。幸好不用等太久,就馬上有得食,食下去有少少辣味,味道並不會覺得太重,適合我不算食得辣的人。加上蕃茄湯底也鮮甜,配上都幾大件的魚腐,還有幾件肥牛,份量都算多。最緊要米線份量都唔會少,所以食完一碗後,唔駛驚睇戲中途肚餓。岩晒我呢D 趕時間,又想飽肚的人的要求。

去CWB 睇戲順便等朋友，以前嘅JP 重新成為電影院，至於餐廳改動比較大。outback 仲健在，其他就變咗好多。米線陣係其中一間價格相宜的餐廳＄40至＄50已經有一大碗，月尾等出糧，窮窮地都係食返啲平嘢好啲。叫咗個番茄湯肥牛魚腐米線，分量大到兩個人食都得，肥牛質素OK，魚腐真係好食不過好肥。湯底濃郁，味道唔會太搶。呢個份量令我諗起屋企附近一間新開嘅米線，呢個價錢只係食到米線陣嘅三份一份量，米線嘅份量係正常多啲，如果細食嘅話兩個女仔食一碗啱啱好。估唔到開張兩三日已經咁多人，都係嘅個個都食二三百一個晚餐，你估個個都想食二三百一個晚餐咩。月尾簡簡單單就好啦。。簡單得嚟好食，你估好易咩

銅鑼灣翡翠明珠商場重新開幕，又系被大集團食肆佔領。貪方便，今天就去了此家吃個下午茶。點了：1. 茄肉丸獅子狗米缐標準茄膏湯低，得過酸甜。肉丸可以，夠滑又有點咬口，獅子狗就沒有魚香, 芽菜就只有幾條，腐皮一小塊，少得可憐。2. 鮮菇菌碎牛腩米缐湯底飲吾倒系乜。只有點金針菇。反而牛腩雖然切碎上, 仍能食倒點鹵水味。這些大集團經營，大部分食材都是從中央廚房做好，回店只是加熱就食得。沒有吃到廚師的真正手藝和個人風格, 嘗不到新鮮食材，就是快餐。

銅鑼灣平價新選擇@米缐陣 銅鑼灣SOGO那一帶基本上是沒有便宜的食物，如果想又坐得舒適又食食得飽仲要平就是難上加難! 亂打亂撞下走到百德新街翡翠明珠廣場那邊，即是以前戲院那邊，原來開了一個叫FESTVIA的大FOOD COURT 入面有好多間食店，大眾化的有大家樂，Zakka Cafe、米缐陣，貴一點的有意粉屋，丼丼亭，上海姥姥。。。 入面有些餐廳是自助形式，有些是有人SERVE的， 可能新開的關係，來食飯的人不萛好多，空間感十足 一個人食飯，食米缐就最岩食!米缐陣是我平時經常會去的一間，銅鑼灣終於開了分店了，實在太好啦!! 我點了一份麻辣番茄肥牛魚腐米線 $46 ，份量非常之多 湯底令人驚喜!麻辣和番茄味道非常之合拍，麻辣是偏淡我覺得完全不辣，反而這樣沒有搶走番茄的鮮味，而且還帶點淡淡的莞茜味道。料也非常足，魚腐都有4大片，肥牛也是大把大把的 米缐口感不腍不硬有彈性，米缐份量也很大方，感覺食極都食唔完，細食的來食記得要少米缐。

麻辣蕃茄肥牛魚腐米線（$46）大家唔好俾成碗紅色湯底驚親😏紅色係蕃茄🍅尼嘅，真•蕃•茄，大家可以自己叫辣度🔥草根緊係揀食BB辣啦（應該係譚仔5小辣🤔），老實講麻多過辣🔥😙米線份量都幾多，麵質唔會好腍👍仲有肥牛🐮同魚腐😋似係另一版本嘅譚仔✌

若非朋友介紹，吾知呢度多了個美食廣場，揾個入口揾左好耐，原來在百德新街及記利左治街交界有扶手電梯。(google上顯示在超市後面，搵極都吾見)揀了米缐陣坐下，未試過呢間。叫了個大汗擔擔米線，估吾到擔擔除了麵，還有米線。上到枱，未食已經聞到香濃麻醬湯底味，擔擔米線，保留有米缐爽滑，比麵的疵牙，更令人想食多啖。雖然叫大汗米缐，只是微辣，食完—Ｄ沒有大汗。香炸豬扒另分碟上，擺耐左仍然脆口。米缐陣全港有多間分店，可以再去

天氣熱胃口麻麻好多時都會想搵番少少刺激信義妹係辣妹就更加離不開辣見到米線陣有辣食就成為不二之選睇咗一陣係麻辣蕃茄肥牛魚腐米線同大汗豬扒擔擔米線之間淨扎究竟邊個會辣啲呢?究竟邊味會令信義妹吃得痛快呢?爭扎下豬扒打羸肥牛點了大汗豬扒擔擔米線大汗豬扒擔擔米線 $43來到先被麻醬香迷住了再被辣油香氣吸引有香氣濃烈既莞茜蓋面莞茜控一定開心到不得了湯比想像之中稠但就因為稠所以能令到每一條米線都能掛上醬汁令到米線味道不會淡而無味湯底除麻醬還帶有陣陣鮮甜米線軟硬度適中 豬扒酥軟除了面的辣粉仲有一大片辣油鋪底辣油仲有脆粒夾埋一齊食，口感有多種層次變化豬扒酥軟，脆粒香口辣味亦有不同既層次由辣油既香再去到辣粉既刺激辛辣不過對信義妹來講就可以再辣多點啦 愛辣的人不妨一試同場見到有客人食到大汗加細汗原來大汗豬扒既名係咁來既~~ 下次試埋麻辣蕃茄肥牛魚腐米線先~地址: 銅鑼灣百德新街22-36號翡翠明珠廣場1樓5A及5C號舖