米籽 (+WOO嘉湖二期)

Open Now

Now Closed

晚餐過嚟食100分鐘火鍋放題🍲揀咗個養生藥膳雞鍋 甜甜哋嘅湯頭LEVEL 2嘅肉和海鮮選擇都ok多個魚片真係唔錯！肉嘅味道都ok啦～特別推薦佢哋嘅蝦滑、墨魚滑👍🏻真係好鬼正仲有小食嘅魚皮 口感勁爽脆🥰炸物嘅孜然鹽酥花枝丸 都係好好味🤤最後記住要問職員拎雪糕啊！

今日來到位於天水圍+WOO嘉湖商場，有一間最近開業不久的餐廳「米籽」，見到餐牌種類繁多，而且仲有台式飲品，所以我哋都想入去試吓。未知是否剛開業嘅關係，客人超多，門外都聚集了一批等位的客人，我哋都等了接近30分鐘才有位可以進去😅✨滷肉一口雞飯 $58老玉好香，雞塊肉質幾好，有油香，炸粉不會太厚皮，飯嘅份量亦都多，呢個價錢嚟講性價比都高！✨米籽招牌米線 $69其實這碗米線應該幾好味的，不過原本我是order小辣，但係一上枱見到湯底，已經知道好辣，由於太辣真係食唔到嘅關係，所以再叫職員換過一碗🥹🥹由於同行嘅友人本身都係食開小辣，都表示呢個湯底呢種辣到應該已經係中辣或以上🥲🥲🥲✨小食咖喱魚蛋正正常常！不過不失

嗌咗蕃茄湯，湯底味道奇怪，完全無蕃茄味。配料選擇唔多，份量又少。孜然地瓜條，乾噌噌… 無乜味，得油味。服務嚟講，本身冇咩服務可言，除咗送餐之外，全部都係自助。應該係食過最差嘅米線…

嬲到第一次寫食評啱啱開業嗰排食物質素同服務態度都仲係幾好，依家可能唔憂做，餐廳店員服務越黎越差嗰日一個人入到去坐低準備掃QR code落單，唔知係咪佢地wifi壞咗連唔到線，間舖手機又收唔到信號，落單落咗成10分鐘都落唔到，舉手叫人落單啲店員又眼尾都唔望下你，當你冇到。咁我咪換過張出少少嘅檯睇下會唔會收得好啲嗰短頭髮收銀阿嬸一見我換檯即刻行埋黎，黑晒口面好惡咁係度講👩：「換檯要同我地講啊」我好聲好氣解釋話頭先嗰張檯落唔到單所以先換檯👩：「你唔識叫我地幫你落？」講完就西口西面咁走咗。隔咗一排出咗張單黎，話我落咗兩個餐，我咪即刻同個店員講呢兩個餐唔係我落嘅，跟住個店員就另外幫我落咗單再隔咗一排個收銀阿嬸又行埋黎好惡咁大聲講👩：「呢兩個餐係你呢張檯落㗎，依家啲嘢食已經整好，你唔可以咁樣浪費食物」我：「呢兩個餐唔係我落嘅，我一個人會唔會落兩個餐？」👩：「電腦顯示張單係你張檯落嘅，唔好講咁多，你自己睇返紀錄」真係谷鬼氣，僵持咗一陣之後我實在忍無可忍我：「未整嘅話我唔要啦，咁嘅態度唔使旨意我再幫襯你地」👩：「好啊，你快啲走，拜拜」最後直接離開咗，亞洲國際餐飲集團同呢間餐廳可以列入永久黑名單，請埋啲

你間餐廳開咗幾個月，今日終於有機會去坐低試吓。生滾鮮魚片米粉餐牌影出嚟份量好多，但係上菜就覺得好少，尤其係個通粉，感覺真係好似得嗰幾注咁，味道就正常冇乜特別。加配迷你牛角酥、餐肉、炒滑蛋餐有得加配牛角酥同埋兩款嘢食，餐肉同炒蛋正正常常冇咩特別凍奶茶呢個味道唔錯，算幾有茶味。香煎豬扒配迷你牛角酥、煎蛋豬扒大細算適中，但係實在好油，拎起塊豬扒就會見到一層响底，而煎蛋就有一隻蛋變咗做熟蛋。玄米茶冷泡茶要加錢先有，唔算特別抵，不過勝在飲唔晒，可以拎住一路行一路飲。

餐廳光猛，座位闊落，但座位有D污糟，凳與凳之間有食物碎，手機自助下單，早餐供應至11點半。雪菜肉絲湯米線$31 + 迷你牛角酥腸仔炒蛋 $8雪菜湯好香濃，米線好滑。腸仔好淋，而且好咸。迷你牛角包唔算細，好鬆脆，好香牛油味。炒蛋大份，有蛋香味。熱冷壓檸檬水好酸，唔使自己督檸檬，見到有檸檬果肉。火腿滑蛋三文治 $32 + 迷仔火腿通粉 $8價錢都唔平，烘底加$2，火腿煎過，蛋都幾厚。通粉好細粒，質感好粉，份量少，真係迷你，湯好甜，好香，內有娃娃菜。嗌左杯麥可可，味道有D似阿華田，好特別。

嗰個面係超難食，然後唔知係咪佢哋啲員工講時間，啲服務態度差到啊,但係食物質素OK嘅，配菜都幾多，成碗麵一半都係配菜，我嗰日好肚餓，就隨便入咗去，結果嗰碗麵又得半碗咁少，要食兩碗先夠飽，唔係特登㗎，然後就係啲小食，小食都幾好食，但係都幾貴，一個小菜同埋十幾至20超貴囉，一碗都要40再加埋呢樣嗰樣加起來都100啦，有呢個價錢去食大家樂咪仲好，而且仲可以食飽。講返米籽，我個人真心唔覺得一定要食佢囉，+ Woo 2期仲有大把嘢食，去食個牛腩河味仲好，所以我個人認為米籽唔值得去食。

1.職員態度有待改善-處理顧客問題途中走咗去係咩事？眼見幾位都係咁，問問下個職員粒聲唔出走咗去。-職員印好單唔係行過嚟放枱面，而係離遠飛過嚟？2.衛生問題-中午已經墊好晚市邊爐嘅碗筷，眼見四人枱一邊坐咗兩位客人另一邊舖好碗筷，但該客人不停咳嗽，咁啲病毒咪癡晒落去？點解唔可以清咗枱先舖碗筷？3.職員/客人安全-上菜職員將一碗出晒煙有湯嘅菜放枱邊，如果唔知道撞到打瀉咪有機會淥親職員/客人囉？4.食物質素-酸菜魚好食-蒜泥白肉過鹹整體有待改善！！！！

自助區款式少飲品區嘢飲唔夠凍樽裝泡茶 員工答我無就無晒 當時只係七點幾！食完要甜品只淨返雪條 員工仲要話唔俾簡味 話就咁拎三支出黎😑咁樣質數 真係性價比極低試過就算 無下次！

由第一日開張開始食左3次。愈來愈多人排隊。次次黎食都係lunch time。我最鍾意佢個酸菜魚米線。因為夠酸金湯好正。份量又夠大。環境方面，坐得都舒適。唔會好迫。上菜都快嘅。

新開張環境好好，冷氣好足，晚市食火鍋放題，湯底好足料。小食好大份都好足料，炸物真係好好味！啲菜好新鮮，總括來講食物質素好唔錯，會再來食！最後仲可以食埋個雪糕！員工都好nice ！