宮葉 パフェ (Closed)

滂沱大雨嘅晚上，我和朋友在街上正在煩惱晚餐的地點，突然看到櫥窗的一張甜品照片便決定一試。 餐廳的裝修簡潔明亮，以木為主嘅裝修給人一種舒適嘅感覺，不過正所謂醉翁之意不在酒，隨意點選了一個日式鰻魚飯作正餐。心中只想盡快把它完成，期待飯後的甜品。照燒鰻魚炸蝦丼$52這個饅魚飯只是僅僅合格，賣相並不特別吸引。四方形的碟上每個角落分別擺放了幾片鰻魚，流心蛋和兩隻炸蝦。鰻魚比較一般食店的薄身，幾片孤獨地平鋪在碟上，味道沒有太大的驚喜，和想像中沒有太大落差。吉列蝦啲size偏小，粉漿也有點厚，可幸的是流心蛋的時間掌握得不錯。全晚最期待的甜品到了，果然賣相討好，非常吸睛。日式精選抹茶芭菲$50喜歡綠茶的絕對不能錯過店內的主打甜品<•日式精選抹茶芭菲•>。這個芭菲杯層次分明，賣相討好。大概由十樣材料組成，用料十分豐富，剛好把胃部所有空間填滿，非常飽肚。芭菲主要由京都抹茶軟雪糕組成，圍著雪糕是一串三色小丸子，旁邊是沾滿抹茶粉的蕨餅，軟硬適中，還有軟糯彈牙的白玉，味道剛好，再加上口感綿密鬆軟的綠茶蛋糕，中層有新鮮火龍果粒，煮得軟稔的紅豆加上綠茶蒟蒻襯底，焦糖脆脆和脆米通也為芭菲增添上不同的口

小胖女今日收到風,話之前係太子食過既宮葉係觀塘開左分店,我地立即動身去回味返佢既抵食芭菲黎到既時候無咩人,一去就有位坐,小胖女就立即order左上次既咖哩吉列豬扒飯小弟就決定試新野,叫左個地獄湯叉燒拉麵,餐廳上餐速度極快,先黎都係小胖女既吉列豬,水準同太子一樣高,份量夠,帶甜辣既日式咖哩配埋脆卜卜既豬扒同飯食,好快就掃清碟飯至於小弟個碗拉麵確有驚喜,黎到淨係見到紅卜卜既湯,飲一啖湯試下啦,又唔算好辣,味道適中,麵底同叉燒都可以接受,食飽主食梗係要食埋佢地最抵食既甜品啦,叫左一個士多啤梨乳酪芭菲同抹茶窩夫,士多啤梨芭菲係成杯都有乳酪上既士多啤梨,食到底仲有好蜜糖脆粒同蜜瓜,可以幫助消化,至於綠茶窩夫無論賣相,味道同價錢真係無得輸小胖女一陣就食哂(佢係綠茶控)成餐飯食咁多野200蚊搞掂真係抵到爛

最近同朋友去食甜品，有一間睇落幾抵食，不如就試一試佢。 裏面裝修幾靚，非常企理。  寒天綠茶奶凍$38 令人諗翻起之前去日本玩，有一啲類似糯米糍嘅嘢，好有咬口。甜甜地非常吸引。而且呢個有三種顏色，雖然味道相似但係影相同埋就咁睇都好靚嘅！隔離嘅拉動表面就有紅豆，整到好林同埋已經好甜，最低嗰層原來係寒天，好似大菜糕咁，冇咩味小清新。 士多啤梨雲呢拿雪糕芭菲＄48 呢個就最得意，雖然只係＄48 ,上面有一隻整到熊貓咁嘅雪糕，要來打卡就最啱。 雲呢拿雪糕質素唔差，裏面仲有好多士多啤梨同埋芒果忌廉等等，下面仲有啲好爽口一粒粒嘅嘢，配搭豐富值得一試。

自己行經牛頭角與官塘交介, 無意之中被一間日系餐廳吸引, 坐位大多數是卡位, 我相信都坐得非常舒服. 入去坐定定食個lunch 啊!以拉麵及咖喱飯及日式甜品做買點, 可能時間還早, 不是太多人. 可一人獨霸一個卡位.我點了個関西風豚肉豚骨湯麵($52) ,因為我不食得筍所以走左去.佢湯底濃厚, 有三片叉燒再加木耳紫菜, 流心蛋是十分出色.真的是流出來, 我十分興奮.再叫水牛城雞翼($40) 雖然份量不多但勝在皮脆入味, 辣辣地好滋味, 好的食物真的少少地已經回味無窮.睇到甜品好吸引,可惜我得一個肚.下次再光顧.

