宮葉 パフェ (Closed)

呢間除左有好多款賣相靚靚 價錢又合理既甜品之外，仲有主食的！例如飯同麵類。綠茶精選 $60姐係綠茶拼盤😂 好豐富！抹茶控會好滿足！抹茶味ok 不過濃厚d會更好，賣相幾得意，見到都開心😁 仲有櫻花啫哩！個啫哩成為左焦點😂好靚！士多啤梨雲尼拿雪糕芭菲 $48熊貓仔🐼賣相qq 💕 但覺得好麻麻，係頹雪糕 同埋好多cream 好漏，好彩價錢幾抵😂

今日係太子附近收工，經過呢間拉麵店，見裝修都幾有和風味道又唔太迫就入左去啦~我叫左一個叉燒拉麵，都係52蚊~~好抵玩有三塊大既日式叉燒，二塊大既紫菜，半隻蛋，荀叉燒咬落去幾好口感 半隻蛋又熱又凍既感覺係好舒服既個湯底都好味 拉麵麵質不過不失 而且顏色都幾好睇~賣相很好呢之後我仲叫左一個照燒Q版魷魚 價值40蚊 呢個我就覺得唔係幾抵食因為佢剩係得5舊魷魚 所以真係叫Q版魷魚不過味道亦算唔錯啦 D木魚飄下飄下好靚而且亦都燒得好香 未見其魚 先聞其香而我覺得成碟魷魚既顏色配搭都非常恰宜味道係唔錯的 好可惜價錢係貴左D咁綜合而言呢，個拉麵係非常抵食 以呢個價錢食到呢個質素，我覺得物有所值啦呢間餐廳仲有好多甜品賣 不過我已經太飽食唔落 或者下次再試啦~

今日黎左食日本野，係出面見到都幾'骨子'，跟住就入左去lu。咁睇到餐牌後，發覺唔太多款式可以叫，咁我就叫左個吉列豬扒拉麵同水牛城雞翼。咁個麵黎到嘅時候，湯底係好濃嘅豬骨湯底，係落足料去整嘅。而我好鐘意食個塊大大塊嘅紫菜，係好鬼脆嘅。而吉列豬扒亦都唔會炸到皮肉分離。不過可能因為我大食啦，覺得份量唔算多。而個水牛城雞翼係唔錯嘅，亦然係有好多肉汁，仲好細心咁剪開左兩細舊，容易入口。最後都覺得呢間舖食日本菜都幾抵食，唔錯唔錯。

係西洋菜南街呢邊真係勁多野食，日本野都好有好多選揀，而呢間新開、價錢相宜、裝修幾日系家的感覺，所以就吸引左我地入黎。主食叫左個吉豬，話就話係日式咖喱，但係都幾辣喎！對於唔食得辣既人真係一定要叫野飲先得！不過好在豬扒唔會乾柴，都鬆軟既。小食呢個叫就叫中華沙律，但其實有一半都係螺肉！螺肉個汁都幾好味，但係中華沙律就較粗糙。最後個甜品就揀左綠茶waffle，4塊窩夫夠晒滿足！每塊都係外面脆脆，入面鬆軟，綠茶味唔算濃，窩夫入面仲收埋左好多綠茶吉士醬。個綠茶雪糕就係味道比較人工果種，都食得出係咩牌子啦！整體黎講，呢間係價錢唔錯！性價比高！

同朋友係旺角行完街，想搵間甜品鋪坐低傾下計發覺有間新開既鋪頭，主打日式甜品就入去試試芒果乳酪芭菲甜品呈上既時候，真係有少少嚇一嚇份量好大、足夠2個人SHARE同MENU張圖有差距 (實物個杯係大過張圖多多聲而且仲好足料，除左上面有芒果，最底果層又係芒果芒果好新鮮，應該有成個大芒果係到中間有芒果爆爆珠乳酪雪糕酸酸甜甜，以甜為主日式綠茶芭菲呢個芭菲可以一次試哂咁多款綠茶野先講雪糕，茶既回甘味唔高但茶味亦有，而且唔太甜配料質素幾好，又多款小丸子煙煙UNUN，後面有綠茶蛋糕下有蕨餅、紅豆蓉食得大滿足整體黎講，甜品性價比超高一定會再捧場

