摩豆

Open Now

Now Closed

台灣朋友仔講左好耐的香港之旅終於成行，比左水蛇list比我話要我帶佢地要去食，其中一樣係：雞蛋仔我一聽到即刻頭都大埋，大家都知道而家要搵到一間好食的雞蛋仔係有幾難，係我R爆頭之際，腦海突然出現我老死之前同過我講旺角中心有間好食雞蛋仔，雖然我無食咁，但我信佢，因為我唔想再諗😂🤣好唔容易係旺中呢個迷宮搵到呢間：Modos叫左個朱古力雞蛋仔＋紅西柚綠色，盛惠四十大元野飲好快整好，外表無特別，飲落特別澀，澀到打哂冷震，即刻覺得扣哂分。好擔心個雞蛋仔。😥呢個時候雞蛋仔都攪掂喇！一放入唔，外脆👍內軟👍仲彈牙👍好香的雞蛋味👌，再黎就係朱古力味，朱古力唔甜👍，但好香😍😍😍好好食吖！！！💕即刻攞反一百份😍

今日行街經過旺中，都發現最近多咗好多小食店，由於有少少肚餓同口痕，所以就揀咗間小食嚟食啦今日揀咗個位於三樓嘅雞蛋仔，由於我習慣咗做勇者，專係想搵啲新奇得意嘅嘢嚟食，所以今次就決定係你嘞，鳳梨酥雞蛋仔等咗唔夠五分鐘就有雞蛋仔食喇，講真，佢嘅外皮做得唔錯，真係幾脆，雞蛋仔嘅浴室都係好鬆軟嘅，純粹係雞蛋仔嚟講都係好食嘅，不過夾雜咗鳳梨酥嘅味道呢，我個人就覺得偏酸咗一啲，同埋重口味左，有時創意呢啲野真係好難拿捏嘅，所以試唔試就睇下大家嘅興趣喇，我覺得是返比較傳統嘅味會好啲喇

背景🗺️：～位處旺角中心，十分方便👍～等候時間較長，平常需等4張單時間，15分鐘菜式📃：～新式格仔餅，雞蛋仔小編總評👶🏻💭：～多種口味，價錢合理，性價比可以👍～即叫即做，口感脆卜卜👍～截至目前，小編試過，最煙韌嘅餅身！👍👍原味格仔餅 $19～即叫即做，非常脆口！👍～餅身厚度中等ℹ️~非常煙韌！👍👍～配上牛油，花生醬，煉奶，但醬份量比一般店少ℹ️～最特别配上少鹽，增加煉奶順滑口感👍～惟餅底烘得略燶👎賣相：😋😋😋😋味道：😋😋😋😋😋內餅底略燶…😢看見餅肉有一個一個空氣洞，令餅身非常軟嫩煙韌！👍👍(p.s. 👍:讚, 👎:彈, ℹ️:見人見智)

曾經佢都係我覺得最好食嘅一間雞蛋仔，依家熱潮不再，星期六都唔使等，叫完好快就有得食。斑蘭雞蛋仔$20一底都幾脆，入邊都幾軟糯，不過班蘭味唔出，又唔夠粉漿，同原味差唔多，失望了

去到旺角中心，除左買野之外，就一定係來掃街，今次我就比左個蜂蜜雞蛋仔所吸引到，所以就二話不說咁買左落來食。本來雞蛋仔係平平無奇之物，但加左蜂蜜苟去又變左做另外一種玩法，味道即時好食左好多。

平時行旺角血拼，喺餐與餐之間好易肚餓食旺中小食填肚最好不過平時食間呢間嘅蜂蜜爆珠雞蛋仔今次想轉下口味於是試下玉桂蘋果格仔餅即整關係，等左10分鐘左右到手熱辣辣玉桂蘋果份量好足！粒粒果肉！又熱又脆嘅格仔餅撞上凍又綿嘅玉桂蘋果真係冰火😂😂😂😂🙊$29價格都算還好，都夠飽肚都欣賞紙袋夠好，就算漏汁都唔會透到紙袋，整污糟手超好味，成日都諗起想再食欣賞小店有好多創新口味下次再嚟行一定會再試其他口味

