宮葉 パフェ (Closed)

中午落樓搵飯食 見到平時好有人氣既店無乜人排隊 咁就入去試一試 我叫左吉列豬扒拉麵叫左佢地熱賣既水果茶價錢都唔平架 碗拉麵🍜製作時間好長 等左好一陣子先食到 見到個吉列豬係賣相好 炸粉有d厚 豬扒有d乾 個拉麵係...有d失望 差過日本杯面 個感覺似出前一丁舊面加闊版 同個湯底好清淡😢 究竟食緊咩 食完個麵 我杯野都仲未到 等等等等等等 真係有小小後悔入左黎坐底左 我都有問一問杯野情況 但職員話 整緊啦 幾唔好禮貌 我都唔夠膽再追問 我見職員都唔係好忙 佢地兩三個圍埋有傾有笑

上回提要，我剛剛在觀塘大型商場二樓的美食廣場裡面，食完價錢不昂貴，而且有不油膩的燒雞扒，以及有甜味醬油湯底的抵食日本拉麵之後，我仍然感到有點意猶未盡。於是我舉步離開商場，一路徒步經過「裕民坊」，最後走到「牛頭角道」附近一帶的地方，終於找到我的全晚最後目標地，日系食店「宮葉パフェ」。其實「宮葉パフェ」本來也有在太子開分店，但是當「宮葉パフェ」後來再嘗試在觀塘開了分店過後，太子分店的「宮葉パフェ」最後就選擇結業關門。究竟有關太子分店「宮葉パフェ」詳細結業原因是什麼，我就不敢妄作胡亂猜測了，畢竟我也只是第一次光顧「宮葉パフェ」而已，「宮葉パフェ」的食品味道還需要我親自去發掘。「宮葉パフェ」本身有一個很好的地方，就是同時有提供日本拉麵麵食，以及日本軟雪糕芭菲甜品的餐廳。「宮葉パフェ」這店名裡面的所謂「パフェ」，其實即是我平時都會食的「芭菲」英文拼音。不過「宮葉パフェ」選擇了，使用日文裡面的「平假名」，去演繹了「パフェ」這個日文，專門用來為一些，以英語讀音表達的東西作拼音，有別於一般的日文表達文字「片假名」。由於「宮葉パフェ」的餐牌裡面，實在有太多拉麵食品，還有大量雪糕芭菲甜品可供選擇，所以我在

作為觀塘返工一族, 午餐都幾喜歡走遠一點, 來這間日本餐廳, 飲一杯水果茶。雖然我試過它的拉面, 真的不太像日本拉面, 但它的丼, 還有水果茶都不錯。吉列豬扒丼 $52這個丼連一個面豉湯, $52, 份量超大, 豬扒大大份, 配菜超多, 多到配完飯還有可以有餸剩下...而其實女仔來說, 食曬D餸都飽!吉列豬扒的味道其實不錯, 炸得够脆, 又够厚够口感。個炒蛋超多汁, 很送飯。洛神紅莓果茶  跟餐加$12其實午餐是不過不失, 扺食的日本丼, 但最想跟餐加$12, 來一個水果茶。它有不同款的水果茶, 試過都幾好, 勁大杯, 加$12, 很fresh, 還有可以食到新鮮水果, 飲唔曬可以帶走, 返公司慢慢飲。這個便是我喜歡來這裏午餐的很大原因。XD

收工嘅時候實在太餓喇… 地鐵又多人… 所以選擇行去牛頭角坐小巴返屋企，順便吓有咩食，去小巴站途中，經過牛頭角道裕民中心對面，發現有一間好熟悉嘅日式餐廳，原來之前 喺太子去過嘅食店，因為太子店已經結業， 之後就冇再刻意去搵其他分店嘞~ 直到依家經過先知道，原來觀塘都有分店嘅~今次係一個人嘅晚餐，見到店舖裏面都算係坐滿人，見到有張枱吉咗，所以就走入去試下嘞~ 入到去原來仲有樓上㗎~上次喺樂富試過茶漬飯，唔知呢到嘅茶漬飯又係點解呢？叫咗個海老茶漬飯，哈哈… 果然同張相嘅一樣喎，有3隻大蝦，除咗 Wasabi 片葉… 大蝦 啖啖肉都幾好味，個湯加埋飯素，味道都唔差~

