金滿庭京川滬菜館 (德福廣場2期)

Open Now

Now Closed

上星期屋企人生日，就去咗主角最like嘅金滿庭食晚飯，不過老人家味唔多會變，每次都差唔多，都係主打小蘢包，雲吞雞，糖醋魚，鱔糊，好在水準夠穩定，可以滿足好有要求嘅屋企人。

家人生日飯，兩日前電話訂位，準時到但接待小姐搵唔到，質疑我哋白撞，俾電話號碼佢又唔識對，期間又掛住帶其他客，搞咗10分鐘先搵到，原來寫錯姓！坐低睇餐牌，問經理形狀男士有冇套餐menu，結果佢走咗去serve其他枱無回頭，再問另一金毛女侍應，佢就求其俾多個一模一樣嘅餐牌我。食物係ok嘅，不過全場係唔夠樓面，一直都叫唔到人，反而傳菜叔叔就好客氣，亦都好幫手幫我哋拎走啲吉碟。其他樓面，四圍走但就唔應，叫極都唔應。環境可以，唔算太迫，男廁廁格好細，入咗去閂唔到門。後加個兩面黃，30分鐘都未到，催過幾次，求其應吓，根本冇追過。一話cut單，立即就上到菜，但個麵底好硬，個芡汁好難食，衰過碟頭飯。以前金滿庭係好食嘅，依家，俾班唔願做嘅做衰晒個名，假期人多一早預咗，但0招呼之餘仲要態度差，無下次。

朋友同我補祝生日 訂左九龍灣金滿庭酒樓勝在地方闊落 老友記輪椅都入到叫左幾樣送有我最愛既小龍飽同高力豆沙仲有咕嚕肉同 子薑水晶肴肉真係好好味😋最正係可以坐得耐，7點坐到10點先走可以朋友慢慢傾偈聚下好地方🤗

呢間金滿庭都食過好多次，下午茶就最抵，晚市就性價比低啲，佢嘅小籠包好似冇以前咁好食，皮厚左，上菜嘅時候又唔夠熱，小籠包最棹忌唔夠熱，醉雞都係失色唔夠味，高力豆沙香蕉餡太甜

慶祝父親節, 除左叫左D老豆最LIKE 既刺身外, 當然要再叫D熱食, 諗起都好耐冇食過小龍包同雲吞雞, 當然又再FOOD熊貓叫送餐啦。整體水平確實係唔錯, 作為大眾化既上海菜黎講, 味道就不用挑剔架啦, 而小龍包, 糖焟魚都係必點, 當然都要點我最LIKE既賽磅蟹啦。而雲吞雞都唔錯, 個湯好鮮味, 初初仲以為外賣會細份D同擔心D湯會凍哂, 但食落又OK 同夠大份, 6個人每人一碗都無問題唯一美中不足係之前外賣係有85折的, 但而家只係得返9折, 6個人食合共900蚊, 人均150蚊, 都算合理既價位。

一行八人到這裡食晚飯，張枱大所以坐得幾舒服。叫左片皮鴨/鴨崧兩食，片皮鴨吾可以話好食，但又吾系好差，而且夾鴨肉d餅皮又真係厚左d，所以都幾影響。砂鍋雲吞雞1隻，份量很大，雲吞應該有廿、三拾粒，個湯幾甜但吾夠熱而且比較油。酸菜桂魚片，魚肉不多，味道不夠麻和酸。生煎包，大大個，肉汁豐富。高力豆沙香蕉，又系大大個，鬆軟得黎d餡都吾小，幾好食。乾煸四季豆、賽榜蟹、小籠包，冇試。埋單$2000/8位，久不久食一次都可以嘅。

上海菜館眾多，但不是每一間也煮得好食，有些太油膩醬汁太重，。此間上海菜館位於德福商場二期附近有不少食肆，競爭頗大，要吸引食客光顧價錢必須實恵而食品適合大眾口味。我最欣賞這間餐廳的下午茶，有多種不同的選擇，包括擔擔麵、排骨麵、青菜麵、上海粗炒、雪菜肉絲年糕、上海炒年糕等，炒飯也有不同味，選擇非常多。下午茶更配以各種小食，包括醉雞翼、酸辣湯、烤夫、雞絲粉皮等等，選擇繁多。下午茶餐已包茶芥，熱茶的品種比一般酒樓，多其中碧螺春更不是每間酒樓都有。如果喜歡喝豆漿，可以加$8元。今天叫了兩款炒飯，傻佬炒飯最好味，配以蝦米豬肉再加上香香的豬肉鬆，非常香噴噴。小食之中金錢展，醬汁做得不錯，不會太鹹。大力推介下午茶套餐！