好耐冇去掃街天氣咁熱 緊係留係室內嘆冷氣旺角中心就係一個好選擇😬3層美食街.Modos雞蛋仔已經食過幾次今次就試紫薯味($29) 價錢唔便宜但用左GoodMalling只需加多$4就有紫薯雞蛋仔+紅西柚綠茶 慳唔少.紫薯雞蛋仔🍠雖然紫薯味甜左少少 但雞蛋仔超級脆然後食落個饀好煙韌 好似有麻糬咁？食到停唔到 覺得賣到咁貴係有道理的.紅西柚綠茶🍵有驚喜 飲第一啖就已經好重西柚味好多果肉又開胃 後勁係綠茶嘅甘甜味道一啲都唔假👍🏻絕對試得過

今晚去左旺角食飯食完都未夠喉仲想食d小食😙記得旺中有呢間「摩豆」😍我最鐘意就係食呢個「流心蜂蜜雞蛋仔 $24」每粒雞蛋仔都有粒爆珠蜂蜜咬落去有種爆開既感覺好治癒🤩🤩即叫即製等左一陣今晚又唔算好多人買熱辣辣脆卜卜好好食要盡快食先好味一凍左就會林左佢地個雞蛋仔仲有好多種口味架除左雞蛋仔仲有格仔餅一樣好吸引😍下次再來食過先今次整體黎講係好味既👏🏻5⭐️為最高味道：⭐️⭐️⭐️⭐️推薦：⭐️⭐️⭐️⭐️回頭：⭐️⭐️⭐️⭐️

朱古力雞蛋仔 之前有friend食過呢一間嘅雞蛋仔 仲話幾好味 今日見得閒冇嘢做我一於買來試吓 21蚊一個朱古力雞蛋仔 講真價錢唔算平 如果好食都冇問題嘅 但係食完唔會再買囉 唔知係咪整完吹風得唔夠耐 因為平時我見啲人整雞蛋仔都會擺上鐵網吹一陣風先至入袋 可能係想令到雞蛋仔個皮脆口啲 點知呢個$21嘅雞蛋仔一啲都唔趣 唔脆呀 好腍 不過裏面有朱古力粒 所以食到啲蛋味同埋朱古力味 好彩有朱古力粒 如果唔係 咁腍嘅雞蛋仔真係唔知自己食緊乜 個friend仲話呢間幾好食 我真係諗唔明有咩咁好食 定係今次我真係黑仔撞正唔好食嘅一次 下次睇吓有冇機會再買多次食啦 但係今次第一次食嘅印象就唔係咁好啦

黎到旺中行街 越來越多立食區經過口痕見到呢間摩豆專賣唔同口味既雞蛋仔格仔餅心郁郁想試下 因為本人鐘意茶味既野所以就叫左伯爵茶雞多蛋仔滿心期待佢既味出黎會點之外 更希望食到雞蛋仔外脆內軟既口感睇呢一面既雞蛋仔都okay佢好快就整好 心念效率咁快 味道系味又比到貨結果大失所望佢嘅味道好奇怪之外外唔脆內唔軟入面空LL 食緊乾海綿咁款🤦🏿‍♀️真系食到一半都食唔落了仲要成$24蚊 出面平既買到2底原味雞蛋仔🤦🏿‍♀️好失望

一向鍾意食雞蛋仔的我，都會四出找尋不同的雞蛋仔！最懷念以前街邊炭火燒雞蛋仔！最好味！今次行開旺角又試吓呢間雞蛋仔！原味雞蛋仔係我覺得最好食嘅！最能夠試出雞蛋仔嘅味道！我對雞蛋仔嘅要求好簡單！只要佢有蛋味，係足料！唔會好似食麵粉漿！凍左都依然脆！我就覺得好好食呢間嘅雞蛋仔都好有蛋味！最重要係好脆！唔會林左就唔好食！👍👍👍👍價錢就一般！雞蛋仔來講算係貴！但係味道有幾好食嘅！同埋係商場入邊！加埋鋪租！

以「雞蛋仔」作為招牌代表小食的港式小食店「摩豆」（Modos），本來在香港都算薄有名氣，而且「摩豆」在香港開設的分店的數目，高峰時期亦曾經做到接近五間，包括在牛頭角「淘大花園」與「BoXe」合營的分店。可能「摩豆」在牛頭角「淘大花園」跟「BoXe」的合營店，「摩豆」最後還是自行宣佈「結業」，名義上放棄「淘大花園」分店店舖的管理權，原有舖位最後亦變成了「BoXe」獨立經營的分店。再加上「摩豆」在其他地方經營的分店，亦都通過宣佈結業，實際結業原因我就不是太清楚了。我只知道現在的「摩豆」，在香港的業務裡面，只剩下在旺角「旺角中心」一期，碩果僅存的「唯一」分店。現在只剩下最後一間分店的「摩豆」，雖然仍然有食客購買輪候「雞蛋仔」，以及「格仔餅」美食，但是我卻在「摩豆」碩果僅存的唯一旺角分店裡面，看到一間慘澹經營，掙扎求存的港式小食店。現在光顧旺角「摩豆」，購買旺角「摩豆」廚房店員製作的「雞蛋仔」，跟「格仔餅」的食客又何曾記起，「摩豆」昔日在旺角街頭售賣雞蛋仔小食，大量食客慕名而來排隊的壯觀場面呢？雖然現在的「摩豆」只剩下暫時唯一一間分店，「摩豆」賣雞蛋仔狀況雖然看似不太理想，但是「摩豆」售賣的招

