金滿庭京川滬菜館 (德福廣場2期)

Open Now

Now Closed

許久沒有與家人一同外出晚餐，今天便帶同他們外出逛逛順道用膳，最後我們便選擇到老地方金滿庭進餐，皆因他分店眾多並且老少咸宜。有機豆漿有機豆漿色澤呈現奶白色，入口冰涼絲滑，順喉解渴，甜度恰到好處，味道醇香濃厚，帶有黃豆的香氣。紫番蕃薯浸莧菜色澤碧綠的莧菜入口新鮮軟嫩，菜香味濃，帶有微微蒜香，紫番薯鮮甜軟糯，綿密香滑，整道菜沒有多加調味，簡單煮製，清淡健康。招牌炒飯招牌炒飯色澤金黃，炒得乾身，粒粒分明，配料豐富眾多，分別有肉粒、菜圃、雞蛋、蟹柳等，頂層再加入大量蟹籽作點綴，賣相吸引，入口香濃惹味，鹹香可口。一口小籠包小籠包一籠八件，外型細小正好可以一口一顆，入口湯汁流滿口腔，香濃惹味，外皮軟糯煙靭，內餡豐富飽滿，細嫩鮮美。北京水餃北京水餃一碟八隻，水餃外皮軟糯柔滑，厚薄適中，內餡帶有肉汁，鮮嫩彈牙，肉味濃郁，沾上醬汁進食更添美味。北京烤鴨鴨肉烤至色澤金黃，外層帶有少量油份，入口肉質新鮮嫩滑，肥瘦適中，鴨餅皮味道鹹香，柔韌軟糯，配搭進食甚是相配，惹味可口。整體而言，餐廳裝潢簡潔淡雅，環境舒適闊落，乾淨衛生，服務態度良好，食物用料新鮮，味道出色，是與家人朋友吃飯的好地方。

有一段時間都沒有去德福廣場這邊食飯， 朋友介紹这間金滿庭的食物唔錯， 今天專誠來到這間金滿庭試一試， 選擇了小籠包，這個小籠包湯汁滿滿即叫即蒸，味道鮮美。燻魚食京滬菜我必選， 這個燻魚賣相和味道都好好。簡簡單單的揚州炒飯亦炒得很乾身，足料味道好，整體這間金滿庭真的值得一试。

6:30入座，人不是太多，之後陸續有客，我坐卡位，一入座侍應派左四個紙袋比我哋入口罩，相當細心。呢間有五款全日菜式優惠，我揀了賽螃蟹$86，其餘都揀了正價菜式一口小籠包：皮薄適中，趁熱食好好食京醬肉絲拼叉子燒餅賽螃蟹：優惠價$86干扁四季豆：這碟好惹味玫瑰骨：果汁不錯豆腐三文治：這碟是冷盤，都幾夏日四個人食咗$720 ，價錢可以，朋友聚餐可以選擇這𥚃

母親節前夕，約埋親友一齊預早慶祝母親節。吾食正日，吾洗同人迫之餘，金滿庭下午茶有下午茶套餐，叫正價餐牌又有85折，免茶芥，免加一，真係好抵！自從德福三期多左上海菜館之後，金滿庭下午茶無以前咁多人，但可能疫情關係，剛放寬限聚令，多左人，不過我地一向早到先攞籌，所以好快入座。幫襯左好多年，最鍾意食佢嘅小籠包，皮薄多汁，好少失手，係我食過咁多間連鎖川滬菜館最正一間。另外重點推介流金歲月（流沙包），甜中帶咸香，吾膩，又「流沙」，好食我通常都一家五至八人黎幫襯，所以會叫一兩個面餐，鍾意佢啲面帶嚼勁，至放配菜，見仁見智。燻魚、素鵝都好食，素鵝菇夠，外脆內軟，燻魚更香脆可口，我媽媽最愛回鍋肉炒年糕，大碟又惹味，材料又足，出面好少有，好少人識食水煮魚反而有少少失望，今日個薯粉轉左幼身，吾係以前扁平狀，所以食落糊口吾夠彈牙，但個湯汁都一樣惹味夠辣勁。配個下午茶面條一樣咁正今日6人食，叫左一枱菜，都係六百幾，我抵食又開心

