宮葉 パフェ (Closed)

見到餐牌好吸引啵，忍唔著入去一試，可能是新開張，充滿新淨的感覺，環境頗大，日系風，坐得舒服，淨係食個環境都抵。朋友點了日本海鮮拉麵＄52，賣相很不錯耶，雲耳，糖心蛋，紫菜都俱備。海鮮有帆立貝，蝦，鯰魚柳和墨魚圈，咁嘅價錢係極抵。而我點了關西叉燒拉麵＄52，一嘗頭湯，味道還不錯，算是香濃。有兩片頗薄的叉燒，味道淡淡的，肉質還可以。拉麵曲身，較爽口，不會煮得太林，份量中等。紫菜夠香，浸落個湯都幾唔錯。食物還可以，價錢吸引，仲免加一，未免太爽了吧。員工不時添水，服務周到，會再來！

朋友叫我陪佢行聯合廣場，又諗唔到食乜！就咩麵唔諗落左車，係聯絡附近搵野食算喇！係聯合廣場斜對點成條街點都搵到間岩食既，我地又想坐得舒服dd，乾淨dd，一行過呢間食日本野既，二話不說就走左入去坐低！有拉麵有飯！我同朋友分別叫左兩碗拉麵，仲有加5蚊有可樂！拉麵湯比較淡，我落左4次七味粉調返d味，麵軟硬剛好！吉列豬扒，炸粉個皮厚豬扒薄左少少,炸得比較乾身！無乜肉味！麻麻地同樣湯味好淡，蛋係半熟唔錯既，但牛肉煮得太耐太熟，好'鞋'，乾哂！

第一次試拉麵甜品鋪，點佐兩款麵&兩款甜品，兩款麵：一碗拉麵，一份冷麵味道同價錢性價比高值得吃⋯輪到我最期待嘅甜品：和歌山蜜桃芭菲，日式精選芭菲，兩款甜品一上黎好有驚喜，果樣好靚靚，和歌山果款係成個桃上個桃吃落口個口感係硬嘅但桃味濃郁我估個甜品師可能想杯甜品睇落靚d 所以用硬身嘅桃⋯⋯正當就黎吃到低層嘅時候😩😩好酸低層好酸好酸似土多啤梨撈百香果嘅汁吃到我打晒冷震⋯跟住吃日式果杯綠茶味雪糕好正⋯吃吃下話咁快又到底😫😫典解！典解⋯擺d 蛋糕響底索曬d 雪糕發脹曬⋯兩杯野明明好好吃點解個結局不知所謂⋯⋯底層完全破壞曬⋯希望甜品師改良下

門面好容易辨認，就係經典日式清新風格。門口掛著甜品噶圖，真系好吸引。因為之前食左野，所以直接點招牌抹茶雪葩甜品。味道只可以得3星，但賣相4星，如果用玻璃杯裝會有更高分。配料好多，面頭綠色果舊野好難食。雪糕ok滑溜

昨天下午茶時間經過始創中心，望見對面開了間新日式食店-宮葉，一於過去試下，醫醫肚。order了吉列豬扒拉麵，一試真的很失望！豬扒好鞋，炸粉好厚，唔脆，拉麵份量少(少過一個公仔麵😱)，湯底唔熱。不會再試

之前行過兩次仲裝修緊，今日再經過已經開張，原來係日本拉麵甜品店， 見到d芭菲相影得真係好靚，就同姐妹們入左去試一試。一碗拉麵大約$50幾蚊，份量都可以，d麵好彈牙，但係隻溫泉蛋如果d味可以再濃d會更好，$50都有呢個水準算係好抵食。 值得一讚係我叫左一份雜果乳酪芭菲， 份量好大， 而且d生果足料，對於鍾意食甜品的我以後一定會黎多次食雲佢整體裝修，服務，價錢都唔錯， 我會推薦拍下拖，又或者同姊妹吹下水，打咭影張靚相兩個人二百蚊有找。

叫左個關西拉麵，d湯乜味都冇。。。麵似一般街食到既撈撈個種口感 另外叫左兩款小食 魷魚味道一般 ;而且份量偏少 一個拉麵好似食完等於冇食過咁。。。。總括而言，食過一次就五會再食