自從男友係太子返工後，基本一個星期都有3-4晚晚餐係太子或旺角搞掂。本住我一至四晚餐盡量要係$50完成既情況下，其實我已經冇太多選擇(因為有個吃貨男友，所以冇咩選擇) 多數都係戈幾間！本住去食碗$2x牛雜河既時候，比我眼前一亮，見到呢間新開張既日本餐，大大個牌寫住$54碗拉麵平時見到多數$80起，仲有勁吸引既甜品相貼左係門口，如是者忘記了$50一餐既意念，就拉左男友入去。唔知係咪太新開張，所以唔使等都即刻有位(我再過幾日後再去門口已排滿人了)，座低後我就比mean入面花呢花碌既甜品吸引左，男友叫我簡正餐都聽唔到，最後我地叫左兩個麵+個甜品，等左10分鐘到兩個麵都黎到，唔會等好耐，我個人應為$54個拉麵佢做得唔錯，麵既口感幾好再加埋佢特別處理過既溫泉蛋，我非常滿足食完麵戲肉黎喇，我個青蘋果西柚乳酪芭菲完全將我呢個晚餐劃上完滿既句號酸酸既西柚同青蘋果原來配綠茶雪糕都好夾，將所有野都平衡返，絕對

友人推薦這間新開的日式餐廳，說甜品很好吃又很抵吃。所以來這裡尋找我的晚餐。日式炸豬扒看來是這裡的招牌菜，我也素來頗喜歡，就選了它。上菜速度很快，而炸豬扒份量也令我很滿意，還炸得金黃，賣相很好。只是肉可更厚一點，質感便更佳了。拉麵是清湯底，但味道不會淡，而麵條口感較煙un，配菜有很多，紫菜，旬，蛋，粟米等等有這麽多配料，豬扒又大份，性價比真的十分好。

月初來吃的時候才剛剛裝修好，男朋友經過覺得裝潢簡約，看上去好像不錯的感覺，才提議要吃。餐牌讓人充滿期待感，挺有日式餐廳的模樣，拉麵、丼、款式超多的甜品。一律單點 沒有特別分午市 下午茶，價格來說沒有特別貴。不過我地打工仔附近吃個午餐下午茶選擇挺多，所以還看質素。中華沙律 $38正常，沒有雪感！日式豬扒丼 $49賣相還好，不過味道比較重要！白飯壓得實的的…豬扒就是典型港式炸豬扒，炸粉有點厚而不脆口，肉質硬邦邦，不太想吃下去。吉野牛肉拉麵 $52男朋友點的牛肉拉麵 湯底清得近乎…加了許多七味粉才能吃 而且份量有點太少！吃過主食 雖然一開始說甜品挺吸引 但都不太敢試了現在查看網上評語 甜品頗多人讚 主食自己諗！

餐牌上的圖片好靚而又好吸引....我都考慮左一陣先決定要邊款拉麵!我老公比較鍾意食飯,佢點左個鰻魚炸蝦飯，好大份量丫，鰻魚好新鮮肉質夠嫩滑，炸蝦好香脆，蝦肉夠爽甜！而我就點左個關西叉燒拉麵，湯底夠濃郁，叉燒都好厚肉同多汁好味，而拉麵的麵條都好彈牙．．推介小食我地叫左我地都好鍾意食既雞翼，點左個叫水牛城雞翼，有輕微SPICY,,,醃製得好入味...雞肉亦好新解夠嫩滑! 好味丫哩個...我同老公都好喜愛點少得食甜品呢....點左個日本紫薯雪糕芭菲...個紫薯味道好香濃,,,我超愛紫薯...成個芭菲既配搭都配得好好...

西洋菜南街有好多食肆，通常行完太子商場就會過嚟呢邊食飯，酸辣粉、茶餐廳都食到厭，開了一間新的日本餐廳，價錢又合理，就進來了。主食選擇有拉麵或者飯類，想濕濕地選擇了和風豬軟骨拉麵＄54拉麵質素就非常普通，不過完全想不到這個價錢有沒有加一服務費竟然可以有咁多料！雲耳，糖心蛋都有！糖心蛋真係有流心，口感好滑又甜；雲耳唔多不過勝在夠爽。坦白講湯底平平不過可以接受，起碼價格已經贏晒。意大利芝士餅雪糕芭菲＄46上面一層忌廉幾鬆的，另外芝士餅甜甜的，吸引味覺。中間有雪糕，質素唔錯！最底部有一啲好似早餐穀物食品，又甜又鹹咁好特別，講唔出系邊一款味道，不過配搭上好match。無論係甜品抑或主菜價錢都好合理，而家周圍已經搵唔到呢個價錢嘅日本野，當係食普通一餐都值。