由於外賣有七折，所以上星期試了一次，覺得味道還可。於是今天晚上再在九龍灣分店叫了外賣麻辣酸菜雲吞，點知食到最後發現有一隻完整的曱甴，非常嘔心，立即反胃！🙄🙄🥵🥵🥵

今天沒在家中下廚，便與家人到附近商場進食晚餐，金滿庭座位寬躺舒適，而且中菜館適合男女老幼，我們便入內享用晚餐。紫心蕃薯浸莧菜紫心番薯口感較為結實，入口帶粉香，番薯味濃郁，味道香甜，莧菜質感柔軟，容易咀嚼，清爽嫩口。一口小籠包每籠有八隻，大小恰好，正好可以一口一隻，外皮薄身，呈現半透，夾起時卻不會易穿破，入口煙韌，內裡饀料充足，肉汁豐富，帶有甜味，味道鮮美濃郁。北京烤鴨薄餅鴨皮色澤紅潤，把鴨肉連皮切成一塊塊，再用薄餅包上青瓜條、醬料等配料進食。咬開包好的烤鴨薄餅，濃郁的甜麵醬先湧入口腔，鴨皮中的油脂與薄餅中和，恰到好處，鴨皮的汁豐盈飽滿，酥脆滑潤，鴨肉肉質肥而不膩，嫩滑惹味。翡翠鮮魚羹鮮魚羹用料充足，真材實料，顏色雪白翠綠，每口均充滿魚肉，口感清爽，魚肉鮮嫩軟滑，湯汁入口濃稠，鮮甜味美。排骨蛋炒飯飯粒幼身條長，炒得乾身，粒粒分明，蛋香十足，香口惹味，排骨色澤金黃，選用厚切的方式，入口更有口感，外層酥脆，肉味濃郁，軟嫩帶肉汁。水煮牛肉特意選用水煮的方法，目的是使牛肉的營養流失得最少，這碟水煮牛肉除了滿滿的牛肉外，還有水晶粉，上桌辣香撲鼻，牛肉入口嫩滑醇厚，香濃軟腍，水晶粉煙韌入味，嚼勁十足

同朋友去左九龍灣，又唔知食咩，咪是但試下e間，叫左3樣野，(因為價錢比較貴)小籠包，擔擔麵，雞絲粉皮(e碟野都80蚊)，服務員問我地飲咩茶，叫香片話佢地無，應該比我地睇下有咩，大部分茶樓都有，好奇怪，最後叫左玄米茶(服務員無講，係自己睇餐牌見到)都幾特別。小籠包:新鮮，又多汁，皮薄餡靚擔擔麵:同正常ge擔擔麵有d唔一樣味雞絲粉皮麻醬味太重，雖說佢份量多，但都係一般般食物好一般，又貴，咁樣就食左227。

整體昨晚菜色很美味 （當中北京片皮鴨、流金歲月 /流沙包、酒釀丸子、花香玫瑰骨和賽螃蟹……等），昨晚食團年飯 （共10人）因預先訂枱，他們安排 VIP 房間及我們全家人可以自由自在地開 Party 的感覺，我十分喜歡這次安排及讚許金滿庭員工服務很好。

