家上海 (東港城)

Open Now

Now Closed

今晚3人去食，大約20:45入場，服務員問我們：”介唔介意坐6人枱？”（入場時坐滿，只有剩下兩張6人枱和1張12人枱）, 我們接受服務員的安排入坐，入坐後員工說明21:30最後落單；入內後環境闊落舒適的。點菜發覺特別要讚揚設有素菜選擇.點了一松子魚、上海粗炒、一素紅油炒手，食品味道做得唔錯，後加了一津白和高力豆沙。用餐時一名Trainee在執拾身邊的枱，來來回回的行，－邊行一邊咳，沒有帶口罩、亦沒有用手遮蓋口部😖－素紅油炒手原本很讚賞，怎料食到中途，發現一條約一吋半微卷曲的黑色毛髮(是頭以外身體其他部位）黏著🤮🤮🤮🤮🤮🤮過份！咩胃口都無晒！！向經理反映，經理隨即取消此碟食品，說唔好意思和已取消，並送上點了的高力豆沙。食到中場剛才沒有口罩在側邊來回咳的Trainee好勤力的不斷行埋我們枱看（當時很害怕她行埋來時會咳）有沒有食完的碟，只要一完便立即收走🤔其實是否想我們快點離開？🤔這晚餐真的起起落落，埋單跟經理反映，經理以為我再提食品問題，立即先道歉回應：”唔好意思有啲錯失”，後來跟經理反映trainee 的問題，希望香港的餐飲業做得好，留住客人在港消費；埋單後便快快離開算了。怎料回家才發覺

今日嚟坑口東港城家上海食個上海lunch，新開張時已經來過一次。🥢淮揚五福拼盤蜜汁脆鱔甜甜地最正，呢度本身醉雞都好入味，酒味又夠香，另外仲有水晶肴肉，青瓜海蜇頭，四喜烤夫，總共五福🥢脆煎灌湯小籠包用鐵板上枱，咋咋聲熱辣辣，包底香脆，食小籠包又有食生煎包嘅感覺🥢蓮香蜜餞火方火腿加脆片，同淋上蜜汁，好好味👍🏻淨食粒蓮子都正~🥢上海海參酸辣湯有少少海參算足料，未算好辣但夠酸🥢招牌十景揚州炒飯炒飯粒粒分明乾身，好香口。

同朋友4個人叫左7樣野食，5個都幾好味㗎👍🏽2個令我有啲失望👎🏽首先講下好食嘅先:👍🏽鎮江冰官肴蹄 (水晶肴肉) $82朋友介紹，第一次食，覺得幾特別幾易入口，係好味嘅😋初初望住覺得啲透透地明係肥膏唔想放入口，不過試完第一粒就好自然會想食第二粒😂👍🏽麻香雞絲粉皮 $68上海菜最有保證嘅選擇😂所以冇得輸，仲幾好食！👍🏽鐵板蔥爆羊肉 $128相比之下，依個有啲油淋淋，不過羊肉嘅質地唔差，同埋幾入味👍🏽薺菜肉絲炒年糕 $88望落覺得好普通嘅炒年糕，食落好易入口，好好味，唔覺唔覺食左2-3碗😅👍🏽脆煎灌湯小籠包 $54脆底嘅小籠包，湯汁好鮮味，個肉都好juicy 👍🏽個底脆左，容易夾好多，唔會失手😏剩返依兩個真心失望，唔係話平，但係真係唔好食☹️👎🏽蜜汁脆鱔 $90依個好失望，冇魚味，冇肉味，剩係一堆條狀嘅炸絲，配埋都啲膩嘅蜜汁😔唔推介😔👎🏽蓮香蜜餞火方 (四件) $128依個脆片太簿，我食過用米餅整嘅會好食好多，而且依個蜜餞用嘅甜有啲假甜同好水，所以唔推介😔

聖誕節識揀梗係揀中餐但又諗唔到食咩😆大概7點左右 見冇乜人排隊就試吓呢間，入到去舖面都幾大，坐位都舒適，枱與枱之間隔得開 唔會感覺很擠逼，入坐後無耐出面已經多人排，第一次食，食物味道都算可以，服務都ok,呢間上海菜好新潮，有煎小籠包，下次可以試吓，因為點菜時服務員都有問要煎定要蒸，當然無為意，之後見到枱枱都差唔多叫煎小籠包，應該味道不錯，整體嚟講都ok!最後點咗杯楊枝甘露特飲，呢杯野味道比較酸，可以不點