今日朋友話想黎試呢間新餐廳，晚飯時間都就坐滿了，先整碗拉麵先。我就叫左海鮮拉麵，湯底係豚肉骨造既，豚骨味夠，佢既湯底唔會好濃好鹹，岩晒我呀。拉麵都算軟硬適中，至於配料有齊蝦，尤魚，魚肉仲有帶子添，用料算係幾足架。食完碗麵仲有個甜品，係宇治芭菲呀。賣相係幾靚仔，綠茶雪糕夠抹茶外，仲有綠茶凍同埋綠茶蛋糕已經令我呢個綠茶控著晒迷，綠茶凍既軟滑同蛋糕既鬆軟口感強烈對比。加埋與紅豆既愛恨交纏，令宇治綠茶既魔力更提升。

太子地鐵站附近有一間日式餐廳，主要食拉麵同甜品，店面小小，但座位舒適，乾淨企理。牛肉地獄湯底拉麵一碗拉麵份量算多，牛肉份量好足，牛肉可以，拉麵彈牙有口感，溫泉蛋個黃係流心，蛋味好香，湯底不算太辣，不過好香，整體不錯士多啤梨牛奶乳酪巴菲好大杯，超多士多啤梨，士多啤梨香甜，牛奶乳酪用左北海道牛乳整，所以好香好甜，牛奶乳酪又唔會好甜，幾好，中間仲有蜜瓜，一杯有好多生果份量都算多，尤其甜品，食到飽走，大滿足

太子新開左間新餐廳鋪面裝飾得幾靚，但呢個都唔係令我入去既重點重點係我睇完MENU後，發覺價錢大吸引係旺角、太子呢D地段係間裝修得唔錯既餐廳，食個飯、麵都只需50和風豬軟骨拉麵餸既份量都唔少架有紫菜、荀、豬軟骨同半隻蛋豬軟骨淋淋的，醃得入味而麵身偏硬，有嚼頭咁抵食，就梗係要加多款小食拉水牛城雞翼，燒得好香好香外層香脆，內面既雞肉仲係嫩滑有汁而且味道香辣，好惹味，內外都咁入味道必食!

喺附近睇完金魚沒有收穫，不過都要醫下肚。西洋菜南街有一間新開張的日本風格餐廳，餐牌上的食物價錢全日君逸，沒有加一之外價格還在$60以下平均。比起旁邊的中式餐廳更為吸引！我哋兩個女生不太肚餓，就選擇了一個飯share日式咖喱豬扒丼$49咖喱汁有少少辣，同埋好香。另外炸起的豬扒非常香口，外皮有點厚。有一些冬菇和蔬菜，令整體更加豐富，白飯質素都不錯。士多啤梨窩夫＄46擺位好得意，將幾件窩夫打直擺！士多啤梨雪糕比較凍，味道清甜。配搭窩夫比較脆，裏面又夠鬆軟，好fresh～～兩個細食的小女孩平均消費都唔過$50 ,真是晚餐的最佳選擇。

擦肩而過的午飯對我而言是極少,上街前安排行程餐廳必是有序的在清單上、可惜近期腦袋太於空洞,巴士路上一面翻著搵食網、腳踏實地還是空白一片,就沿著往花園街前驟然發現新店,透視玻璃門裝修企理價錢不離地便告訴自己:不要挑剔就此開餐吧。。。那麼令人心動餐牌又起能視而不叫? 义燒拉麵HK$52.比一眾坊間平三分一價錢,價錢上已大大跑勝, 實情又會係點?首先湯底如果喜好拉麵人士看圖可估到一二, 麵質也沒有驚喜咬口、由於湯底稀薄當然不要想像會掛到濃厚湯汁~~而义燒就像「金錢展」般當然驚多於喜,碗內還有點點木耳及荀絲伴襯、全碗中最為可讚可算謂那半份糖心蛋,醃製入味,而且掌握火路恰好~~最終還是要來寒天緑茶奶凍HK$38.甜食方面個人應為略勝拉麵,雖然綠茶奶凍已略見出水現象,身旁丸子亦做得不錯不離煙韌,抹茶蕨餅濃度比預其高略帶點甘澀但個人仍可接受~~呃呃氹氹又一餐,抹走挑剔心態,點點甜慰藉自己、沒有泥濘没有深谷沒有踩X感覺,吃飽飽再往後園「花園街」出發,步出門外燦爛陽光總是等著我。