🐹在觀塘跟牛頭角之間，有很多茶餐廳平民食堂跟鼠友在附近食晚飯，不想食一般茶餐廳又不想食貴價餐，這家有水果茶的宮葉是不錯選擇。之前中午來過食拉麵，覺得只是一般，還是選我們都喜歡的例牌的燒魚飯很快來了兩杯水果茶，套餐加12元就有，幾乎每個客人都會加。不過，實不相瞞，在這飲過四杯不同口味水果茶，暫時沒有一杯是🐹覺得好飲的櫻花蘋果茶，算是還可以的，攪拌後亦不會很甜，是很清新的。荔枝水果茶，較甜，沒有很重的假水果香精味。不過這裡的水果茶一般都是只會飲到茶味或香精味，沒有水果的感覺，茶味是淡淡的，似是一般茶加幾片水果。燒鯖魚來了，雖然外皮不脆是淋的，但味道還好，送飯食一流。不過，最好食還是元朗魚一的脆皮熱辣辣燒鯖魚燒三文魚飯等了很久很久，燒鯖魚飯已經食完，旁邊遲來的一枱拉面都食完，這個三文魚才到燒三文魚沒有燒鯖魚好食，不夠香脆，大大舊煎三文魚肉反而沒有在家食煎的三文魚骨好食。幸好，燒汁為這三文魚扳回一些分數。🐹：建議把雞蛋放左飯面上弄破，視感一流，這樣拌飯吃很不錯。另外，燒魚還是點鯖魚的好，秋刀魚太多骨吃起來不方便，三文魚亦是一般。“🐹同場加影”上次來飲過藍莓乳酪 & 蜜瓜水果茶，這兩杯簡直大伏。

有時lunch悶悶地想食啲特別野，我會揀宮葉。佢地賣好多種類既日式lunch set，例如親子丼，咖哩定食，吉列豬定食，拉面都有。一個set通常50蚊內，某啲會送味噌湯。而我今次嗌左咖喱吉豬飯，附送溫泉蛋一隻日式咖哩好味，不過吉豬就一般啦，皮厚多炸粉，咬落皮肉分離，溫泉蛋就正常，撈飯一流，咁既價唔可以要求咁多…黎到重點啦！食宮葉唔可以唔飲佢既水果茶，以前叫餐+8蚊左右就可以揀一杯水果茶飲，而家變返加原價，感覺冇咁抵。不過佢既水果茶茶底係玄米茶，飲落好香，而且水果多，啲果肉真係可以一舊舊咁畢出黎內，唔似其他鋪咁得幾粒仔果肉😗唔鐘意飲果茶既可以試下佢既藍莓乳酪特飲，好特別，偏甜，但女仔會鐘意

同朋友食完飯唔想咁早返屋企，路過見到有綠茶雪糕就入左嚟啦，但的確係有啲失望嘅，可能因為喺日本返嚟冇幾耐，所以對綠茶要求會高少少，略嫌呢度嘅雪糕綠茶味唔夠濃郁，同埋有點兒唔夠"傑"，有待改善！

放學同幾個fd一齊去食嘢，佢地推介呢間話係日式料理既平價之選。餐廳入面有2層，去到發現其實都幾多人去食，晚餐時段都叫做幾full～本身想叫拉麵食，但望到餐牌張相個樣好似唔係好吸引所以就冇叫到。我揀左個茶積飯食，蝦得2隻，個茶湯底太少，茶味道唔太重，味道係淡既。黃色既係蛋絲，飯上面撒左d日式撈飯既配料，一食落去覺得超級普通！可以用難食黎形容個人覺得好似係屋企攞左d冷飯出來求其撈d嘢黎食咁之後偷左幾啖我個fd既嘢食，覺得拉麵都唔好吃，個吉列豬扒還ok～

帶頭盔先，我個食評真係因為我無好好睇每個openrice嘅食評寫咩而去食呢間野，原來呢間睇黎只係食甜品比較出色，無留意到拉麵唔係主打，都無留意到其他人已經一早警告定拉麵唔得。其實去呢間係一心想去試試個拉麵，但第一啖試試個湯底，我真係食唔到啲咩味道，甚至覺得係xx一丁湯粉溝左好多水同奶而煮出黎，之後到拉麵，真係普通到無得再普通，流心蛋都唔係用靚蛋，所以無蛋味，最後個叉燒，唯一我覺得可以接受嘅地方，外面比較膿，所以有一陣肥香味。不過講真，咁嘅價錢，想點呢？但sorry，真係接受唔到。食後感：食完覺得。。。算啦，下次讀清楚其他人嘅食評先啦

友人曾對呢間拉麵表示讚揚，今日終於得閒一試宮葉拉麵。未食到拉麵之前，那個和風木系嘅裝潢已經好吸引，而且唔似一般拉麵店咁逼，座位都幾寬敞，而且樓高兩層，即使繁忙嘅午餐時間亦唔會等死人。捨棄平日食開嘅叉燒拉麵，初嚐宮葉，我點咗和風豬軟骨拉麵，加杯士多啤梨繽紛菓茶。食物不算等好耐就上枱。豬軟骨拉麵有豬軟骨、溏心蛋、葱、荀及雲耳，幾豐富。豬軟骨柔韌有致，軟腍嘅豬肉當中又帶點軟骨口感；溏心蛋亦見出色，半凝蛋黃加埋浸漬嘅外層蛋白，口感不俗。講到呢度，點少得評論一下拉麵以及湯底呢。一般拉麵湯底，尤其是日本過江的（好似X蘭拉麵、X幻拉麵、麵屋一X），都非常死鹹，但宮葉湯底好light，飲起來不太感heavy，相信係經特別調配成港人口味；而拉麵麵質軟硬適中，不太特別有彈性，惟不太掛湯，食落一般。搭配嘅水果茶，雖然有西瓜、菠蘿、荔枝等等，但感覺好分離，茶還茶，水果還水果，未能做到水果茶互相配合，味道非常普通。