一行9人 用餐體驗是 侍應好似催命化咁，一小時30分鐘用餐時間，當你食左一小時 便會不斷走黎「提醒」你，「仲有無咩要叫」「差不多截單」啲餸淨一半，已經行黎收野好香港style,香港人做咩都要快🤣，你想慢慢食餐飯 都唔洗諗不過我哋agree左個半鐘 都無野好講，但係食左一小時就走黎死催爛催 真係有啲過分啲野食以坑口區來講是ok,但蜜汁火方好唔得，塊脆片唔脆，個汁好水，正常係傑身掛住啲肉，依家搞到點完個汁再夾喺包裡面搞到連個包都濕左😓

呢間野真係越做越衰之前一個月最小黎食一次唔夠staff都算連叫個白飯都可以等幾個字三催四請之下話蒸緊點知出到黎先經典夠膽死硬到好似無煮過小啲牙力都咬唔爛碗石頭飯最後三份一碗無食到有coupon都唔會再黎！今次真係食到一肚氣啲餸都唔係平但咁既份量咁既service(基本上係無)去食既人真係要三思 Not value for money given the price isn’t cheap but service is poor, plus long queuing time during peak hours. Pls reconsider if you should try out this restaurant, a lot better options with this price.

前排經過位於東港城的家上海已經好想試下， 但因為太多人排隊，所以今次就下午茶時間先過嚟。 大約兩點幾到達都要等一陣先可以入座， 但入到店內發現原來有幾張枱沒有坐滿的。 下午茶時段兩點至五點， 可以點套餐，上海粗炒配麻香雞絲粉皮$78、 招牌十景揚州炒飯配女兒紅醉雞$78、 上海擔擔麵配金牌小籠包$78、 鮮肉鍋貼$38。 ▫️上海粗炒 ～ 份量偏少，但可能下午茶都係咁上下， 味道不錯， 配上豆瓣醬吃好惹味。 ▫️麻香雞絲粉皮 ～ 粉皮都幾q彈， 如果麻醬可以再多啲就更好。 ▫️招牌十景揚州炒飯 ～ 炒得夠乾身，粒粒分明。 ▫️女兒紅醉雞 ～ 酒味香濃，雞肉用酒提香， 特別美味。 ▫️上海擔擔麵 ～ 湯底濃郁鮮香，辣度剛剛好， 擔擔麵的口感偏腍。 ▫️金牌小籠包 ～ 小籠包湯汁好飽滿， 趁熱食好正。 ▫️鮮肉鍋貼 ～ 外皮酥脆內餡香甜， 味道不錯呀！ 幾款菜式都做得好， 下次有機會嚟試下晚餐先。 🏷️溫馨提示～ 整個用餐體驗均屬個人分享意見， 只作參考😊。

多人排隊，但係好食嘅上海菜！喺將軍澳都有幾間上海菜食，但係呢間見到成日都好多人咁就等佢試吓！又真係幾好食嗰啲嘢！小籠包生煎包都好味！不過落單嗰個唔知經理定係侍應有啲串串地地話我地點得多包，話我哋菜單剩係得啲包，洗唔洗點下啲其他嘢，之後就推銷貴啲嘅菜😅不過我啲長輩同埋我小朋友都係鍾意食包點類唔係好想理佢，第一次食嘢會俾人問點咁多包唔點吓其他嘢😅感覺服務有啲奇怪。但係質素嚟講就真係好食嘅，如果唔使排隊嘅話會食多幾次！

住將軍澳嘅朋友，相信對這間上海菜館，不會陌生！還記得開張嘅時候，等位可以等到你懷疑人生都等唔到！所以到目前為止，我仍然選擇中午來食！因為中午時間無咁多人！但唔否認，這間上海菜館的確係有水準嘅，所以就算排隊也是值得的