我係個好鍾意食拉麵嘅人，我朋友更唔例外，所以今日我就同佢一齊食拉麵。 入到去即刻有位，員工服務態度都唔錯。 我地點咗個日本海鮮拉麵同日本牛肉拉麵，大約等咗十幾分鐘就嚟。 首先，講日本海鮮拉麵，海鮮包括有八爪魚、海苔、青口、蝦、金菇等等，加埋拉麵。 八爪魚肉質好嫩滑，口感爽脆，略带甜味。 海苔雖然有少少浸咗落湯，但依然係好香，脆脆的。 青口肉質一樣的嫩滑，味道鮮甜而且仲有好大陣清新嘅海洋味，肉質肥厚。 蝦味道都幾有水準，鮮度十足，沒有苦澀感，用料新鮮十足。 湯底亦十分濃郁。 另外，講日本牛肉拉麵，入面有牛肉，雞蛋同拉麵。 牛肉油脂豐腴，肉厚味鮮，肉韌但牛味十足，十分美味， 雞蛋亦是全熟，非常的熱，美味極了，湯底比較上多油。 拉麵很彈牙，而這隻是偏幼身的，長度也較長。 價錢也合理，整體來說是不錯的。

上網見佢唔算貴又唔駛加一就試下两個人叫咗两個餐一個甜品叫咗豬軟骨拉麵 豬腳骨淋味道唔差 同平時出面食嘅拉麵差不多 仲有海老茶漬飯 好失望 個底都唔係茶黎嘅 好似係湯底咁水又少 撈完變咗燴飯咁 仲要淡味 食到尾要用拉麵嘅湯撈黎食 呢两個餐唔包嘢飲/湯 朋友加咗個麵豉湯$8一個 覺得咸咗少少 唔太抵甜品份量都大份 两個人share 一個都勁飽 但食到底覺得紅豆蓉甜咗d 食物講真唔駛加一咁嘅價錢算係咁 重點係環境都唔差 靚又唔會趕人走 可以慢慢食吹下

泉哥平平哋去食拉麵，老婆就去食冷麵。兩個一齊食，加多支波子汽水，都係每人＄60 ,以而家嘅物價水平來講平到笑。蕎麥冷麵＄60同日本嗰啲唔同，呢種冷麵有好多材料，包括帆立貝和蝦肉嘅肉類，調味做得唔錯；當然仲有蘿蔔同埋青瓜等等嘅配料。面嘅質地唔算太有彈性，因為表面加左啲胡麻醬，符合港人口味。本身已經有味道，所以我覺得冷麵汁變得可有可無。關西叉燒拉麵＄52拉麵幾驚喜！拉麵湯底係豬骨湯，成本都唔平，雖然未至於係拉麵專門店嘅質素，但係好過好多公仔麵同埋拉麵湯底架啦。仲有好多材料，好有鹹香嘅紫菜、筍、蔥花等等，有幾塊叉燒尚算入味，肥瘦適中。拉麵就普普通通，質素平平，不過不失。波子汽水加＄8波子汽水單叫好貴，但係如果食主菜只需要加＄8就可以飲，有幾種口味，我就揀咗綠茶味，好濃郁嘅綠茶味，勁似飲緊綠茶，好有趣值得一試！

