Video
7-min walk from Exit C2, Cheung Sha Wan MTR Station
continue reading
Telephone
27907300
Opening Hours
Today
11:30 - 21:00
Mon - Sun
11:30 - 21:00
Public Holiday
11:30 - 21:00
Above information is for reference only. Please check details with the restaurant.
Recommended Dishes
果度環境很大，坐位好多。見好多人坐卡位，我一個人食，所以坐埋一邊，坐左係收銀旁邊。枱面沒qr code ，所以我在轉角果邊叫侍應比張qr code 我。點知有位類似經理的女人，聲音還比我大，態度差劣話：得得得，你坐係果邊，我睇你唔到！我坐係門口收銀旁邊，你係咪應該要睇到呢。如果唔想客人坐果邊，可以貼張告示出黎叫人唔好坐。而唔係嫌人麻煩。自從漁樂轉左呢間米線後，變得冇咩吸引力，食物普通，食過1,2次未必會返轉頭。而且附近起碼有3,4間連鎖米線店，周不時會出新款。至於湯底過甜，味道又單調。d餸白烚一樣。米線個碗好大碗，感覺有7成係湯，3成料。食唔飽。令人覺得便宜又大碗既假象。一間餐廳，服務質素和食物質素都唔合格，足夠令人唔會再去。
continue reading
長沙灣有唔少茶記選擇， 行到呢邊有個商場 見到呢間米籽就走入去食，環境算唔錯又寬敞，坐得舒服，一啲都唔迫既。最終係揀左醉雞配飯 熱檸檬茶。醉雞配飯，呢個味道感覺非常一般，而且酒味有啲唔夠濃，雖然碗夠大，但雞份量唔算多因為好多都比較多骨既，而且食落去又唔算入味，感覺差了一點。。。熱檸檬茶，自己始終比較鍾意飲有檸檬既檸檬茶，呢杯都算是沖粉或沖劑之類，沒有檸檬係份入邊而且要加9蚊就覺得有啲貴了。如果唔加野飲，呢個餐50幾蚊值唔值就見仁見智啦。整體黎講，呢個醉雞有啲失望，檸檬茶始終有檸檬先岩口味。
continue reading
長沙灣新開咗一間餐廳（原來都開左幾個月🤣）平時放lunch有時間都會上去搵地方飲下茶，估唔到飲茶樓下開咗間啱學生哥食飯嘅餐廳，就係米籽啦！一入嚟就有姐姐安排左張四人枱俾我哋，呢度係掃碼落單的，都幾方便。估唔到原來入面都幾大喎！好多人食，特別多學生🤣午市坐到滿晒！好啦，我哋幾個人嚟食，一開始見到有龍蝦湯泡飯所以都好想試下嚟到見到橙紅橙紅嘅湯飯，忍唔住即刻不左一啖嚟飲，正！蝦味幾濃㗎！湯底有小小結結地，但又唔會太結，所以配埋啲飯食都好match!見唔見到個羹入面有啲透透地明色嘅飯？其實佢唔係飯🤣🤣係啲脆脆嚟！口感真係好得意，如果你哋食就趁早食，因為浸耐左可能冇咁脆😉另外，呢個飯都有好多配料，有啲木耳，碎菜，菇，重點係佢啲蝦都幾大隻，同埋有魚片肉喺入面！所以都幾豐富！我就嗌左呢個酸菜魚飯，除左揀飯仲可以揀米線🍜佢都有幾多魚肉㗎！其實配菜都多🤣🤣好多芽菜同酸菜，鍾意食嘅可以嗌嚟食。個湯底都算唔錯，都夠辣！點解我嗌飯？識食一定係嗌飯！😎😎因為我會一啖飯，加埋啲湯，等啲飯索晒啲湯汁，然後加一塊酸菜魚，一嘢放入口咁先最好味！杯嘢飲就冇乜特別，大路嘢梳打都冇死🤣不過我驚甜就嗌左少甜咁解，食辣嘢加飲凍野就啱晒！😎
continue reading
呢度之前係漁樂，剛轉咗新店。呢度勝在唔多人，唔使搭枱！呢度2-6pm有下午茶，今日食咗個下午茶米線餐。我覺得味道偏鹹，包括湯&豬扒。咁豬扒嘅孜然味係好出嘅。Overall都ok嘅，下次試第二樣。
continue reading
估計係新開張冇耐，之前嚟係雞煲店，裝修同之前一樣冇改設計。除酸辣米湯麵線外都有滷肉飯、鹽酥雞、龍蝦米湯海鮮泡飯。$50-60包飲品。鹽酥花枝丸同孜然雞翼都唔錯。
continue reading