這波疫情持續好長一段時間，我們好久沒有去奧海城食金滿庭。今天出行剛好近九龍灣，臨時決定去九龍灣德福分店。本來家人還擔心德福分店的食物不一定有奧海城的質素，幸好結果所有食物都一貫地好食。砂鍋雲吞雞湯鮮甜，雲吞好食，就是鍋好像變細了，湯不夠多，不過癮。酸菜桂花魚酸麻入味，粉絲如果可以用粗粉絲應該會更好食。椒鹽排骨炸得酥脆，不過份量略顯少。下次多家分店可以光顧。關於分店環境，明亮乾淨，只是冷氣太勁，還好經理好人幫手調低風速。

中菜黎講依間下午茶都算抵食，六七十蚊有個主菜同小食。有幾款茶任君選擇，仲食埋有咩好處。我地叫左 老北京炸醬麵 配 雞絲粉皮 $64傻佬炒飯 配 醉雞翼 $78仲加左一籠鮮肉小龍包(五隻）$55兩個人好夠食，擺到成枱都係野～唔好以為下午茶餐份量就好細，主菜其實同平時散叫一樣，而且小食都唔會太細碟。個炸醬麵跟左一碗清湯，太咸太乾都可以加小小湯。個炒飯好足料，不過略嫌有小小咸。依個價錢有依個質素，大致上都算好ok

今日好想食上海菜, 可惜而家好多餐廳都提早閂門, 晚餐真係冇咩好選擇咁啱見到金滿庭嘅廣告, 走去碰吓運氣睇吓有冇得食<子薑水晶肴肉>今日天氣有少少回暖, 嗌左份冰冰涼涼嘅子薑水晶肴肉金滿庭嘅子薑水晶肴肉份量幾多, 但味道一般, 果凍部份比較軟身, 而下面就係非常結實嘅豬肉, 完全係果凍還果凍, 肉還肉<鮮肉小籠包>反而係鮮肉小籠包比較好食外皮唔算係特別薄, 但一口咬落去肉汁會噴出嚟<嫩雞煨麵>嫩雞煨麵好大份, 裏面有雞肉、草菇同青菜, 暖胃又飽肚<豆沙鍋餅>最後嘅甜品係豆沙鍋餅, 可能皮太厚, 豆沙顯得有啲小氣

突然好想食上海菜，見到金滿庭假日都有下午茶，免收加一，茶芥，$78一個下午茶套餐，包一個主食同小食，正價餐牌都有85折優惠，真係抵食過午市同晚市好多！下午茶時段為2:30-4:00，2點開始派飛，以為冇乜人啦，都幾多人排隊食，想食早少少去拎飛會好啲！🍴 老北京醬蹄 (下午茶小食) (5/10)鹹鹹哋，冇咩味，肉質普通，冇咩特別😂🍴 五香金錢展 (下午茶小食) (7/10)甜甜哋，三個小食最好食，肉質有咬口。🍴 子薑水晶肴肉 (下午茶小食) (6/10)肴肉係凍嘅，啫喱狀口感幾特別，味道就鹹鹹哋。🍴傻佬炒飯 $78 (下午茶套餐，免收加一) (7/10)飯炒到粒粒分明，好乾身👍🏻有肉鬆，蝦仁，菜粒，加埋黑豉油去炒，味道係甜甜哋，ok嘅！英文寫egg yolk，但個飯就冇見到有蛋黃😂🍴上海炒年糕 $78 (下午茶套餐，免收加一) (8.5/10)意外好食，平時年糕比人感覺好濟好飽，但呢個唔會！年糕好煙韌好軟淋，甜甜地，好好咬口，加埋啲蔬菜，唔會太油膩，好食！🍴上海粗炒 $78 (下午茶套餐，免收加一) (7/10)同年糕一樣味，一樣係用黑豉油去炒，甜甜哋，上海粗麵口感好似烏冬，但再煙韌啲，