餐廳麻雀雖小，五臟俱全，以木制傢私爲主，簡單舒服。炸豬扒親子丼飯個飯送一碗麵豉湯，味道都唔錯。岩岩一睇個飯以為師傅唔見得左放豬扒，原來個豬扒放左係滑蛋既底，麵衣仲脆脆地，豬扒都幾好食。個滑蛋好多，除左有蛋既味道外，更有湯汁既味道，好香甜。滑蛋都好嫩滑，口感不錯，同珍珠米好夾。菠蘿奇異果乳酪芭菲好想食水果所以就叫左一個蛋水果既甜品，菠蘿同奇異果都係新鮮既，好多水份亦都夠甜。乳酪係綠茶味，味道幾好，最底既係芒果蓉爆爆珠，芒果蓉好濃好甜，爆爆珠係口中爆開加埋芒果味好正。

星期六游水前想近近地同朋友食個lunch。係雲雲嘅茶餐廳內搵到一間日系的小型餐廳。大部份以香港人之愛卡位設計，坐得非常舒服😍餐牌主食簡單拉麵、冷麵、咖喱定食為主。餐加五元可飲汽水、茶、柚子蜜。加八元可飲波子汽水。和風豚肉日式豬扒拉麵（$54），非常多料，有筍、云耳、流心蛋，配合豬骨湯湯底非常可口，吉列豬扒炸到好香脆，但要趁熱食。這簡單一餐我已非常滿足。佢個流心蛋做得不錯，香港好多地方都做不到流心狀態。最後order 水牛雞翼（$40），原來係辣喎，不過辣辣地又幾得意。全隻雞翼炸到金黃色。雖然份量小小地，但少食多滋味😋因為要游水關係不可以食甘飽肚，我見到餐廳甜品餐牌好吸引，下次經過我一定要試試😋

前幾晚同男朋友收工之後，喺觀塘附近食飯，見到呢間新開嘅日本嘢價錢唔貴，就入去試下。舖頭唔大，人客唔多， 我哋都係抱住一試嘅心態入去，男朋友叫咗牛肉親子丼，我叫咗叉燒拉麵配地獄湯底。唔明點解叫親子，因為佢其實只係一個滑蛋牛肉飯，但係飯上面嘅滑蛋好厚好滑，好香蛋味，唔會煮到過熟，啲蛋滑捋捋之餘，仲有啲蛋汁包住啲飯， 好欣賞佢嘅飯真係用珍珠米去煮，我食唔出係日本珍珠米定台灣珍珠米，但好肯定唔係俾普通飯。至於牛肉既質素同吉x家日式快餐店好相似，不過牛肉汁嘅質素比較高，牛肉味都幾濃。呢個飯40幾蚊算幾抵，淨係上面厚厚嘅滑蛋都已經值回票價。至於叉燒湯麵，我最欣賞係佢嘅地獄湯底，因為碗拉麵一擺上枱，已經好大陣辣味攻入我的鼻。 一路食真係一路流汗，因為坊間好多日本拉麵嘅所謂地獄湯底，完全唔辣，淨係得個顏色，但係呢間嘅辣味真係交足貨。講真呢度五十幾蚊嘅拉麵，質素當然唔可以同出面百幾蚊嘅拉麵相提並論，但係至少佢嘅麵質都唔錯，好彈牙又索湯，只係叉燒比較一般。其實我哋仲叫咗焦糖布甸芭菲，呢個真係好好食， 講真，其實佢嘅材料其實都只係入貨買返嚟，淨係得個焦糖布甸係自己整，但係佢嘅水果 幾甜，每一層嘅用料配搭份量

七點零晚飯時間行過牛頭角道，大把食肆比你揀，上次响宜安街試過一間拉麵，係幾好味嘅，不過貴咗啲。今日行過“宮葉”，揭吓個餐牌，嘩！平一截，仲要又有飯又有甜品咁，就決定試試。一入就有個卡位，立即坐低，叫咗一個吉列豬扒拉麵同一個豬軟骨拉麵，加多個水牛城串燒雞翼。望吓餐牌：罐裝可樂$20😲，但隔離有芒果汁/橙汁/奇異果汁，寫明“Fresh squeezed ”，仲要只係$25，無理由唔叫啦。(後尾先知拉麵加汽水淨係加$5咋🤣)。