早幾天吃過覺得高質數的上海菜，番尋味，但今次吃傳統的食物，如小籠包，酸棘湯等。叫了一個2人套餐$398， 有2個冷盤： 麻香雞𢇁粉皮： 清滋小排骨 - 甜甜酸酸好味；酸棘湯 - 酸棘味配合得很好 （散叫一位是$58）；兩條香煎小黃魚 - 香脆 （散叫已是$102）；百頁結紅燒肉 - 有火熱住上但味淡肉不鬆，最不好的一碟；脆煎灌湯小籠包- 用鐵板上，有4隻，一直保持好熱，吃時要小心，好味而且湯水也多 （散叫是5隻）；酒釀小丸子 - 不過不失。整體好大份量，我倆二人吃剩了紅燒肉和小丸子。很多客人所以限時90 分鐘，我5:30 入座，6時已差不多滿座，走時7時門口又見很多人等位了！

區外人在東港城逛街，無意中選擇到「家上海」吃晚飯，有意外驚喜。食物質數佳，價錢抵吃。難怪7:15 走時，星期一晚也多人在等位。叫了一個每位$398的二人套餐，但二人收一位價，當然最後埋單計$796的加一，$15 碟小食，二位茶各$13， 共$510 。茶還選了特別的人參烏龍，非常好味😋菜單中有二冷盤；魚翅佛跳牆，但其實是響螺火腿煲雞腳加幾條翅糖醋魚乳鴿各人半隻年糕炒蝦蝦蟹炒飯酒釀小丸子整體都是一間值得去的食肆。

今次六个人来食饭，因为节日所以八点半开始，等过了八九个字才有台。小笼包上菜很快，不过特别容易破，需要格外小心。点了黄鱼年糕，这个年糕比另外一个全素没味道的年糕要好吃，但是黄鱼肉质松散，似乎不太优质。拼盘比较推荐，可以一下子吃到好几种上海特色。干煸四季豆肉末很足，就是有点不好夹上来。有个香烤的鸡肉特别不错，皮脆肉香，我食多几块，意犹未尽，第二天都有点上火。服务员会劝少点菜，分量是比较足够的，这点不错。

光頭佬侍應極大負能量散發及極差態度，完全係趕客，去食準備好心理準備受氣，給他出氣，一家人都食得最唔開心一次，呢一世去唔會去！講真，就算請我去都唔會再去，有啲咁嘅侍應，我會同朋友親戚講全部人講，要去既話好，唔好叫光頭果個落單、唔好叫佢做嘢、唔好煩佢！令人感覺極差，我點多個白飯，就講 “等啲餸上先啦，之後先叫啦”，原來唔可以咁落單㗎？！其實，説話內容冇問題，但口氣就係乞人憎、極端討厭，食餐飯要受咁既對待，搵鬼去食咩，再好食都冇下次！黑口黑面，一入到去就叫我點餐，大佬呀，我哋八個人，先黎咗兩個，有冇常識？！兩個人先洗完啲碗，就收起個洗碗樽，問都冇問，加上其他六個都未黎，好明顯自己想點就點做，好嘢👏。最後，仲要兇狠望住我，一直望，我咪同佢互望，怕佢呀，之後咪係唔敢同我嘈，不過，香港啲低級餐廳好多呢啲侍應，真係怕！

🌟家上海🌟高質上海菜💁🏻‍♀️家的感覺放假下奏去左坑口行下發現到呢間上海餐廳有個扺食下午茶餐叫左上海擔擔麵配金牌小籠包餐💁🏻‍♀️上海擔擔麵質地好煙靭彈牙湯底辣味適中 花生味好香濃 啖啖都有粒粒花生粒 每條麵條都掛湯好出色💁🏻‍♀️小籠包夠Juicy 皮質地夠簿肉都夠香$78 呢個下午茶set 質素頗高 大家不妨一試特別要讚吓侍應服務超級好呀食物: 9/10環境: 9/10服務: 9/10性價比: 9/10

現場拎飛後等咗成個鐘先有檯。佢嘅等位系統極不公平,1-2人檯去得好快,但3-4人檯就等極都唔郁,keep住有近20張飛等緊。明明有啲相鄰2人檯,都唔識夾埋做3-4人檯,管理之混亂實不能理解。 店內職員似乎完全唔知道自己做緊咩,全部呆呆地,我哋坐咗幾分鐘又無餐牌又無俾茶,結果要自己去拎。個個職員都好似好匆忙,但其實並唔係真係咁多客舉手或要送餐,而且不斷傳出啲盆碗碰撞聲,場面一片熱鬧。 食物方面其實幾唔錯,尤其小籠包皮薄多汁,而臭豆腐都夠臭又夠脆。但質素係咪值得咁等候同埋一個咁差嘅用膳氣氛?