原來平安夜食中菜都幾特別，特別在唔洗排隊等位，見到隔離啲西餐排晒長龍，就知應該點揀上海粗炒夠晒鑊氣，加啲豆瓣醬堅好味排骨擔擔面湯底夠辣，正生煎包皮脆肉嫩多汁，yummy海蜇夠爽，麻油味香，夠晒開胃整體食物質素和環境都唔錯

閒日同屋企人去飲茶見到呢間成日人頭湧湧但今日唔洗點等位·由於太花多眼亂最後叫左個午市4人set唔洗諗唔洗選擇困難症😂·午市4人套餐（$528）雙拼前菜：四喜烤夫拼花鵰醉雞前者好香麻油味食落甜甜咸咸咁幾開胃但略嫌油膩左少少後者花雕味濃郁而雞肉算滑身 主菜：孜然羊肉片上枱陣味已經好香好濃烈既孜然味但食落又唔會喧賓奪主羊肉片量都算多肥瘦均勻 · 唔羶之餘仲幾嫩而洋蔥亦幾夾孜然味食落甜甜地幾惹味主菜：紅燒肉百頁結紅燒肉肥肉相間望落去好邪惡食落有少少油膩但油脂味好香炆得好入味冬菇同百頁結吸哂味呢碟野送飯一流蔬菜：百頁小唐菜個湯好鮮小唐菜煮得岩岩好完全索哂汁另外加左小籠包5隻皮薄餡鮮裡面湯汁飽滿一咬就爆汁湯鮮而不膩好高質既小籠包

砂鍋雲吞雞係京菜之中，可貴可平的一個湯。其實金滿庭算平， ¼隻雞有六碗湯。味道可以維持到水平，湯料都好足。雪菜炒年糕，味道份量都可以keep住水平。今次兩條友試咗濃香川式螺片，以為啲螺片係爽嘅。但點知係淋，似雪藏多啲。又唔平，所以冇下次。假日通常要等位好耐，平日去就唔使等好耐有位。如果有幸可以坐到卡位嘅話，咁就會舒服啲。但近門口嗰度，座位之間有塊隔板，打橫可以坐四台，中間冇空位，其實都幾密下，要傾偈都幾嘈下。

作為金滿庭既常客對佢又愛又恨約屋企人飲茶食飯十次有九次都係金滿庭而呢間野係每次都要排隊🥲·鮮肉小籠包（$53/5個）每次必點系列呢度既小籠包係最穩定外皮皮薄而一定會爆湯汁肉湯鮮而不膩尖端先輕輕咬一口然後吸一啖湯汁再沾一沾醋汁放入口然後🤤🤤🤤超滿足¼隻嘅雲吞雞（$136）雞湯鮮而不膩雲吞有5粒細細粒但實實淨淨無過多肥肉而好幸運地雞係髀位雞肉還很嫩配搭秘製蔥油醬汁食整個搭起來很可以！！然後點了4人套餐$528水晶餚肉·五香金錢展前者是爸爸每次都必點他說是考工夫菜式豬手先調好味 水晶層係熬煮出黎既骨膠原湯還要分次做出層次感試了一舊· 有點像燻蹄但更爽口Q彈·肉質更實淨一點後者金錢展雖然薄切但有咬感而鹵汁鹵得夠惹味鐵板京蔥炒牛肉師傅會係旁邊用鐵板先表演炒牛肉未食之前已經視覺滿足之餘香氣更十足牛肉仲好鮮嫩而不韌連京蔥一齊食送飯一流川式酸辣貴花魚片湯底夠酸但略嫌唔夠辣魚片份量唔多但唔腥仲好滑嫩粉絲墊底吸哂味乾扁四季豆輕輕炸過·外脆內軟肉碎夠惹味但稍微油膩甜品係紫米露細細碗唔會太甜作為飯後甜品剛剛。呢度既服務係幾好唔洗舉極手都無人應茶壺長期滿水而食完糖水準備埋單店員仲想話要送多碗糖水比我地驚我地唔夠