係間日本野食左好味既晚飯。星期五永遠都揀啱野食。開心既。叫左個日式咖哩雞扒丼。雞扒好大塊。成個丼原來份量都好多。食左啖飯，係日本珍珠米，果陣香味一食就諗起係東京食飯既味道。好香甜飯。日式咖喱不算太辣，易入口。雞扒煎得皮脆肉順滑，好有水份既雞扒。食完已經好飽。但見到甜品咁靚，唔會唔叫甜品呀嘛。叫左個士多啤梨乳酪芭菲。見到個圖已經流口水，甜品上黎既樣同圖一樣，好靚。有好多士多啤梨。有幾個士多啤梨係有白朱古力。好甜，好好味。乳酪味雪糕同士多啤梨真係絕配，加埋下邊既脆脆米通同士多啤梨乾，成個口感又酸又甜，食好多都唔飽。好幸福。呢杯野真係好味，下次一定會再叫。今日做左個完美選擇，星期五夜晚放鬆下，食下好西，好味！

常在觀塘地鐵站及工廠區一帶出沒，晚飯想找點新意，於是走到牛頭角道覓食。這晚決定吃日本菜，選了>>>宮葉 パフェ<<<。餐廳空間不算太大，但也不局促，可以接受的。 餐牌最神奇之處在於甜品選項遠比主餐多，所以在點餐之前，冰已下定決心，要給甜品留個空間。 主食選擇了吉列豬扒親子丼配麵豉湯(HKD50)。白飯適量，相當夠飽。吉列豬扒則有待改善，炸得甚為乾身，雖然已與滑蛋混合，但還是欠缺質感。麵豉湯勝在豆腐與海苔俱多。 吃過正餐，再來甜品，這是一客脆皮泡芙雪糕夾心(HKD46)。 脆皮泡芙內外皆脆，內脆外更脆；配以三色雪糕，是個美味的對比。三色雪糕帶著乳酪香味，加上朱古力粒粒的口感，教人愛不惜手。也許大廚更善於調制甜品，才令dessert menu比主餐牌更為豐富。 有機會還要再來試一下其他甜品喲。

今日同幾位朋友去睇戲，事前就喺附近搵嘢食，路過宮葉，見到Menu上價錢好抵，就二話不說衝左入去。吉列豬扒親子丼（配麵豉湯）$50 估唔到豬扒非常厚身，滑蛋也絕無欺場，十分滑溜，仲附送面豉湯，大胃王都一定夠飽！海老茶漬飯＄46賣相非常吸引，配料有三隻大蝦，肉質爽滑。飯粒久浸不爛，綠茶帶香，非常清新可喜。照燒Q版魷魚$40一口一隻，木魚味香，而帶嚼勁，是一款挺滋味的小食。香橙西柚乳酪芭菲$48大大杯， 水果新鮮而多汁，呢個價錢真係好抵食。和風特選 京都宇治抹茶咖啡$50呢款絕對係是日推介，不單賣相精美，而且抹茶味突出，配料配搭得宜，綠茶迷必點！芒果拿破崙＄46拿破崙都有驚喜，鮮牛油酥皮夠鬆脆，中間夾着細滑綿密嘅吉士醬，層次豐富，甜度適中，令人十分滿足。總括而言，呢度嘅定價親民，樣樣都係4、50蚊，食物又有質素，絕對有下次！

今日去牛頭角拎d嘢比個朋友，順便一齊食飯，我哋揀咗呢間餐廳，因為係門口見個menu嘅甜品好吸引，見到已經流晒口水！我叫咗一個吉列豬扒親子丼配麵豉湯，只是$50，加$5有一罐汽水，吉列豬扒脆卜卜，咬落去肉質幼嫩，配上滑蛋蛋汁，真係好好味！海老茶漬飯（$46)，飯有淡淡的茶香味，味道不是太濃，入口感覺唔錯。最後就叫咗吸引我哋入黎嘅香橙西柚乳酪芭菲（$48），好大杯，我哋2個人食啱啱好，有一半係抹茶雪糕，另一半係乳酪，同雪糕好夾，生果好新鮮，值得推介！呢間餐廳的定食價錢好親民，甜品又好味，值得推介