難得約到好耐無見的朋友帶埋BB出黎見面，於是搵間坐得舒服D的地方食Brunch 。九龍灣德福廣場真係有好多選擇，最後我地揀咗《金滿庭》因為星期日的關係，所以我早幾日前已經book左12:30pm的枱，入座時其實都仲有好多枱未坐滿，但到1:00pm已經坐爆哂。花雕醉雞雞都幾嫩滑，聞落去好重酒香味，但食落口又唔覺咁勁酒味👍🏻流金歲月～即係流沙奶黃飽，表面平平無奇，但真係內有乾坤嘩好流呀⋯⋯熱辣辣，起沙的口感，好好味呀炒鱔糊有葱，韮黃，芽菜，鱔，我個人覺得咸左少少，但味道都可以排骨湯拉麵排骨都炸得幾脆，放耐左都無‘林’哂麵條真係值得一讚，口感好好湯底都好味招牌炒飯一上枱就聞到好香好香的飯味，當堂垂涎欲滴，流哂口水🤤🤤，食入口真心唔差，可以一試其實我地仲叫左砂鍋雲吞雞半隻，但因為張枱無位，所以佢擺左另一邊幫我地分，最後唔記得影相😥砂鍋雲吞雞半隻有好多娃娃菜，大約10粒雲吞，半隻雞都算大隻，湯頭都好味👍🏻👍🏻

中秋正日跟同事打算食餐好慶下節，預早幾日打電話去訂檯已經 Full 左，唯有預早去walk-in 碰碰運氣。12點20分就去到，估唔到唔洗等就順利入閘。點左松子魚，小籠包，螞蟻上樹，海蜇，高力豆沙，雙面黃。通通都係等了又等，追了又追。食完正餐就叫上高力豆沙，等左二十分鐘，再追之後就叫埋單，埋單速度十分之高，唔洗三分鐘就計卡都碌完。再等十分鐘都未到。但其他檯既高力豆沙陸續送上。再追問下經理話要再等半個鐘！咩話？再等半個鐘？我係一坐低就叫，大大話話等左個半鐘，依家仲要等？而最後只有無奈咁取消。食物質素都免得再作評論，因為寫完大家都會覺得怒氣而變得不中肯。

前菜- 青瓜酸酸辣辣又開胃，好味的，不過唔知收幾銀。醉雞 ，鍾意佢夠醉，花雕好香好濃，用來飲真的一流架。不過件雞的肉質就一般般，亦唔算入味。紫薯浸莧菜，新鮮又大碟，紫薯幾甜的。可惜湯底咸左D，師傅重手了。一口小籠包 五隻皮算薄，饀料亦幾好味，有水準啦。生煎包 三隻都幾香，唔油膩，食得過。桂花丸子 一碗麻麻地，可以 skip . 裝修同服務都 ok 啦，不過不失。埋單四百幾，其實只係叫左幾款小食啫⋯⋯前菜茶水 mark 得高，感覺偏貴。

金滿庭的熏魚是我太久沒吃就會想念的東東，適逢要送保單給客戶朋友，而她要請我補吃生日飯，的確是有一段時間沒去了，想都不想就是她了。而最後我們決定試新嘢，並沒有叫熏魚🙈宮保蝦球是我每次去北京樓都必點的菜式，見這裡也有，一於試試。份量非常大方，總共有9大只，份量是北京樓的1.5倍，而價格只是北京樓的不足8成，熱辣辣，皮脆蝦肉彈牙，最重要的是調汁酸甜稠度適中，完美配搭。突然想吃酸菜魚，用的是桂花魚，賣相一般，但份量很足，魚塊入口滑溜，酸菜酸度適中，脆口，伴菜萵筍和筍塊很爽脆，還有粉條也很入味。我們都想來點香口的，廚師推薦有爆炒魷魚鬚，竟然炒出了大排檔的鑊味，魷魚鬚鮮甜爽脆，還有伴碟的萵筍和西芹絲相當入味，送飯一流。唯一不足的是偏鹹了一些。光顧金滿庭超過10年了，試過奧海城和荷李活的分店，最喜歡的還是德福二期的分店，高高的卡位很有私密度，非常適合三五好友相約共享美食，小聲說大聲笑而食物水平長期保持在線，在星期二的晚上也幾乎有8成滿，實力的見證。