今晚我們喺觀塘牛頭角道附近做完嘢之後，行過見到呢間「宮葉」都幾多人排隊等位，應該出品都幾好，所以我們就決定入去食晚飯！我們叫咗日本海鮮拉麵嘅湯底係豬骨濃湯，味道相當濃郁，拉麵嘅麵質好煙韌彈牙，不過就略嫌配菜嘅份量比海鮮多！燒鯖魚丼同燒三文魚丼嘅鯖魚同三文魚係新鮮即煎，而且煎得都幾芳香，肉質都幾軟滑，溫泉蛋嘅效果亦做得幾好，撈埋啲珍珠米飯一齊食，真係好惹味！芒果批嘅批底非常鬆脆，牛油味相當香濃，內層仲有一層薄薄嘅朱古力，加上香滑嘅忌廉，再將超香甜嘅芒果舖滿表面，真係超正呀！宇治抹茶心太軟係整成心形，所以賣相相當吸引，真係非常有心思，切開一半見到流心嘅效果做得幾好，但可能抹茶嘅味道過度濃郁，所以味道極之苦澀！芒果拿破崙嘅拿破崙都幾酥脆鬆化，吉士醬嘅味道亦唔會過甜，但芒果嘅份量就相當少，呢點係令我們比較失望！

網上見到食評寫得唔錯，所以黎開觀塘特登黎試下叫了兩個拉麵叉燒拉麵同吉列豬扒拉麵個拉麵係個非常非常普通嘅麵，似自己煮嘅公仔麵吉列豬扒尚算夠脆心諗唔可以俾個晚餐咁就完特登叫多個甜品叫左個芭菲好睇唔好食芋丸係唔熟嘅感覺綠茶軟雪糕就太甜不值得特登來～另外，一開頭坐喺門口二人枱大大把風扇吹住個人感覺不好囉😥😥

呢日同朋友嚟到呢間位於官塘牛頭角道嘅宮葉食lunch, 餐廳裝修日本風格，因為樓下已經坐滿客，所以侍應帶左我哋上樓上雅座，樓上的座位坐得都算舒服。我叫左個和風豬軟骨拉麵($56)配熱柚子茶(跟餐加$5)。拉麵先上，飲左一啖湯底感覺好似有味精味，比較普通。豬軟骨炆得亦唔係好夠腍，味道同口感都只係一般。溫泉蛋同竹筍都唔錯，但因為主角嘅湯底同豬軟骨都係普通，所以整體感覺都係一般。熱柚子茶雖然只係跟餐加$5，但因為真係幾淡，所以感覺唔係好抵飲。呢餐拉麵嚟講雖然唔算貴，但因爲食物同飲品都好普通下，所以並無任何抵食嘅感覺。

想起觀塘搵間又好食又價錢唔貴又可以坐好耐嘅餐廳真係唔容易，今次依間d野食算係ok，而且坐得舒服。我同班朋友諗住搵個地方可以一邊吹水一面食野，雖然依家唔少工廈嘅餐廳都可以坐好耐，而且打卡一流，但係通常都要過$100一餐，我地又唔想駛好多錢，於是簡咗夜晚過嚟試下。我地一共5個人，於是佢安排我地坐樓上，雖然樓上裝修唔算好靚，不過坐位闊落，冇下面咁逼，而且staff 通常都起樓下，所以坐得耐都唔會太尷尬。依度茶漬飯好似幾出名，我d朋友就簡咗佢嚟試。佢算係打卡一流嘅野食，貌相一流，但係就唔多抵食，成碗野得3隻細細地嘅蝦，仲要開邊，不過味道唔算差。而我就叫咗牛肋骨飯，佢嚟到個樣就普普通通，但係就非常足料，有成4/5舊牛肋骨，亦有唔少蔬菜，牛肋骨炆得算淋，不過味道偏咸。

又到左耐唔耐同事聚餐日😂今次食到呢間日本野，期望都高，所以仲失望🤦🏽‍♀️👉🏿✨吉野牛肉拉麵 Hkd 54 💸📌真心既。糾結左好耐要飯定要麵，心諗麵黎到食麵，冇理由唔食架。所以都係揀左拉麵🤢但真心好後悔！只能說佢既麵係普通到不能再普通，我自己煮都可以有咁既質素😭相反佢既飯就好得啦！親子丼飯超好食呀！佢個醬汁調得好好，甜甜地，又有洋蔥，肉又多😳係好食架！所以下次大家想食咩就叫啦，格硬因爲人地係麵就嗌麵真係食得好痛苦呢😣😭順自己意是最好！