⚫⚫黑芝麻雞蛋仔$29⚫⚫真係無要錯 非常好吃呢💕💕每粒都有不少黑芝麻 但又不會過量很香濃亦天然  不會很甜 帶點沙沙感😍仲食到雞蛋仔嘅蛋香都係咁外脆內鬆 薄身 不會過硬好推薦呢個新口味👏👏.🍯蜂蜜流心雞蛋仔+茉莉花蜜茶🍵🍵 之前已經食過一次呢款雞蛋仔 覺得今次雞蛋仔個口感好咗👍👍而家粉漿唔過厚 所以外層有薄脆感 而且負擔感少咗內裏約一半係雞蛋仔 一半係蜂蜜爆珠熱食嘅話 雞蛋仔嘅蛋香出啲室溫食個蜂蜜爆珠又出翻黎🍯🍯輕鬆ko😝.同場加映嘅茶 竟然好有驚喜😍😍本身對茉莉花...得tempo嘅印象😇但呢個好香但唔俗氣 而且蜂蜜夠多所以花香中帶甜 好舒服 又解甜膩😌😌.呀!以有餡嘅雞蛋仔黎講 呢間算出得好快👍仲要即點即整 兩個都可以5分鐘左右到手👍

出了旺角買嘢，買完嘢肚餓又未到食飯時間，咁就諗住揾啲小吃食吓，老婆醒起之前係Klook買了一堆coupon就到期，就找出了這個鷄蛋仔連益力多沙冰套餐，之前係Klook買才$10，真係超值。地點原來係旺中，就上去看看。以前來旺中，都係陪老婆買衫褲鞋襪，估唔到而家多了很多小食店。套餐鷄蛋仔可選芝士鷄蛋仔或流心蜂蜜鷄蛋仔，我們選芝士鷄蛋仔，因為單買芝士鷄蛋仔$26，而 流心蜂蜜鷄蛋仔才$24，梗係選擇貴啲食🤣，等咗一陣就整好，因為攤得唔夠耐，所以唔夠脆，不過芝士好夾鷄蛋仔，味道十分好吃😋。而益力多沙冰就是用乳酸飲品打成沙冰，普普通通，不過用$10可以食到呢個餐，真係十分超值🥂。

其實我又真係好鍾意食雞蛋仔既！之前見「摩豆」都有分店，仲有時有人龍添，但依家好似得番旺中呢一間，「摩豆」「modos」位於2樓，見佢 主打超過十款雞蛋仔口味，好似坊間少有嘅斑蘭味、積及橙朱古力味、肉鬆蝦乾味，以及羅宋湯口味雞蛋 ...之前嚐過流心蜂蜜雞蛋仔，味道挺不錯。今趟就試試積及橙朱古力味同土鳳梨酥雞蛋仔。即叫即製，雞蛋仔等上一些時間，店員由倒蛋漿、烘烤、冷卻，香濃的味道直撲鼻，確是令人垂涎不已，急不及待啊。🔹新鮮出爐的雞蛋仔，感受到那份熱度和重量，雖不致是燙手，但於漸涼的天氣下起了暖手作用。加入積及橙朱古力，令外表顏色呈深橙色，未食都已聞到積及橙的濃郁香。把漲卜卜的雞蛋仔反過來一看，原來背面是烘得金黃焦香溶合了朱古力，非常吸引。🔹土鳳梨酥雞蛋仔較清淡自然，唔似落香精，食到有蛋香。質感方面賣相挺身，中心填滿餡料，很紮實綿密，像小蛋糕的口感不會太膩！邊位位置是脆脆的，但略嫌外層較快變腍！比起媽呼雞蛋仔我覺得媽咪好吃一點喔。但都算不錯啦。