好耐冇食過上海野，今日上左德福二期試下呢間，我地睇開飯都覺得佢高價，不過又好想食！一於試一下！唔駛等位，直入！我地坐底冇耐又選擇困難上身。睇左好耐，終於選到！小食可以叫孖寶，每人叫左一個，水晶肴肉同醋香蓮藕雲耳！我地鍾意個蓮藕雲耳，好入耳，醋令到大家都開胃左。個肴肉點醋都唔錯 👍🏻 個水晶既湯汁入口即溶！我既酸辣湯麵，個湯唔錯，酸辣適中，入面好多料！麵又唔會過淋，都算彈牙！我老婆叫左嫩雞煨麵，個湯底好濃雞味，都唔明點解佢咁鍾意食淋麵 😂 入面仲有一量菜，佢話好食！梗係要試埋佢既小籠包啦，入面湯汁好甜！皮薄都唔錯

作為酸同甜食愛好者，川菜同上海菜係大愛，而且食唔厭，今日家庭聚餐係呢度真係岩哂。1.擔擔麵加酸辣湯： 麵嘅湯底有微酸同微辣感，有花生醬嘅香滑，配上蔥花同肉碎，唔會太膩，麵質係爽口類。酸辣湯方面，材料有蛋花、木耳絲、冬菇絲等等，酸味突出，辣略為不足，家人另加豆板醬調味先夠。2.上海粗炒+醉雞翼粗炒就係黑黑地果碟，正常味道。醉雞翼酒味濃，而且切到細細件容易食。3.小籠包：皮夠薄但又qq,夾住個頂都唔會我個痴底，入面肉汁好多，點點醋後更好味。4.餃子+雞絲粉皮餃子皮薄，肉唔肥，粉皮配上青瓜絲，味道清新。5.呆佬炒飯：有蛋白、瑤柱、菜粒，飯幾香口，一粒粒有唔感，份量唔細，推介！6.豆沙鍋餅：睇開我食評應該見過我食過唔少豆沙鍋餅，呢間都係平均水準，優秀之處係豆沙夠多，邊位都唔太厚，食邊part都有饀。7.高力豆沙，呢個推介！炸起左嘅蛋白入面有豆沙係意料之外，但令佢更香嘅係入面有一細舊嘅香蕉，估唔到咁夾，口感又係幼滑，甜甜地又軟綿綿咁，第一次食高力豆沙，好味！員工細心有禮，主動收盤，臨走前會提醒帶齊野

今天會到九龍灣和朋友吃飯，談談小朋友仔經，分享一下照顧小朋友的心得，所以來到德福的金滿庭，一邊食飯，一邊談天。酸辣湯酸辣湯外觀和食材也是和普遍的酸辣湯沒有太大的分別，不過味道耳酸味為主，辣味比較清淡。炸銀絲卷銀絲卷上枱時，外層炸得香脆可口，熱度十足手。內裏一絲絲的麵包餡，沾一吓煉奶，味道甜而不膩。紫心蕃薯浸莧菜長方形的紫心番薯還繞著中間的莧菜，增加不少視覺效果，紫心番薯較為結實，味道清甜。 莧菜爽口。一口小籠包小籠包大細適中，可以一啖一隻。外皮煙韌，富彈性，內裏肉汁豐富。賽螃蟹有些餐廳會舖上蛋黃，但可能是雞蛋衛生問題，這裏的賽螃蟹主要以蛋白煮成。細滑順口是小孩子送飯的恩物。雪菜肉絲拉麵雪菜肉絲和拉麵豉分開上的。湯底是清雞湯。麵底爽滑順口，雪菜清新，肉絲味清淡。排骨蛋炒飯排骨外層炸得香脆可口，肉質嫰滑，只是帶一點乾身。雞蛋均勻地黏上每粒飯，飯粒乾身明顯。鮑魚花膠撈粗麵花膠濕潤細滑，但是味道清淡，沒有半點味道。 鮑魚煙韌，味道不見濃郁。撈麵煙韌河口，醬汁順滑。流金歲月其實是奶黃包，內裏餡料非常流心，蛋黃味道非常濃郁，實在與一般的非常不同。總體而言，價錢是比較昂貴的，菜式味道各有千秋，當然其